國皇的婚禮: [獨家]小一叩門經驗分享- 叩門必備物品/叩門信/Portfolio/Sample /求位信範本(唔係Badykingdom Sample)/實際叩門情況成功率

小一統一派位大抽獎就快放榜啦 !!

終於去到呢個最後時刻..
家長同小朋友由K2 開始經歷，
「報名、面試、失敗、自行分配、大抽獎、等放榜日...…」
歷時接近一年既升小學大作戰，
終於去到最後階段 !!

國皇之家一直都建議
「Hope for the best and prepare for the worst」

我地好明白大家既實際境況~

身為父母我地好明白去到呢D 最後階段，

都係想小朋友搵到一間好既小學讀書~

等佢有個好D既學習環境 !!

好多人"唔"明白我地家長點解咁"怪獸"?
唔明點解香港升小學攪到咁辛苦;
唔明點解我地要整Portfolio;
唔明點解我地要準備叩門;
不過要唔明就由其他人唔明啦 !!

又要重溫返黃子華人生三大矛盾
<搵食啫，犯法呀？我想㗎？>

小學一讀就讀六年，

有時我地地唔係真係想做怪獸家長.

只不過係起跑線越推越前，
我地唔係想贏，只不過係唔想輸 !!

熱門小學/甚至普通二三線既學校.

想要一個簡簡單單既學位都要叩門架啦 ~

明白/知道大家未必係要D咩名牌小學，

最常見既例子係

"呢間小學以小童為本..唔係太谷..又Happy School..又唔多功課...又廣教中

(我地唔支持普教中)

好啱我地同小朋友喎...第一志願就揀佢啦"

不過事實係一年只要多過60-70 人同妳擁有相同理念，

覺得妳揀果間學校是好小學，

妳就有機會大抽獎失敗抽唔到第一志願 !! 抽到只係妳好彩，

不過唔好彩既...去左唔知第幾志願~

Reference :
小一入學自行分配學位結果
(43%兒童獲自行分配小一學位/實際只有兩成多21%名額供申請)
)

而叩門既Marking scheme 我地坦白D同大家講，

好多學校都係以學術為主 !!

學校唔會叩門時( First round)問父母既教育理念，

一份考學術既試卷或者問題..已經可以Filter 走超過一半學生，

妳可能會問: <唔係話唔比做卷考小朋友架咩?>

又唔好問我點解考咁深..要考奧數...莎士比亞詩詞歌賦

小一要考兩位加減數/餘數/乘都考埋，

校長就expect 妳要識定小二既野，
[在日常生活學習/從玩樂中學習丫嘛..妳唔係唔識呀]

明明有D生字加英文字,大人都唔識.就要考5-6歲既小朋友，
其實校長佢地係專登出難D，好似下面既真實例子 !!

小一叩門試「奧數」化：牛吃草題型

當年好記得就算係政府<官校>，
好多學校都係直接叩門日一黎考中英數試卷，
仲要係做45-60分鐘 !

[佢地邊有時間一次過interview 幾百人??]

有D K3 小朋友唔好話做份卷，連理解條題目既中英文都未識~點做??

亦見好多case , 有D未去到second round

未有機會比小朋友或者家長"表演"既時間已經 Bye bye==>

小學既玩法係入左叩門申請唔一定有得Interview,
大約係睇完晒張Application form + 考試成績+ Portfolio+ 111/000 志願+關係
計完分有D係連面試機會都無架 !!

(大約Example 如下)

去返主題先.出面已經有好多叩門Tips 新聞/ 叩門分享

不過好多網站都有叫大家準備,我當時成日都問???? 成日叫人準備???

<<咁點樣寫開始寫??咁點樣先有D"實際"D 建議同落地既野???>>

下面幾個既"獨家"叩門心得..會寫得落"地"少少...
雖然又多錯字又亂,
不過都係國皇之家生活事實實在在既親身體驗!!

叫得獨家呢篇..blog 無置頂,

只係呢度同國皇之家生活事既朋友/Fans 分享/交流一下

*呢篇Blog 第一次寫於2017 年6月/之後呢幾日再改下/Update 2018 既資料*

第一個叩門心得-帶齊叩門必備物品
基本野唔多講，大家自己睇

[圖片來源]

後補生申請表
身份證明文件/出世紙正本/副本多份
學生相
幼稚園入學資料
幼稚園K2 K3成績表 (彩色影印)
幼稚園評估報告 (彩色影印)
回郵信封連郵票
自行分配／統一派位申請表副本
統一派位小一入學註冊證
家長身份證
自薦信
活動及比賽證書(彩色)
幼稚園校長／其他相關人士推薦信

下面既blog要用既資料應該"執"齊晒比大家 !!
詳情睇呢篇Blog.
《升小及幼稚園大作戰🌈家長如何制作Portfolio ⚡️⚡️》

制作 Portfolio 既要點🔥及建議

(自薦信/叩門信/Portfolio Word Format Sample Download)

(只供參考 For Reference only)
睇完起碼有個好既 word file 開始第一步

幼稚園校長"推薦信"好呢幾日快D叫校長寫定 ~

唔好大抽奬失敗先臨急抱佛腳.幼稚園校長都寫唔切

有D要放榜當日早上即刻要入Form 申請，有D而家已經開始架啦~

提一提, 有D學校Application number 都有分先後次序，

有D額滿收夠form 直頭唔收!!!
e.g. 限住頭300 -400個application number/ 有D仲係只限頭兩小時收表!!

資助學校叩門必備清單

[Reference : 出處唔知 / Whatsapp Photo /知道可以標明返出處]

第二個叩門心得-未到最後，千祈唔好咁易放棄
叩門係一件好漫長既過程...大叩門日個果星期唔得...叩唔到..唔代表之後都唔得~

有報幼稚園經驗既都知道呢D都係音樂椅遊戲!!

Waiting - > 後備 -> 正選->換更好既Offer

直資、官校、私校三條隊又再執過晒D位

又無限Loop 過!!!

好多都會在開學前(X月X號前)買校服/買書..落大訂(支票)，

上天好公平，就算一個超叻天才既小朋友考左好多個小一Offer 都好，

最後關頭有多個offer 嘅家長都要決定放位！

親身見過/朋友試過9月1日都仲係 "A" 學校返學;

9月2日都仲有轉到校加9月2日已經又著套新校服返左第二間 "B" 學校!!

遲下會再提大家幾時準備第二封求位信架啦~

第三個叩門心得-唔好場場都硬仗,最好係兩三星期既叩門戰入面要揀D成功率高D

<<一鳥在手...好過百鳥在林>>
有一個可接受既小一Offer，對小朋友自信心/家長壓力都少D !!

而且大部分叩面面試只設—至三天，考後備生要有「必然」撞期既打算，

放榜後大叩門日要一早準備好Profilio做定research..交表日期.邊間有幾多位..

成功率又幾多...

以下係2018-2019 直資/私立小學/官校叩門位一覽表

Reference : 星島親子王 2018-05-17

2018 升小「叩門」部署搶先睇做足準備添勝算

[以下資料以學校最終公佈作準]

一定要睇去年叩門人數及叩門學學額!!

Example : 5 叩門學額/250 叩門人數 = 2%

[Click 圖可放大]

點解一定要睇上表既叩門成功率?
大家預都係2-5%，
記住叩門日將會有好多好叻既小朋友走返出黎，
好多有私小/直資 Backup Offer 既小朋友都會去"再"考"再"叩，

不斷換Offer. 人地有住offer 去考同大抽獎派得差去叩，

好多都係"高下立見" !!

人地圍攻緊光明頂、東方不敗大戰四大高手

戰鬥力.武功唔高既麻煩搵D易"叩" D 既小學 !!
**叩門既戰鬥力同平時有無訓練開係成正比 **

人地已經係考前半段既私小/直資已經贏左一次，

唔好唸住好幸運係咁重要既時候可以贏到一直有備戰既同學，
不過去到呢D位，點都要盡力再出戰啦，為左小朋友點都要博盡佢!!

第四個叩門心得-寫「叩門」信四大重點

1. 三劍合璧：說明學生在「自行分配」、「統一派位」的甲部及乙部均選擇該校為第一志願；
或者已經將學校排到好前.

以我地經驗..顯示到Supporting ..
後面係有Marking scheme 好多都會量化第幾志願既分數

或者有D根本只收首三志願既叩門考慮

2. 認同學校：家長認同該校的辦學理念，並說明原因；

3. 就讀原因：之處子女適合在該校就讀的原因；

(屋企好近/有無校車到/日後支援)

4. 面試機會：請求校長給孩子一個面試的機會，記得，你要求一個面試的機會，
而不是一個小一的學位，否則。校長會連面試的這個機會也「慳番」，
唔同幼稚園..唔係申請左/Submit Form 一定有得interview。

當然第二唔好直抄Baby Kingdom /我地既Sample

第一段：先介紹自己既小朋友名..申請編號

再多謝學校俾機會interview

第二段：特出自己優點, 有咩原因要係咁人之中比個學位妳

自己會做左D咩或者做有咩可以配合學校的理念或要求。

第三段：學校既優點, 點解要揀呢間學校

(例如：同一宗教，理念，著重幼兒雙語發展)

第四段：求學校比個位妳加埋有消息既聯絡方法 .e.g 電話

自薦信格式(參考圖書)

(唔識寫亦已經搵埋Sample 比妳架啦/只供參考)

<<求位信範本(唔係Badykingdom Sample)>>

XXXX小學XXX校長：

本人乃X國皇之家XX之家長。小兒將於本年九月入讀小學一年級。小兒曾於「自行收生」及「統一派位」兩階段嘗試報讀貴校，均未如願取錄。(先前曾親手送上三封信給校長，可惜迄今未有回音，所以特別再致函校長)現特來函，期盼面提教晦，賜予機會，與小兒進行面試，以便校長閣下能對他有更深刻認識。

本人一直對貴校之辦學方針推崇備至，既著重學生的學業，又兼顧學生在課餘的發展，對德育培訓亦重視有加。本人曾多次在公眾場合遇上貴校學生，他們均表現得謙遜有禮，面上更是充滿好比陽光燦爛般笑容。校長閣下與一眾教職員對教育事業俱有滿腔熱誠，作育英材，實為社會之幸。若小兒有幸獲閣下惜才，到貴校接受教育，這對小兒之成長實在有莫大益處。

小兒資質實屬不差，勸奮主動，若能獲得校長及貴校老師啟蒙，定必能達致顯著成就。在學業方面，小兒尤其在中英書法環節表現卓越；另一方面，小兒亦屬生性好動的孩子，熱愛足球及舞蹈，多次出外表演，而其他課外活動方面，則參加了交通安全隊。素仰貴校在上述兩方面在歷年學界比賽中均有卓越表現，若小兒能有幸入讀貴校，小兒在這方面的潛能定能得到悉心栽培。

本人誠懇希望，校長先生能與小兒作一短談。現隨函附上小兒之成績表，歷年獲頒之獎狀，幼稚園校長對小兒之推薦信副本，敬希卓裁。若有任何遺漏，煩請閣下致電XXXXXXXX與本人聯絡。

敬祝

教安

X國皇之家生活事XX 家長 XXX 謹上

二零一八年六月X日

校長先生：

您好！首先多謝您去年十二月中來電，回覆小女申請後補生之信件。時間過得很快，小一派位結果公佈日期將近，作為家長心情亦非常緊張。回想年初XXX為了將會成為小學生，主動要求裝備自己，如減少午睡、學習如何分配做家課、温習及遊戲等時間，作為家長真是感到非常安慰；只可惜現今派位制度所限，我們除了在小女裝備自己的過程中給與指導和協助外，對於派位結果真感到無能為力。我們確信有良好的小學教育，將會為日後升學打好基礎，因此我們將揀選與小女性格配合的小學為首要的目標。正因如此，如X國皇之家XX於六月x日派位公佈後，未能派往貴校就學，懇請校長給與X國皇之家XX一個小一面試機會。

唐突之處，敬請見諒！

隨函附上XXX之履歷表以供參考。

祝貴校各師生身體健康、生活愉快！

................................................... xx永勝/文迪x國皇之家家長
...............................................二零一零年xx月xx日

仲有好其他sample 同埋本身edu kingdom
可以去呢度參考

==>http://www.mandyvincent.com/2015/01/kindergarden-badykingdom-lettersample.html

<<獨家叩門心得>>

好多人同妳講，叩位信唔駛花巧..簡單易明. 就可以啦，

不過要係咁多封信突圍，個人覺得格式都好緊要架!!!

"唔係"要大家鑲晒金邊，用厚紙..立體3D

不過大家都係Show D 基本資料，有時間加埋個Frame..
睇下面呢個係咪即時"好睇" "方便"醒神"好多!

又可以show 埋平時有親子/家庭照，
個人資料要放頂/唔駛加一頁Cover Page

內容方面-投其所好
正所謂投其所好;明知間小學行緊普教中，可以寫下識國語;
明知間小學會教快半個學期..鍾意小朋友有閱讀/多睇書
咪又寫下小朋友適合入讀既原因;
明知小學要強推TSA /BCA，
妳係封信寫主張不操練/快樂學習/唔比壓力小朋友
咁咪又係扣分囉~

我成日都話，主張快樂學習果D...麻煩快樂到尾.
唔好"底""面"唔一樣.
去到呢D位唔係話啱定唔啱, 唔好大抽獎失敗先黎變身 !!
妳一定轉唔切身 !
校長唔會無情情比個叩門位妳
要係400-500 揀5 個叩門位

問下自己
<<妳係校長/主任妳會揀咩人??>>

亦我見過一封係強調父母既職業..係法官/律師
好似大約寫到可以做埋學校既法律顧問
又成日帶去第二D地方留學..
[小一生留咩學??]
信入面仲寫到小朋友三文兩語溝通問題....
咁成功機會又大D啦~

第五: 小一統一派位填表策略?(時間表/三劍合璧不是真/實際叩門情況+數據分析)
http://www.mandyvincent.com/2016/01/PrimarySchoolAllocationStrategyDataAnalysis.html

下面搵埋數據分析
Reference :Charlotte_mom
有時唔好聽人講呢間000 一定唔收
想叩既...都係趁早入定申請表先.
係咪都叫盡人事入左form ..到時有無得in
Interview 有無撞時間..就交比耶穌安排

實際例子: 好多000 都有得見架
[下面既資料唔一定係真 ~自己趁早有時間,好快D自己做下research]

校網	家長乙部一般志願序	學校	是否"一定"要111 (2015實例)	結果
11		英一	000有得見	000叩入
		般官	000有得見	有非111叩入
		薄尼	000有得見
	1	聖提女子	一般相信只有聖提幼生可叩門
	1	聖心	聖幼生在叩門時比較有優勢	有非聖幼生叩入
	1	聖彼得	所有人第一round都可面試	002叩入
	1	基恩	000有得見	000叩入
	1	英二	008有得見	有111叩入
	1	中尼	004有得見
	2	呂明才	007有得見
	3	李陞
12		軒上	000有得見, 共160人, 8到前d組別係111, 後d係000	取錄了10人, 當中有非111
	1	軒下	030/110有得見	取錄了10人, 有非111 / 020叩入
	1	華上/下	100有得見 (2014) / 100有得見 (2015)	100叩入(2014)
	1	聖若瑟	000有得見 / 030無得見	非111叩入
	1	瑪利曼	非111有得見, 只邀請40人面試, 收2x人	有人無參加抽獎 (100)叩入
	1	聖芳濟各	000有得見	000叩入(2014)
	1	聖雅各	000有得見	110叩入
	2	聖保祿	所有人第一round都可面試	000叩入(2014) / 100叩入 / 0xx叩入(即無參加統一)(2015)
	3	寶血
	3	李賜豪
14	1	嘉諾撒	110/ 011/100有得見	001叩入
	1	滬江	100有得見 / 002無得見
	1	北循	000有得見
	1	丹循	000有得見	非111叩入
	1	衞理上/下	005無得見	非111非衛幼叩入(之前)
	2	英皇北官
	2	太古	020/002有得見	非111叩入
	2	炮米	002有得見
16	1	新基灣	000有得見	000有叩入
	1	柴米	必須111+簡介會印章
	2	愛官
	2	明德
	2	韋理夫人
18	1	田始
	1	海怡寶血
	1	南官
	2	置始
	3	華富寶血
31	1	聖瑪利		非111叩入(2014)
	1	舊油天	000有得見
	1	新油天	000有得見	000叩入(2014)
	1	循道	000有得見
	2	德信	000有得見	000叩入
	2	基道
	3	廣官
32	1	協和	交表即約時間
	2	塘尾官立
	2	舊大天
	3	基榮
34		聖羅撒	所有人第一round都可面試
		陳瑞祺喇沙	000有得見
		農官	000有得見	002叩入
	1	福馬	000有得見
	1	協恩	一般相信只有協幼生可叩門; 外來生唔比叩,攞信去到門口都唔收
	2	基道	000有得見
	3	牧愛
35	1	天神	所有人第一round都可筆試
	1	黃宣	000有得見
	1	紅馬	000有得見	有000入第2輪
40	1	旅港開平	111優先見
	1	基福	000有得見
	1	聖方濟愛德
	1	寶血會嘉靈
	1	荔天	011/000有得見	011叩入
	1	聖多馬	000有得見
	1	瑪神	000有得見	000叩入
	1	協和	003/100有得見
	2	聖安德烈	000有得見
	3	善導	000有得見
41		九官	揀人見, 020/110有得1st In	020無2nd In, 110有2nd In, 有000叩入
	1	喇沙	非常難有機會面試
	1	瑪利諾	想交都唔容易
	1	新小拔	000有得見
	2	九龍城聖家	000有得見	000叩入(之前)
	2	新/舊華德		乙3/100可入第2輪; 000叩入(新華德)
	2	基華	000有得見	000叩入
43	1	嘉諾撒	交表即約時間, 分AB組, 估計面試形式唔同	有000入第2輪
	2	聖博德
	2	博智
	3	伍華
45	1	錦泰
	2	慈天
	2	基慈
46	1	呂明才	101有得見	101叩入
46	2	九龍灣基樂

校網48-95

校網	2015家長乙部一般志願序	學校	是否"一定"要111 (2015實例)	結果
48	1	平兆
	1	德兆	000有得見	000叩入(之前)
	1	藍循	000無得見
	1	聖馬太		有非111叩入
	1	聖愛德華
	1	秀明道官立
	1	月華基法
	1	油基顯	通常111都見, 但都有人111無收call, 也有人唔111都有得見	000叩入
	1	油基法	所有人第一round都可筆試	非111叩入(2014)
	2	柏德
	2	秀明
	2	聖安當		乙2/非111叩入(2015)
	2	佐聖
	3	陳呂重德
	3	秀明
	3	樂天
62	1	荃天
	1	石鐘山	111優先面試取錄, 之後再call非111面試
	1	海官	有111無得見
	1	伍季明
	1	思源	所有人第一round都可面試	000叩入
	1	馬基
	1	深天
	1	浸聯		非111叩入(收左廿幾人)
	1	荃官	有111無得見
	1	荃基
	2	天佑
	2	可信
	2	柴天
	2	何傳耀
	2	天佑
	3	梨天
65	1	仁立	000/008有得見, 111無得見
	2	仁紀	111有得見	111叩入
	3	基真
	3	祖堯天主教
66		主恩	000有得見
66	1	世德	000有得見	第2輪見校長成功
70	1	兆霖
	1	羅陳
	1	梁周
	1	山景青松
	1	莊小
	1	志豪
	2	湖景青松
	2	五邑
	3	何福堂
71	1	千禧
	1	馮李
	1	蒙恩
	1	李金
	1	拔臣
	1	胡少
	2	鄧肇堅
	2	青山天主
	2	呂祥光
	3	何式南
88	1	聖母無玷心
	1	迦密	000有得見
	1	沙官	無111唔收表
	2	王賜豪
	2	新翠白普理
	2	張煌偉
	3	張煊昌
89	1	雨川	非111都有得見, 保良局幼稚園生在叩門時比較有優勢
	1	馬循
	1	馬主
	1	禧年
	2	莊啟程
	3	陳元喜
91		一胡	000有得見
	1	一呂	無111唔收表
	1	培基	100有得見，但校長講明同分只會收111學生
	1	沙循
	1	沙胡
	1	沙呂	有111係一定有得in 無嘅話就揀嚟in (有000有面試)
	1	朱小	無111 交左表，無得見
	2	田小
	2	蕭小
	2	梁小
	2	沙主
	3	沙崇
95	1	宣基	有人000無得見	之前有非111叩入
	1	將天	000有得見
	1	將循	暫見非111都無得見, 000無得見
	1	王余	000有得見
	1	聖安德肋	000有得見
	1	黃永樹	100 / 乙4有得見
	1	馮晴	暫見非111都無得見, 估計111都要揀人面試
	2	田小	估計乙123至有面試, 002有
	2	信義會
	2	明道	000無得見
	3	梁潔華
	3	將官

第六個叩門心得- 叩唔叩到?日日都等唔到電話響
千奇唔好怪責小朋友! 有D情況係唔關小朋友叻唔叻事架!!

比定大家一D心理準備，中間Whatsapp Group 一定有人報喜 !! 又叩到呢間，

又叩到果間名小..又唔好問點解有D "000" 都叩得入
成日驚Miss Call !! 成日望住果電話響唔響~

校長/Open Day / 簡介會唔係話"111" 有優先架咩???

大把111 都唔收晒...000 反而入到??!

唔公平??? 實有唔公平架 !!妳去問返校長佢地啦~

校長佢地叩門階段終於有機會自己揀學生，好多都係想收叻仔叻女 !!

或者同學校有關係既人 e.g. 校委會主席既女/老師既子女/咩咩親戚既子女..

事實後門位不嬲都存在/新聞成日都有:涉走後門入名校

大家都係成年人都明架啦 !!

叩唔到門都唔好怪責小朋友，要怪只怪責自己 !

同埋批評怪責只會打擊小朋友既自信心，影響埋之後既發揮!!
未開學仲有機會~

第七個叩門心得- 行動最實施!

如其等日日電話響...個心"拿住""拿住"不如行動最實施!!!

我地一直都唔支持佛系/順其自然果D說法，
要自己主動爭取，

覺得(特別係今年)寄一封求位信係基本，

寄第二封求位信先叫有誠意!!

咪由其他雙非家長咩都唔好做, 佢地覺得緣份到了,自然有學位!!

咪又佢地等校長比個位佢地囉 !!

國皇之家建議唔駛走去問人整xxxx好唔好/ 寫求位信/搵人寫推薦信有無用..??

校長會唔會睇????我地都答妳唔到，亦都唔知架...不如做左先 !!

人地答"一定無用架..校長一定唔睇架"...妳又真係信?

同埋佢後面可能有Offer 妳又唔知?

後面可能已經寄左幾封求位信，唔通又專登打電話話妳知...??

又係唔駛理其他人講D咩? 家長做咁多野都係為左小朋友，

文迪媽媽只係知

"咩都唔做一定無用"

校長唔睇最多學校既垃圾桶多一封垃圾信;

做左起碼心理上好D，

校長有機會睇既,就可能比小朋友多一個"面試"機會 !!

亦都有聽過唔少既成功既例子啦~

以文迪媽媽最貼地既經驗，有D好有Heart 既校長/主任，

佢地真係睇左之後，先決定call 邊個比第二次面試機會架 !!

去到Second Round 面試當日, 個幾封求位信會放晒係枱面

跟住就會圍住內容問架啦 !!

下一篇blog 再寫多少少第二封求位信點寫

2018/19年度一年級入學候補生申請(第二次來函)

[當然又係有埋sample 比國皇之家既Fans 限時Download啦..

不過過左六月頭大抽獎完成第一封先啦..之後Link 亦會delete]

最後無論派成點都好,一定要同小朋友講派左一間好適合既學校

妳同佢講派左間垃圾學校或者Band 3 學校.
咁入去讀既學生咪係垃圾/Band 3 學生?!
其實小朋友佢地邊度知Band 1 同Band 3...呢D都係大人自己定既落黎~
e.g. 升Band 1 中學/英中比率

我地國皇之家就建議同小朋友講:

<<耶穌已經安排左一間好好既學校比您
佢想妳係呢間學校發光發亮

呢六年會識到只有係呢間學校先會發生到既"人"同"事"/朋友/同學仔/老師
未來亦都一定會係一個開心快樂既小學生涯 !!

一切就交比上主/交托比神啦>>

最後最後同埋幾忙都好..都要同小朋友「被」派果間去註冊左先 !!
之後叩到門，想轉學校就去果間學校再拎返張註冊證券!
學校方面第一無權Keep 住妳張註冊證，
第二佢地亦都好明白...亦都唔駛準備咩感謝信/退學信
退學通知書是不用的！

最好拎返張註冊證前先打去校務處預約
(都要比時間佢地搵張註冊證，同埋都係校工拎比大家..唔會再見到主任/老師，
唔駛怕唔好意思)

因為以我地實際經驗..果張註冊證書係超緊要!!!
就算叩門成功/有電話話話叮叩門成功有位
限時之內拎唔到去新既小學註冊，個位就會放比準備好既人 !!

<<最後感想>>

我地當然希望大家用唔着呢啲叩門嘅資料，

一派就派到第一志願，不過有人歡喜有人愁

總會有無人咁幸運既時候🍀大家有緣見到呢篇blog....

上面既叩門經驗，呢D 都係前人留比我地~

我地只係將佢發陽光大，
可以既話分享就比下年考小一叩門既家長

覺得幫到妳既，就Like and Share啦~

(我地國皇之家Fanspage 亦唔會淨係寫小學，
會寫下廣告，寫下親子好去處，親子旅遊）

我地係呢度要再一次多謝支持我地國皇之家既朋友/Fans