Adsense Script

2016年11月29日 星期二

帝景酒店 Royal View Hotel 主題客房介紹(收費/住宿計劃)

趁著Mancent 哥哥完成人生第一個小學考試

我哋一家人去咗位於汀九橋附近既帝景酒店黎個短假期

帝景酒店 Royal View Hotel 簡介
帝景酒店座落於汀九橋畔、汀九灣和麗都灣之間,臨海而建,坐擁青馬大橋和汀九橋的宏偉景觀,以及馬灣海峽的壯麗海景。

[圖片來源:Royyal view] 
酒店位於荃灣並置於香港地區交通樞紐,設有酒店專車接載賓客來往荃灣及尖沙咀,前往各旅遊景點及購物,盡情探索香港的國際大都會。酒店往來機場、香港迪士尼樂園、昂平360及中環,交通亦相當方便快捷,讓您輕鬆自在享受休閒假期。

  事源因為參加左帝景酒店嘅聖誕節Party
.
好多傳媒機構都有出席
..仲識左D新朋友呀

亦都可以趁今日體驗一下帝景酒店既主題房
又等國皇之家介紹下聖誕餐飲住宿計劃

有不同嘅主題套房可以參考下面嘅價錢
聖誕節呢D 旺季情侶價都係 $1899
已經包埋酒店加自助餐

2016年11月25日 星期五

澳門親子卡通主題餐廳– 港澳首家小黃鴨B Duck Candy Cafe- 好睇又好食(地圖連Menu)

今次突然去澳門,係因為我哋屋企工人姐姐同我地續咗約,需要出境,

而最方便就係去澳門,因為唔需要簽證。

同朋友食飯傾開話

澳門無咩好食?? 除左酒店之外食黎食去都係果D豬扒包外??
除左睇openrice 既專業食評外...其實仲有好多好野食...就好似今次既紹既呢間休閒Cafe


大家係咪覺得好奇怪,點解要特登去呢間Cafe呢? 

B duck專門店香港都有好多間,


不過呢間係香港加澳門第一間B duck 做主題既cafe



全間食店都好多黃色小黃鴨架~


2016年11月19日 星期六

三合一 無線吸塵機 +塵蟎吸塵器(一物多用仲可以吸走床上嘅微塵致敏原加殺菌)

因為細佬仔Marcus由出世以來氣管都唔好,

除左勤力D洗冷氣,買藥物霧化器聞氣
保持屋企清潔之外

一直心大心細想買部除塵蟎機,因為日本而家都好Hit 呢D 除塵蟎吸塵機

因為屋企地方實在太細,俾永勝reject咗,問我係咪真係會用???

佢話無理由擺兩個吸塵機係屋企 ,又擺多件電器 !?

所以最後都放棄左 !

因為屋企之前個吸塵機壞咗又未得閒買返,

一直都心大心細,  咁啱就收到呢部

伊萊克斯全新Ergorapido三合一無線吸塵機
呢排轉天氣..氣管又兇問題..又要聞氣啦~~

睇返下面產品資料
http://www.electrolux.com.hk/zh-HK/Promotions/全新Ergorapido三合一無線吸塵機/

有咩賣點?

2016年11月18日 星期五

小一作戰血涙史- 考小一的心路歷程

差不多又到小一自行放榜, 我地國皇一家經歷咗一個好難過既2016年。

可能你地未有小朋友升小一,仲係幼稚園enjoy 緊,未經歷過我地一家所發生既事,

呢一篇blog 以過來人寫下心路歷程先

呢篇小一作戰血涙史 blog 比較長,重點係要提大家

家長唔仗睇得失看得太重要,

今日雖然唔好彩...無人地咁幸運

用平常心去面對,我地都曾經失就算最後都係失敗,

也曾經同小朋友一起努力過,一起經歷過,

緊記我地父母才是同行者。


***不過我地絕對唔認同"平常心"等如咩都唔做 !!!

自行派位同大抽獎係講運...抽到只係妳好彩/幸運

自行派到只係靠關係(父母/宗教分)

絕對唔代表妳小朋友叻 或者唔叻

我地分享返,抽唔到好學校..都唔好氣餒....盡快收拾心情,為小朋友努力叩門 !!! 

我聽好多人講...抽唔到咪抽唔到囉 !!! 使咩去叩門 !!!

有D人話我地怪獸家長..呢點我地絕對唔認同 !!!

被迫做「半人獸」家長都係教育局做成 !!


講返我地國皇之家所發生既升小一經歷先,永勝因為係基督教,

Mancent係首名子女同適齡,所以我地自行有20分去抽,

但因為我地一早揀咗劉徳華(首志願),知道20分都未必入晒,40%機會...點知到放磅當日,

真係唔中,連後補都無份,當時個心真係好唔舒服  !!!

(人地又係20分..我地又係20 分..點解唔中.....)

好彩既就係我地一早已經有兩三間都鐘意既私小做backup
心理壓力已經比其實咩offer 既父

音小/祟小 係其中兩間

不過兩間學費都$4000 以上

加埋什費要$6000.......再加 x 2...真係唔得掂

就算學費$負擔得到...不過之前講過,,,私小係唔會包細佬同妹妹一定入得返...
只係會有加分...

而好出名直資小學我地都唔多考慮 !!!

因為已經見唔少例子直資學校係細佬同妹妹入唔返..

六年既小學生涯兩兄弟就要分開 !!!
呢個我地係唔想既

因為自行失敗,唔夠幸運,又要等大抽獎。

見到呢張又唸埋起當時有幾辛苦~

睇見好多人..連呢張form 都未填過/未攪清楚就係度大叫我地怪獸家長..
跟手仲講埋風涼話..

後面有幾多數據/有幾辛酸大家又知唔知 ??

一線小學排第一又唔敢博
二線小學排第一又唔甘心
太進取..又驚去左十幾志願甚至"寶"校
太保守..中左又驚自己後悔唔博(有D人又會博到)...
之後六年都後悔
又驚D雙非家長亂黎同妳爭
發夢都唸點排..

「其實做家長很無奈,升小這場遊戲很折磨,唔好睇輕中間既壓力 簡直是煎熬,大人小朋友都會好辛苦。」

2016年11月16日 星期三

海洋公園冬日學堂- 進入幕後設施近距離認識動物

今日同大家介紹海洋公園全新嘅冬日學堂-

重點係可以進入幕後設施近距離認識動物

就等Mancent  + Marcus 同海洋公園既冬日學堂既老師帶大家入去平時入唔到既禁區睇下啦 


今次連永勝文迪都大開眼界..有啲神秘地方直頭係完全我哋都未見過架 !!
 我地父母相信每個小朋友都有自己天賦才能,原來小動物都唔例外!
Mancent Marcus 參加左海洋公園既冬日學堂~

一大清早八點鐘已經以訪客身份到咗海洋公園


2016年11月7日 星期一

為左小朋友健康: 減少哮喘過敏原 (AIRESTEC 床褥除麈蟎消毒+全屋抗菌防霉)

踏入秋季,大部份父母都會忽略左冷氣機清洗問題。

但係香港天氣咁極端,隨時秋丶冬季都仲開緊冷氣機,

或者冷丶暖機的用戶,更加一年無間斷地使用部機。

一講到洗冷氣,

咁多年我地只會推介呢一間


大家可以睇下下面既影片


點解推介AIRESTEC ??

因為佢地為左小朋友健康, 佢地唔會洗coil 水"拿", 

佢地專門研發左用酵素清洗冷氣液+抗菌防霉 , 減少哮喘過敏原 !


有圖有真相
冼之前同冼之後


2016年11月5日 星期六

bossinix MINIONS 聯乘系列 - 送限量版既金色嘅Minions錢箱

Bellooooooo! 大家最近成日都見到迷你貿兵團 ~

因為 bossini 最近同 MINIONS 出左 <<Go Bananas>> 聯乘系列.

 


 


好多好攪笑既衫褲同 minions 精品
 

 

小朋友著左一定充滿"蕉"氣, 大家快D去shop 睇下啦~


#bossini #bossinihk #bossinixminions #minions #behappy #sixdegreesprhk @sixdegreesprhk


2016年11月2日 星期三

小一面試之最 (報名篇/簡介會篇/面試篇/號外篇)

今日有媽咪 forward 咗以下一個家長心聲,可以同大家share
呢個Post 有個好正既小一直資/私位面試Summary
我地都唔係間間去晒..呢位媽媽直係好犀利~
對於過來人既我地,間間都有D特別既回憶
好似培正...一路排就一路鬧仲咩唔上網
又好似英華面試...Mancent 係笑住咁出返黎

Blog 底仲有其他學校面試考D咩/面試模式
大家有時間都可以參考一下



資料來源:Edu Kingdom / Whatsapp 
作者:Joyce NgYY


我見大家都差唔多完成了大部分直私面試,想開一個輕鬆topic大家分享吓… 綜合自己及各方好友今年考小一既經驗,得出以下結論… 不過要聲明一下,無意針對個別學校架,不喜勿插﹗

報名篇︰

1. 最簡便 - St Paul Boys
呢間應該係我印象中唯一一間可以完全網上攪掂,用Visa即時比埋錢,仲要唔洗再郵寄任何文件既學校,值得一讚﹗而且亦好體貼地為那些不能網上交表既人,可親身到學校交亦得。

2. 最old school - 培正
今時今日仍然堅恃傳統要先寄去索取表格,等佢寄比你,然後再親身交form既學校。

3. 最先進 - TSL
佢地網上系統真係好完善,有學校自家Apps 之餘,網上一交完表已立即更新你交表既status 落個PDF 度比家長參考,而且有QR Code比你去便利店交錢,甚至親身去交文件時,大堂個screen顯示輪侯號碼同服務櫃檯,令我以為去咗某電訊公司既service center﹗

4. 最體貼 - 褔建附小
可以係網上比家長揀時間interview,雖然培僑,CKY都可以,但褔建附小揀完後侮都仲比改,抵讚﹗我亦十分欣賞佢勇於挑戰學校既system loading,明知10月8日有差唔多10間學校面試,包括佢地,都夠膽比人以first come first serve 形式網上揀時間,結果係點?個system唔洗幾分鐘已經…

5. 最墟冚 - SFA
並唔係因為佢報名人數最多,而係佢得一日收表,兼得一日面試(係最多學校面試嗰日),學校又要好大方咁話比大家知,依傢交表係會幾點in,結果攪到學校核心外圍充斥住大量家長,每人都手持一份野(form),又不時講電話報告現況,唔知既話以為去咗投注站門外﹗

6. 最神級 - SPCC
佢神級到一個地步係,係你收到面試信既一刻前,都唔能夠確定邊幾日係面試日期,但當你收到信既時侯,不足一星期已要去面試,仲好可能係閒日… 不過即使係咁,大家仍然心甘命抵,絕無半句怨言。另外,我相信佢好有可能係唯一一間面試會蝕錢既學校,因為佢除咗唔收報名費之外,我相信俾咗留位費,但最後放棄唔讀既人應該係寥寥可數既。

簡介會篇︰

1. 最有娛樂性 - YW
呢點都唔需要我多講,Snoopy 校長講talk 既能力,不用置疑。但其實播道校長亦唔差架。另外有個攪笑位係優才個簡介會好強調係嗰度教書係筍工,攪到我想轉工多過幫阿仔報小一咯。

2. 最落力 - 啟思
個校長幾乎全場由頭帶到尾,2個多小時,仲要每場面試又重頭講一次。

3. 最容易登記 - 真道
呢間係印象中要爭得黎,個system又頂得順唔冧既,其次係YW,最難既應該要數播道。不過又有啲學校簡介會唔洗點爭都有,如救恩,SMC等。

4. 最難爭 - 港同,男拔
港同係抽籤既,聽聞有人用7個名去抽都抽唔到1個。至於男拔,也不用多說,年年都有人通宵排隊聽第一場,但最有趣係相差2個小時既第2場,係唔洗點排都有得聽架﹗

5. 最敢言 - 救恩
救恩校長敢作敢為相信大家係佢決定退出TSA已可見一斑。我好喜歡校長一句「唔明點解啲學校要in 2,3 輪,又要見家長,難道你地(家長)會講一啲我唔啱聽既說話?點解要大人細路都辛苦?我唔係好得閒花太多時間去面試架咋﹗」真係要比個like 佢﹗

面試篇︰

1. 最快手 - 禮賢,SFA
史上最快,只要見小朋友15 - 20分鐘已可揀出學生,勁﹗另一間SFA,可以係短短1日,朝9晚3點半,見哂接近三千個學生,效率都好高。

2. 最淹悶 - SMC
呢間係一路收表(收足半年),一路面試,又陰啲陰啲出2nd in甚至offer既學校,但如果未被甄選既,可能等幾個月都無聲氣,連想知幾時會有結果都唔知﹗

3. 最估唔到 - DGJS
呢間面試題目真係無得tip,連摺衫去廁所都考埋,估你唔到﹗

4. 最巴閉 - 高主教
所謂巴閉,係面試當天,差佬封路封到連學校條街都唔比駛入。

5. 最有娛樂性 - YW ,CKY
YW 家長係等侯期間,仍然有Snoopy校長同YW仔表演娛賓,小朋友走既時侯仲可以比$100拎走架飛機,CKY則有副校長表演棟篤笑,另外優才有吹氣彈床比小朋友玩亦抵讚。

6. 最辛苦 - 男拔
面試要先帶小朋友排隊上山,之後家長要落山等候,再上番山接番小朋友然後落山,最開心既應該係附近茶餐廳。

7. 最爽快 - 港同,漢華
港同 In 完一星期已出result,唔洗左等右等,輾轉難眠﹗(多謝 winy629提供) 漢華都好快,三星期內已經完成 1st IN, 2nd IN, offer, 註冊。

8. 最有宗教氣氛 - 音小
呢間面試要同老師一齊祈禱已不是新聞,但原來我番邊間教會,做過咩事奉亦會被問及…但奇在佢地又唔係話一定要收基督徒,咁唔知其實有咩關係?

9. 最老友鬼鬼 - 真道,優才
呢2間學校不單只係正隔離咁簡單,就連interview既日子都有部分重疊,攪到好多人搭的士見到有人落車又跟住落,先發覺去錯學校﹗又有啲好彩既真係可以in完一間行去另一間in埋架﹗最攪鬼係佢地2間學校都鍾意係non office hour出email 比家長,莫非2間學校夾埋既?

號外篇(金句摘要)︰

1. (YW門外)阿仔,點呀?In 成點呀?有冇問你時事題呀?無?咁有冇問你關於奧運既題目?又或者司長個名?吓?真係冇?

2. (SFA 交表門外,男子手持電話講緊︰)交咗喇,in 2點半呀… 吓,咩話?撞咗陳守仁?唓,我點知咁多啫,你又唔早講…

3. (朝早7點搭緊的士去男拔聽簡介會)司機叔叔,唔該男拔門口呀… (到亞皆老街見唔到龍尾時)司機叔叔,呢度有落得架喇(滴汗ing)…

4. (係SFA面試期間)你呢度係第幾場呀?我第3場架喇﹗今朝一早去咗男拔,之後飛的去咗St Paul,再飛黎呢度架﹗

5. (係高主教面試期間,有家長call的士)係呀,我想由高主教小學去石門(WKF)呀,行邊絛隧道?冇所謂啦,最緊要快﹗

6. (係DBS排隊等 in 期間)小朋友問媽媽︰呢間係咩學校黎?男拔會唔會見到林校長架?點解只係得男仔in?咁啲女仔去哂邊?唔… 但我最鍾意都係英華﹗

7. (YW出1st in result)老公,你對清楚啲啦?咩話?471 同 473 都有,係冇472?(號碼因私隱關係,係我作出黎的。)

8. (10月20日知道第2日多數掛8號唔洗番工時)嘩,正呀,聽日可專心上網check result 喇﹗(第一次唔係諗節目去玩…)

如有雷同,實屬巧合。

好多學校都會問呢條問題~


為何你認為你的小朋友適合我們的學校?



2017/2018年度直資學校學費List



==其他升小大作戰既blog==

英華小學真.面試考D咩?

求位信既內容可參考呢篇blog
咩Offer都冇點算好? 求位信範本(唔係Badykingdom Sample)
小學制度計分詳情
2016-2017全港小學排名(Top 50) + 2015 全港升中派位概況
珠心算/學林數/奧數/公文數/學林數學揀邊樣讀好?
熱門模式題目例子
數學興趣班+ 宣道小學面試內容

各區熱門官津小學(加仲有幾多個統一派位學位配額?)

宣道小學面試內容