國皇之家祝大家新春快樂/心想事成/身體健康

國皇之前一家祝大家新年快樂

新春快樂

心想事成

身體健康 !!!!

話咁快咁又一年..

兩個仔既成長速度好快~

Mancent 已經識聽好多野.....愈來愈乖 !!

Marucs 已經由BB 長大到識行識走..~

不過差D要係法國醫院過新年~

好彩最後都出到院..

詳情睇 facebook fanspage 就一定知咩事 !!

[詳情之後先打blog..新年唔好講D唔吉利既野]

我地係醫院..住左四日三夜...望住呢對由醫院提供既揮春

"信主常喜樂"

希望大家/小朋友都身體健康!!!!

(健康最緊要)

回顧呢一年新年..由於特別事件..Marcus 入左醫院

咩都無特別準備~

亦暫時未一家四口行到花市

不過"信主常喜樂"...應該係開心多過唔開心~

最少一定比2012年好~

文迪: 工作上面有巨大既轉變~希望可以慢慢應付到..

最開心係以後都唔駛番

"星期六"

以後都唔駛番工我都想...不過永勝叫我唸到都唔好唸~

仲要供書教學....做全職媽媽全職湊住M & M

其實我覺得仲辛苦過番工架

(不過可能而家Marcus 細佬仲細，大過d識聽多d指令就ok 架啦）

2014年回顧番2013 年，特別要係每一個月份楝一幅相出黎，真係有d難度

永勝:工作上面都多左野做~2014年可能要進修下一d英文.

Take 番D英文Course ~

睇多d關於財經既書

真係書到用時方恨少呀~

Mancent : 上年經過十幾round 既幼稚園面試，

終於搵到一間適合自己既理念，家庭背景既幼稚園比佢

已經慢慢識應K1 既新生活~ 

好開心有一班好同學仔，校車姨姨，同埋好有愛心既老師，校長。

最記得9月10月問Mancent ,鍾意番之前果間多D定而家呢間幼稚園多d？

佢話點解唔番番去XX,佢鍾意XX多d

,因為最鍾意依晴同靜榕一齊玩（同一架校車既女同學/朋友仔)

我地即時唔開心，好似一對拆散左Mancent 同同學既友情

不過到左而家 (小朋友係十分善忘既)

最既好朋友已經轉左同一架校車既女仔

(之前依晴同靜榕都係同一架校車同一排坐)

當時Mancent 都係好小朋友....而家已經變左少男 !

細佬仔係下面呢張相既時候都未出世

Marcus : 撞傷一次頭/入左人生第一次醫院~

來年要再好好照顧細佬 ! 對佢好D

而家已經可以表達開心定唔開心~

希望兩兄弟keep 住都係好感情..爭少D玩具玩!!!

Blog 回顧:

上一年....好多謝咁多位blog 界 既PR 姐姐

邀請我地國皇的婚禮出席大大少少既Blogger Event

好似免費入迪士尼樂園都已經入左幾次

又有好多產品試用....

希望黎緊呢年都可以keep 住寫到blog...

希望大家keep 住支持我地

國皇之家

Love Love Love ~

今日有時間拎番呢個2014 日曆出黎睇  ~

好多好得意既相係下面 ! 

最後..希望大家「馬年進步」、「身體健康」、「恭喜發財」

恭喜恭喜!!