國皇之家星期日剛剛去咗海洋公園保育基金嘅生態保衛賽
兩兄弟成功完成慈善跑仲學到好多海洋保育既知識呀~
今次生態保衛賽跑步既起跑地方係香港科學園
最主要係Run for Charity
Run for OPCFHK幫手籌款 !!
上一次我地參加
既活動就係去呢度
今次生態保衛賽個性質又唔同
主題將圍繞海洋垃圾， 呼籲大家齊齊用少D膠！
美麗的海洋孕育無數獨特而多樣的物種，牠們在龐大複雜的生態網絡內各司其職，同時互相依賴，維持生態平衡。雖然香港在世界地圖上只是微小的一點，但我們的海洋卻擁有豐富的生物多樣性。不過，人為的污染和破壞嚴重影響海洋環境，海洋垃圾的問題不但威脅海洋動物的生命，更有科學研究反映其對人類產生巨大的影響！在生態保衛賽，你會化身為掙扎求存的「海洋動物」，克服重重海洋垃圾關卡，避開「海洋殺手」的追捕，奮力逃奔至賽事終點！茫茫大海之中，你只可倚靠「保育達人」為你擊退殺手，以及尋找「動物救援中心」補充能量！怒海之中，你又能否穿越海洋垃圾迷陣，安全生還？
未跑之前梗係做好熱身啦
兩兄弟跟住大會D哥哥做熱身都不知覺得幾好玩
哥哥Mancent 同細佬真係好比心機去拉筋架
今日天氣好凍不過都仲有好多人家庭一齊跑~
一家四口係起跑線準備出發喇
好多家長都帶埋小朋友來支持海洋公園保育基金 !!
起跑時既情況影片
不過細路仔跑跑下又走去睇風景
呢度係地點係科學園...個海景都好靚架
唔知大家有無留意細佬仔既後面有兩條帶~
其實呢條"帶"係代表
海洋生物既生命彩帶
今日最好玩就係原來今次呢個跑步係運動 x 海洋保育一身
一人有兩次機會...生命有Take two
前路由我創 !!
小朋友要自己保護呢條生命彩帶...避開海洋殺手
唔好比垃圾或者其他危險奪去生命就
好似海洋生物裏面日日要面對既問題
海洋殺手出沒注意!!
仲見到呢個咁得意嘅啤酒樽 !!
兩兄弟點可以唔影相呀
警告有高速船隻穿梭 !!
大家海洋生物要小心喇
因為入咗海洋迷陣就麻煩架啦
快啲一齊嚟感受吓海洋動物點樣衝破垃圾障礙！
跑步途中仲有個海洋救援中心
兩兄弟都學左好多海洋嘅知識
細佬又留意到"又"有海洋殺手啦
兩兄弟即刻好開心
其實佢地過左又專登返轉頭玩多"幾"次
`攪到D海洋垃圾姐姐哥哥都認到佢地
(有時剪埋條片比大家睇)
不過大會唸法好好呀...就算真係唔小心無左條生命
可以靠其他攤位賺返D生命彩帶
Mancent 快啲"咪"下書先...可以攞多啲生命彩帶
見到Mancent 由兩條已經變左好似著裙咁啦
親子跑最後1公里
呢度最後有個叫<<分解之道>>
小朋友又有機會學習一下
咩叫Decomposition
就知咩廢物係要分解幾百年...有啲即用既日用品好多都要分解幾十年架
所以大家真係要"膠"少陣..Less "膠"
最後到終點啦 !! Yeah ~
一啲都唔累....而且仲好開心
連十優港姐麥明詩都有份跑架~
返到終點仲有各式各樣嘅海洋生物等住同你影相
Marcus 變咗呢個大八爪魚
Mancent 就鍾意海洋公園嘅海馬
其實我哋都要多啲關心我哋海洋呀
We Love Ocean !
原來佢地D海洋生物真係好慘架...
就係俾我哋人類整出嚟嘅垃圾奪去左無數既性命 !!!
跑畢全程仲有奬勵貼紙
亦都有不同嘅遊戲攤位比大家玩架
小朋友跑完可能有啲攰..仲可以去聽海洋的故事
呢度有專人講埋故仔比你聽架
最後頒獎儀式
今日亦學左好多環保知識
包括我哋要少用牙刷
用樹葉做嘅彩畫
化成海洋畫作
最後希望大家都多啲留意環保
留意海洋保育
用少咗啲膠....膠少啲....就會令到海洋世界有返多啲生氣架啦~
留意海洋保育
用少咗啲膠....膠少啲....就會令到海洋世界有返多啲生氣架啦~
香港海洋公園保育基金
http://www.opcf.org.hk/
https://www.facebook.com/OPCFHK/
香港海洋公園保育基金承諾透過協作籌款與科研教育，致力提倡促進及參與亞洲區內務實有效的野生生態保育工作，並重點保育中華白海豚與大熊貓以及其棲息地。保育基金展望各界無私合作 ，攜手保護亞洲野生生態長久繁盛豐饒。
保育基金自二零零五年擴展以來，已撥款資助逾四百項研究，研究物種包括鯨豚、大熊貓以及其他物種，資助總額逾港幣五千八百萬。在二零一五至二零一六年度，保育基金將會資助三項新的中華白海豚保育研究，以監察種群數量及棲息地健康，並透過「鯨豚擱淺行動組」向本地大學及在中國的白海豚基因數據庫提供生物樣本，務求增加對區內白海豚的了解，訂立更長遠有效的保育計劃。大熊貓保育工作亦由地震後重建基本設施，擴展至資助四川、陝西及甘肅省進行生態保育研究、人員培訓及生境修復工作。保育基金亦透過「野外生態保育大學生贊助計劃」，啟迪大學生參與野外研究工作，而「馬蹄蟹保母計劃」則為中學生及企業員工提供參與本地馬蹄蟹保育工作的機會。
願景：
我們展望各界無私合作 ，攜手保護亞洲野生生態長久繁盛豐饒。
宗旨：
我們承諾透過協作籌款與科研教育，致力提倡促進及參與亞洲區內務實有效的野生生態保育工作，並重點保育中華白海豚與大熊貓以及其棲息地。
跑完慈善跑之後,兄弟情一夜化為烏有了...
咩叫情與義?當兩兄弟比海洋殺手圍,Mancent 居然.... (超攪笑架)
=========================================================
除左呢度.....其實香港好多假日好去處可以同小朋友去架
沒有留言:
張貼留言