結婚一週年紀念..去左逸東酒店食Buffet..唔駛錢架 !!
因為係逸東酒店送比係佢間酒店擺酒既新人
真係寫<國皇的婚禮>架
我地Book 左結婚一週年前一日食[30-Aug-2009]...因為好似星期日去食好似多野食D
又低D...
D 野食都OK la..不過唔係好多選擇...真係要比$ 既話...Suggest 不如比多d錢去尖沙咀果邊食.
不過由於我地對逸東酒店好有感情...呢排日日都唸番上一年既今日..我地做緊D 咩....點..點..點..
魚生Ok...不過文迪唔食得
熱盤都一般la..
呢個就係我地擺酒既地方入口 :Nathan Room Entrance
今日結婚一週年紀念正日,因為買左年票, 我地會去迪士尼慶祝 !Yeah ~
係2009-Aug-22 21:23
正當我地睇緊2009 香港小姐既時候..BB爸爸 -永勝 終於感受到BB 既胎動..
佢好用力o甘係文迪媽媽肚裹面郁左幾下呀
詳情大概如下 :
M : 老公..bb 又係o甘郁 la..
V: e..真係..快d比我摸下先
M : 佢呢排成日都郁架la..
V: 得妳自己Feel 到之嘛.....我都Feel 唔到
M: 係呢度呀
V: (...........) 等左成分鐘....喂..bb 比下面好喎...
B : 我踢..踢..踢....
V : 哈哈....bb 終於郁la..佢好似踢我呀. 我終於 Feel 到BB 第一次郁 la..
M : 低b...
今日因為文迪公司有人病左,我地同埋家姐星期六就去左九龍塘又一城Anges.B 訂花，家姐就去CitySuper 買野比男朋友食, 而我地訂完花之後, 文迪同我去左九龍城行下D outlet , 再加埋食清真牛肉餅..點知行行, 突然搵到<曲奇四重奏>呢間餅店.
之前一直有聴聞Ｃｏｏｋｉｅｓ Ｑｕａｒｔｅｔ（曲奇四重奏）好似幾出名。
又話蝴蝶酥很不錯，雜誌電視都有介紹過。
我地係果度..仲見到謝寧真人版...原來佢真人比上鏡老d架..不過都似係果d闊太feel.
希望文迪遲d都可以好似佢o甘,有D 闊太feel, 可以生活無憂la..
呢度可以比你試一細塊一細塊o甘,食左DD, 都覺得非常鬆脆，層次分明，
當然最好食既就係蝴蝶酥. ~ $138 一盒 .
而我地亦都買左一盒曲奇餅,有好多隻味架
這間名人效應的餅店，都算名不虚傳，食得過。
Reference :
金融海嘯襲擊，危中有機，藝人逆巿開店，實力加上明星效應事半功倍。前港姐謝寧於聖誕前在九龍城開設「曲奇四重奏」餅店，以健康作賣點，旋即「日日做到冇停手」，下一步在春節前進軍高級超巿賣餅
謝寧製曲奇 唔靠油香賣健康
位於九龍城的謝寧曲奇餅店，逆巿開業有多受歡迎？記者閉門採訪，也有顧客興拍門要入門買曲奇，受歡迎程度可見一斑。其實故事在兩星期前已在網上流傳，前港姐謝寧與三位好朋友合資逾百萬元，創立一個本地曲奇品牌。三位股東加上一位來自五星級酒店的總廚做顧問，品牌便取名「曲奇四重奏」。謝寧早有整餅經驗，在City\'super 開班人製月餅，明星效應，反應不俗。然而「曲奇四重奏」沒有以謝寧做生招牌，她說：「我唔信明星效應，好多食肆掛蔡瀾張相度，你去一次覺得唔好食，就唔會再去。
歡迎顧客退回「吉」罐
曲奇四重奏每罐雜錦曲奇餅售價118元，共有九款曲奇；蝴蝶酥則售68元，賣點是選用有機小麥粉。謝寧說，她們要推翻曲奇餅食肥人的不良傳統，她賣的曲奇不夠人家的香，謝寧卻引以為榮：「出面曲奇咁香，係因為落得太多油，好唔健康。」她的品牌強調環保，曲奇餅不會用紙隔開，而且歡迎顧客食用後退回「吉」罐。淡市開張，股東之一的黃志煒解釋：「間舖籌備成年，即使金融海嘯到，都冇影響我計劃。」三位股東本來都有正職在身，曲奇生意是錦上添花：「我冇諗過賺大錢，只求一年後收支平衡。」但生意出奇好，「有要落訂」。曲奇四重奏下一步會主力搶佔高檔市場，期望在春節前可以在高級超市發售。
曲奇四重奏小檔案
產品及定價：雜錦曲奇，每罐118元蝴蝶酥，每罐68元特色：全手工製作，選用有機小麥粉、法國及新西蘭牛油
地址：九龍城福佬村道58號地下查詢電話：23822817
資料來源：曲奇四重奏
http://www.cookiesquartet.com/
由於我同文迪決定有機會唔會係廣華醫院順產生,可能會開刀生阿B出黎
開刀因為驚順產生要忍受十級痛楚丫嘛..
至於開刀定順產生 ? 當然各有各好
為左等文迪既心理壓力無o甘大, 所以我地決定叫我地睇開既私家醫生寫醫生信幫我地掛牌係法國醫院生...到時先再決定開刀定唔開刀, 不過暫時傾向開刀生先.
o甘掛牌係法國醫院,當然就要比留位費先有個掛牌Number.
趁星期五放假,o甘就去埋比留位費. 價錢係 $6000
呢$6000 deposite 係文迪出錢架, 亦都無得refund, 而我既最後既資金就留番BB 出世果陣時先比手術貴, 加加埋埋大約$50000 先一次個埋單.
佢醫院個比錢時間好怪既. 星期 1 -5 , 1800 ~ 2100, 即係星期六日都唔交得
法國醫院好產科係Main Building 大樓,3樓
呢個係講座室,聽座室一堂盛惠 $780, 一小時..好貴 ! 唔聽la..
呢張就係國皇BB 既近照la...而家16 wek , 一切都係正常 ! Size , 心跳都正常.
開始見到條尾龍骨,即係健康law..同埋開始吸收緊文迪媽媽既營養
呢個係頭+手仔, 覆診既時間, 又郁左兩吓同我地Say Hello ! o甘我地就安心晒 la.. ! 仲笑晒tim
不過我懷疑係醫生攪到BB 訓唔到覺先郁隻手... 可能BB想講
< 醫生, 咪阻住我係媽咪個肚入面訓覺 la >
因為文迪今天覆診,早上整完晒D野之後,見文迪狀態幾好,O甘就決定第一年去呢個BB展覽Expro 2009 , 雖然今日已經係第一日就去, 又係working day, d人好似好多咁,
點解星期5都咁多人, d人個個好似我地咁吾洗返工???
不過最攪笑既係.....居然係買入場卷個度,撞到二舅父同海晴BB ,
仲要排隊排左成20 分鐘都未到counter.當然梗係叫二舅父買埋
人生得高真係好D既.....起碼人地好遠都可以望到妳丫..
[海晴,妳仲咩行行下街都係度笑既]
我地兩公婆加埋阿媽, 一心都係為左買平o野,先去,仲以為無咩行,
不過去到 bb展,比左$20入場費,拎左O甘多入會禮物...賺番晒
不過今次最大既收獲,就係買左條 " 護腹帶" 同埋買左D入醫院用既野先
我地行左3個鐘,..就有三大袋既啤戰利品la...其中有D仲係免費包被,手套仔,送左乾綿,
上星期日,同屋企人開始睇下D BB 用品, 不過都係睇左D大件既野先
第一樣當然就係BB既安樂窩 -- BB 床 + 網床
不過呢張太大張
BB 床 + 網床..呢張細D
蒸奶樽器-- 可能會買呢個,不過Avent 呢個牌子一舨
由於我地打算搵永勝媽媽湊BB , 兩個屋企,分別要兩套BB 車 + BB 床 + 蒸奶樽器
多得 Aunt Mandy 同埋Uncle Leung 既幫忙底下,佢地好高效率地已經幫我地搵左比BB
仲要車到我地樓下....真係辛苦晒佢地
呢Set 野,當然拎去比永勝媽媽果邊用la..而我地自己果Set..可能買晒新既都未定 .
不過問多d朋友先.
呢個都可以洗到好多奶樽
BB 車全黑色..岩晒我Style
BB車摺埋左, 都好似仲好大架wor..仲好重.
BB 床..都好易收藏,一開一收都好方便...又實用.
Aunt Mandy 同埋Uncle Leung仲好到搵埋D 床肉比我地 ...真係唔該晒佢地 !
係2009年呢年, 真係發生左好多轉變 岩岩過左既星期六,就係永永勝既生日,今次亦都係我已爸爸既身份過既第一個生日.
由於弟婦吳欣星期六要去朋友既參加結婚飲宴, 佢同家姐,細佬仲特登係2009-Jul-31 23:59 黎到我屋企慶祝生日tim...有埋生日蛋糕架..
樹起隻3隻手指..好明顯話比人聽..我已經3x 歲
生日正日,當然同上年一樣,去食左打邊爐 . 不過都係係屋企附近食, 費是文迪行來行去
今次生日,除左收到老婆送既Nokia N97 之外 (情侶Nokia N97 電話)
仲收到三封利是同埋一個好特別既Bubble Canon 500D
D 利是加加埋埋..都有好多架 !
點解我拎住個假既 Bubble 500D都O甘開心...事實係因為家姐,傑哥,細佬加埋吳欣真係買左部 Canon 500D 比我架...Kit Set 都要成 $6500 (Price ref www.price.com.hk)
不過由於家姐識朋友拎到Staff Offer , 仲要比出面平$1000 (~ $5000) , 當然搵家姐拎. 不過再後一個星期先拎到貨, 因為佢地想比個 Suprise 驚喜我, 老婆+吳欣+ 家姐+ 細佬就好花心思整左個 Bubble Canon 出黎..比我頂住先...不過禮物呢個真係令我好意外
估佢地唔到 ....送野O甘貴都O甘岩心水既禮物比我..其實因為生日正日當日,我自己真係唸住出去旺角永盛/雷射買單鏡反光機相機 : Canon EOS 500D 連 kit set 番黎架.
不過當日有D更重要既野做..無時間出去買jar...
[2008-Aug-01 上年仲未結婚時間影既舊照片] 大家都好似變左DD wor...
2009 - Aug -01 大合照 1
大合照 2(多番傑哥)
呢個都整得真係幾似丫....帶出街真係無問題...
BB..其實個個唸住買相機,都係唸住幫您影D得意相.爸爸同媽媽會努力學好我D snapshot 技巧架..加油 !
註 : 2009-Aug-01 永勝開始踏入龍友燒錢墮落之路..哈哈
