2018年4月15日 星期日

《升小及幼稚園大作戰🌈家長如何制作Portfolio ⚡️⚡️》制作 Portfolio 既要點🔥及建議 (自薦信/叩門信/Portfolio Word Format Sample Download)


今次一開始就講點樣制作 Portfolio ?  
即是 Portfolio應該點做?應該入面寫D咩?


上一篇Blog 講左
要準備小學個人學習檔案Portfolio既原因 !!
原因blog入面有分四個大point講

1.小學Portfolio 真的一點都不重要??佢既用處係...
2.有人辭官歸故里 有人漏夜趕科場
3.學校講到明話要收,家長夠唔夠膽唔俾呢 ?? 
4.個人學習檔案 Portfolio 真係只作參考??仲有個好處係...


睇完就知道Portfolio 唔係一D用處到無,而且唔係只供參考咁簡單!!

今次寫埋如何制作Portfolio ⚡️⚡️Part 2 . 
一個完整<個人學習檔案>基本上係要總結小朋友呢幾年既幼稚園生活,
甚至係總結左家長呢三年既付出,呢篇Blog 超長,大家唔明就上上下下睇多幾次啦~


<前言>
自己整唔整/ 放咩入Portfolio係家長自行決定既。
千奇唔好用有幾多奬或証書或技能去代表小朋友既一切,
大家係做Portfolio既時候大家緊記「每一個小孩都是獨特及獨一無二的
只要「用愛既眼光來看孩子」


總會搵到自己小朋友既優點架!!!

當其他父母有好多學術"證書"放入去Portfolio 而自己一張證書都無既時候,
大家都可能會好擔心,擔心會唔夠人爭 !!
人地用左三年時間準備考晒證書既, 比例上叩門成功率當然高D啦,
不過其實都唔緊要架,我地都見證有不少"無證書"成功例子 ~
只要特出到小朋友既優點就可以!!

幼稚園既家長(特別係K1-K2)可能仲有大把時間準備
記住整出黎只係一個個人檔案/Word Document,跟返自己既節奏跑就可以💪🏻💪🏻


由於前人有D已經寫得好好,
我地揀左D我地認為有用既資料直接Copy & Paste 比大家睇 , 
不過我發覺好多都無Update 或者而家已經唔太適合, 紅字係我地既comment !
大家睇左先..只要大家有比Like 同Share, 去到最尾會有Free Portfolio Sample 比大家download 

(大家放心, 唔駛比錢上堂/亦唔係介紹整Portfolio 既服務)


升小大作戰- 家長如何制作Portfolio ??

下面既既Sample 及建議其實幼稚園Portfolio都啱用架!!

Reference : EDUkids 學習有方  

Date : 2010-6-25

註:佢地Facebook 已經停止更新



製作的時候要看清楚學校的要求,如果有什麽字眼不明白,要問學校。 
尊重並留意學校的頁數限制,例如有些小學要求「四張紙,單面印刷」。如果學校沒有寫頁數限制,只要不要太多,都是可以接受的。
沒有頁數限制的情況下,一份完整的portfolio應包含:
==>國皇之家意見: 因為呢幾年太多人交Portfolio ,好多都已經限定左四頁到,唔駛整太多頁,浪費時間 !! 有D公司幫家長整到成本書咁,目的都係想收多D $!! 我地知道出面係收緊 HKD $300/頁。不過而家唔興一大本果D,有料既,四頁都夠 !!


封面:一頁 

- 封面的作用是吸引甄選人員,所以應該給予適當重視
- 封面的照片要表現小朋友淡定、成熟、大方、得體、開朗等特質
- 清晰地突出小朋友的表現,例如可以挑選小朋友最突出的特長的照片放在封面
- 一張起兩張止
- 要用最新,最近拍的照片。不宜選用很久以前的照片,以免引起誤解
- 不要把集體照放在封面上
- 證件照已經貼在報名表上了,所以封面可以用別的照片
- 如果有頁數限制,而且portfolio的內容很多,沒有封面也是可以的

==>國皇之家意見: 可以Skip 封面,建議"單刀直入" !! 唔係妳小朋友唔得意/唔可愛。不過校長對妳既小朋友封面照無咩興趣, 揭多一頁先見到資料仲唔好,直接第一頁就個人資料加叩門信 !!

自薦信(父母寫給學校的信): 一頁


- 校長很清楚自己學校的優勢,所以不需用太多篇幅講爲什麽申請該學校。可以提到一些特別的地方(例如父母曾是舊生),但即使如此,小篇幅即可
- 多提到小朋友的表現,強調其優點。如果曾獲得很多獎項,則要儘量濃縮
- 可以寫到小朋友值得推介但是不太容易看出來的地方,或者寫父母栽培小朋友的見地,在什麽場合見過校長之類的
- 寫英文信比較普遍。如果寫中文信要注意書信的特別的格式。有時間可以兩份都寫,用來針對不同的學校。但是如果沒有時間,英文信即可。不需要同一間學校兩個語言的版本都交
- 用電腦打,不要手寫
- 校長的姓名一定要寫清楚,頭銜等字眼不要寫錯
- 篇幅:儘量限制在一版以內。如果多於一版,要注意內容是否重複
- 如果小朋友portfolio的內容已經很多了,不寫自薦信也可以。但是如果沒什麼特別內容,寫寫無妨

==>國皇之家意見:自薦信/叩門信好重要 !! 建議第一句已經要突顯111 三條/一心一意, 非君不嫁既心態!(當然係表面講)有人建議手寫信有誠意,不過我地手字唔靚, 用電腦打亦都方便改少少可以去申請/叩其他小學. 文迪永勝亦都搵左最少兩中一英既自薦信/叩門信/求位信既Sample 大家✍🏻📚 格式如下!


求位信/自薦信範本  (中文格式)
 [比埋大家參考/亦唔係edu.kingdom 常見果D Sample]
XX國皇之家生活事小學XXX校長:
本人乃 郭黃加之家長。小兒將於本年九月入讀小學一年級。小兒曾於「自行收生」及「統一派位」兩階段嘗試報讀貴校,均未如願取錄。(先前曾親手送上三封信給校長,可惜迄今未有回音,所以特別再致函校長)現特來函,期盼面提教晦,賜予機會,與小兒進行面試,以便 校長閣下能對他有更深刻認識。
本人一直對 貴校之辦學方針推崇備至,既著重學生的學業,又兼顧學生在課餘的發展,對德育培訓亦重視有加。本人曾多次在公眾場合遇上 貴校學生,他們均表現得謙遜有禮,面上更是充滿好比陽光燦爛般笑容。校長閣下與一眾教職員對教育事業俱有滿腔熱誠,作育英材,實為社會之幸。

若小兒有幸獲 閣下惜才,到 貴校接受教育,這對小兒之成長實在有莫大益處。
小兒資質實屬不差,勸奮主動,若能獲得校長及 貴校老師啟蒙,定必能達致顯著成就。在學業方面,小兒尤其在中英朗誦環節表現卓越;另一方面,小兒亦屬生性好動的孩子,熱愛足球及舞蹈,多次出外表演,而其他課外活動方面,則參加了交通安全隊。素仰 貴校在上述兩方面在歷年學界比賽中均有卓越表現,若小兒能有幸入讀 貴校,小兒在這方面的潛能定能得到悉心栽培。
本人誠懇希望, 校長先生能與小兒作一短談。現隨函附上小兒之成績表,歷年獲頒之獎狀,幼稚園校長對小兒之推薦信副本,敬希 卓裁。若有任何遺漏,煩請 閣下致電 xx9394 4670 xx與本人聯絡。
敬祝
教安

家長 文迪媽媽/永勝爸爸
謹上
二零一八年六月X日

求位信/自薦信  (中文格式)[唔係edu.kingdom sample]

尊敬的xxx郭王xxx校長 

一直以來本人十分敬佩貴校在教育社會棟樑方面的成就貴校的學生往往給人一種謙遜、乖巧的印像。自從上一次參觀開放日有幸與小女(名字-郭黃芝加)與 貴校的學生交流,他們的表現令人印象深刻。 同時本人亦十分認同 貴校探取全方位學習法透過不同的主題及活動擴閱學生的知識領域。 貴校堅持以學生為本的宗旨不斷研究引人有效的教學方法並盡力發揮潛 一直讓本人嚮往不己。 



小兒將於明年的九月展開人生的另一階段的 學習歷程。在眾多學校中本人與小女均視貴 校為首選。為了配合貴校學生的發展方面小女自幼便選讀一些優質的課程以增廣見聞從而亦 培養她的自信心和合群性。小女個性活潑 本身也具備不錯的語言天份她喜歡閱讀尤其是英文和科學類的書籍 

亦已經在 x 年y 月考取 xxxx 劍橋英語考試(基礎考試第二級)

我深信小女的特質和潛能如果能夠與優贊的教育結合起來將為貴校帶來相得益彰的效果。

希望 貴校能撥冗面試,讓小女有機會讀貴校的資格讓她有機會度過一個充實快樂的小學生活。 

本人隨函附上小女xxx的履歷表以供參考。 



敬祝 

教安 

郭黃家長 

文迪媽媽/永勝爸爸敬上

2018年六月x日 

叩位信 Letter to Principal 英文版
Dear Principal,



Please excuse me for this unexpected letter expressing he eagerness of mine and my son/daughter for the education offered by the XKwok Wong XX Primary School.


My son/daughter (Kwok Wong Chi Ka) and I are very much impressed by the education offered by your school which stresses a balanced and all-rounded development of one's potential. The school is so renowned for its academic and extracurricular activities standing that all parents would like to have their children educated in such a sounding environment.


I am sure my son/daughter will obtain great benefit if he/she is with the XXX. And follows his/her own initiative in learning and being diligent. Though he/she might not have done as well as others, he/she is likely to show great progress if some form of enlightenment is given by someone who is a real educationalist.


I would be most grateful if my son/daughter could be given an interview with the Principal so that you may obtain a more comprehensive understanding of my son/daughter. Copies of my son/daughter's school reports, certificates and testimonials are enclosed for your consideration.


Regards,

Yours sincerely,


XXXXXXXXXXX


想參考自薦信/叩門信點寫可以睇返之前既呢篇blog
有更多Sample 係下面既Blog
(自薦信格式/內容/寄信時間/注意事項及其他建議)
入面寫好晒求位信段落/內容既個人心得
=====================================================



小朋友的履歷表: 一至兩頁

- 履歷表作用是提供比較完整的資料,補充報名表的不足
- 履歷表應包括:
第一頁: 個人資料;家庭背景(父母的背景工作、特別的貢獻等等);如果有曾就讀不止一間幼稚園可以都填上去
第二頁: 課外活動
- 最重要是清晰、簡潔、有系統
- 如果有頁數限制,重複的資料不需要放上去
- 關於時段: 如果參加該活動已經很久了,可以把時段寫上去,不然的話只寫內容即可


==>國皇之家意見:人地個個都平鋪直敘.建議用下一D新派既Sample突圍,比十秒時間比妳快睇快望,妳係校長妳覺得邊個印像深刻D??做得我地Fans 梗係要叻D啦~








必須交予學校的文件 (不包含在頁數限制內)


- 成績表(看清楚學校的要求)
- 出生證明文件,如果非香港出生,則要加上居留證明
- 地址證明
公用事業的費用單(銀行月結單,手提電話費用單,保險單均不可以作為地址證明),最好是租約或差餉的地址證明
如果是公司名下的單據,則可以打電話問學校是否接受公司的證明信
地址證明上寫家長的姓名即可
- 宗教證明: 宗教相同才需要交,其他的不用交
- 如果學校沒宗教,不需要交
- 如果不是相同宗教,不需要交
- 視乎學校的要求,可能要求父母身份證明文件

學生相的要求


- 小朋友應看上去自信,聰明,淡定。家長要留意小朋友的衣著打扮是否得體
- 女生:把頭髮放下來會顯得成熟一點

回郵信封


- 回郵信封是貼好郵票的信封
- 如果申請多於一間學校,可以在信封不起眼處做個記號,收到回信的時候就可以直接辨別是哪所學校了

自己選交的文件


- 自行選交的文件視乎小朋友本身的資料而決定。如果頁數沒有限制,一般八張紙已經足夠,不要超過10張紙。務求三分鐘內能看完
- 內容編排方面,最好一張紙一項內容。如果內容很多,要有取捨,簡潔為上,不要把所有資料縮小然後全部放進去
- 全部資料掃描入電腦,列印之後提交。如果嫌效果不夠好的,可以買台新的printer,但不要沖灑照片然後貼上去

自選文件舉例:


- 幼稚園的「校長信」 (有些幼稚園可能不會提供)
- 獎狀
- 課外活動的證書
- 教練的推薦信
- 其它文件(如生活照、評估報告等)

==>國皇之家建議:幼稚園的「校長信」/教練的推薦信早少少準備定,佢地一年都唔知寫幾多封不過好老實,都有特定Template。呢D又要睇家長同幼稚園既關係,平時幼稚園有無多做家長義工,係咪怪獸家長成日投訴,如果有返教會學校,都可以請牧師或神父撰寫。


課外活動的證書


- 證書可以適當縮印,但前提是能夠清楚地閱讀
- 可以分為運動、音樂和語言等部分。可以把該部分的資料全都放在一起(證書、照片等)
- 如果有多方面特長,則最好不要每個方面都是推薦信。推薦信有一兩封即可
- 提交申請材料的時候,有些課外活動還沒公佈成績可暫時不交,後期再補交


推薦信

- 推薦信最好不要縮印
- 最好讓老師給小朋友寫推薦信。如果老師需要家長寫,家長要考慮如何把小朋友寫得突出一點

生活照

- 可以平衡小朋友面試時候的表現。一定要挑小朋友上鏡的照片- 拍照的時候要留意背景。背景要清晰、不要有太多枝節(校長可能會留意家裡的裝飾)
- 在家裡拍照最好穿鞋


手工作品


拍照即可,不需要呈交整個作品

評估報告


留意頁數限制

父母的專業背景資料


如果爸爸媽媽曾接受專訪,可以放進去。但這些資料只是錦上添花,不要蓋過小朋友的表現

家長現在應該幹甚麼?


1. 家長應該從現在開始收集資料,例如去興趣班問教練是否可以寫推薦信,或者回顧一下現有的照片,看看某方面的特長是否有所欠缺。例如如果發現體育很好,但是音樂方面卻比較缺乏,可利用暑假針對欠缺的方面進行補充。

(課外活動反映了小朋友的能力的同時也反映了家庭的栽培)


2. 集齊所有資料後再寫自薦信。寫的時候可以回顧一下小朋友有什麽優點,

例如老師曾經說過小朋友有什麽優點。
[e.g. 處理圖像]

篩選文件的要素:

- 太普通的或者人人都有的資料不要選
- 重複的資料不需要放。例如鋼琴考到5級,只需要該證書即可,不需要把之前的證書都放進去
- 太舊的資料不要放。(或K2的資料)
- 突顯弱點的材料不需要放。例如小朋友演講方面已經有很多獎狀,音樂方面的「參與獎」則不需要放進去

==>國皇之家建議:篩選重要既獎先放入Portfolio, 有D無關的獎就唔好放入去,而家唔係鼓勵大家去參加一D豬肉獎,最好放D有認受性既.張張都放旅遊/旅行相唔係唔好,不過又唸下比人咩感覺?旅遊同叩門有無關係?




編排文件的順序

- 必須交予學校的文件可以放前一點
- 自選的文件可放後一點
- 從強項到弱項來編排
- 如果沒參加過什麽比賽,而只是課外活動為主,則可看看該學校強調什麽方面而排列文件的次序
- 如果該學校沒什麼特別的偏好,則看看小朋友參加的課外活動在哪方面比較多,把比較多的方面放在一起


==>國皇之家建議:我地建議展示小朋友有全面發展 (Well Rounded )!! 學術放D證書;音樂又放D證書;旅行又放D相;若果係名小就放多D學術證書比較有優勢 !! (佢地叩門階段都係想收D叻仔叻女)


釘裝


- 一般來講釘書機釘裝即可,或者用普通的雙孔文件夾
- 千萬不要用pocket folder,學校不會收太重的材料

==>國皇之家建議:四頁既個人學習檔根本唔駛


其他


- 如果某些活動沒有英文名,不需要把它翻譯成英文
- 看清楚學校對成績表的要求。有的需要整個K2學年的成績表,有的則需要K2下學期最新的成績表。不需要放很久以前的資料
- 如果小朋友平時有寫文章,也可以放進去。
但家長千萬不要幫小朋友創作,讓小朋友抄寫後放進去
- 不要用立體的東西來裝飾portfolio。
可以用小朋友的作品來裝飾,但不需要特地用其他材料來裝飾,簡簡單單就好
- 家長可以和小朋友一起篩選相片和作品,一起回顧過去的活動,
小朋友面試的時候才可以有更多的話題和校長分享 


==>國皇之家建議:當然寫盡量跟返事實寫,唔好寫到識上天落地吞劍跳火圈咩都得 !! 亦唔好好似內地家長咁浮誇,主任/校長一睇就知真定假,面試其實問一問再知道真實性 
(相關新聞)為擠小學名校 內地家長炮製「牛娃簡歷」:懂核反應堆 會微積分



寫完一大論要點及建議, 國皇之家生活事提供左幾個不同既Portfolio Word Format Sample
 比大家 , Download 完可以填返自己既資料入去 ~
[個人經驗由無到有最難]

當然唔好真係Copy and Paste,份份都係呢個Sample ,照"參考"一樣邊有誠意呢?
不過我地都叩個門最基本都有個Template可以有個好既"起跑點"


最好間間小學都度身訂做,迎合唔同既學校口味
e.g. 重學術/兩文三語/宗教/音樂,
再睇下自己點樣可以好好配合學校發展!!



參考資料Portfolio Sample 1

優點:一頁攪掂晒/用來補充資料又可以



參考資料Portfolio Sample 2 

新派 Portfolio

優點: 第一次見會好Impressive

給人留下深刻印象,而且仲可以自由加其他顏色/公仔!

Original Source / Reference : 
UC_Resume_CoverLetter





<溫馨提示>

入面既資料絕對不是真實資料,除左 提供左MS Word Format  (.doc),

我地仲有PSD/ PDF/CS5 Format ,有需要既話再Facebook PM 我地,我地可以再sent 比妳
當然亦可以自由加減Section/ 加段 加圖加字自己喜歡!! 


註:Word 好處係可以Right Click "Your Image Here" "變更圖片"自己改自己喜歡既項目


參考資料Portfolio Sample 3 

務實型- 報表形式加相片

優點:大部分都Point Form 及 清清楚

/唔夠位寫亦可以向下extendable




幾時要用到Portfolio??
我地時間都幫大家唸埋,搵埋部分部分熱門學校派表日期,好多都係K3 
六月第一二個星期, 大抽獎放榜日,就要出戰架啦~
希望大家睇完呢篇Blog之後就好好準備/或者早過其他人準備好,
到時叩門個心都定D !!

"Plan for the worst and hope for the Best"



以下係2018-2019 直資/私立小學/官校叩門位一覽表

Reference : 星島親子王 2018-05-17
2018 升小「叩門」部署搶先睇 做足準備添勝算 
[以下資料以學校最終公佈作準]
[Click 圖可放大]
[Click 圖可放大]





<國皇之家的叩門建議>

Portfolio 其實只係第一步
係完成整份Portfolio 個人學習檔案之後
一定一定要Print 出黎同小朋友逐行逐行解釋 !!
我地覺得家長同小朋友既心態都好緊要 !!


要同小朋友解釋點解大家要揀呢間學校?學校既教學理念係咩,
點解Portfolio 要寫呢句,點解Portfolio 要揀呢張相,
點解要揀個興趣班而唔寫其他興趣班呢?
大家都明白加溝通好先寫落去!!
唔係老師/校長一問就知道家長及學生既心意 (相反)!!

e.g. 老師問: 點解揀呢間學校呀??? 

仔仔囡囡: 唔知架...抽唔到間好學校咪黎囉~
[主任一聽到家長準備幾多功夫都浪費曬]

仲有,若果有幸真係入到第二輪/甚至第三輪Interview
(可能有D家長真係叩門日先係第一次interview )
我地"不會"建議 叫小朋友去去面試當係玩,
亦不建議要小朋友  "好似平時返學/係屋企咁樣就OK...",
我地既原因如下:

1. 佢地年紀唔細啦,佢地唔係幾年前考N班/K1 既小朋友啦,已經大個仔/大個女有D已經明白父母幫佢搵緊既小學既苦心,「適當既壓力係好既」,等佢地有目的地完成整過考小學既過程!!大家有共同目標先會成功~

2. 而家叩門係講緊學校揀學生...絕對唔係學生揀學校 !! 幾百人甚至過千人考幾個叩門位~成功率只有2-3%

又係有數據有真相, 大部分都係30-40 爭一個位
[1/30 *100 = 3%]

一日咁多人/咁多Group 一齊interview ,Group in 要揀最叻,
就算玩遊戲都要揀"玩"得最有反應果一位,
一早講左「唔好當係玩」,咁亦唔會令到小朋友過於放鬆及大意,影響最後面試結果!!!



3. 我地會同佢講,"今次既面試係關乎妳/你自己入邊間小學,唔好當係玩,係想入呢間小學就要自己爭取,聽清楚老師既指示/指令,唔識答都盡量答啦,
有D野可能根本未學或者無答案,不過無論結果係點,耶穌已經幫妳/你揀左適合既小學,好好表現返平時學到既野啦,加油!!"



<如何Download>

我地已經準備晒Word document 比大家Free Download 
不收取任何費用或者叫妳上咩興趣班,只係想要大家既Like and Share 支持 !
(我地寫左打左咁多資料,唔係一個Like and Share 都唔值?)

若果想收到我地既下載檔(Download Link) 比妳之前我地會Check 四樣

1.妳係咪香港出世既父母??
大家知我地一直都係反雙非/反對大陸人拎晒香港D教育資源
我地無理由會幫雙非求位的!只幫自己香港人!

2.讚好 國皇之家生活事  及揀選"搶先看/See First"👀
3.“讚好”及‘分享’ 此Post及設定為’公開’ 🌎


(已經有>800人留言及 Like and Share)

4. 同妳既真account (唔係鬼account)留言 
"我是香港父母,我想要Portfolio sample (Like and Shared)" 就可以😉
#Portfolio #國皇之家生活事 #個人學習檔案 #自薦信 #叩門信 #求位信
#Sample #Freedownload

5. 由於今次只係想幫大抽獎失敗既家長
為左對其他媽媽公平亦希望佢地可以安心"抄"
一個好緊要既Steps 係麻煩
** Facebook PM大抽獎張Form 比我地**
記得遮晒所有個人資料/數字


<最後>



年年都有成千上萬既人升小/叩門/整Portfolio,好多人都唔會同妳講點開始,
真係咁詳細寫blog 比大家參考既,我見真係好少,
永勝文迪真係用左唔少既時間為大家準備,
希望幫到大家及朋友們準備呢場升小大作戰!!
特別係暫時未有小學/幼稚園Offer 既家長!
我地身為過來人絕對知道而家個種"不安""唔舒服""個種失落感 !
若果覺得呢篇Blog幫到妳,最希望日後若果大家見到其他其他媽媽有呢方面困難,
都希望大家申請援手去幫其他媽媽 !!


記住要毋忘初衷

我地做人父母..係呢個階段係為小朋友佢地遮風擋雨
雖然未知大家最後結果係點,希望大家遇到唔開心既事,
都唔好灰心,繼續加油!
有咩都可以係Fanspage度問..
亦希望大家Offer 愈換愈好!

[箴言22:6 教養孩童,使他走當行的道,就是到老他也不偏離。]

溫馨提示: 
我地唔係咩教育專家/KOL,只係普通親子博客/ Parenting Blogger,
我地既資料可能有錯,亦未必一定正確架!!家長自行決定用唔用/制作Portfolio.  
建議用desktop/notebook 電腦download 個zip file.之後用 MS office 開會好D. 
手機開唔到亦執唔到Word format架



<<後記>>


好多謝大家對《升小及幼稚園大作戰🌈家長如何制作Portfolio ⚡️⚡️》既支持 !
反應超級熱烈👍, 篇Blog同Facebook 已經好多香港既爸爸媽媽睇左!
(最少有>5萬人睇左,最少已經reply 左過二千個message)
由於都分享左都一段時間,呢幾日亦都不斷解答左好多關於Portfolio既問題~相信應該大部份既平時有睇開< 國皇之家生活事 >既朋友/Fans們都已經下載左Sample改緊 !!


暫時分享都會完結. 🔥Download link 亦會 Delete 🔥!!! 

因為仲想專心寫多D關於叩門既注意既事項/叩門技巧,
可能到大叩門日/大抽獎放榜之前既時候再分享過比大家啦.

總知緊貼住我地既update 啦~

1. 放心..一定會再有機會Download 返三個Portfolio Sample !!!
(我地已經無用..目的都係想幫多D新手媽媽)


2. 由於Share 真係超出估計,
只要妳證明到妳係小朋友準備升小一(e.g. 大抽獎Form),
我地一定會分享我地既sample 比妳參考

3.真係Miss 左既唔緊要, 一直有支持開我地既, 麻煩PM inbox, 
可能妳account set 左唔比PM message , 麻煩再PM 我地啦~
中間遇到有問題, 亦都可以去專頁問,大家一齊傾下/分享~加油呀😉 !!!

遲下會寫返多D旅遊親子遊記,我地寫既地方都適合一家大細玩架~
大家都記得支持一下 !!






===睇住之前既幾篇小學blog 參考====



<===香港媽媽一齊交流下(不歡迎非香港媽媽)


咁多篇一定有一篇幫到妳,咁多資料消化唔晒..又想同我地同步
若果覺得呢篇幫到妳,或想知道其他親子好去處/親子活動/考小一資料/面試心得?

4 則留言:

  1. Mandy / Vincent你好! 睇緊你地個blog既時候見到有refer我website / FB關於小學報名人數既圖,請問可以比個credit比我嗎 (http://facebook.com/schooldad)?麻煩晒!

    回覆刪除
    回覆
    1. 我地都係Whatsapp Group 收到, 已經己加返圖片來源.Thanks~

      刪除
  2. efer https://www.mandyvincent.com/2018/05/HKPrimarySchoolPortfolio-SampleDownload.html

    好多謝大家對《升小及幼稚園大作戰🌈家長如何制作Portfolio ⚡️⚡️》既支持 !
    反應超級熱烈👍, 篇Blog同Facebook 已經好多香港既爸爸媽媽睇左!
    由於都分享左都一段時間,呢幾日亦都不斷解答左好多關於Portfolio既問題~
    相信應該大部份既平時有睇開< 國皇之家生活事 >既朋友/Fans們都已經下載左Sample改緊 !!
    暫時分享都會完結. 🔥Download link 亦會 Delete 🔥!!!

    回覆刪除