日本名古屋/長島溫泉樂園附近既酒店/住宿介紹
今次介紹既係日本家庭旅館，
我地親身住過，性價比超高，
最大賣點係住宿費用便宜及好適合有帶小孩既家庭。
比起大家平時常住長島樂園附近既三大酒店~
「花水木飯店」「橄欖花園飯店」或「長島飯店」
住宿費會用平成兩陪有多!
(下面有實際比較例子比大家參考)
註: 「長島飯店」好似只有雙人房，而且無家庭房間架~
雖然「橄欖花園酒店」，好似平d，但原來唔係間間都有獨立廁所同浴間，
呢點我地好唔鍾意，之後得返「花水木飯店」，不過又超貴~
最後搵搵下，就比我地搵到呢間酒店，玩既景點其實一樣，慳返既酒店費用
已經可以Cover 晒所有門票及Outlet 買野Shopping 啦~(推介)
其實好多日本本地人去得名古屋，都會去以下親子景點
Joyful Water Park水上樂園🏖🌊
三井OUTLET
長島溫泉SPALAND+🎢機動遊戲
名花之里/麵包超人博物館亦都好近 ~
玩完長島仲可以去埋鈴鹿賽車場
全部都係車程一小時以內親子景點 !!
首先建議大家選擇住"三重縣或桑名區"
好處係慳返好多名古屋既交通時間。
(去一小時/回一小時)
今次介紹返我地住過既
【旅籠屋・桑名長島店】
從江戶時代(17～19 世紀)起，日本全國各地都有稱名為「HATAGO」庶民住宿的地方。
隨著鐵路及巴士等公共交通工具的發達，「HATAGO」漸漸的沒落消失。
之後再次隨著汽車自駕的普及，讓每個人都能夠隨心所欲的自由旅行，
因此旅籠屋就將 MOTEL 命名為「HATAGOYA」。
俾大家睇吓旅館四周環境相片先
【旅籠屋・桑名長島店】交通方便，地點超近長島溫泉渡假村
只需7分鐘車程就可以去到之前邁過既
「Joyful Water Park 水上樂園」
「三井爵士之夢長島Outlet」及「名花之里」
唔自駕亦有巴士站 !!
就等我哋用用嚟實際相片/影片介紹
房間可配置3張床,
很適合帶有大年齡小孩的家庭
一家四口住都好鬆動而且亦都可以放兩個大行李
標準床位是150公分寬的雙人床2張， 可併床，
可付費加床 !不過好似無收我地加第三張床$
設備齊全房間空間夠大
Mancent Marcus 兩位小朋友仲可以連跳三張床
設備齊全基本上都係標準房間
不過大家留意，各種用品 除了必需品之外，為避免浪費，
以下東西並無常備在房內。
若需使用，可以係Check in 時同櫃檯服務員要求。
＜租借物品＞ ＜販賣商品＞
睡衣 200 日圓 ・
拖鞋 100 日圓
電熱水瓶 100 日圓
衣物清潔劑 50 日圓
毛巾組 100 日圓
牙刷／刮鬍刀 0 日圓
(連續住宿及幼兒用的毛巾如需要追加或更換的情形，可以同服務員講。)
住宿費用已包免費早餐
推介下圖既牛角包
咖啡和果汁都是免費的
獨家航拍/實拍Room Tour 影片
影片入面仲拍到對面仲有24小時既便利商店
要補給/買其他早餐/日用品都好方便
(附近仲有一間日本餐廳)
地址: 三重県桑名市長島町横満蔵578
可能大家都會問其他住宿問題~
例如去之前擔心治安/收拾房間/加床/晚飯餐廳問題
因為旅籠屋其實係集團式經營好多年
好多都已經有晒一定嘅規模一定嘅配套
好似上網預定房間亦有"英文"既客服回答問題等
行程計畫方面
因為我哋會已經預計玩完名古屋(下圖既上面位置)
會係玩兩日長島溫泉樂園
Day 1 : 一日Full day 水上樂園
Day 2 : 半日outlet+半日玩機動遊戲
Day 3: 之後再落鈴鹿賽車場再玩兩日
[信我地...一日真係玩唔晒 water park / Outlet shopping/ 名花之里/Spaland 浸溫泉]
若果大家book返名古屋嘅酒店
係交通方面就要預兩次嘅來回(每次一去一回要兩小時)
兩日加埋到期就要大約用四個鐘頭啦
車程同車費方面都已經慳返好多~
名古屋/長島溫泉渡假村地圖
東名阪・長島ICと伊勢湾岸道・湾岸長島IC
を結ぶ県道7号沿い。長島スパーランド近く
入住旅籠屋(紅圈位置)就可以節省時間及車費
長島溫泉渡假村巴士時刻表
上車巴士站喺【旅籠屋・桑名長島店】門口附近
大約搭兩到三個站到已經去到長島溫泉樂園
交通時間應該都係10分鐘內到
巴士站資料/時間如下
住宿費用
大家最緊要/最關心嘅當然係費用啦$
因為我哋兩大兩小其實一晚住
「花水木飯店」「橄欖花園飯店」或「長島飯店」
費用係要7萬~8萬円
兩大兩小費用一晚
HKD $6198/ 80000 円
(Agoda reference)
連續住兩日要用過萬元實在不化算
有啲甚至乎只係能夠有二人房
花水木酒店費用大約
70000円-80000円
(Japanican 參考 )
hotel combine 都要HKD ~5000 以上
總之兩大兩小/家庭房都係貴啦~
而家推介大家 【旅籠屋・桑名長島店】
有圖有真相
費用只要17000円 / $1300 hkd 一日
已經包左四人(兩大兩小)
連加床及免費早餐
用晒地圖/數據話比大家聽
入住旅籠屋CP值高/住宿費用便宜/交通方便/房間空間大
真係要推介一下~
若果打算去其他地方如大阪/京都/名古屋
其實都有旅籠屋既住宿分店預訂!!
點解返到嚟都仲要再介紹呢間酒店呢?
因為前台服務員親切友善
(接待我地既係一位伯伯
佢地應該係一對夫婦黎既)
知道我哋香港有"特別"情況
都有用有限既既英文"關心"香港叫我地玩得開心D~
(呢間係我哋住咁多一間酒店唯一一間有關心香港嘅情況)
臨走嘅時候
招待員工專登搬好張大班椅搵我地影相
同埋幫我地影家庭照
所以咁有人情味既又性價比高既酒店/住宿一定要推介俾大家！
大家有需要打俾資料下邊呢個網址睇
【查房價】
===========================================
其他親子旅遊影片
大家睇完片就知道有幾好玩!!!
《名古屋市科学館》必玩 [-30℃極寒體驗]！[放電體驗]及[人造龍捲風](免費)
《鈴鹿賽道遊樂園MOTOPIA》第一身影片🔥🏎大阪名古屋必玩主題樂園🏁 !!
㊙日本秘境「神之故鄉」🌈 ‼
若果仲想知道有咩親子旅遊好去處，
快D Like 我地Fanspage 及Follow 我地IG
Instagram:https://www.instagram.com/
快D Like 我地Fanspage 及Follow 我地IG
Instagram:https://www.instagram.com/
#名古屋 #大阪 #親子之旅 #日本名古屋 #長島攻略
#國皇之家生活事 #親子旅遊
我地會再寫下一親子景點同再介紹另外附近酒店
保證有一個(新開)既地方大家未去過
