搬好屋了-續集

除左D電器外,仲有其他野.  宜家住緊呢度,地方就大左就不在話,不過就超方便,有大把野食,又多超級市場,........又近MTR, 大家都有一程車番工.

我同文迪都好快O甘安頓好 ! 

 

今次搬屋要多謝相入面既人..有家姐..吳欣......阿Kit (同埋佢既既紅酒)

特別鳴謝:文迪既父母:比左好大既自由度我地,我地住邊就住邊…鍾意點攪就點攪..都無所謂所謂.又比文迪住係長沙灣呢邊,令到佢地見面既機會少左,岩岩搬入黎既時候仲幫我地大掃除.

老豆細佬:對於水電唔係好曉既我幫左我好多…尤其係張屋企D門鎖換過晒. 幫我搬D勁重既野.

阿媽:幫我掉左舊屋的垃圾, 好辛苦,因為仲有執番好多日常用品比我係新屋用,真係多謝哂.......辛苦了.......

對於我地黎講第一件事唔係執好啲衫, 雜物!!

問過文迪..佢要既第一樣野唔係衣櫃…而係電視機..所以我即刻整好個天線...

最開心係可以唔駛比$就可以睇J2台--流行東京..高清版.全部介紹日本自由行架.希望快D去到日本玩la..

我同文迪勁鍾意個主持-杜如風. ...靚同埋潮人....講

野又唔Hardsell....

 

而我自己第一樣係…砌好部腦上網… 哈哈….

呢部就係我部既電腦

型呢......Window Vista 黎架...不過勁難用..

我地呢D IT 人都要用多D時間適應.

當然唔少得既娛樂設施---中國身第五大發明---麻雀.......加埋可以摺埋既麻雀杏枱

當場...仲有D令到間屋香噴噴既野.....呢個係 Lily and Louts 味....好好聞架 !

 

 

搬好屋了

無寫呢個Blog 都差唔多一個月了....因為呢三個星期都係忙緊搬屋d野..由揀租樓既地方到真係開始搬出入去.原來真係好多野攪.

整個復活節日的假期,日日既Schedule 都排得滿滿.又要買清潔用品,又要買家庭電器,又要買番d日常生活既用品.

除左用左好多錢之外,仲用左好多精神 tim.

 

不過....到左呢個時候,大部分都攪掂晒 !!

就等大家睇下我地新居既佈置.

中間果個呢個係大師兄....係成屋傢俱之中最先入黎SAMSUNG電視機...有成40" 架

 

 

呢個就係周中教煮送既節目,文迪最愛

第二個二帥兄就係機頂盒加now ,經過一輪努力,終於睇到高清,

...加加埋埋可以睇到20個頻率,可以慳番D睇戲錢了..仲有電視台節目表架,

身為基督教既我..屋企梗係要有番個十字架照住la..