Adsense Script

2018年1月29日 星期一

小一統一派位填表策略 (進階篇) - 填甲二/乙二/叩門成功率注意事項



上一篇講左

先睇左上面既拎左基本concept 先, 之後保守定進攻型自己選擇

不過今年情況嚴峻,無私小back up不宜進取!

不過總有人已經準備好,揀啱自己既"個人"策略之後
下面想係Blog 度講多少少國皇之家建議既填表策略(進階篇) !!!
[以下係個人建議呢篇Blog 不會置頂亦不會Post 去其他平台
只提供比國皇之家生活事既Fans]

我今年絕對會建議大家填埋甲二 !!

好多訪間文章都會教"漏空"佢,因為咁樣"有"機會無左乙部既所有選擇~

[如下圖]
==>不過我地無意話咁樣唔正確,只不過係進階篇既我地另有打算,關係好多人既博弈理論

國皇之家建議<進取>既家長可以
甲二同乙二一樣 !!


原因: 甲二唔係拎黎大抽獎用
係用黎叩門顯示誠意既 !
識得填既叫呢招做  0(自行),2(甲二),2(乙二) 
當然放落甲二/乙二既位不能太冷門~

註:每一個填表策略各有好處同風險 大家未必認同.希望大家"自行決定" 唸清楚~

妳可能即時會問?

 放甲二咪有機會派到?放棄左乙一既本區最心儀學校?
理論上係!不過....

甲部選校策略
統一派位甲部是處理不受學校網限制的學校選擇,每所學校會派出總數學額之 5%,每名申請者最多可選擇三所位於任何學校網(包括本網)的小學。請留意,由於統一派位是先審閱所有學生的「甲部選擇」,然後才處理「乙部選擇」,即是說甲部的第二和第三選擇其實比乙部的第一選擇更加優先;但是甲部獲派機會相對乙部較微(甲部有 5% 學額,乙部有 45% 學額)....

大家若果用實際數字Fill 返入妳頭兩間心儀小學, 
今年一定間間學校都好多人揀

用上圖剩餘學位數字(最右數字)既 5% 學額
 其實得不多於十個既學位

再用真實學位數據唸清楚D ?? 
由於佢地係派晒甲一既所有申請者先
仲有位剩先會有機會排到甲乙 !!!


熱門資助學校剩餘學位
用喇沙小學做例子 
比整個甲部係84 * 5 % = 4個位
大家估有幾多個放甲一??無300人都200人
幾時會去到甲二....???
[圖片來源]
而家就算二線Band 2 小學,校長係簡介會都要叫大家填一心一意(111)
只要多過10個人係用111 一心一意呢一招
用黎申請妳自己準備揀既甲二學校
在甲一都大把人申請, 根本"唔會"入得晒既時候
甲二係無機會入到~
[除非妳個間係寶校]
呢5%仲要係全香港誇區計架 !

妳可能即時會再問?

大抽獎派唔到甲二, 咁填甲二做咩?
進取既家長, 若果都有唸過叩門(或者已經準備好叩門)
如期浪費,不如唸多少少, 去到叩門大日子, 好多校長開頭都只話收111
111 最優先.....不過減左111 三劍合壁既忠實Fans
調返轉妳係校長/主任? 見完111, 仲會比機會邊D人??
好多都會見埋/比埋機會0, 1 , 1  及 0, 2 , 2  既叻仔叻女 ~

起碼有誠意過0,0,2 or 0,0,0  
張申請表由頭到尾都出現過學校既申請號碼
有Interview 機會比邊個先 ?
校長點會唔知家長係搵緊"水泡"亂叩
定真心覺得間學校係好 !!

叫大家填埋甲二其實仲有一個原因
甲部本Blog不建議填跨區
(猛虎不及地頭蟲)
<===有私小Offer 另計....就可以進取D揀

叫大家填埋甲二等如乙二
其實大家都要理解即是唔係A 就係B
由於到最後小一統一派位結果係"唔會"
知道妳係甲部中獎定乙部中獎~
樂天既唸法咪當甲部比多機會自己囉
起碼自己都叫搏過~


親身經驗加江湖傳聞
根據永勝文迪所知
有D學校要"量化"大家對間學校幾有誠意?
有一千個小朋友申請叩門點先公平?
其實小一統一派位學校後會有D有 Marking Scheme (不公開的)

<例子>
假設100分滿分
小一統一派位申請表佔30%
面試表現70%

申請表1,1,1 - 加30分
0,1,1 - 加20分
0,2,2 - 加10分
0,0,0- 無分加 
或者少量000 直頭Interview 機會都唔比佢in

之後加埋Interview 時既表現分數
e.g. 做中英數考試卷/學生對答/父母有時都要出場不過second round 多

學生若果有D某D專業既證書, (傳聞)會有分加 !!
音樂幾多級/ 兩文三語流利, 又(傳聞)會有分加 !!

[表面說法就係話..睇到家長呢幼稚園幾年(K1-K3)
都有盡心盡力培養小朋友既興趣...
家校合作都係好事, 未來有機會為學校爭光
所以有D 000 都叩得入既學生本身就係精英Outstanding !!
不過唔好問我地點解...問返校長簡介會講過既野]


計分到最後就會決定邊D有叩門Offer 啦~

站在校方角度一日見幾百個小朋友,有111,有022,有000 
無marking scheme 有咩方法係比較公平? 靠感覺??
大家若果覺無道理都唔緊要就照返大家未睇呢篇blog 之前照排啦 ~
==============================================

用返相同Concept , 咁填埋甲三咪又多D誠意??
但係我地又唔會建議填 !! 
呢個位係有D難明???因為填埋甲三.雖然對甲三間學校有利.
不過對於第一志願同第二志願既表態有反效果 !!

(個人意見)
三條一 : 一心一意..非君不嫁..大家明白既
兩個揀一個, 得唔到最愛/最愛唔要我
我都係還是覺得你最好
若果揀晒"彭于晏"加"吳彥祖"
妳仲要加多個"宋仲基" ???? 妳情歸何處呢??

填唔填甲三大家自己唸,我當時就漏空,
費時比老師及校長覺得三心兩意嘛 !!!

==========================================

填乙二要留意事項 !!!


承接返上面.....大抽獎派得好..當然唔駛叩門
仲有一點細位要留意,大家揀乙二既時候, 
可以比其他人唸多一步
要留意叩門日子會唔會同大家撞 !!

若果大家都派唔中即係大機會叩門啦.
叩門最大機會既一定係首兩個志願
若果兩間學校安排係同一時間叩門,點算??

"首輪面試日期" 撞期, 一個下畫即係不能分心同一時間去叩"兩"度門 !!

咁大家又要考慮一下個排乙二既排法啦
有可能有影響架.
正常111可以優先當日即刻 Interview (當日星期六下午)
唔係111可能要等接住既星期一及下星期六

到時大家睇新聞就知點家長同小朋友有幾慘~
果種感覺我到而家都仲記得

[不過唔關小朋友事架,要怪可能只怪無人地咁好運
,要怪就怪香港有個咁既教育制度]

大叩門日(好多熱門學校)應該都係夾埋係呢一兩日
2018 年6月2日(星期六)及6月4日(星期一)!!
(6月2日統一派位上午有結果)
下面就係部分受歡迎小學2017/2018年度小一叩門安排
(不是今年2018/2019)
係用黎比大家參考一下大約幾時叩門
真正2018年6月既叩門日子
麻煩首兩個志願自己打去問下學校安排啦~
應該叩門Period都係6月2,4,8,9,10.呢幾日
大家記得要公司請定假及
唔好安排任何活動係呢幾個星期六+星期日呀!!

點解叩門要分3日(咁多日)?
好多時第一日(派表星期六當日)係111
第二日比,011,022,033
第三日比000 及其他校外生
當然難度/marking scheme 有可能不同~

小學 / 收表日期 / 首輪面試日期
(2017年例子參考 FYR)
浸信會沙田圍呂明才小學 / 6月3及5日 / 6月10日
浸信會呂明才小學 / 6月3及5日 / 6月10
循道學校 / 6月3日、5至6日 / 6月13日及14日
油蔴地天主教小學 / 6月3日、5至6日 / 6月10日
油蔴地天主教小學(海泓道) / 5月15日至6月7日 / 6月10日上午
聖公會聖雅各小學 / 6月3日及5日 / 6月6日
軒尼詩道官立小學 / 6月3日上午及5日上午 / 6月16日
中華基督教會基灣小學 / 6月8日至16日 / 6月24日
上水惠州公立學校 / 6月5日至6日 / 6月8日
中華基督教會協和小學(長沙灣) / 6月5日至6日 / 6月12日

大家可以打去心儀學校問定叩門面試日㗎,
之後放晒落Excel 再計出叩門成功率 !!



Example: 上年叩門成功率已經得3-5%,
今年加左位變晒"大班", 叩門成功率得返2%差不多


<<最後感想>>
保守定進攻型??唔想叩門型永國皇之家己經分享左點排法,
我地唔係咩教育專家/亦唔會上D咩新聞/賺顧問費(Consultant fee),只係過來人分享一下
一星期連寮左兩篇blog係唸住幫下一直支持我地既朋友/Fans,
亦都可以幫下一D無咩頭緒既"香港"家長.
第一次填統一派位表真係好難落筆..
一個決定影響小朋友六年既小學生涯...
我地當然希望大家用唔着呢啲叩門嘅資料
一派就派到第一志願,不過有人歡喜有人愁
總會有無人咁幸運既時候🍀大家有緣見到呢篇blog....

記住要毋忘初衷

我地做人父母..係呢個階段係為小朋友佢地遮風擋雨.
雖然未知大家最後結果係點,希望大家遇到唔開心既事,都唔好灰心,繼續加油!
上天/主耶穌已經安排左一間適合既學校比您既仔仔囡囡..
有咩都可以係國皇之家Fanspage度問..
亦希望大家都中六合彩!!




===睇住之前既幾篇小學blog 參考====


2017-2018香港最具教育競爭力小學50強龍虎榜

(CLICK 圖放大)




咁多篇一定有一篇幫到妳,咁多資料消化唔晒..又想同我地同步
想知道其他考小一資料/面試心得?


若果唔係出左blog 妳都唔會知~

沒有留言:

張貼留言