昂平360 + 大澳一日遊

早一個星期日, 同文迪一家+阿E+婆婆 去左昂平360" + 大嶼山 + 大澳一日遊....

昂平360, 雖然我已經係第4次去, 但適逢文迪媽媽爸爸婆婆都未去過, 於是同文迪決定同我再去過

那天好少人搭, 唔駛等, 仲有時間影相...

這便是我們乘搭的纜車,我地7個人坐一架車

見到大佛了

之後去左市集度行吓, 一落車就去左昂平市集行街街，不過冇咩野特別野... 反而影左呢張皇帝皇后相.

之後就食齊加埋甜品

甜品+ 下午茶, 幾好味!! 食到外父外母幾Enjoy !

跟住就去咗大澳.....大澳仲有好多我小時候的街頭小食, 有茶果 (唔知點解亞婆叫它做雞屎藤?), 有炭燒雞仔蛋, 又有煨魷魚, 有麥芽糖夾餅, 有炸蘿蔔圈, 炸蕃薯….好豐富! 

 

文迪仲幫阿姐燒魷魚

 

之後就去番當東沖行下outlet , 再去食團年飯 !

年廿八-團年飯

今天是年廿八，也是我們家吃團年飯的日子。
好開心又論到我地同姑姐正式一齊聚下既日子 ! (不過其實我地成日都見架la..)

大家都有講有笑 ... 之前雖然大燕,大塋同埋細佬係新年都有一D唔開心既 "意外"

希望新一年,呢D唔係O甘開心既事,都已經告一段落 !

大家健健康康咁迎牛年啦 ! 飲杯 !

講番今晚餐飯，弟婦整左一個<荷包常滿>輝春既小玩意比O甘多核心成員, 真有心思!!!

我真係有放係銀包架.....希望D $ 真係常滿 ! 可以買多D野.

大家睇都嗎? "郭"字利是封...代表非凡禮遇同豐富的"內容"...

核心成員10個人中, 得佢地3個有ga jar...而我地,就係用番普通既..我地笑得幾慘.

連郭氏兄弟都無"郭"字利是封, 好明顯爸爸好偏心 !

我明天會發起支持<郭氏兄弟>苦主大會,要叫政府部門正視呢一個問題,要求特首比番D 利是錢我地 !

食完飯 , 我地仲一齊去左行花市 ! 好開心 ... 好耐都無試過咁齊屋企人去行花市啦 !  今年的花市無咩特別,都係果D. 不過D 人好似特別有人情味 ! 因為人仲係算少.D人好多時間可以同你傾下計,祝福一下大家.

我地仲係o甘意係年宵幫襯中買了支 $10"唯他奶",開左個牛年運

希望新的一年全家人都開開心心、最緊要大家都身體健康！

第一年派利是

又到左新年啦!!, 今年新年係我第一年派利是呀...雖然要整好多野,又要買禮,又要執屋...清潔!!又由收入變支出,蝕晒 !

 

首先就要唱D新銀紙番黎先la..

$10 就$1000..用黎比d射鵰,清潔阿姐,回禮

其他$20 , $50 , $100,樣樣一二千

一百蚊紙唱左二十張, 當然紅底利是,只係核心成員先會有la..

不過今年心情有d唔同,我覺得其實派下利是都應該好開心, 好好玩的。

邊D $10, 邊D $20, 一封定雙封, 其實都有D學問.我地仲用左不同既利是封裝唔同銀紙,當然有文迪至愛Melody

有文迪同家姐幫手封同埋分類,唔駛20分鐘就完成呢個封利是程序....

今年希望大家生活都開開心心...財源滾滾....來新一年凡所有屋企都身體健康啦.

唔知今年會唔會因為金融風暴的關係, 大家既利是都會變得細封啲呢!!  我自己覺得多與少其實都唔係問題, 最緊要係收個開心派又開心,拎個意頭啫!

 

宮崎駿新作-懸崖上的波兒

可能我同文迪岩岩番完幾日廣州,玩左幾個BB, 發仔/女寒,

呢幾日突然好想睇呢套宮崎駿新作- 懸崖上的波兒

因為入面個細佬女-<波兒>好似好得意O甘..又好似BB O甘.

 

個時去日本已經見到呢隻公仔,但係又唔知咩黎,無買到佢D野番黎.

聽朋友話,呢次最大賣點是宮崎駿棄用電腦, 回歸手繪的方式, 多達17萬張草稿屬於手繪...

故事是宮崎監督全新創作，是由2005年在春天懸崖上的房屋住2個月，中意那邊海峽內風景，所以，舞台選了海邊的城市。
根據製片人鈴木敏夫，據說是監督電影「地海戰記」-宮崎監督的長子宮崎吾朗的5歲的時候的事，成為宗介的模型的一部分。
新作是由水彩畫和彩色粉筆畫風的手繪特徵，宮崎駿畫的印象畫也被公開，鈴木製片人談了「回顧吉卜力的歷史的話，
擴大的運動很少，細緻描畫背景的事，不過是返回原點，表現出動畫本來的快樂」。

 

日文版 Promotion Video

中文版-MTV (歌詞唔係好match)

佢地係日本仲好犀利架,連合唱團都出黎同佢地一齊出黎表演,除左見到日本版小妹妹原唱者-<大橋望美>之外, 仲要有成一百幾十人同佢一齊演奏,都幾攪笑架 !

我又換左佢首"O羅波兒"主題曲做鈴聲喇 !

廣州擺酒精華

上星期上了廣州兩天, 出席左阿燕同阿才既婚禮,o甘岩又令我唸番
中秋節其實我同文迪都番左廣州擺酒擺左20 圍架.

呢度就係當日(2008-9月中)既相片:

原本只打算請較親的親戚們食餐飯，因為他們並不方便落香港參加我們的wedding。(當然我都唔想.....d賓客o甘辛苦), 一行十二個香港人搭火車去廣州東站, 之後廣州再包左架旅遊巴~~~去文迪鄉下廣州"人和"

番到文迪鄉下...幾多菜田

我第一次去香港以外既地方擺酒/飲, 會同香港有什麼分別呢???

不過我唸都係正經同d親朋好友食餐晚飯,

酒樓個場都好四正架(無柱+開陽)

換好套衫,都係黎一d大合照先

敬酒時間..食d食送都OK la...一圍都係$500 港紙

由於D 酒席唔係好貴,就連無見廿年的舊親戚也邀請!

差點連在鄉下的親戚(連輩份也叫不出來的人)都有請出來。

最開心都係文迪既父母

夜晚9點就飲完, yeah !

之後就去左廣州地標 <上下九路>

由於要比番廣州d親戚睇番D 相,我又用Software 會影會聲整左段影片燒左落DVD,有好多攪笑相由伴娘+伴娘男朋友幫手拍架


真係唔該晒佢地

鴻福海鮮四季火鍋打邊爐

上星期成同事去左土瓜環"鴻福"又名"無間道"(因為無間道在這拍過戲)打邊爐, 叫做開年飯或者做節..總之就搵d籍口一齊食好野. 我地好熱鬧,一張枱14人食,今次好多同事都係第一嚟,大家好開心,覺得打邊爐同BBQ一齊好好玩.雖然地方舊d，但最緊要係好食嘛！

 

我地不斷叫野食,食咗好多好多野.大蝦,好大隻嘅蜆,燒蟮,牛肉,四寶丸,鮑魚仔...真係講都講唔晒.....

我地叫咗個鯊魚湯底，好味

 

雖然有人話呢度都很髒很舊，但係我覺得很有風味，不過環境比我想像中好d ,出面打邊爐好少食到咁香既味道

 

 

燒大蜆...燒時要加D 豉油or 蒜汁油係面

 

推介菜式: 燒中蝦..有人隻手O甘大隻 ~$50 一隻, 不過好生猛

wow! 燒飽魚都好掂

 

 

由於佢既特色係用炭爐燒，所以比起一般出面食gas or 電爐火鍋都會比較快熟。但唯一唔好處係用炭燒會產生好多煙,...同埋食完之後成身都會勁煙味係人都知你燒完炭黎，所以唔好著D咁靚既衫去唷！ 

 

地面濕漉漉的鴻福

地址 :土瓜灣落山道86 CD號地下(巷內)

 

UNHAPPY

Dear Vincent,

而家係3月12日夜晚9點幾,我自己一個係屋企,呢幾日真係好唔開心呀!係公司喊,喊左好耐,一諗係就好想喊呀!我都唔知點解,vincent已經对我好好,又咩都就我,但係我唔知點解我會唔開心呀!可能係我覺得呢幾日得自己一個人啦!而你知道我嬲又唔理我既關係啦!我覺得結左婚always要自己一個人係屋企,由其呢2日知道你去陪另外一個女仔啦!攪到仲唔開心呀!其實我知道我唔應該咁架!但係我一諗到你以為我特燈銷左对門唔俾佢返黎而唔同我講夥,我個心好難受呀!d眼淚係咁流落黎呀!我呢一刻真係好想返lam tin屋企呀!我好唔想留係到呀!以前係呀媽度只係我唔同呀媽講野,老豆呀媽唔會唔同我講野架!我真係好辛苦呀!我唔開心仲有因為vincent為左d泰國人日日都ot唔得閒理我,點解公司咁忙都要請假陪佢地呀?有d野唔係你以為之後做返就可以當無事發架,有d野做左就係做左架!之後唔係改過就無野.我真係好唔開心好難受架!如果你真係睇到呢個BLOG,你唔使(乙水)我,我寫呢個BLOG係我想寫低我地幾時發生左D咩呀!

From Mandy