國皇的婚禮: 「小一叩門戰」未完! 收唔到電話Call Offer 點算? 幾時要寄叩門信?(國皇之家個人建議)

今年大抽獎派得唔好而家仲可以點?

國皇之家建議大家今星期寄第二封求位/叩門信比學校。

點解???下面呢篇Blog 寫左原因加建議要點

[呢篇blog寫於6月大抽獎放榜後]

今年準備升小一既家長相信已經過左好難忘既六月....

之前係呢篇blog寫左不同小學申請/收表日期面試日期(首輪)

2018-2019年度全港超過80間熱門小學叩門及面試日期(音樂椅遊戲)

好多小朋友已經考完晒叩門試

左考試週

好多準小一生既「叩門戰」亦都已經陸陸續續有結果

💯 ，

成功好

/ 失敗好

接下來既就係派成績表既時間

!!，

有好既小一Offer 當然恭喜妳，不過年年都總有人不幸。

[呢篇Blog 只係寫返我地既過來人經驗分享
，並唔代表咩教育專家或者KOL 意見，覺得我地係怪獸家長既千奇唔好跟，
當係錯誤示範好了]

==============================================

大抽獎之後個個都派到心儀小學 !?

文迪永勝成日都話，世界有咁美好就好啦 !!

以數據計，最少有三成係派首三志願以外，

不得不提出面個個觀眾都以為抽到第三就係好??

呢點我地絕對唔認同。

只係今年大家都唔敢"搏" ，無咁進取咋。

今年放得係第三既，已經差不多係"防寶線"無咁"寶"既學校，

呢個大抽獎遊戲一直都係有人歡喜有人愁 !

知道呢一刻仲要"徬徨"既父母絕對唔係要求啲咩名校 !!

我地好明白父母既心情，可能只係想入返一D區內二線小學或者唔想入間"寶"校 !!

亦有可能大抽獎派得差派左唔知去邊既小學想叩返近D既小學校.......

當然妳想再換Offer，再叩間好D既小學亦可以用下面既方法!!

重點:「叩門戰」已經完左 !!收唔到電話Call Offer 點算?

當好多教育專家/親子網已經主力講(宣傳)返 K2 嘅小朋友點樣準備升小，

新一年(2019-2020) 私小邊間開始報名/邊間面試既時間 !!

我當時六月都反問自己，咁今年大抽獎派得唔好既家長小朋友而家可以點?

除左接受命運仲可以做D咩??

<個人經歷>
叩門叩左啦，不過一個學校電話都無收到，
最困擾既係Whatsapp 斷斷續續有好多小朋友成功叩門消息，
仲問大家揀 A 名小好定B 名小邊間好? 有邊間名小Whatsapp Group 想加入etc..
自己日日都未收信仲等緊電話既時候可以點??

[愛人結婚了..新娘不是我...淚奔中....]

首先文迪媽媽其實想同大家先打下氣講聲:
""加油呀， K3 生既家長們「叩門戰」未完架 !
唔好放棄!! 以個人經驗計，
起碼仲去到開學九月一日仲未完!!"
若果呢個時候連家長都放棄就真係完啦~
我哋下面有晒原因加六個建議，
係呢個時候係"反擊"嘅好時機，
寄出第二封或者第三封嘅求位信 !!

[第一封叩門信範本叫大家"參考"完六月頭寄架啦~]

《升小及幼稚園大作戰🌈家長如何制作Portfolio ⚡️⚡️》
https://www.mandyvincent.com/2018/05/HKPrimarySchoolPortfolio-SampleDownload.html

<<<再寄求位信的原因如下>>>

1. 落"大訂"家長考慮時間完結
因為喺嚟緊呢兩禮拜(放暑假前一兩星期)，
學校就會叫大家回校落"大訂"。
大訂即是叫買校服/ 買書包加登記學位/簽回條etc...!
拎住有幾個Offer係手嘅家長就會喺呢個時候做決定俾唔俾錢學校???
原因:書商/校服公司當日(註冊日)一走左，唔買書之後又要自己去"執"過一套 !
仲要可能無左Discount !

有D學校亦會講明一唔俾"大訂"就學校有機會沒收個學位 !

去到買書位會記低邊位小朋友買左書，
好好地點解書唔買/校服唔做，妳估學校知唔知妳唸咩?

註:以油天為例，最好7月3日前要寄到第二封叩門信過去，

有私校Offer 家長當然可以拖到九月，不過有d 都好有心既家長決定好就會退學，

仲要記住唔係一間學校係咁，係好多間學校都係呢一兩星期/暑期前都做呢個動作，

咁呢個時候直資/私校/官津咪有空位Free 出黎再玩音樂椅遊戲囉。

[龍B細仔就係7月7日買書]

之後攪埋7月中學校校長/老師/主任都係真係放暑假~

話返轉頭有人唔註冊，即係要係7月中之前要攪掂晒第1 ~ 2 round 既叩門位 !

2.把握學校叩門位解凍期 !
叩門戰及有關既面試Interview有D係上星期先剛剛有結果，
原來叩門位都有「解凍期」
搵埋資料比大家睇下參考一下

Reference 1 : 叩門-直屬小學-聯繫小學/

Reference 2: 官小知法犯法偷步收叩門生　
校方否認　教育局承認：須取回註冊證
(2017-2018新聞)

每年小一派位後，家長都會安排未獲派心儀學校的子女前往叩門，
然而按照教育局向學校提供指引，
學校不可於7月3 日前取錄轉校學生。

年年解凍期都有唔同，總知要好好把握有準小一生唔交證/唔註冊紀錄果幾日，

官津好多都係六月二十七日放榜，之後再有少量叩門位放返出黎~

有圖有真相

[官津學校通告-實際例子]
叩門位得十個，大約500人爭，2%成功率 !!
6月27日註冊，唔註冊寫到明當放棄學位!

3. 顯示家長誠意好機會

愛人結婚了..新娘/新朗不是我...

不過.......
我會等妳一世既~

當另一半對妳/你唔好既時候..
記得返黎我身邊!!
我已經隨時準備好照顧您一生一世。

假設學校係女主角，吳彥祖唔揀....要比佢知道後面

仲有古天樂 Backup架

[不過文迪媽媽會揀吳彥祖多D囉]

[幻想中]

國皇之家建議

大約呢星期準備好叩門信，

親身交或者寄去學校啦 ~
第三封叩門信就8月中開學前寄去

真接比大家睇我當時寫左D咩大家就明白多D，

我仲記得當時係「親手」交入校務處 !

（寄信都嫌慢要等兩日）

實際D，下面紅色既字大家可以放落去求位信/叩門信內容 ~

叩門信內容(顯示家長誠意其中一段)

《雖然不少朋友都跟我說，已經沒有機會了。

我相信，如果我們繼續努力，一直等待，假若有其他同學放棄學位，希望校長能夠看到我們的誠意! 有機成為貴校一份子，...........

在新的學年在 xx皇宮學校xx開心並享受愉快的校園生活。》

[成功case]
正所謂人心肉造，自己親身經驗係交完信之後第二日已經收到學校電話有offer，

連第二次面試都唔使，Yeah !!!

妳可能會問究竟有冇關係架？

我哋"唔敢"肯定一定有用，我地淨係知道係屋企咩都唔做就一定冇用。

同埋大家用常理調返轉頭諗一下，

學校校長及主任係考慮第二批叩門位比邊一個係睇乜嘢？

1.睇學術加面試成績

2.父母及學生同學校關係
(e.g. 人事位/推薦人)

3.誠意/學生特質

大家理解都不外乎呢D嘅啫。

Point 1 and 2 頭兩Part已成定局，
一生人得一次叩門戰，考得唔高分亦無辦法改變，

要顯示誠意同突出學生既優點我諗呢方面封信一定有幫助既。

好啦講完晒原因終於要講下內容啦，

做得我哋粉絲，梗係由頭照顧到大家去到尾啦。

「第二封求位信/叩門信嘅六大要點」

註: 第一封"參考"之前既呢篇Blog 啦

叩門必備物品/叩門信/Portfolio/Sample /求位信範本(唔係Badykingdom Sample)

第二封內容同第一封內容係有分別架

要點1 :(大方向)心目中要明白或者接受呢個不合理既教育制度 !

先接受叩門失敗既現實，而家唔係妳揀學校，係學校揀妳。

其實由頭到尾叩門戰都係難嘅，一直都講緊30-40個揀一個，成功率都係大約3%。

叩唔到門嘅比率係高過成功叩到嘅，所以唔一定有電話收到架 !

幾百人面試，到而家都未比人Call 過一定有唔夠人"叻"既地方~

或者公平D咁講，小朋友面試呢Part 唔夠人叻咋，
一直都同大家講，平時無上興趣班，
唔好唸住會突然識中英數常加語文，
有一小撮學生不斷有訓練開，拎晒D Offer，

未有叩門位只係暫時做不到(記住係暫時)最Top最叻個10個 8個，

若果去到最後關頭，仲係唔肯"行動"，

仲聽其他人講 "佛系上身-緣份到了自然有學位"

日日係度日日同其他人"講" "係無用的。

e.g. 花生家長 : "若果我遲D有小朋友，我覺得唔駛整Portfolio /個人學習檔案，一定無用架
，同埋我一定唔會求位囉! 間間學校差唔多架啦"

之前亦已經寫左要準備小學個人學習檔案Portfolio既幾個原因 !!

一句簡D講 <學校話要交/要準備，家長夠唔夠膽唔交??
[要交Portfolio 既學校-睇Portfolio要求]

Reference : 家長幫 Parents Group

要幫小朋友，行動最實際 !!! 問邊個朋友及專家(包括我地)都無用!!

係唔夠人咁幸運! 仲有兩個月先開學，而家仲有機會架 !!

要點2:我哋建議檢討點解面試失敗原因，

好多人可能因為面試當日緊張啦 !!
封信內容咪又可以講下平時都有訓練開，

校內成績及操行都好叻，小朋友識D咩;

失敗原因係不願意說話既，咪可能講下訓練緊朗誦..etc.

(解釋緊張的其中一段)

《在六月xxxx日小兒面試時，可能由於壓力太大，在面試表現一時失準，知道老師曾問過 xxxxxx 一些日常生活問題，可能小兒個性一向比較慢熱，他並沒有即時回答老師。其實我們父婦在這兩年來，為了配合貴校的小學課程，一直也有安排小兒學習不同的興趣班，包括xxxxxxxxxxxxxxxxxxxxxxxxxx及其他課外活動。》

要點 3:亦可以講下學術成績（多數中英數常）唔夠人地準備得好，

[即是人地做足95-100 分/ 妳小朋友可能得90分]

可以講下有咩方法可以改善啦。

再講一次小朋友有咩專長，

有啲咩而家已經係改善緊及家校合作🈴️等等。

e.g 上緊咩興趣班/程度去到邊一個水平，比老師知道有無走漏眼，

唔揀自己果仔囡簡直係學校既一大損失(笑)

(改善的其中一段 Sample)

《而且在這升小的暑假期間，亦會準備xxx課程及xxxxxx，以證明他在各方面(說話能力、創意、常識..xxx) 會有很大的改善及進步空間，我們亦絕對會配合貴校來年小一各式各式樣的小一課程。》

要點4:. 突出再講多次點解揀首三志願既原因。

[後面可能/大機會有111,022 首三志願有分加既機制]

要點5:.若果間學係係考卷既，好多時都係考學術個Part 出事 !!
(唔好問我地點解K3生要考小一甚至小二既問題，仲要考成10版紙，麻煩去問返校長)
甚至乎可以妳話妳一直都唔Buy /唔支持"谷"學術，我地亦都好同意~
第二封信妳又可以講到及解釋一直都唔重視學術既原因，
可以表達出只係想專注良好品格培養，

學術唔夠人高分的原因，等老師令到對小朋友有啲改觀 !

可能叩門考試卷不合格，後面原來係有原因1 ..2...3..etc.。

(解釋學術無其他人咁好的其中一段 Sample)

《我們雖然沒有獎狀或文憑，我們一直注重學習的過程，而不是結果 ! xx 國皇之家xx我們倆每天放學後仔也會帶小兒到圖書館閱讀不同種類的圖書。日常亦會透過不同的親子活動讓小兒認識大自然及科學知識甚至天文學....小兒自理能力非常好...

在xxxx活動，學會煮食.........在yyyy活動，學會朗誦.三文兩語......訓練自信心....》

要點6: ***多與學校溝通***

我覺得呢點好重要而好多人都會Miss 左!!

學校梗係叫妳唔好成日打電話去啦~

不過我會最少一星期打比學校問下最新放位情況，

有時遇到好既老師/書記，佢地會同妳傾下計，解釋一下妳仔仔囡囡情況
[暑假得閒D嘛] ，

當然有D Staff 十秒就Cut 線啦。

比人Cut 線係樣衰D，不過為左小朋友，樣衰咪樣衰囉，值得架!!