2018年1月12日 星期五

小一統一派位填表策略 (保守定進攻型??唔想叩門可以點?國皇之家重點建議)

呢排好多父母都要準備填小一統一派位(俗稱大抽奬)

下星期就要交表,國皇之家生活事有咩填表策略?


無數據無真相
先睇左之前既呢篇blog 了解自行分配學位 /
超收情況之後仲有幾多位比大抽獎先~


就算最近加左"位"由小班變"大班"都好
黎緊一年應該係戰況最激烈既 !!


大家一定要明白要統一派位不是完全係講運 !! 
仲要講D 細微策略!!一定要慢慢唸清楚架
到今日都仲有好多人有一個誤解
唔好聽人講話個Number細啲會大D機會 !! 
其實係教育局會用全新一個Random Number去抽獎
同之前自行個Number 係無關係既


[以下係個人建議呢篇Blog 不會置頂亦不會Post 去其他平台
只提供比國皇之家生活事既Fans]
===================
(國皇之家生活事建議)
小一統一派位填表策略
==================
因為全香港個個網學校都唔同,基本concept 唔講太多
我地個人會先張大部分學校分成四大類:
一線 /二線/三線/寶校

(1)Band 1 大約放6-8間超熱門學校
*記得要四圍打聽上年, 邊間學校乙二都有人中過
由頭到尾都無資料有人中過/派過"乙二"既,就當佢Band 1一線啦 ,上年放乙二都唔中,今年更加唔會中*

(2)Band 2大約放6-8間
(個個網都唔同/大家自行決定)
亦可以用升Band 1 中學%/學術排名去排
之後放係Excel 另一個column/ 參考.
[做得我地Fans,一早已經好貼心揾埋升中比率比大家
數落幾行有另一篇blog"全港小學升中派位概況"有晒資料]

(3)Band 3 又係大約放6-8間
e.g. 升中不夠好/硬件不夠好+校舍細既小學

(4)寶校係指勁唔想入果D
e.g.有D特別唔想入既放最尾/入左喊三聲/操行唔好放呢個Group

我地之前亦都搜集埋資料比大家架啦~

升中時候派幾多去Band 1 中學/英中/中中都知道~

**有時係呢個過程妳會更加理解間學校
同埋搵到D好既小學大家要主動尋寶**

===============================================

今年龍年(同下一年蛇年)情況有幾嚴重相信大家都知道
我哋既建議就係今年選校要配合111 + 保守策略 !!

妳最心儀既小學亦都可能係最心儀既小學,
妳"唔係"心儀既小學亦都可能係其他家長"最"心儀既小學,
佢地會將間學校放首志願(甲一乙一) !!
自己排第三既選擇人地可能放第二

甚至有超保守既家長將屋企樓下既三線學校放既甲一乙一
如此類推....

又要特別提一提
<<人人心見中條"線"點分都唔同>>
  • 有人鍾意用升Band 1 中學比率
  • 有人用教學方法/活動教學行先
  • 有家長用功課量少決定
  • 有父母用學校地點決定
  • 有D要有特別需要支援既配套
  • 有人用是否普教中/ 粵語教中文行先


===================
填表策略?保守定進攻型??
==================

建議第一志願大家可以照搏 "填最心儀小學"
因為大家機會均等,有機會抽到揀先既靚Number搏一線小學亦係無可厚非既 !
最好配合返之前自行分配既111三劍合壁策略 


我地絕對明白父母既苦心,
唔係咩怪獸家長,
大家要咁標籤我地亦無咩所謂,
有時好多父母家長唔係想入D咩名校,
只係想小朋友係一間好既學校發展得好D,
課外活動多D配套又好D,
係朋輩效應影響下小朋友成長都"大"機會好D.


不過妳咁唸時.....好多家長都抱有相同唸法架,
「個個家長都想為小朋友著想,唔通個個都想怪獸咩~」

所以填第二或第三志願時候,特別係今年就麻煩大家要"再"保守D !!!

去到第二志願,麻煩大家都"唔好"再以一線/二線頭小學學校為目標 !!!

千奇唔好貪心/唔好心雄/唔好抱個個都保守我咪可以"偷雞"既心態 ~


進攻型
第一一定揀最心禮儀(熱門)小學
第二可以考慮一D"二線中間"既小學
第三可以考慮一D"三線頭"既小學
[不過今年高風險咩都派唔到]

保守型
第一可以揀最心禮儀(熱門)小學
第二可以考慮一D二線尾/三線頭既小學
第三可以考慮一D"三線"必入既小學

進取 vs 保守排位例子
進取型(1) vs 其他家長(放棄Skip)
進取型(2) vs 其他家長(1)
進取型(3) vs 其他家長(2)

不想叩門(怕煩)
第一已經要揀"二線中間"既小學
(<==大約該區排名係第十幾位)
第二可以考慮一D"三線頭"既小學
第三可以考慮一D"寶校"得黎妳又覺得妳小朋友合適既小學!!

三個填表策略各有好處 各有風險!!
以上只係例子,100個人有100種排法
大家心中好既學校個個定義唔同
希望大家"自行決定" 唸清楚~

特別提下大家
係第四及第五位已經要設位防寶線  !!

因為係偉大教育局既"六合彩"大攪珠機制下,
第四及第五已經要係一D三線尾既小學
(建議可以揀近屋企/硬件係千禧校舍)
總好過三唔識七路程又遠寶校 
放到第五~第十果D已經無咩意思~

起碼第一及第二志願失手,都唔會去到十幾/二十幾或者亂派情況~
有D更加甚至係妳無揀過既學校/或者派左去第二區
或者之前提過既限時學校(短命學校)。



<<<記住>>
永遠有D咩都唔識既雙非/單非同妳搶
亦都有D拎住好多Offer 既家長"搶"D熱門學校
人地已經考好晒cert /訓練左一年甚至兩年
佢地預左大抽獎唔得, 拎住個Offer 同咁多位考生係叩門日決一勝負~


點解有上面既建議??
件事好複雜,入面有好多博弈理論
又係後面其實有少少數據既
以過去五年數據計,接近67%既小一學生已經係首三志願獲派 !!
即係7成家長已經係頭三志願派晒(排第四之後果D學校都係排黎攝位)~
唔係D學校愈來愈好只係大家都唔會再係呢D大抽獎
決定因素位置
一定要入"一線小學"為目標 !!
將D防寶線愈推愈前

第一志願大家照抽無問題大家一定要考慮埋

"搏唔到點算"??

仲要係今年間間學校已經自行超收晒~
一派衰左叩門戰一定好難打 !!

防寶線以前係放十幾位...而家已經係頭五位
甚至於放第三位已經係寶校 !!
除住資訊發達而家(今年2018年)同過往好多家長都已經好識填!!
若果仲有咁進取既唸法, 特別係龍年及蛇年小朋友真係要改
見到趨勢就係各位家長揀學校愈來愈小心
愈來愈保守~

(餘下仲有個30%家長..其實有D係全完唔識填/
或者係上面講過既高手識填,有住個私小Offer 超進取法

人地甲123/乙部123 填晒超熱門咩, 妳笑人地傻咩,
其實仲有好多Detail 位大家唔知咋 
(下一篇有時間解釋一下仲咩要123/乙部123 填晒一線超熱門
不過大家睇"明"左呢篇先啦)



小結
上面講既野太深?? 簡單D講
永勝文迪覺得"戰鬥力"唔高就當要用<保守型>策略 !!
戰鬥力一般...第一志願已經搏唔到(失敗)
再係呢度再拎個第二志願黎再"搏"係無意思 !!
咁樣只會浪費機會.
妳用第二志願再搏時好多保守家長已經用第二志願包底架~

今年超收得犀利唔想叩門就熱門學校係首三志願都唔好揀 !!


可謂"戰鬥力"?
講白D即是由上年考小一
到而家一個offer 都未有既小朋友/或者Waiting 多過second in 
適宜用保守策略愈多Offer 愈高戰鬥力 !!可以進取D
後面原因係去到叩門階段....若果都撞返同一批小朋友
贏面一D都唔會大 !!

淨係講心理質素方面人哋有幾間私校Offer揸手
個個星期上興趣班再去叩一間熱門學校
同你咩都冇(三條一)派唔到/抽唔到去叩門心理壓力都爭好遠啦~

可能妳話妳小朋友好叻架 , 唔甘心咁排法
係架....唔甘心架~
不過係現行機制下 ! 
妳都敵不過一堆Random 數字既命運 !!



<<補充少少>>
不嬲個教育制度都係唔健康
當然無Offer 唔係代表小朋友唔叻啦
不過事實證明左 考過小一面試過就知,唔難唔考
好多時除左考基本禮貌,仲要其他方面都要叻(當然包括學術啦)
證明左一個Offer 都無既家長..唔係唔叻...只係唔適合玩呢個遊戲 !
不過唔想玩都唔得,除非去讀國際學校
教育局局長都覺得複雜架

仲有另外一D家長係由上年到而家一間都未面試/Interview過既
即係平常心/快樂學習型啦去到呢D亦唔好寄望小朋友會突然叻左
去到面試會識得做考試/中英數卷兼高分過晒其他人???

為左應付幼稚園與小學斷層無限Loop 問題

Marcus 而家都係上緊普兒教育 既小一預備班
(Mancent 哥哥上緊小二補習班)
[Facebook :https://www.facebook.com/proeducation.hk/]
逐少逐少學下/識應下9月小一既中文課程
唔好到時一升上小(斷層) 撞埋高牆咁辛苦
有D普教中小一/小二已經要普通話聽寫
(有時加埋默書)就好難追架

註1:普教中有幾好大家心中有數,個人黎講唔支持,
不過教育局推行緊,香港有7成小學都係普教中
(好多精英班都係普教中)
註2: 不過大家點樣迎接/預備小一既有大家既方法
我地覺得幫到哥先幫細佬試下上興趣班
[普兒有免費試堂]

準備小二再叩門/再插班?
亦有聽過媽媽話,大抽獎派得差可以小二再叩門/再插班啦~
不過想話定比大家聽,小二插班又係一D都唔易叩架
最簡單就係問下D 過來人小學家長,問下佢地D同學仔有無成日轉??
一年都係整個年級一兩個小朋友叩到.
小一平均分科要9字頭~


回說返正題平時無練習開亦無打算要谷學術叩門既
都建議用上面<不想叩門型>填表策略
一早已經唔好太搏
好多人己經考晒Cert 就係為左呢D階段
道理一樣,萬一失敗..
叩門階段好大機會都咩叩不到~

叩門成功率?
要快速用半日係幾百個甚至過千個小朋友搵最"好"既小朋友(精英)
好多時校長會用一份學術含量高既(中英數)試卷去分 !!
高分先入去second in 慢慢再問其他
大家可能咁樣話咁樣唔啱架~
不過唔好問我地/去問返校長點解?

叩門不嬲都係成功率3-5%.....今年可能成功率得返2%...再講多次..今年係龍年呀]


叩門位今年會大減
除左上面既原因叫大家保守D外,再加埋今年叩門位會大大減少 !!
好多學校已經由小班加到大班,課室想加多張枱都唔得
由於有物理上限制校長想開多一兩個叩門位
難度係有紀錄以來最難既~
仲未計好多(後門)人事位 /特別Case 位

e.g. 老師/主任/校董朋友個朋友既仔仔囡
(若果妳唔信有呢D位,咩唔係只收111 架咩? 只能夠說自己太傻太天真了)

無人事就算有叩門位, 要收都收D天才學生啦~

講過N次有多.. 
去到最後...校長好多都喜歡收叻仔叻女或者對學校發展
係叻既,有個靚靚既學習檔案Profilio...英普兩文三語流利
有咩咩人大常委/教宗推薦信(例子)
有好多case 0,0,0 都照收
[亦有大量紀錄Support 好多0,0,0 誇區都收]


最後重點建議

填表之前再認真問自己/問伴侶今年想進取/保守/定唔想煩型?
(小朋友其實唔係太知邊間熱門/邊間Band 1 / Band 2,佢地其實無咩特別喜好)

特別要同另一半商量好/共同進退/共同承擔 !!
呢一點好緊要架,過來人經驗同妳講
派得好當然恭喜妳啦
派得唔好怨足六年都聽過 !!
到時有排妳煩.....六年小學生涯....緊記!!

[以下不代表國皇之家立場]

例句一:"(派位當日)呢間學校咩黎架...二十幾志願??快D搵下有咩學校有得叩門啦??
不過咩都無...點叩..一日內點整個Profilio.下畫要交??明天interview..??
.最衰都係你/妳啦... !!! "


例句二:"一日最衰都係妳爸爸...要咩熱門小學丫..簡簡單單讀樓下咪算囉...
攪到派唔到而家又要轉車校舍又細.."


例句三:"一日最衰都係你媽媽...明明仔仔可以升Band 1中學架啦..
而家又要屈係呢間學校.功課又唔係特別少過人..又話快樂學習,日日十幾樣功課..."



<<最後溫馨提示>>
無論結果派成點,同大家講定先總知一定要同小朋友講
耶穌/上天已經安排一間好好既學校比您!
妳放心係呢度發光及發亮啦~
爸爸媽媽支持妳架~
好好係呢個特別為您而設既學校好好享受啦


我今年絕對會建議大家填埋甲二 !!

原因已經寫左係呢度



===睇住之前既幾篇小學blog 參考====



2017-2018香港最具教育競爭力小學50強龍虎榜

(CLICK 圖放大)



幼稚園分享區入會方法(已經有20000個媽媽啦)


小一入學交流區

<===香港媽媽一齊交流下(不歡迎非香港媽媽)




後記

若果覺得呢篇blog幫到妳既, 就比個Like我地Fanspage 

 同埋Share 比其他香港媽媽啦~


有睇我地都知我地不嬲都係反雙非

Share 比香港媽媽等佢地有多D資料係手,

對大抽獎填表都有D幫助架


沒有留言:

張貼留言