Adsense Script

2008年10月23日 星期四

《熊日》 (李克勤 紅日)

岩岩又收到朋友e-mail, 呢首歌原來o係11月新城電台同881節目內播過的...幾攪笑丫.


youtube version 仲有d 插圖,都好有心機.


 


===================================================


大戶就似披了羊皮
大戶造市奸得離奇
大戶就似恐嚇著你做人沒趣味
在營造Deep V 隔一天沽爆你
到最後 資金再運回賤美


摩根、Goldman、Citi、德銀 那個信得過?
徬徨時我有蟹貨獨坐一角像是沒協助!
在某年 那四叔講過
記得要追call 追call 落力在春天買貨


一生之中高峰股災 我也要走過
從何時跌市有你四叔跟我地獄內唱和


像熊日之歌 老散都知錯
結伴行 股災也定能踏過


讓晚風 吹雞蛋殼
伴送著清香一束! 站在IFC祭我
望佢升 偏偏估錯
個股市每到高處回落...Fall
快要輸死我 woo woo


末日就似即將來臨
末日令我輸光頭痕
絕望大市使我面對未來沒信任
別流淚 心酸 四叔輸得甘過你 (<-呢句有D唔岩音...)
佢定能 一生蟹著陪伴你


 


===================================================



 


 


仲有其他架..不過無呢幾首無o甘hit,無派台播jar


http://hk.youtube.com/watch?v=bc2-_DKpQVg&feature=related


放得太遲 (曲:愛得太遲)


我過去 炒窩輪 幾百萬去
到了破產以後 沒法再睡
而終於 相信賭 是全無樂趣 昆我落水


日夜望 見師奶將身家訓
卻霎眼 看出她 輸到頭暈
而她的股票等 是從來未放 買落冇擔心


最心痛是 放得太遲 有些股票 不可等某個日子
盲目地放箭 買和黃其實白痴
匯豐也受壓 買國壽是我痴線


最可怕是 放需要及時
只差一秒 高位都已變歷史
傻極又放箭 見有概念的3G
要買國企要怎麼也好
不要相信搵笨一次


我也覺 那call輪 彷要下降
看了証不錯是 別要和黃
而put輪 都掃光 但從來未放 因有挾倉


日夜做 儲的錢 都輸到夠
到聖誕 正好講 死到臨頭
誰知它開裂口 未能捱下去 已伏我很久


錯失太易 補倉太遲 我怎想到 斬倉不到那日子
盲目地放箭 從來未知
陸叔也話過 冇法例向我挑戰


斬倉這事 也需要及時 只差一秒 身家都已變歷史
為何又跌市 個市再跌多三天
要喊要殺要怎麼也好 不會相信一切冇下次


輸晒我所有身家幾多錢 需幾秒
能夠賺到又有多少未算少 足夠墳前焚掉


多少痛恨 多少作弄人
阿董估計 你一早作賤自身


人人受教訓 想起斬倉都驚震
但初四未過 你要過也很抖震


要等奧運 你蠢過別人
價位偏軟 買於咫尺卻在等


頭癢又操心 見你無能又傷心
世界有太多豬Pig誕生 不要攪到生活苦困


2008年10月22日 星期三

自製壽桃生日蛋糕 DIY

上星期係永勝媽媽生日, 我同Carrie , Yan 三個一齊整 壽桃生日蛋糕


 


我地好認真架. 先整好餅底先



之後再加Cream, 律子蓉,生果



因為要整到成個壽桃的樣子, 要再加多兩層上面.



然後再用冰皮攪好壽桃外型



再加一點點既紅色+加葉(又係用冰皮做既)



再加幾個壽飽仔....代表兒孫滿堂,


最緊要加埋塋塋 + 阿傑 + 奶奶 既生日朱古力牌, 寫好字...o甘就大功告成la..


 


塋塋, 阿傑, 奶奶 <生日快樂> 呀



若果大家都想整呢個壽桃生日蛋糕,呢個就係製作方法Menu




2008年10月20日 星期一

國皇之家計劃篇

樓市同股市有密切既關係的話,若果股市跌左50%, 樓市都起碼跌會番30%


亦都引證左2008-02 既 "買樓定租樓"既問題同埋唸發係岩既...


http://hk.myblog.yahoo.com/mandy-vincent/article?mid=1156


 



若果時間岩既話, 下年我地既<國皇之家>就可以實現了. 而家到2009 等個樓樓跌多 DD 先再唸.................


新聞:


經濟環境有惡化趨勢,業主不問價出貨的情況驟增,令多個大型二手屋苑樓價持續調整,並相繼跌破重要價位,另外,多個市區港鐵站沿線大型私人屋苑,重現樓價200萬元以下的單位,


其中坑口站南豐廣場1座低層E室,面積619方呎,享內園景,以185萬元成交,呎價2989元,屬本年新低造價。原業主於2003年以140萬元購入,單位叫價由9月底的222萬元,一個月內減價37萬元獲承接。


本月整體樓宇買賣料跌18%



而本月整體樓宇買賣合約登記(包括住宅、車位及工商舖物業)截至15日,只錄得2888宗,預測整月將錄得約6000宗(金額155億元),較9月全月的7369宗及235.6億元,下降18.6%及34.2%,兩數字均創06年1月後的33個月新低。


 



 


=================================================


Copy/reference from


蝦蟆茄粉的抉擇:買樓抑或租樓??


Voucher:買樓抑或租樓?


http://hk.myblog.yahoo.com/jw!lDjLTvmHHBHMOL2vwo46y2Ci8Q--/article?mid=162


=================================================


看了一篇Blog友對買樓抑或租樓ga分析想和大家分享


其實去年這個時候蝦蟆和茄粉也正在煩惱這個問題


亦走遍了很多大小屋苑睇樓


相信很多準新婚夫婦都有這樣的經驗


而最後我們選擇了租樓


原因有三:


 


1. "買不逢時"


隨住我們睇樓,樓市開始暢旺,


封盤反價湧現,連樓都冇得你睇,


最後激到茄粉彈下彈下,


覺得我地用幾百萬買樣野遭遇d咁ga待遇實在不合理,


而且係貨源咁少下,根本唔會買到喜歡ga樓,


但又要花一大筆裝修費、厘印費、律師費,


如果好快又換樓就好唔化算,


所以寧願待市況回穩找到一個dream home才買.


 


2. "買樓與結婚之間的衝突"


買樓要俾首期、厘印費、律師費,


仲有可觀ga裝修費,


如果係搞結婚時買樓,


就會左又用錢、右又用錢,


隨時把所有積蓄一次挖空,


仲要開始供樓令儲蓄率大幅降低,


一定會帶來好多金錢上ga壓力,


結婚都係想大家開開心心,


如果一次過做咁多有壓力ga事可能令大家窒息呢!!


 


3. "Cash is King"


現時股市低樓市升當然大家唱好樓市,


不過如果你是用家不是炒家,


你的家升值了其實對你來說沒有什麼意義,


但既然股市低迷,


只要你保持你的實力,


你就可以在低位吸納你的心水股票,


而股票的流通率一定比樓市高,


樓價下瀉你先賣隨時要坐艇坐幾年,


股市要散貨蝕少少一兩日都可以散晒,


而股市可以一兩年內翻倍,


但樓市因有供求問題相信不可能有倍幅升幅,


所以我們決定保留實力,


靜待股市進一步下調再吸納,


希望到時用積蓄加回報換番層樓番來


We believe Cash is King.


 


當然大家情況不一樣,


不可以一概而論,


總之夫婦二人應該詳盡分析,


一起做一個最適合你們的決定就準沒錯!!


 


Blog友分析:


copy from this url


http://hk.myblog.yahoo.com/jw!lDjLTvmHHBHMOL2vwo46y2Ci8Q--/article?mid=162



假設二人新婚家庭, 總收入為每月 $25, 000. 為了解決居住問題, 究竟買樓抑或是租樓呢?


擬居住物業資料


將軍澳中心617呎單位


呎價:~$3,500


樓價:$2,159,500


管理費:~$1.4


每月差餉:~$400


租賃呎價:~$13


每月租金:~$8,000


 


選擇一:買樓做按揭


最優惠利率:6.5%


按揭利率:4%(P-2.5%)


按揭年期:25年


按揭成數:95%


每月供款額:$10,829


另加差餉及管理費:$1,264


每月合共支出:$12,093


還未計及厘印、裝修及律師費。


 


選擇二:租樓及投資


首筆可供投資資金:$107,975(原用作買樓的5%首期,還未計省回的厘印、裝修及律師費)


每月新投入資金:1,2093-8,000(原用作樓按的供款-租金)


回報年利率:3%(以最保守的港圓定期存款計)


 


利用試算表作了十年、廿年及廿五年的推算,假設上述金額(包括樓價、租金、最優惠利率等等)一切不變,則結果如下:


 





























年期


買樓做按揭


租樓及投資


差額


何者較優


十年後


賣樓可取回695,544


手上持有716,597


-21,053


租樓及投資


廿年後


賣樓可取回1,571,511


手上持有1,533,759


37,753


買樓做按揭


廿五年後


賣樓可取回2,159,500


手上持有2,042,000


117,500


買樓做按揭


 


假設最優惠利率及港圓定期存款利率,在未來一年之內上調0.75%,而租金因供應充裕而得以保持的話,則結果如下:


 





























年期


買樓做按揭


租樓及投資


差額


何者較優


十年後


賣樓可取回655,820


手上持有877,886


-222,066


租樓及投資


廿年後


賣樓可取回1,535,938


手上持有1,991,879


-455,941


租樓及投資


廿五年後


賣樓可取回2,159,500


手上持有2,723,580


-564,080


租樓及投資


 


上述的假設恰當嗎?


不同的假設,可得出不同,甚或完全相反的結果。


 


樓價走向


如樓價不變,則「租樓及投資」策略會較佳(還未計及因樓齡日增的樓價耗損)。


如樓價上升,則「買樓做按揭」可能較佳(視乎按揭利率走勢),因槓桿效應令利潤擴大。


如樓價下跌(市場因素、樓齡因素等等),則「買樓做按揭」會更差,因槓桿效應令損失擴大。


 


按揭利率


按揭利率正在迅速上升中,在此情景下,除非樓價上升,否則「租樓及投資」的策略,定必較「買樓及按揭」的策略為佳。


 


投資回報率


上述的推算是以最保守的港圓定期存款利率3%作基礎。任何稍有投資經驗的人,均可輕易取得較此為高的回報率。即使連強績金也有4.X%回報呢!


 


例如:恒生銀行有限公司,息率為4.84%。


例於:匯豐控股,息率為4.2%,未計潛在資本增值。


 


很多人均認為,投資於股票是極具風險的。是的,股票價格可升可跌。但是,既然有勇氣及膽量,以接近二十倍的槓桿比率持有物業,為何沒有膽量購入股票呢?這是匪夷所思的。


 


常見謬誤


人們常說:供滿後,層樓是自己的。至於租樓則等同幫人供樓,很笨!


 


只要你看看上述表中數字,不難發現,數十年後,假若樓價及利率均不變,則姑勿論是買樓抑或租樓,兩者的未來現金價值實在相差不大。可是,只要按揭利率輕微上調0.75%,而樓價不變的話,則「租樓及投資」策略所能產生的現金價值,已較「買樓及按揭」的策略為高。


 


總結


除非未來樓價大幅上升,否則「買樓及按揭」相較「租樓及投資」的策略而言,就財務方面,毫無半點優勢。


因按揭利率及投資回報率上升為「買樓及按揭」者帶來損失。


 


以上分析,撇取了任何不可量化的情感因素,例如擁有樓的優越感等等。


在推算過程中,我特意選用最平購入價的單位,與及中價的租值單位,以示公允。


若然購入價再提高的話,則「買樓及按揭」的策略(假設樓價不大升)更形不濟。


 






































買樓


租樓


穩定。


你唔願意賣,無人可以要你搬走(土發局除外)。


不穩定


租約完結後,若不獲續約,便要遷出。


在新租管條例下,業主要住客遷出較從前容易。


正所謂「上屋搬下屋,唔見幾鑼穀」,構成無形心理壓力。


可大灑金錢,按個人需要或偏好把單位裝飾及佈置,極盡奢華之能事。


不可將單位間隔任意改動。


仍可按個人偏好把單位佈置。


需負擔差嚮、管理費、物業維修及保養費用。


在「全包」的情況下,租客無需負擔這些費用。


當居住環境轉壞,例如天花漏水、裝修老化、窗戶滲水、新鄰居被財務公司騷擾、鄰居噪音等,除非賣樓或付款維修,否則相當無奈。


當居住環境轉壞,一於搬屋了事。


若失業、生意失敗、投資失敗,還有最後的一個安樂窩。


若失業、生意失敗、投資失敗、無租交,介時會走頭無路。


利率上升時,供樓負擔會增加。


受已簽訂租約所限,息口上升未必會即時反映在租金之上。


可向伴侶、親人、朋友,作精神上、情感上、面子上的交代。


不能發揮類似功用。


由於同一單位的供款額常較租金為高,因此剩下可作其他投資的金額會減少。


由於同一單位的租金常較供款額為低,因此剩下可作其他投資的金額會增加。


不能發揮類似功用。


可透過搬遷,移近工作地點,減少舟車勞頓及交通費。


對於一些大洗的人,買樓起了一個強迫儲蓄的作用。


不能發揮類似功用。


2008年10月18日 星期六

兵乓波聯賽-壊人League

為左準備2012年倫敦奧運, 我地要為左要同香港拎番一面既金牌, 我同一班同事就係公司附近舉行左超級重視既活動——壊人League之兵乓波聯賽



首先, 高禮澤'奇雲'使出凌厲眼神... 先嚇一嚇對方....




不過很傻很天真既壊人手風順得不得了的又拿了一場勝仗.... 總共拿了11:9 兩分贏了對手....


之後就由超乎常人財力股神jOHNNY 決戰深海魔皇jANSON


Johnny 用佢財力既優勢贏得勝利, 結果係Johnny勝Jaosn 11 :  09


 


之後死光槍'Ray' 大戰可口可樂'百事'


09:11


最後, 硬膠功本門掌門人'米高'用左招長短波遠交近攻策略, 經過一大輪攻防,解決左jOHNNY, 攪到佢d 股票坐晒


 結果係米勝Johnny , 又係11 :  09.



大家睇完相之後,就知道點解米高可以四連勝成為聯賽霸主 !


因為, 佢居然用左<稻中絕招> --- 雀巢兵乓,攪到我地失晒水準 .........(詳情可認真D睇番上高D相)


 


而我,最後既結果,計埋得失球, 只係淪為尾二,比係包艇只係好少少..唉...


 



為左一雪前恥, 永勝張沉睡多個月既Wii 解封, 不過今次唔係打Wii Fit , Wii sport..


今之係Wii 既 Table Tennis League



我苦練既對手就係呢個國際級選手



 


練下'滴滴仔'開波先.


.


同埋希望訓練好D底線抽擊還以顏色



好...Training 完畢



希望下次再黎既聯賽戰, 又可以殺退一個強敵 !!!


2008年10月13日 星期一

結婚後記: 幸福結婚相

今日星期日就去左幸福宣言既影樓拎番結婚當日既相,其實好期待呢一日架 ! 拎左相之後,  好滿意D相, 值得推介一下 ~


 



 


成長片段/後期制作 : 阿果
攝影                          : Eddie             <--係Esdlife 有"氣氛王"既稱號
攝錄                          :  Gary             <--果日全靠氣氛佢提我地註冊D ,仲有提雙方父母既禮儀, 出入場次序,若果唔係實蝦碌晒,


記得第一次接觸呢間公司係三年前兄弟肥南同而家既黃太Venice 既婚禮,第二次接觸都係兄弟JEFF 既婚禮,  而家好快就輪到我同老婆. 黎緊亦有第4-5次接觸,因為細佬都決定搵<幸福宣言>影結婚相



入番正題先,我地揀左一攝影一錄影 (1P + 1V), 全用Digital(當然要加$),
方便即場睇光暗,上唔上鏡.再叫佢後期加工加Effect 相,執相.
Standard 同Snapshot 自己當日決定左係6/4 (可以安排各佔一半 or 8/2)


另外叫左兩位朋友朋友 "阿傑" + "亨利"  幫手


Thanks Kit and Henry your help here !!


由正式攝影機影出黎個D,出黎既效果真係超正, 我同老婆,細佬,吳欣睇到都勁鍾意. 係呢度,又要讚一讚 , 幸福宣言既阿果 ,佢本身都係我其中兩位兄弟既朋友, 阿果佢由頭Follow 我呢張單到尾,佢個人好Nice ,又好爽, 又好易話為, 我5個月之前,仲未識用Video Studio 整pre-dinner 個隻 Wedding PhotoCD, 佢二話不就就免費幫我整左.
記住,個Package唔包架wor...佢都無話加$ 整比我地.


 


仲話佢會親自幫手用Photoshop 幫我地執相,有咩唔滿意,佢會用同我兩位兄弟既朋友加老婆既"友情"做賭注,有咩事,佢一力承擔...o甘樣比到既信心我同文迪張我地既當日攝影交比佢同佢D拍擋Eddie & Gary



O甘當然出黎最後所有野都好滿意. 其實,幸福宣言唔算話收得平 .


要平金都有D真係 $2000- $3000 做到,有D甚至唔駛用$ 係呢part攝影攝錄 , 搵D朋友影就算 (拎住 Canno 5D, 400D  影咪得);
要貴,有D好出名, 不過成$10000 - $20000 影一日, 唔包成長片刻亦唔包晒相又有. only 成長片段 MTV $4000 ~$5000 亦有.


小小意見就係唔好以為平就是好, 有d $3000 全包,Freelance 有D $2000 亦有, 我係結婚見過有D出黎既成長片刻, 連Powerpoint Slide 都不如 ,  結婚D 相out focus, 爆晒光都唔執又有, 暗晒又有...etc.


其實,點樣揀好睇自己budget同埋想出黎要D 咩.揀左咩Package 唔係o甘重要, 最緊要係岩自己Feel, 到時影得唔靚, 就成世比人話,到時後悔仲麻煩.


而下就係一D當日我地見唔到既相片:


(出發前) 古惑仔8之<永勝不敗之迷>......都幾型丫.



American's Next Top Model -Cycle 1 - <姊姊團>



最後 Top model 當然是文迪la..


<贖金風暴4> 一千幾百,尤如垃圾



 


<我在香港天氣晴>  - 倫敦的士 <--我一定會記得當日既陽光,好Warm架



 <家好月圓3>-整心事成



導盲老婆- <小玲>



神州大揭秘- <揭頭紗>



 


我兩隻眼都見到鬼之<99支玫瑰>



<金多寶>六合彩攪珠..個Pool 都好多$ 架...



<愛情兩面睇> - 女男女




功夫2 - 大集合<嘿嘿>



岩岩 5 Pair 情侶做呢個核心成員指定動作......型呀!


睇番當日既相片,真係好開心 !!


而家大約有1500 張 (大約42 筒film)  當日相既Softcopy , 有大合照, 有飲茶相.  另加 630 張(大約18 筒film) 最靚最精彩既晒埋4R相 +再加PhotoShop 執相.


完全Match 到我同文迪要個D要求 : 要影得型D, 影多D我地見唔到既野,影多D snapshot, 要有興奮既氣氛. 我地最鍾愛既就係D後期 post-processing 相, 而加用photoshop執好晒.我地Upload 晒去呢度了.


國皇幸福結婚相


http://picasaweb.google.com.hk/hihivincent/izwcIB


有時間就去睇  < Thanks your coming ! >



2008年10月9日 星期四

解眼瞓 - 集體訂購涼果小食

岩岩收到朋友既e-mail, 問有無興趣訂D咸濕野 (即係涼果),我同文迪o甘為食.梗係訂左DD la.. 因為有時眼訓起上黎, 特別結完婚去完旅行,番番工,個人仲未回魂,吽吽地,食番d 話梅, 柑桔個D , 個人都精神番D 呀. 真係有次比同事捉到我係公司釣魚.


嘿嘿 !.


若果大家有無興趣訂一d 涼果, 而家一次個訂滿$300, 會有人直接送黎office .


不過唔過$300 , 都係加埋$20運費, 計落好過去優之良品, 一個骨(1/4LB) 都要買 $40-$50.同埋佢呢度一包有半磅 (0.5LB), 都幾大包架,樣樣買 D D 都OK 架.


我本人推介"北海道魷魚絲" 同埋"話梅王"....都幾好食架.



有興趣就 sent番個e-mail 去呢度la.


E-mail address : CHEUNGLUNG.CS@GMAIL.COM


Reference         :http://sites.google.com/site/cheonglungbiz/


 


 


佢地自然會有人Contact 番妳架.
















































































HK$DescriptionPackage
$15.00特級甘草檸檬0.5lb
$35.00北海道魷魚絲0.5lb
$14.00土耳其杏脯肉0.5lb
$15.00檸汁薑片0.5lb
$25.00覆盆子梅干0.5lb
$35.00天然養生梅肉0.5lb
$28.00頂級話梅王0.5lb
$14.00原味/九製柑桔0.5lb
$20.00甘草黃皮0.5lb
$20.00泰國元肉0.5lb
$15.00冬薑條0.5lb
$20.00鹽津提子0.5lb
$12.00燒齌雞粒0.5lb
$14.00情人梅條0.5lb
$35.00天然冰梅肉0.5lb
$25.00紅燒魚柳0.5lb
$11.00台灣九製陳皮0.5lb
$30.00頂級原味梅肉0.5lb

























備注:凡購買HKD300以上,可免費送貨,HKD300以下,需HKD10運輸費

出貨期: 3-7個工作天


** 新界北區, 離島, HKD300或以上免運費

HKD300或以下另加20元運費


2008年10月3日 星期五

結婚後記: 國皇的婚禮 逸東酒店-彌敦廳 Eaton Hotel


雖然已經過左大日子好耐,而家都仲有留意其他係esdlife 結婚既Post.


有人成日都問"唔知可唔可以post逸東酒店的相作參考呢?! "


我地呢D snapshot 皇,當然可以分亨下la..


http://hk.myblog.yahoo.com/mandy-vincent/gallery


選擇相簿  


逸東酒店


逸東新婚套房


國皇的婚禮


不過, 首先好多謝各位黎飲既親戚,朋友同埋同事, 亦都要多謝Banquet Dept 既Nichole, 佢由我地2007 Book酒店跟到結婚之後都跟到好足,好有經驗同埋比到信心我地.亦都幫我地Handle 左好多野...最好既就係因為我地要17:30 註冊,Contract 寫到明1700 先交場 , 佢基本上14:00已經交左個場比decoration 公司.  仲要送多隻回門豬比我地., 當日既酒店總管夾好晒D野放邊度,油畫,紅酒,小食.....我基本1600上去到酒店已然Ready 好晒.


酒店註冊既時候


大家知道,逸東當然唔係D咩5星級酒店,講派頭,講Grand ,當然唔及半島,四季酒店個D 5星酒店,而價錢就更加唔駛比較.


人地就成萬幾蚊一圍,逸東就~$7000 圍, 價錢差好遠.揀呢間酒店既原因為同逸東有緣. 我同文迪都唸住擺酒店唔好蝕O甘多既心態,我地其實大約用左唔夠兩個星期就Confirm 左呢度.



不過就係因為逸東平D,我地而家收收埋埋D人惰已經cover 番晒酒席D錢. 叫做打過和. 唔駛坐一圍,蝕一圍O甘la..


一圍蝕 $3000-$4000 . 20 圍乖開就6-7 萬架la..,可以買樓架la.


 


至於個場係點,自己可以睇下相簿D相......岩既咪book . 呢個就係當日婚禮的Menu, 由酒店提供架,後面有Projector,仲有老婆小時候既靚樣



主家席既Seat Cover (紅色) ..其他圍要加就$120 一圍



我同文迪既Backdrop@彌敦廳 , 唔拉紗,特別DD



彌敦廳原來放香檳,紅酒既地方



比我地提議廳後面放左簽名板,根據酒店Sale Nichole講..之前係無人試過張過張彌敦o甘椵樣攪法.我地係第一對新人O甘玩,出黎既效果係大獲好評,好多賓客都讚呀.



 


除左後面可以影相之外,



前面當然有大合照既地方



March in 有Spot light 照住架



我地仲叫左經理安排定三個抽獎箱比我地tim...左面個六角型個果都好型架....



細佬同呎吳欣仲有時間做埋求婚測試(我地睇住架)..不過睇表情已經知道嘈拒絕



仲有,不得不提就係酒店送個逸東新婚套房.超大間,又靚


用黎新娘出門都可以.主色係紫色,呢個係偏廳



比D兄弟姊妹休息既地方



呢個係書房+放雜物地方



新人休息/訓覺既地方



呢間新婚套房仲有兩個洗手間tim..



洗手間2


新婚套房可以見到彌敦道, 當晚點完人情之後仲可以即刻去銀行入行晒$