Adsense Script

2007年9月26日 星期三

去訂酒席最緊要屈




岩岩上esdlife 搵到..用黎提下自己個日簽Contact 要問d乜:

(Quote from : http://hk.myblog.yahoo.com/rickyshan2007/)

去前做多d準備,定左個數,屈得就屈,唔好怕唔好意思.......

而最緊要係睇下你訂果日係咪好日.......如果唔係就仲多籌碼!~~~~~

而訂之前一定要實地去一次.........

一來睇下交通方唔方便.........

二來有d新娘房,其他細節.....

一定要睇過至知............

 

婚宴必問問題!!!
 

1. 擺洒廳房?   Naton Hotel
2. 席數位置圖? (盡近酒樓入口)


3. 每席相距幾多? (不要太迫) ..不遠
4. 新娘房位置? (應近佈景板)  絛面向台左面
5. 新娘房內有否廁所? 無...要去Diable 果個
6. 迎賓位置? (可否較大, 方便放油畫)


7. 能開多少台麻雀?  16 台
8. 麻雀服務是否已包括台紙, 籌碼, 台燈…? 唔知
9. 是否有咪給司儀? 搵Tago 同埋Sa姐做司儀
10. 是否已包括會場佈置? (如汽球, 禮堂橫額, 花牌)
11. 擺酒當日幾點交場? 好似5點
12. 如包括佈置, 交場時是否已佈置好? 二時佈置..已經佈置好
13. 擺酒當晚時間是否有限制? 好似係12 點
14. 如超時是否需要補水? 0知..比利時得唔得
15. 有否專車到指定地點接送賓客? 無..單車o唔好ok..好近地鐡
16. 有否免費泊車服務? (多少小時) $50 hour..好似有個$12 係附近
17. 所有席前或席後粉麵酒水如不贈送, 可否自備? 可以掛
18. 席數可否增加減少? 可加兩席 16 +2
19. 如增加席數, 酒樓有多少位置給加席? 要埋麻雀..可加多8席
20. 如減少, 餘下的席數怎樣處理? 可否取消, 退款方式或是後補再食, 如後補限期多久? 有加無減..無得補食
21. 如遇颱風或意外, 須取消婚宴時, 訂金將如何處理? 無..3個月再Scheule 過比妳
22. 如取消訂單需提前多久通知? 幾時都得..不過好似拎番50% deposite
23. 套飺內有否包括 : 多少喜帖, 賓客名冊, 主禮人襟花, 椅套, 簽名紅布, 簽名毛筆, 糖果, 瓜子, 酒水, 香檳, 結婚蛋糕(多少層, 是否只供影相), 茶芥..?附送項目必須得到確認, 必要時於單上列明.   有列明
24. 清楚列明茶, 芥, 鵲局, 撲克, 開瓶費, 啤酒, 汽水及席前粉麵的價錢.
25. 所有席前ORDER, 必須經由主人家或指定人簽名才可落單.  唔簽.咪旨意食蟹肉e斫呀
26. 菜式必須列明 :如清蒸紅斑, 不要什麼海上鮮(註明幾重), 魚翅必須列明雞絲生翅或鮑魚生翅(當中列明等級及份量) 好似就列明左石斑魚
27. 價錢是否會隨著市價變動? 必須定好價錢. 定好價錢, Fixed Price
28. 除加一小脹外, 有否其他需另外收費用的項目, 如有請列明, 列明後必需註明(其他不需額外收費) .Contact 有加埋一
29. 是否可以分期付款? 用支票, 銀行本票, 禮券, VISA, EPS,(可否幾樣夾埋), 如有以上服務是否需要另加服務費?分三張卡碌都得


睇場會比較留意:
(1) 員工服務態度.
(2) 樓底會唔會唔夠高, 感覺得侷促.  樓底唔夠高..不過我無高病..無問題
(3) 個場是否迎合我的圍數, 會唔會太迫 or 太大.  ok la..
(4) 場地燈光會唔會過暗. 有d暗
(5) 新娘房設備, 是否有 toilet. 都話無囉
(6) 環境 & toilet 衛生. 都OK bor.
(7) 餐具 & 桌椅 & 擺設會唔會好殘舊. 又OK 新架

 

訂酒席時要問的問題 :

1.      結婚 cake 送幾多磅 (用來食那個)? 5 lbs

2.      席前 noodles / fruit punch 是否免費 還是只是有折? 如免費的話會有幾多碟  無免費席前,不過 Package 加埋左架l.a

3.      合時鮮果是指果盤 還是 燈/柑? 會有幾多個..是但..無所謂

4.      有幾多張請帖送? 是否包印刷?$12* 16

5.      自來酒水的開瓶費?已Free 左

6.      酒水任飲加多少錢. 唔記得左

7.      全埸椅套要加多少錢 $120 * 16

8.      雀片(即麻雀)是否免費任開? 擺位如何?

9.      如某些席數有十三人,件數的菜式(如柱甫)會否加碼,費用又會怎樣計..唔加$照樣

10.  免費泊車有多少個鐘 (以每席計還是加起來的一個總數?)

11.  結帳時信用卡免手續費可碌多少

12.  擺酒當晚多左酒席是否可以退? 可退多少?

13.  每席汽水啤酒的配搭可否改?
-酒水任飲多少錢 (通常每席加$150-$200)
-是否包括橙汁(屈佢加埋)
-橙汁是鮮橙汁定係OJ or果汁先生
-酒水任飲幾時開始(最好5時左右)

14.  入座前小食是什麼?
-幾時開始service及結束時間(bargain 5時左右開始)
-每一檯有否糖或其他小食
-入座前飲品是什麼
-自攜西餅或蛋糕是否收錢((bargain不用收)

15.  存菜要不要另外比錢?

16.  菜單幾時要confirm ?

17.  紅酒及VSOP可否自由配搭。

18.  襟花包那些? 鮮花定假花?

19.  嘉賓提名冊size? 款色? 幾時要決定?

20.  禮堂佈置是什麼?

21.  有沒有油畫架?

22.  進埸音樂有沒有得揀?

23.  每席確保最有一個待應生,主家席2名待應生

24.  屈送全場椅套

25.  屈送回門乳豬,花車

26.  屈送台上怖置

27.  屈送切餅儀式要來影相及送入席前的蛋糕(5-8磅)

28.  之前一晚可否拿些東西來存放,eg回禮小禮物...........

29.  散席後可否留低一些東西第2日才取回

30.  最遲幾時要交場

 

最後睇多幾次d問題睇下有無加........問多d有so.........仲要響張單mark清楚!

最緊要唔好急.........好似羅湖商業城買野咁就啱架啦!~~~~~~~~


2007年9月24日 星期一

場地佈置-Grand Forest



我同文迪又搵好左場地佈置了 !

第一次去 Grand Forest係係Expro,,只不過係剛巧經過,
唔係有心join..因為仲有排,  不過個sales 話唔緊要傾下都無所謂.

因為就算係Expro..都唔係間間Decoration 都有逸東酒店D 相
再加上見Grand Forest 佢有好多由佢地佈置的相 , 分曬酒店/酒樓, 邊個廳打邊個應,
我當然即時睇一睇自己book個廳啦!

"逸東酒店-Naton 廳丫..唔該"


 


不過比佢地轟炸完一輪,最後都無Join度, 但果一刻已經對lee間公司印象唔錯,覺得好有經驗.

之後再去expo, 睇過幾間公司d相, 選擇唔多, 有d話有分standard package同designer 設計, 結果designer 設計的仲衰過standard package. 求其係果名下面加花,就話係designer 設計. 當然又有一些好好, 但價錢......

後來知道grand forest都有係逸東酒店擺場地佈置Expo, 又有勁多相睇, 睇左半個鐘
個男Sales Prince 又送好多野, 一齊去既家姐同文迪都好滿意, 結果就 join 了,


其實,我自己仲有一個原因Join, 都係一路係ESDLIFE 個forum度未有聽過有關於 grand forest投訴.

(除了有人話唔好同佢地租花球之外), 又覺得係金都做左o甘耐,好似十年,都算有保證掛!

我見有D個topic 投訴另一間金都decoration,posted D 相出黎好似小學生努作咁,真係好得人驚!

而家個Package Confirm 晒 ,全部包晒架 :

Plan A :
$2380 包
Backdrop、
recep、
油畫架、
蛋糕檯

- 加布 $500
- 全燈 $1000


- Backdrop雪紡
- Recep加燈
- 水盆
- 相架
- 簽婚Table
- 台邊
- 咪架
- 英文閃字 (無日子)
- Stage台邊紗
- 影相花球租三日兩夜,慳番$400

-無泡泡機
-無任何紗拉款 (+$400 一對)
-無花柱(+$300一對)

 

 

Esdlife forum comment:
http://comtools.esdlife.com/wedding_forum/viewtopic.php?t=79470&start=480&sid=99ea977b74e68f33ea25c16f2c727001



Company website
www.grandforest.goldenplaza.com.hk


2007年9月23日 星期日

2007年9月16日 星期日

三日兩夜文迪生日澳門之旅



9月7日係我文迪既生日,咁我同永勝就去左澳門3日兩夜喇!係呢3日兩夜入面我地2個週圍食週圍行,食到永勝個肚又有左幾個月咁喇!



澳門好出名既禮記雪糕三文治,香港無得食架!



金沙既古古力噴泉


仲有法國咖啡蟹同埋松葉蟹,皇帝蟹腳


仲有好多Cheese Cake 同埋甜品.


我生日正日就係去左金沙食dinner buffet 喇!係未好多野食呢?



我都唔記得呢到係邊度喇!不過就記得行到好似隻dog dog咁, 同有人係度影婚紗相呀!


<---永勝:呢度叫燈塔,係全澳門最高既山..係咪好有歐洲Feel呢....行到累都低la.


.


永勝既第一次呀!第一次帶contact lenses呀!


我係咪靚仔左好多呢.



嘩!劉華呀!


永勝說:我係一個著左草去左大海既殺手



仲有香港都有既義順牛奶公司,講真丫我真係唔知同香港有咩分別呀!



朱記水餃雲吞魚角,超好味呀!



後面仲有d船仔行黎行去..不過要$120 一位,兩個人包船要$480架.



梗係唔小得呢期好HIT既"威尼斯人"啦!大家話靚唔靚呢?


度就係威尼斯人既賭場,都幾大架.





莫義記大菜糕,連purple姐姐同莫生都黎食個架!勁呀!


你地睇下永勝幾咁慘連假粟米都唔放過呀!



呢度就係拍"伊沙貝垃"個條"戀愛巷"喇!




黎澳門更係唔小得去大三巴啦!



嘩!雞燉翅呀!我地2個好辛苦先食得晒架!二百幾蚊好抵食呀!



嘩!又係劉華喇!



永勝做咩要告誡呢?唔通佢做錯左野?



仲要係澳門坐監tim..........想知永勝點解要坐監就要睇埋下面喇!



哦...原來佢想錫同佢件衫一樣色既清潔呀姐呀!阿姐告永勝非禮呀.....


我地唔好討論永勝呢單非禮案住,繼續介紹d好野食俾大家先



有彈牙蝦子撈麵


馬家烈葡撻撻 (同肯德基差唔多架jar.)


頤得行豆腐花,蔡瀾都有介紹過架!


仲有九記三色雪糕...有芒果肉係入面架



我地仲去左媽祖廟tim



仲得閒上埋旅遊塔,後面就係跳苯豬Jump既地方喇


見唔見到我腳震震?


同埋呢個旅遊塔,真係好高同好驚tim呀!



夕陽無限好...好...好...卻是近黃昏......我地個三日兩夜澳門之旅就完左喇!


不過最後有樣好白痴既野就發生左呀!係我地返到黎香港既時候諗住睇下大家用左幾錢既時候,永勝就發現自己銀包入面仲有張廿蚊葡幣,你話係未超低能勁攪笑呢?


永勝:我都唔知點降仲有葡幣係我度...唔關我事架...呢$20都唔知點用好!?