Adsense Script

2009年11月27日 星期五

名校網上車盤

名校網上車盤 200萬有找
2009年12月08日
(未有評分)瀏覽人次:1,700 回應:0 轉寄朋友 文章回應
不少父母會遷入名校網區,為子女入名校鋪路,雖然樓價高企,但不少名校網區均有細價樓供選擇,例如灣仔及何文田等便有不足 200萬元的上車盤。不過望子成龍的父母要注意,個別樓盤可能被誤以為是位處名校網,購買時應先向教育局查詢。
記者:余美玉甄嘉儀


九龍塘(校網 41)貴為豪宅地段,區內有不少傳統名牌中小學。不過,中原地產九龍豪宅區域聯席董事林美娟表示,九龍塘區內放盤量一向不多,特別是樓價約 250萬元的細價物業更少。
現時區內可供家長「上車」的樓盤,主要是廣播道一帶單幢樓,叫價由 283萬至逾 800萬元,但樓齡達 30至 40年,屋苑設施欠奉,勝在樓價低、實用率高,加上有一定承接力,適合資金有限,又想進駐該區的家長。



土瓜灣與何文田校網合併
 


九龍塘區選擇較少,不代表資金有限的家長就要「名校止步」,與九龍塘同處名校網的土瓜灣(校網 34),受惠於教育局早前將校網重新劃分,與何文田合併後「升呢」,成為近年新興名校網之一。中原地產翔龍灣分行地產經紀許先生指,土瓜灣區呎價與租金較九龍塘及何文田低,加上區內屋苑樓齡較新,區內配套設施齊備,故受到不少家長青睞。不過區內並無港鐵,交通主要靠巴士及小巴。目前土瓜灣區大型屋苑有翔龍灣,樓齡 2.5年,屋苑交投活躍。
至於港島區方面,中西區(校網 11)及灣仔(校網 12)均是傳統名校集中地,世紀 21佳景物業經理周慶基表示,每年 7至 8月,會有大量家長到堅尼地城一帶尋找樓盤,以便子女入讀名校,每月約有三分一成交的業主是為校網而遷入。
周慶基指,有一位朋友原居住屯門區居屋,為兒子鋪路入讀中西區名校,以 200萬元買下西營盤宜順大廈一中層單位,面積約 400方呎。「我朋友原本只是打算租,但因息口低,月供僅約 6000元,比交租便宜,決定將屯門居屋售出,改買該單位。他的兒子最後亦派到心儀小學。」


子女入學後放租回報 4厘
他教路,最好選擇剛完成大廈維修,及鄰近大型屋苑的樓盤,因大屋苑附近多有商場及超級市場等配套,惠及附近物業,「寶翠園附近的寶翠閣,算是區內較知名的細價樓,實用率達八成,附近又有大型商場,不少家長視之為筍盤。」
灣仔區方面,區內地產代理指細價樓多集中在謝斐道近鵝頸橋一帶,主要是 300至 400方呎的細單位。美聯營業經理梁凱峰稱,該區細價樓交投活躍,上月 250萬元以下成交有 20宗,其中一對夫婦坦言為校網遷入灣仔區,買入維新大廈中層一海景單位,成交價 190.5萬元,但樓齡稍高,超過 30年。
梁凱峰說:「家長客多不介意物業是否有會所,或樓齡等問題,單位企理即可,最重要在校網範圍內。」部份家長待子女入學後,會將單位放租,租金回報可達 4至 5厘,可視作長線投資。他指:「以城市大廈中層單位為例,市值租金約 1萬元,以成交價 225萬元計,回報率 5.3厘。」



部份傳統名校
九龍塘( 41)
拔萃小學、瑪利諾修院學校(小學部)、喇沙小學


土瓜灣區( 34)
農圃道官立小學、陳瑞祺(喇沙)小學、協恩中學附屬小學


灣仔區( 12)
瑪利曼小學、寶血小學、軒尼詩道官立小學、聖若瑟小學、聖保祿天主教小學


中西區( 11)
英皇書院同學會小學、嘉諾撒聖心學校、聖士提反女子中學附屬小學



4大名校網放盤單位
校網: 41 九龍塘
光輝園高層 樓齡: 33.0年 面積: 500方呎
叫價/售價:$283萬元 呎價:$5660


金翠苑中層 樓齡: 32.0年 面積: 431方呎
叫價/售價:$288萬元 呎價:$6682


校網: 34 土瓜灣
翔龍灣 3座低層 樓齡: 2.5年 面積: 523方呎
叫價/售價:$275萬元 呎價:$5258


金都豪苑低層 樓齡: 8.0年 面積: 539方呎
叫價/售價:$248萬元 呎價:$4601


校網: 34 何文田
文安大廈高層 樓齡: 29.0 面積: 380方呎
叫價/售價:$198萬元 呎價:$5211


校網: 12 灣仔
利榮大廈高層 樓齡: 28.0年 面積: 450方呎
叫價/售價:$223萬元 呎價:$4956


鴻業大廈高層 樓齡: 42.0年 面積: 650方呎
叫價/售價:$250萬元 呎價:$3846


校網: 11 堅尼地城
寶翠閣 B座中層 樓齡: 24.0年 面積: 486方呎
叫價/售價:$258萬元 呎價:$5309


曉暉大廈低層 樓齡: 20.0年 面積: 512方呎
叫價/售價:$250萬元 呎價:$4883



4大名校網成交單位
校網: 41 九龍塘
光輝園低層 樓齡: 33.0年 面積: 500方呎
叫價/售價:$303萬元 呎價:$6060


校網: 34 土瓜灣
翔龍灣 2座高層 樓齡: 2.5年 面積: 501方呎
叫價/售價:$280萬元 呎價:$5589


金都豪苑低層 樓齡: 8.0年 面積: 583方呎
叫價/售價:$200萬元 呎價:$3431


校網: 34 何文田
文安大廈低層 樓齡: 29.0年 面積: 343方呎
叫價/售價:$193萬元 呎價:$5627


校網: 12 灣仔
維新大廈高層 樓齡: 31.0年 面積: 348方呎
叫價/售價:$191萬元 呎價:$5489


城市大廈中層 樓齡: 43.0年 面積: 420方呎
叫價/售價:$225萬元 呎價:$5357


校網: 11 堅尼地城
寶翠閣 A座中層 樓齡: 24.0年 面積: 479方呎
叫價/售價:$228萬元 呎價:$4760


東蔚苑高層 樓齡: 16.0年 面積: 490方呎
叫價/售價:$232萬元 呎價:$4735



單位所屬校網 教育局代查
放大圖片
 
瑪利諾修院學校屬於九龍塘區名校之一。 資料圖片


由於細價樓有不少屬單幢式物業,或者是樓齡較高的物業,所以有意在校網區置業的人士,就需要留意以下三點事項:
1)現時教育局並沒有校網範圍地圖可供公眾參閱,只可看到涵蓋地區中的主要屋苑,
如心水單位並非所列屋苑,可致電該局( 2832 7700)代查是否處校網內。
2)購買樓齡高的單位,要留意屋內水管及電線問題,以防入住後要花錢維修。
3)地產代理提醒,宜選擇交投較活躍的樓盤,日後放售會較容易。


 


Refereence:


http://hk.apple.nextmedia.com/template/apple/art_main.php?iss_id=20091208&sec_id=15307&subsec_id=2911743&art_id=13500405


辦公室生存之道 四大法寶

由於岩岩有同事因為開會唔多點出聲,經理話佢無output,係每年既表現評估中,比左個D 佢
(A~D .. A 最好,D最差)


為左唔想拎個D..我地同事們決心要努力D.....比心機......開會時候多D output


我地決定用盡呢個辦公室生存之道 四大法寶


「hea 做、假度、虛應、陪笑」的扮工室四寶



港產連續劇《絕代商驕》剛剛熱播完,黃子華帶出的“通俗易懂”版的商戰經驗固然有點看頭,但更得白領人心的就要數其中提到的“辦公室生存四大法寶”。正如劇中CEO助理林木森所說,“辦公室是一個危機四伏的森林”,要成功野外生存,無疑需要一些防身必殺技。


    按劇中所說,所謂“四大法寶”,用通俗的粵語概括為“hea做”、“假度”、“虛應”、“陪笑”。


    “hea做”,隨便做的意思。老闆吩咐不能不做,還要做得令人滿意,只能做些門面功夫,先敷衍了事。劇中也有用“頭七尾七”的寫報告法來做註釋———針對老闆的這一閱讀方式進行的,老闆也是人,一天要翻閱的報告很多,如何在短時間內給下屬的工作作出評價?方法就好像性急的人看偵探小說一樣,開個開頭,知道個大致,再翻最後幾頁,看個結局求個明白。中間的論述部分有時間就細看,沒空就算了。於是,“頭七尾七”就是寫好報告的前幾頁和後幾頁,中間就隨便弄弄充數了事。“假度”,假意幹活,跟“hea做”異曲同工。先想好幾個重點問題怎麼回答,足以應付老闆即可,並不需要對整個計劃有非常成熟的想法。


    “虛應”,就是老闆提出問題的時候,給出一個模棱兩可的回應,以試探老闆的態度,然後再作表態。“陪笑”最是簡單,老闆笑就跟著笑,大家“造”出上下一心的勢頭來。


 


==============================================================


下面呢Part 可以不埋


-------------------------------------------------------------------------------------------


    其實大概都是同一個意思:全程演繹“扮公室”的作風,忽悠上司。這種靠扮的做法,對在電視機前笑倒一片的白領來講,是不是真的那麼有用呢?我們分別找來職場新丁、資深職場人士和人力資源顧問齊齊來剖析一下。   


    職場新丁:自己不自覺“扮”過


    新丁無計只好跟風   


    剛步入職場的新丁們,對工作還在不斷學習的階段,看完電視劇才發現這種插科打諢的事情,其實自己還真是不知不覺地做過!


    今年新加入外貿公司的阿靜,現階段主要學著幫公司訂制買賣合同。就像以前老師慣用的“題海戰術”一樣,上司以“督促她儘快成長”的名義,要求阿靜每天訂制十來份合同初稿給他過目。剛開始時,她還有心機一份份仔細核實商品價格、交易細則等,往往要加班加到晚上八九點,眼看其他同期入職的“新丁”越做越快手,加班的人越來越少,她的加班反而顯得辦事不力。經過一番打聽,她陸陸續續知道了一些工作“訣竅”:估摸一下哪些合同比較重要、上司是必定會檢查的,一定要認真仔細做,那些比較次要、買賣成功幾率較低的或者公司不看重的合同,只要快速完成即可。對於自己的“hea做”,阿靜暗暗有點愧疚,可是更多是理直氣壯———上司給的活兒太多了,我這樣也是被逼的!


    對於“虛應”和“陪笑”,好不容易考上公務員的Jeff就覺得不演算法寶,但可以叫做“基本功”。在大學四年,Jeff就在不同性質的公司實習過,在職場上算是一個“小老人精”。他說:“這兩個‘扮嘢’法寶在初入新工作環境的時候很好用,一來你還不清楚各個同事的背景,容易‘踩地雷’,二來還不熟悉企業文化和工作作風,跟風辦事是最保險的了。”


    資深職員:說是法寶太膚淺


    弄不好,犯眾憎


    在職場上打滾了七八年或者以上的職場“老油條”,對這些法寶,多數看不上眼。而看不上眼的原因之一,竟然是他們已深諳其道。


    在運動品牌營業部任主管的“秋姐”,聽過這所謂“四大法寶”,直言:太小兒科了!她覺得:“在職場上,每個人都會有虛偽的一面,‘虛應’、‘陪笑’是常有的事,沒有人會把它提到法寶這麼高的地位吧!同事之間打交道的時候用用還可,上司和老闆還是注重實效的多。”


    講到“hea做”和“假度”,也就是幹活敷衍,就要看這份活兒是包乾到戶還是小組合作做的了。曾經有一個項目,上司要求大家都要提出自己的方案來,結果有同事“假度”了一個有新意又貌似高效的促銷方案,結果就讓老闆看上了,要他們一組人共同實行。秋姐回憶起來還是覺得那是一次痛苦的經歷:“因為大家手頭上人脈資源不足,那個方案創意雖好,執行起來卻很難,弄得大家加班加點,外加用上各方面的私人關係,甚至自己貼錢,才能勉強完成!”所以說,敷衍也要看情況,不然損人不利己,一定會“犯眾憎”。


    人力專家:薑還是老的辣,老闆不易騙


    看電視劇看得多了,常常以虛則實之實則虛之的心理去理解,職場人士很容易就會以影視作品映射到職場現實,隔三差五地弄出些職場生存法則來。同當年的一部 《金枝欲孽》一樣,一些白領喜歡從中研究 “職場攻略”。有心理學家指出,這主要是因為有的電視劇在創作中,糅進了一定的現代元素,存在 “借古喻今”現象。


    這類“扮公室”哲學,通常有對上司或者老闆“拍馬屁”之嫌。心理學博士張怡筠曾在一個高級經理人的訓練課上請教過學員相關的問題,結果80%的經理人舉手說,他們能輕易地分辨下屬是假意奉承,還是真心讚美。為此,張怡筠提出一些與領導的相處技巧:首先要幫助領導成功,讓自己變得“有價值”;試著與領導建立誠懇的溝通模式,發展適宜的公私關係,並注意公私之間的角色轉換。


    智聯招聘資深人力資源顧問胡海峰認為,工作沒有投機取巧的成功之法,雖然所謂的一些應對之術可以讓你“應付”過一些場合,但也往往因為應付的心態,使自己失去了在項目中成長的機會。而且,薑還是老的辣,要知道老闆們都是身經百戰的老江湖,很多也是從職員這樣的一個角色成長起來的,你現在採取的一些“取巧”的做法,或許你的老闆在很早之前就知道了,所以從長遠的發展來講,踏踏實實地做好每一件事情,完成每一件任務,除了老闆會對你有好的印象外,你也才能真正鍛鍊自己,使自己不斷得到提升。(曾敏妍)


2009年11月25日 星期三

Awfully Chocolate Cake

因為文迪早一個月前檢驗血糖指數0岩0岩擲界, 好似係>5.8 為知有妊娠糖尿病. < 5.8 就正常無事..而佢有0岩0岩好5.8


上個星期五,文迪就要再去廣華醫院抽血糖再飲糖水,認真d驗.


期間.當然唔想超標.佢當然呢兩星期都好乖無咩點飲汽水同埋甜野.


星期六,見岩岩抽完血,Test 又未有結果,O甘我地就放縱一下,走去買D甜野食...


雖然無知過晒關未..不過都Relax 一下先,


我地第一時間就唸起Awfully Chocolate既蛋榚.因為岩岩比新假期雜誌介紹完,



知道Awfully Chocolate 呢一個品牌,是從新加坡黎既,而我地又好耐無去銅鑼灣果邊(~起碼成5個月),O甘我地就老年O甘遠就過去搵呢間傳說中好好味既蛋榚店...............



星期六下午3點去到. 原來佢係銅鑼灣Lee Gardens 附近很隱閉的地方,近LV /買車既店鋪. 店內無咩花巧的裝修, 黑黑白白的, 只得3張像電影院的椅子..不過都無人坐既.


做呢度Sale 都幾易做,因為店內基本上只賣3種味道的朱古力蛋糕


All Chocolate / Choclate Banana / Rum * Cheery Choclate


同埋一種黑朱古力雪糕.  加埋4種食物,基本上隻隻都想試


O甘我地就先買左兩個$189 六吋大,正常原味既朱古力蛋糕,  (一個買比家姐的)



呢次係文迪同埋我第一次試Awfully Chocolate既蛋榚, 蛋榚面是dark chocolate醬面, 裡面是軟熟的朱古力,唔太甜,真係啱晒我心水呀!!!!


之後當然要即場試埋佢既鎮店黑朱古力雪糕: $28一球, $38兩球, 我們選擇了一個球的~


味道很甜, 好濃既朱古力味, 雪糕質感尚算幾細緻, 硬硬地,不過幾滑架.


仲有隻綠色細細隻匙更送....同埋最型既係佢既雪糕盒包裝設計幾得意,



看得出花過心思想, 雪糕盒既design比雪糕的味道更吸引!!


 


大家有時間去開,咪試下囉....下次可能試另外一個味既"香蕉朱古力雪糕"


地址: 銅鑼灣希慎道2-4號蟾宮大廈地下15號舖


電話: 2882 0450


 


2009年11月24日 星期二

鍾嘉欣而家既男朋友係?

果日走左去樓下剪頭髮,係等緊既洗頭既途中,無意中都比我搵番呢本新地雜誌,係原來一早講左鍾嘉欣而家既男朋友係邊個架la.


呢個資料來源黎自<新地雜誌> 617 期



2009年11月22日 星期日

BB仲有2個月就出世

早幾日岩岩去完私家醫生度產科檢查,BB個身體各樣野都正常,


係老婆文迪個肚入面大約而家有1.5 kg,...都係同一般BB差不多size.


同埋比醫生大約check 過...國皇B既預產期就2010 年1 月中,由於我地準備開刀生, 已經決定埋BB出世既方法同埋日子.


BB,你仲有2個月就出世喇 !!


(地點同時間係唔會開估住既)



...呢個字,係我地係張床涷得濟,睇緊好悶既富貴門既時間劃既.


不過, BB當你黎到呢個世界既時候, 你就知道我地有幾愛你 !


為左你,爸爸已經準備左一個全新同埋大D既屋企比你生活,成長;而媽咪更為左你,已經唔舒服左7個月,又放棄左好多野,又放棄佢美好既身段,又出少左好多街. 又食少左好多好味既野


Mancent, 妳到時大過,記得孝順媽咪多D.


仲有好緊要,要幫文迪祈下禱先:


---------------------------------------------------------------------------


主耶穌,


我地既BB 仲有兩個月就出世了,希望您同以往一樣,能夠保佑文迪同BB,兩個都身體健康. 因為我地都好擔心,無論順產抑或開刀, 生產既過程或者生產完之後,都會令到媽媽帶來痛楚 ! 而我地都放心將呢方面交托左比您,希望您可以令到文迪可以好順利,唔痛o甘, 將Mancent BB帶黎呢個世界既 !


---------------------------------------------------------------------------


2009年11月19日 星期四

打邊爐@屋企

今個星期突然氣溫驟降, 開始轉涼, 打邊爐就最最適合架啦~



出街打邊爐就成日都食架la....係屋企打邊爐,最緊要係平同埋食到自己想食既野嘛, 自由好多!!



由於都係lunch既時候先決定,文迪,家姐,細佬就診放工既時候就去大家公司各自隔離個街市買餸,  文迪同家姐就去官塘街市同埋附近既佳寶買肥牛



而細佬就由荃灣街市買番黎既超肥美的蠔同埋帶子!



除左買咗d肥牛, 仲買埋其餘既食物,好似西洋菜同埋粟米,豆腐,金姑..etc.



D食物最後都放到一枱都係,就知我地有幾大食啦﹗


而個湯底係用咗小肥羊清湯包,都ok好味道wor



最終7點半就返到屋企預備材料,8點就可以開始食嘞!!!


D肥牛一妁即熟...同埋可以加勁多既椒絲,配料,唔駛加錢 $10碟..正呀.


大家一齊去買野, 鐘意食乜就買乜, 呢D感覺,尤其是係天寒地冬既日子,零捨正既!!!


2009年11月15日 星期日

民安隊少年團

O甘岩細佬搵番十幾年之前本行山既 DEA Logbook,


仲記得係好耐之前,我同細佬都參加過民安隊少年團.


因為大家入民安隊既時候都唔同..相差2-3年, 而呢張相,就係我地僅有既合照....



其中成日都唸起以前行山D攪笑野,因為去完之後,都仲要寫番本Logbook..又要寫感想,好煩架.


不過就係因為O甘樣,本logbook 先會keep 到而家


例如去到營地仲早既話...可以四圍hea 下....之後就要根據番去之前係 logbook 入面寫既野煮飯食...D 野食全部都好求其[餐單如下]


全男班,仲要行山, 梗係煮D最簡單,又易拎,又快食得.填飽果肚就OK架la..


個陣時,個個都好Fit 架 ! "咩"晒野,又營又爐又Gas加埋D食物, 一日行十零個鐘,好濕碎架.


行山考試既時候,仲會D行夜山,黑泥白石光水滘呢D仲記得架.


[中間個果就係我好尊敬既張Sir]



行山既前言



 


若果我小朋友到時到12-13歲,我都會比佢參加民安隊少年團...等佢入去磨練下..學下咩叫紀律,咩叫Wild Camp, 咩叫行山....同埋學一D基本求生技能.


 


無左民安隊訓練我,無比D阿Sir 指導, 改變左我,可能而家都仲係一個電車男或者一早學壞喇 !!!


==============================================


http://www.cas.gov.hk/eform/CASenrolform_cadet.pdf<----少年團入伍表格



民安處,全名為民眾安全服務處,為保安局轄下的一個部門,編制人數為112人,包括一名首長級人員 (總參事),其餘則為部門人員及一般職系人員。他們的工作是為民安隊志願人員提供行動策劃及管制、隊員訓練、行政和後勤支援。部份職系人員需要同時兼任民安隊的志願工作。


民安隊則是一支須穿制服並受紀律約束的輔助應急隊伍,其經費由政府支付。民安隊在編制上有3,634名成人隊員及3,232名年齡介乎12至17歲的少年團團員。民安隊於一九五二年成立,當時是一個備戰的民防單位,經多年發展,現已成為一個服務多元化的輔助組織,在發生天災人禍時,執行各種應急服務,協助減輕本港正規部隊的負擔。


民安隊屬於輔助部隊,必須穿上制服並受紀律約束的輔助應急隊伍,經費來自香港特別行政區政府。現任民安隊處長為李樹榮博士,BBS,JP,至於民安處總參事暨民安隊副處長(行動)為廖志強先生。港英政府於1952年仿傚英國政府的防空救護隊(Air Raid Precaution Corp)成立民眾安全服務隊。而成立初期,成員主要來自戰前之香港防空救護隊。當時擔當備戰民防單位的角色,經半世紀的發展後已成為工作廣泛的輔助組織。


民安隊的職能如下:


支援本港正規拯救部隊的工作,例如協助正規紀律部門執行抗災、到山上協助搜索及拯救遇險生還者、水災搶救、撲滅山火等;
在大型公開節目舉辦時協助警方人群控制和維持現場秩序等工作;
定時巡邏郊野公園、遠足徑和協助遇險的登山人士;
在政府部門或非政府機構舉辦的大型活動中表演,提高參與活動者對活動的興趣;
為政府部門或非政府機構提供山野活動安全和搶救等訓練課程及提供顧問服務;
為青少年提供紀律訓練、技能訓練等課程,旨培養青少年的公民責任感。


2009年11月12日 星期四

澄清:蘋果日報鍾嘉欣事件

關於2009-11-12 蘋果日報報導鍾嘉欣既事件, 至於件事攪到o甘大,個blog 被人放到上到蘋果娛樂版



首先要對兩位當時人講聲唔好意思,


果兩篇blog 已經即刻比我Delete 左 !!


(而用 Yahoo google 反search 亦都已經搵唔番架喇)



我相信係蘋果日報娛樂版睇到,又好聰明o甘搵到過黎既朋友,亦係呢個網誌搵唔到d咩有興趣既野或者當時人d資料.


呢個blog 只係好無聊o甘寫低永勝同文迪既一d生活點滴同埋BB 黎緊出世/生活既一d心情,其他既都無咩好睇架.


雖然我日日都有睇開蘋果日報,亦都好支持蘋果..而我所寫既野,亦都係我親眼見..平時都係見到咩寫咩...亦都唔係針對某一個人既


撰文果位林妃小姐,好多謝妳o甘俾面有留意我寫d婆拿野, 同埋執左我o甘多錯別字,不過若果下次引述本人既野,最好都通知聲.

現存仲係internet yahoo google 搵到既...最多都係上面幅圖,

不過我當時係點寫都好......都已經delete 左....蘋果想點quote 番都無用..都無左個orginal source.




[由於唔想引起blogger大家既對私隱既問題產生對立既局面出現,


呢篇Blog Set 不可回應了..thanks ~]


網球王子之停波事件

由於對上一次因為天雨關係,本身約左朋友打網球既活動取消左.


之後由於會所有講明,若果因為天氣問題, 有得同一個月,可免費re-schedule 過


o甘我就再約左家姐同阿傑加埋一個中學同學打番兩個鐘


自細就覺得打網球的人係好有型,好似仁心仁術果D..程志美醫生一得閒就約陳豪,Herny果D醫生打下網球..之後係場邊飲橙汁.


所以後生時讀大專(VTC 而家既IVE)仲專登報學校D course 學過十幾堂網球


而家有機會,咪Book 黎打,果場都OK 架


我同家姐都係O甘耐以來,第一次同場打波.........佢仲係第一之打波,仲打得好好tim



最攪笑好似網球王子O甘,打到個波停係塊拍度..唔郁 ~~



直係攝住係塊拍度



呢幅仲影到好似網球王子既Zero 零域



打完之後當然好開心..當然要學下人, 要係場邊飲下橙汁.傾下野la..


記得仁心仁術成日都傾 "e...Herny ,你最近買左架新車wor..."


傾下傾下, 仲比我地發覺原來附近有一個高爾夫球練習果嶺...不過我地連桿都無...晒氣la.



岩岩睇到呢篇blog...又幾岩wor.Copy 左果黎先 from : JacQ


================================================


假若友情像打網球...


要打得持久,便要有來有往、禮尚往來。力度大小可以調較,不過勤走動是不二法門。


倘若打出去的球沒有回來,多嘗試兩、三遍,便知道對手不對,不玩也罷。


假若親情是高爾夫球...


默默的、不間斷的把球打出去,有時會方向、力度正確,有時會掉進沙地、池塘,石沈大海。


很多時候都以為自己沒有對手,孤獨前進,但回過頭來,往往有幾個同樣笨拙的對手,用了不同的技巧、方法,努力地追上來。


那麼,愛情豈不是壁球?


用力的打出去,會被用力的打回來;用了心的攻擊,會得到更具策略的回應;步伐要協調,走位要靈活。


一旦其中一方鬆懈了、把球迫進了絕路,對手便很容易亂了法章、步伐,難以營救。


比起其他球類,活動空間細,反應要快,更動輒得咎。


偏偏是最能與對手氣息、脈搏相連的活動,令人樂此不疲。


Reference :http://hk.myblog.yahoo.com/jw!eBIeeVmeER7P3mLzo5992Q--/article?mid=266


2009年11月9日 星期一

鍾嘉欣男朋友(後篇)

而家開估先鍾嘉欣男朋友係叫咩名先


當日收工番屋企途中,係樓下,我係見到鍾嘉欣(Linda Chung)同佢男朋友一齊架.


好多人都估佢男朋友係林峯


但係原來事實係錯既,可能係睇得電視太多,誤以為佢地係一對.


林峯就梗係住d豪區la, 又點會住係我地呢度附近.


當日我見到既係呢個男人叫--伍允龍


好幾高大威猛架 ! 事後知道,原來佢係附近都有個單位.


 


而我相信,佢地既愛巢仲要同我地屋企住得都幾近架.日後仲未散既話,應該仲會見到多幾次面.


若果妳話:"唔係呀....無可能"



其實我當然唔係隨口up, 除左自己睇都之外,我都有搵番D 資料Support 架.


其實搵完呢D資料之外,我都發覺其實就算藝人表面幾乖都好(當然唔係針對某一個,我講既係大部分),其實都有可能講緊大話,為左利益,為左Fans, 都可能係呃緊妳既 !


講到自己唔識呢個人,未去過呢個人屋企..普通朋友etc...


其實都係假既 !


自從陳冠肴事件之後,我發覺反而信東方新地/3週刊可能仲岩..唔怪得O甘多人買la..


 


=========資料News==============================================
http://www.hkheadline.com/ent/ent_content.asp?contid=38598&srctype=g
最近鍾嘉欣  被指情投伍允龍,放棄緋聞男友林,嘉欣昨日指報道不實,覺得傳聞好笑及奇怪,更強調現時沒拍拖,與伍允龍合作拍戲而相識,但不太熟絡,周刊刊登的相片是工作時拍攝。談到伍允龍將合照放上Blog,嘉欣謂亦會將工作相放上自己的網誌。問到兩人有否單獨約會?嘉欣口窒窒的表示,初時有,之後又說只有工作時才大夥人食飯,不覺得對方有意追求。問林有否呷醋?她說:「唔知,你問佢。(你會揀林定伍允龍做男友?)唔答呢個問題。覺唔覺得伍借我宣傳?唔會卦?我唔鍾意呢類新聞,太唔真實。(林係真實?)全部都係假,唔鍾意呢宣傳!希望大家專注我的事業。」


http://hk.news.yahoo.com/article/091005/4/ejmx.html
鍾嘉欣被指「偷食」最嬲 與林峯伍允龍只屬朋友



 (明報)2009年10月6日 星期二 05:10
【明報專訊】鍾嘉欣    跟武打藝人伍允龍傳緋聞,兩人結伴到旺角    購物。記者致電向嘉欣求證緋聞時,她表示跟伍允龍是好朋友,他們只是結伴逛街並非拍拖,由於她光顧那間眼鏡店有折扣,故他們同行往選購。她笑說:「若果我要秘密拍拖便不會揀到旺角,就算未遇到記者也有讀者報料。當我發覺有記者偷拍時,我們便極速撇甩他們追蹤。絕對不是報道所指我到了伍允龍的家,我從沒到過他的屋企。」


發展感情睇緣分



嘉欣稱這傳聞只是得啖笑,她最嬲的是被形容「偷食」。她說:「我想問我究竟偷吃了什麼?我重申跟林峯是『假』的,我跟他從沒有一起,只是大家認定我們是熒幕情侶,大家是工作拍檔。」問到跟林峯還是伍允龍有較大的發展機會?嘉欣稱,她跟兩人也是朋友,無論跟哪個男生有進一步發展皆要緣分安排。


記者:唐嘉晞


==========================================================


 



 


2009年11月6日 星期五

撞到鍾嘉欣同佢男朋友

[永勝直擊報導]


昨晚收工(11月5 日),o甘岩比我見到鍾嘉欣同佢男朋友一齊


 


 


就我所見,鍾嘉欣都好高,佢男朋友一樣...兩個都有"高病" (真係慘 )


女仔就化得好濃妝,男既就夜晚晚都帶住鴨舌帽,頭dup dup o甘


不過我o甘眼利,加埋睇得多老婆平時既參考書  e.g 東方新地,3週刊


一睇就認到佢地 !


終於比我知道,佢而家男朋友係邊個..哈哈 !


原來係.............


 


[想知就問文迪or Msn 同埋留意下一篇 blog ...]


 


2009年11月4日 星期三

乒乓球 + 保齡球 + 大牌檔

係某個星期六, 各蛇仔會會員 (Snake club member ,同flight club差唔多名)

係國皇之家會所舉行左

乒乓球壞人聯賽Part 6

其實我地都係唸住試下個乒乓球場,加同一時間可以打埋保齡+一齊食晚飯




我地人材濟濟,仲搵到己"過左身"既奇雲同埋米高+積臣一家三口黎一齊Gathering 下




當然仲有壞人, 安迪, 阿Ray ,同埋百事....佢地都打得好勁架




由於上次黎我屋企都係打Wii sport 保齡, 今次就打完乒乓球之後仲一齊打"真"保齡球




個勝負結果係點,一睇佢地個樣就知la..總之大家都有tea 飲




(左下角) Jason 阿B見人人有個波拎住,佢又拎番自己個拳頭黎食..真係攪笑

打完波,我地仲去左大中華飯店打邊爐       

http://www.openrice.com/restaurant/sr2.htm?shopid=18762


Caption

同埋價錢都OK抵食, 又有d大牌檔風味.
一人都係$100 埋單




    呢度出名小菜有:  

     鐵板黑椒豬手     冰鎮竹節蝦
     雪花肥牛....


呢度其實d小菜仲出名過打邊爐  ,就以呢個豬手為例, 都好好食架!



To snake club member,

最後都係多謝大家既黎臨, 下次我地可以開始練跑,

要Keep 下fit 再練定d體能準備一月跑馬拉松 !