2014年1月20日 星期一

小一統一派位用明星舉例(簡單又易明)

小一統一派位用明星舉例




用鍾意Tom Cruise>劉德華>福山雅治



>松本潤>梁朝偉>余文樂>蕭正楠做比喻





好好笑~




希望到時劉德華,余文樂,蕭正楠都唔中


唔會派過 阮兆祥比我地啦~





Reference bay PressRoom 
:https://www.facebook.com/babypressroom/posts/587982164604743

不過..下面未必o岩晒...有人有教我地三條1.呢招叫一心一意
心水最好抽揀一間 only = 1,1,1, ..點解??




就算最後咩都無..去求位出呢招都好有用

校長好多都buy 呢招~


亦有媽媽話甲部留空會浪費晒D機會,若果最想入果D入唔到,但如果有心理預備,或者降低自己要求,選幾間好DD既小學,就算入到其中一間都開心的話,心裡壓力都會少D。心水既幾間學校都能在甲乙部各抽一次,可能都是好事。

以前揀學校邊有咁煩架~
下年Mancent 升K2就會再做下功課~

可能要搵D有經驗既媽咪拎下資料先...因為有升小一考試技巧..s 要Train 定..e.g. 常識題 [blog 最底]
有D真係傻架...大都唔識~
小學制度

爸爸或媽媽在該小學的幼稚園部或中學部全職工作,但必須是同一校址。(20分)
如若對是否同一校址有所疑問,請先向申請的小學查詢。  
哥哥或姊姊在該小學的中學部就讀,但必須是同一校址。(20分)
如若對是否同一校址有所疑問,請先向申請的小學查詢。  
爸爸或媽媽是該小學的校董。(20分)  
爸爸、媽媽、哥哥或姊姊,是該小學的畢業生。(10分)  
申請學童是家庭中首名出生的子女。(5分)
與該校的辦學團體有相同的宗教信仰。(5分)
爸爸或媽媽是該小學主辦社團的成員。(5分)  
適齡入學。(10分)

計完分, 再抽籤

===============================


《好好笑的小一統一派位舉例,簡單又易明》

舉個例;如你甲一填劉德華,甲二填余文樂,甲三填蕭正楠;乙部一、二、三也一樣。程序會先抽甲一,若唔中劉華,就會抽甲二,若你抽中余文樂,恭喜你,甲三、乙一、乙二、乙三都不會再抽了,你會得到余文樂。因此,如你很喜歡劉華,你應在甲一填劉德華,甲二和甲三留空,乙一再填劉德華,乙二填余文樂,乙三填蕭正楠,咁你就可以maximize抽中劉華的機會了。

或者我再舉一例。全球任何明星都有粉絲會,而我們只可加入其中一個粉絲會做會員,我們要先知道幾個遊戲規則:




第一,每個會有50%可供統一派位;

第二,當中5%是甲部(全世界可跨區抽),和45%是乙部(只供同區抽),所以乙部名額是甲部的9倍;

第三,抽獎順序是甲1>甲2>甲3>乙1>乙2>乙3>乙4......>乙30;

第四,抽獎跟以上順序,一抽中就停,假如你甲2抽中,甲3至乙30都唔會再抽

第五,甲部雖可填任何區,但如別區冇明星你鍾意,也可填本區。


而家解釋範例:


我鍾意Tom Cruise>劉德華>福山雅治>松本潤>


梁朝偉>余文樂>蕭正楠,我會填:


甲1(Tom Cruise)甲2(劉德華)甲3(留空)
乙1(劉德華)乙2(余文樂)乙3(蕭正楠)﹒﹒﹒﹒乙29(麥長青)乙30(艾威)

問題1:我點解甲3留空?做乜唔填福山雅治?
答:因我愛劉德華>福山雅治,如我在甲3抽中福山雅治,咁我咪等於放棄乙1抽劉德華個45%Quota? 所以我情願甲3留空,都要抽劉華。

問題2:點解乙2唔填梁朝偉?而填余文樂?
答:因為梁朝偉與劉華是同level大熱,乙一必然45%全被抽光,乙二仲抽是呃自己,只會浪費機會,所以我填次一皮的余文樂

問題3:做乜要填滿乙部三十個?冇心水可否留空?
答:唔應該,因甲部留空,電腦會Skip,但乙部留空,電腦會亂抽,所要乙部要盡填,起碼填d唔討厭的,否則,可能會派阮兆祥俾你。

轉載自 Baby PressRoom



=========================



我地升小一既第一志願..係讀英華小學 !! 


不過因為知道得愈多..愈恐怖~


若果升小一Interview時唔夠人爭.....好可能都係要大抽獎~


=============================================

面試全英語 要識奧巴馬

【本報訊】「依家小朋友兩歲去幼稚園面試已經考父母全名、屋企地址,其實呢類題目都屬於小一面試嘅程度。」小一功課題目深奧程度固然令人咋舌,連帶直資或私小的小一面試,以至幼稚園K1面試考核題目亦趨向「提前化」。有舉辦小一面試班的機構透露,近年部分小學面試以全英語進行,甚至要考生看圖片辨別美國總統奧巴馬,試題之深進一步催化家長「狂谷」子女,最終導致惡性循環。


======================================

英華常識題深到離譜 難為小一生

名牌小學一年級時事常識題目深奧程度「大超班」,不但小學生「十問九唔識」,連家長也被考起!網上近日瘋傳深水埗直資名校英華小學一份發給小一生的常識科時事工作紙,內容竟涵蓋內地實施旅遊法、藝人曾志偉辭任演藝人協會會長等與普遍小一生完全拉不上關係的艱深時事題,令人嘩然。本報以此進行街頭即場做卷測試發現,九成受訪小學生「全捧蛋」。有教育界人士狠批題目冷門、用字太深,對小一生而言屬「太過分」。校方表示已檢討並更新出題指引。

該份「英華小學2013-2014年度上學期常識科一年級時事小百答工作紙(一)及(二)」,內有十條時事選擇題,當中包括問及行會最近批准的士加價多少元、環境保護署向立法會提交修訂建議期望強制淘汰哪類車輛、內地十月一日實施哪條法例打擊零團費及強迫購物團、本港受哪個被喻為本年最強颱風吹襲等深奧內容,連最近哪位藝人專程從內地趕回港宣布辭任演藝人協會會長,竟也要小一學生知悉,引起大批網民和家長熱烈討論,「連藝人新聞都要知」。

九成受訪初小生捧蛋

本報記者昨在大埔區隨機向卅名小一至小三學生和中學生發出該工作紙進行即場測試,結果九成受訪初小生「捧蛋」,只有個別學生最多答對兩題,部分學生在家長協助下亦只能答對六至七題。若以十分為滿分,受訪初小生平均得分六點六分,當中最多人答錯的士加價題,亦有不少學生誤以為馬來西亞是菲律賓的城市。相反,受訪中學生則平均有近九成準確率。
英華小學陳副校長接受本報查詢時承認,有關題目屬該校小一年級常識科上學期網上工作紙練習題,學生每月需完成一份,但不會計入考試分,題目從報章頭版新聞取材;她透露,校方有見最近有關題目引起大批家長及網民討論,即時與科目老師開會檢討,認同部分題目程度太深和太冷門,故已更新出題指引,要求老師選材時須同時考慮頭版新聞的熱門度和客觀性。她解釋,設時事題目的是鼓勵學生多閱報及多留意時事,故不介意家長陪同子女透過討論完成工作紙。

教協主任:太過分了

資助小學校長會副主席張勇邦看過有關題目後直言太深太長,不適合小一生作答,而「辭任」、「淘汰」等詞語更是小一生較少觸及。香港教育專業人員協會教育研究部主任張銳輝批評,「小一常識科出呢啲時事題太過分了,相信連初中學生都只係勉強識」。他質疑,部分題目與小朋友的生活無大關連,建議出題應圍繞學生的程度和生活範疇。

英華小學常識科一年級題目


1.近日,哪一間電視台未能獲發免費電視牌照,引發市民發起遊行集會?
A.亞洲電視
B.Now TV
C.香港電視網絡
D.有線電視
2.早前,哪一套荷里活影片在香港拍攝期間遭人勒索?
A.雷神奇俠3
B.變形金剛4
C.異形續集
D.反斗車王5
3.近日,菲律賓哪一個市政府表示願為菲律賓人質事件道歉?
A.馬尼拉
B.馬來西亞
C.巴拿馬
D.烏拉圭
4.近日,哪一位藝人專程從內地趕回香港舉行記者會,宣布辭任演藝人協會會長?
A.曾志偉
B.金剛
C.錢嘉樂
D.林曉峰
5.近日,教育局局長吳克儉表示,因應哪一區的幼稚園學額緊張,將積極考慮善用空置班房等方法,增加學額數目?
A.觀塘區
B.深水埗區
C.南區
D.北區
6.近日,香港受到哪一個被喻為本年最強颱風吹襲?
A.蝴蝶
B.天兔
C.溫黛
D.白兔
7.中國內地將於十月一日實施哪一條法例,希望打擊零團費及強迫購物團?
A.遊戲法
B.參觀法
C.旅遊法
D.火車法
8.近日,哪一項徵費計劃正進行第二階段諮詢,建議日後每戶家庭每月徵費約三十元至七十四元?
A.垃圾徵費
B.空調徵費
C.油煙徵費
D.嘈音徵費
9.近日,行政會議批准市區、新界及大嶼山的士於本年十二月八日落旗加價多少元?
A.1元
B.1元5角
C.2元
D.2元5角
10.近日,環保署向立法會提交一項修訂建議,希望強制淘汰哪一類車輛,以收環保之效?
A.柴油車
B.環保車
C.單車
D.電車
答案:1.C 2.B 3.A 4.A 5.D 6.B 7.C 8.A 9.C 10.A
靜態組

3 則留言:

  1. 上星期睇到笑四我... 我上年好彩, 做咗穩陣派. 俾我中咗個歐陽bobby, 唔使慘到中八兩金, 有阮兆祥其實都唔算差. 哈哈~~ 好彩俾我叩得返個劉華... 哈哈~~

    回覆刪除
    回覆
    1. 呢D真係要問下妳點叩個劉華番黎先~

      要train D 咩最緊要.or 一定要?英文/國語?

      刪除
    2. 嗯… 真係唔係一言一語三兩句可以講哂。唔谷又唔得,谷得太爆又唔得。
      上年我真係傷透心,無一間私校back up,要無哂心機咁面對派彩,我連派彩都無去現場睇,直接去叩門慳返時間,三幾日叩廿一間,坐的士去學校時,真係辛苦到忍唔住喊咗出嚟,好灰架。雖然中咗歐陽Bobby唔係唔好,只係心理上唔平衡,點都有失落感。真係真係好感恩最後叩得返上Tom Cruise ,劉華,樂樂仲有估唔到嘅誇國巨星,哈哈~~
      其實幾間成功嘅,見家長嘅第一句,就係話我女女好有禮貌,我相信呢點好緊要,話哂都第一個印象。而學術上,咁難得津官校可以自己揀人,所以真係想揀自己校最想要嘅,所以叩門面試真係咩都有,林林總總,中英數常普,聽說講寫樣樣都有,有D要講故事,畫國畫,有D又會有挑戰難題,有D仲會喺D答問期間,從答案反映小朋友心理,真係咩都有架。
      語言係緊要係要學,不過從來都千其唔好迫小朋友,由佢哋開心地去跟你條路去。加油呀爸爸媽媽!!

      刪除