國皇的婚禮: 小一作戰血涙史- 考小一的心路歷程

差不多又到小一自行放榜, 我地國皇一家經歷咗一個好難過既2016年。

可能你地未有小朋友升小一，仲係幼稚園enjoy 緊，未經歷過我地一家所發生既事，

呢一篇blog 以過來人寫下心路歷程先

呢篇小一作戰血涙史 blog 比較長，重點係要提大家

家長唔仗睇得失看得太重要，

今日雖然唔好彩...無人地咁幸運

用平常心去面對，我地都曾經失敗過，就算最後都係失敗，

也曾經同小朋友一起努力過，一起經歷過，

緊記我地父母才是同行者。

***不過我地絕對唔認同"平常心"等如咩都唔做 !!!

自行派位同大抽獎係講運...抽到只係妳好彩/幸運

自行派到只係靠關係（父母/宗教分）

絕對唔代表妳小朋友叻或者唔叻

我地分享返，抽唔到好學校..都唔好氣餒....盡快收拾心情，為小朋友努力叩門 !!!

我聽好多人講...抽唔到咪抽唔到囉 !!! 使咩去叩門 !!!

有D人話我地怪獸家長..呢點我地絕對唔認同 !!!

被迫做「半人獸」家長都係教育局做成 !!

講返我地國皇之家所發生既升小一經歷先，永勝因為係基督教，

Mancent係首名子女同適齡，所以我地自行有20分去抽，

但因為我地一早揀咗劉徳華（首志願）,知道20分都未必入晒，40%機會...點知到放磅當日，

真係唔中，連後補都無份，當時個心真係好唔舒服 !!!

(人地又係20分..我地又係20 分..點解唔中.....)

好彩既就係我地一早已經有兩三間都鐘意既私小做backup

心理壓力已經比其實咩offer 既父

音小/祟小係其中兩間

不過兩間學費都$4000 以上

加埋什費要$6000.......再加 x 2...真係唔得掂

就算學費$負擔得到...不過之前講過,,,私小係唔會包細佬同妹妹一定入得返...
只係會有加分...

而好出名直資小學我地都唔多考慮 !!!

因為已經見唔少例子直資學校係細佬同妹妹入唔返..

六年既小學生涯兩兄弟就要分開 !!!

呢個我地係唔想既

因為自行失敗，唔夠幸運，又要等大抽獎。

見到呢張又唸埋起當時有幾辛苦~

睇見好多人..連呢張form 都未填過/未攪清楚就係度大叫我地怪獸家長..
跟手仲講埋風涼話..

後面有幾多數據/有幾辛酸大家又知唔知 ??

一線小學排第一又唔敢博
二線小學排第一又唔甘心
太進取..又驚去左十幾志願甚至"寶"校
太保守..中左又驚自己後悔唔博(有D人又會博到)...
之後六年都後悔
又驚D雙非家長亂黎同妳爭
發夢都唸點排..

「其實做家長很無奈，升小這場遊戲很折磨，唔好睇輕中間既壓力，簡直是煎熬，大人小朋友都會好辛苦。」

又過咗幾個月，又到咗小一派位填form既日子，拎住份form真係有啲不知所措，

==>小一統一派位用明星舉例(簡單又易明)

呢幾個月當然唔會好過啦....因為一日未confirm Mancent 讀邊間小學..

怪獸家長既腳步都唔會停落黎

[或者咁講....個個家長都開Turbo 跑...妳停落黎等再一次大抽獎?]

係我哋嘅校網如果揀二線學校係甲一乙一，中既機會好大，

但有有邊個家長唔想小朋友可以讀到一線學校??

所以我哋甲一乙一最後都係揀咗第一志願劉德華

即係進取型，因為我地相信Mancent 既能力，

[名我地唔開名啦]

乙二就揀咗蕭正楠...都係基督教 !!

到放榜當日我同永勝一早去排隊睇結果 !!! 當晚已經訓得唔好..

發夢都會唸......派左劉德華...就好啦~
派左第二都唔錯~
仲已經唸埋要去邊度慶祝 !!

最後結果...派左第五志願!!

因為我哋都揀得好保險，第一志願進取完...之後 3 4 5 唔想太進取會派到寶校，

第五已經係我哋校網嘅三線學校，

係嗰一刻，我哋兩公婆真係好唔開心，

試過在Mancent 面前大哭，亦都試過鬧交，私小定第五志願？

之後當然即刻收復心情...

即刻上網搵學校諗住交form叩門，

但好多學校都要「聲稱」111 先可以叩，不過其實大家唔使理佢咁多，比d tips 大家

另一個叩門心得就係
000 大家照交Form 啦

點都去左interview 先

，我地叫入左閘先。

點解？雖然022 000 唔會比111 優先，

但係之前既blog 講過，亦有數據實例

小朋友叻，係哈佛天才，學校都好現實，叩門就係要收D 叻仔/叻女...
000 都會照收架。

[因為自行同首輪大抽獎都係政府規定
係得最後十幾個叩門位先可以比校方自行決定]

不過連application form 都唔交，就算最後校長想比個位妳都難做啦

仲有一個心得，有咩留位費/乜費物費
都交左先！一定要去註冊先

一路我地都無放棄私小既學位，

諗住真係叩唔到唯有讀私小。

所以一早都係blog /係fanspage 都叫大家考D 私小做backup plan

我哋都有去到第五志願既學校註冊同參觀，最初去到學校參觀嘅時候，唔係想像中咁差，只係校舍有啲細同舊，聽永勝講呢間學校係佢細個已經有，當時係一線學校，好多人爭住讀，參觀完校舍到校長介紹學校，令到我對呢間學校改觀。校長/老師好好人..
心諗如果係到讀都唔太差可以接受。

其實網上面...咩咩學好好好架...果間學校唔得架.....
睇Whatsapp / edu kingdom 都係一D"口耳相傳"流傳既資料

建議大家不如親身佢一次佢地既註冊日/Open Day 親身講出妳既關心..

好似問.."呢間學校功課多唔多架.谷唔谷....有無咩其他支援架..."

不過現今有邊個父母唔想小朋友讀啲好嘅小學？

經過我哋兩公婆決定，由於平時都有食過下"夜粥"
上開唔同既興趣班

都係決定去四出叩門，所以都係揀咗幾間小學去叩。

[叩門既戰鬥力同妳間幼稚園既學術加父母谷唔谷係有直接關係]

e.g 明明小朋友學開單位加減....唔好期望佢突然會識雙位加減數
小朋友幼稚園係Happy School/ 父母又係支持快樂學習果D....
唔好期望佢學術果part 會贏到KV /學之園果D
人地K2 既功課已經等如妳K3 既功課

四出Interview完係....等出result...等電話等收信又係一種折磨

阿邊個收到電話啦....點解我地無既....

成日驚Miss Call

真到出result但無Mancent哥哥份既個一刻

我真係將咁多個月既唔開心發洩咗出黎，

終於忍唔住喊咗一場，大家梗係覺得叩唔到未叩唔到,使唔使喊呀？

當時令到Mancent哥哥以為佢自己做得唔好，我都有d內疚，

我諗返當時唔應該係Mancent哥哥面前喊，

之後我都有解釋返俾Mancent哥哥知我喊係因為我做得唔夠好，

因為我見其他媽咪會為小朋友叩十間八間，而我就只幫佢叩幾間。

由於我地唔係全攻型，幼稚園又唔係好谷，成日走興趣堂顧住玩.....

好多叩門位都比一路平時"谷"開既小朋友。

[呢個世界無Free lunch 架]

到叩門結果出晒無Mancent哥哥份既時候都已經諗住讀阮兆祥。

[其實我地區既阮兆祥都好架]

不讀私小既原因係我地仲有龍B Marcus,

如果我地揀咗私小，到細佬個年咁大競爭，

好大機會無私小同會派咗寶校架。

最後叩門成功

叩門部分收生準則如下

睇上圖都知唔少人in...
500-800 個小一考生...收15-20個位
成功率2-3%

呢個時候..當然要祈禱先..求主耶穌帶領

點知平常心下，第二志願肅正楠打電話黎話有位，要我當日3點前去註冊，

但我首先要去返阮兆祥到拎返張小一註冊証，係阮兆祥去蕭正楠個程的士真係好擔心，

係未真係收咗，如果唔係未大件事。個腦不斷諗啲好負面嘅嘢。

到成功喺蕭正楠註冊後個心就定落嚟，個一刻真係覺得由地獄返返上天堂，

(仲有一段小插曲，因為哥哥叩門interview, 做父母要請假，我個排突然間要請假攪註冊，

我BOSS講笑話我個仔又書道都係因為佢, 所以提提大家黎緊有小朋友要考小一，

記得留定d假同預早同BOSS講定會有咁嘅事情發生。)

講返正題，我哋七月中到已經有蕭正楠收咗，開開心心咁去日本旅行

不過其實中間一路都更進緊劉德華既消息

去完旅行返嚟大概八月第二個星期，

再執多次個profillio (之前已經大執左一次) ,再寫求位信，Update 一下學校

去到開學前一星期..第一志願劉德華打俾我哋話佢哋有一個位啦~

<---不過中間要做D咩? 有位先打比妳....暫時賣個關子先 !!!

到當日見主任嘅時候Mancent要自己一個入去見，問咗d學術同平時生活問題，

其中有兩條條問題可能係收唔收Mancent既關鍵問題，

係咩問題等我遲d寫blog請叩門再話俾大家知。

見完Mancent哥哥就叫咗爸爸入去，

(因為驚太大壓力..處理唔到.....所以就由爸爸去)

之後再問多幾條家長問題..就最後正式收左 !!!

當日爸爸由蕭正楠去劉德華既時候，同我當日由阮兆祥去蕭正楠既心情一樣，

心情好複雜，好唔真實，永勝話到真係睇劉德華成功註冊到，
收左張小一註冊證個人先定落黎。

總結既係小一呢個遊戲真係好難玩，

以上我地既經驗分享..只係洪流中既一滴小水點

有其他父母比我地經歷更深更多體會, 不過佢地無寫出黎

呢一場小一大作戰. 小d心血都唔係咁易捱過，

大家唔好以為自行落空之後

咩都唔使準備 ~ 最基本..執定個Profillio 學習檔案

[比$其他人做好..自己做又好]

因為一叩門...基本上一定有用

仲有就係千祈唔好咁易放棄，

未到9月1號開學都仲有機會，

遲d會寫編blog係關於叩門既準備。