2016年6月20日 星期一

親子好去處- 帶小朋友認識馬蹄蟹 +下白泥睇日落+流浮山食海鮮(地圖/交通)

大家想唔想比小朋友認識「藍」神馬蹄蟹?

想一次過滿足親子/拍拖/環保/攝影/美食咁多個願望?

  國皇之家係呢度先多謝海洋公園保育基金邀請

安排左一個好有意義既活動比我地
相信呢一日係小朋友心目中係好難忘~
今次我地係為左馬蹄蟹保育推廣活動- 
去左下白泥守護「藍」神 同 支持地球的『鱟』裔
唔睇我地既blog 梗係唔會知道呢個親子好去處係邊啦
人少少會係下面講比大家聽...
好多人去錯架 !! 
馬蹄蟹 簡介
馬蹄蟹既學名叫『鱟』(音 "後" or "后" )
雖然大家未必成日有機會見到嘅馬蹄蟹,但唔講唔知,馬蹄蟹其實係大家嘅「守護神」嚟架!
屬於海洋螯肢動物,名稱有「蟹」字,但是其近親是蜘蛛與蠍子,在地球生存逾4.75億年,比恐龍還要早2.3億年,因為形態數億年沒有大變,被稱為活化石。這史前物動對醫學有重大貢獻,1960年代前,醫學研究員是利用活生生的動物作藥物測試,當成功提煉馬蹄蟹的藍血製成鱟試劑後,可快速及準確檢測由細菌產生的內毒素,所以被廣泛應用於檢測醫療藥物、產品及設備,至今鱟試劑是最好的檢測內毒素方法。


而香港一個咁細既地方,就有齊晒下面既中國鱟同圓尾
[歐洲成個地區都係好似得一隻品種]

認識馬蹄蟹 生活環境 
今日有海洋公園既保育人員介紹

第一要提大家千奇唔好用 鹽引蟶子:新招捉蟶子 引發生態災難
第二"拒絕摸蜆活動"
下白泥有全港最大的海草床,為生物提供食物及棲息地

請大家千奇唔好用鹽去影響佢地本身既生活環境

海草及馬蹄蟹既生長會受水既鹽度影響

原因
為左自身健康同小朋友既健康 我地唔敢講下白泥蟶子/生蠔有毒架....(我地無驗過)
不過大家有聽過流浮山本身係海鮮/特別係生蠔好出名
不過八十年後期,隨著珠三角的工業化,污染海水,曾傳出重金屬超標,
流浮山既蠔業一落千丈.....
捉D聖子/摸蜆返去食之前唸一唸小朋友同自己承受到幾多重金屬 ! 

(對面就係工業化既深圳)
食左都無益 !


鱟出沒注意



交通點去?
若果想帶小朋友黎呢度, 出發之前梗係要溫下書/睇下地圖先啦


馬蹄蟹嘅屋企其實係

元朗流浮山既下白泥
元朗白泥是欣賞日落的勝地,有香港十景美譽

《呢度除左係親子好去處,亦係拍拖好去處》
交通工具: 元朗泰豐街搭33小巴Van仔

出發點:元朗泰豐街地圖
http://www.16seats.net/chi/gmb/gn_33.html
途經街道 主要上落客點
泰豐街
元朗東堤街
泰利街
橫洲路
元朗安寧路 同樂街
元朗信義書院      [ 元朗廣場 ]
媽廟路 水邊圍?康水樓
媽橫路 朗庭園
青山公路—屏山段 朗邊中轉房屋
屏廈路 屏山竹林路    [ 屏山鄧族文物館 ]
坑尾村
上璋圍
港鐵天水圍站       [ 天盛苑 ]
沙洲里村
廈村市
鍚降圍
羅屋村
東頭村
鳳降村
流浮山道 沙江圍
新慶村
深灣路 流浮山交匯處
深灣畔
沙江村
廈村鄉白坭村公所
稔灣路 上白泥 <---睇日落係稔灣路
白泥
浪濯坑
總站----稔灣路,廈村鄉下白坭村村公所
另有村巴NR941(同一路線)到達下白泥。

提示
當你見到流浮山最出名既回旋處即係話你已經差不多就到~


要比小朋友認識「藍」神馬蹄蟹就係個度其實係下白泥 !!!
不是上白泥[地圖右面]



可以叫司機係"垃圾站"附近落車..

其實大家都可以問司機大泥灘係邊度.

佢地都知係邊度架


再行出去海邊就可以了
Google Map 就大約下面既呢個位~

https://www.google.com.hk/maps/place/下白泥

搵到我地企呢個位..行出40-50 步就搵到

有一D竹棚 既標記係度既



交通講完...
我地今日既第一部係一個馬蹄蟹志願人士 Uncle Kelvin 既屋企



超大隻馬蹄蟹標本
呢幅好似IronMan 入邊嗰個人

真係好多謝同佢一路支持保護馬蹄蟹嘅生活 呢啲就係馬蹄蟹換殼之後嘅標本
馬 蹄 蟹 會 不 斷 脫 殼 超 過 十 年 。 
在 最 初 的 兩 三 年 , 牠 們 每 年 會 脫 殼 數 次 , 其 後 便 每 年 脫 殼 一 次 。

佢好似一層一層咁"Mok"出黎架
對於小朋友來講呢啲都係一個好新奇嘅動物..好得意 !!



裝備
記得行出去泥灘既嘅時候..
小朋友一定要着<<水鞋>>
千奇千奇唔好着"拖鞋", 以免被蠔殼割傷 !




同時亦要做足防曬及防蟲措施,
以免曬傷或處理近草叢的垃圾時被蚊蟲叮咬



下面成個地方咁大..唔係周圍都有馬蹄蟹架

由海洋公園保育基金 既Joe 姐姐介紹啦點樣搵佢地?

[睇埋片就知點樣搵架啦]

「要在這麼大的泥灘找一隻跟泥灘差不多顏色的馬蹄蟹,需要找『蟹路』,是三條平衡移動的路軌,兩旁較淺,中間一條最深,是牠長尾巴的痕迹。」

Mancent 係度努力搵緊馬蹄蟹既蟹路

帶小朋友認識馬蹄蟹, 我地仲剪左條片比大家總結一下呢次既行程.....


馬蹄蟹保育推廣活動- 守護「藍」神 影片
https://www.youtube.com/watch?v=M4Jqr_MbLI0


估唔到Mancent 一啲都唔驚

好快就拎左上手..佢隻腳係手仔都行下行下..好攪笑

但係小心後面嗰尖尖
估唔到Marcus都夠膽
佢都知道要輕力的雙手抱住佢

又講多少少,其實假設大家完全唔想見/見唔到馬蹄蟹

去到呢度既泥灘, 大水坑對開,
小朋友見到呢度既淺平遼闊又一望無際既海面.....都好開心架

呢度亦係觀賞日落的最佳位置。


之後再行前少少佢睇埋其他嗰啲"招潮蟹"

黎個華麗「蟹」逅


你睇下呢隻野外馬蹄蟹BB..~2cm長

再一次提醒...大家真係要好小心行...唔係就一腳就踩死佢 ~
仲有寄居蟹


黎呢度...就算咩都搵唔到.....黎到亦可以影到


<<天空之鏡>>


同埋呢度等睇日落真係超正 !


約埋女朋友/一家大細睇都ok

搵埋天文台日落時間比大家



玩完就返時間出返.流浮山中心位

..~19:00仲可以去流浮山食海鮮/ 食埋晚飯 !!


流浮山食海鮮邊間好??

小桃園比較價錢公道

地址: 流浮山正大街28號
Openrice :http://www.openrice.com/小桃園海鮮酒家


另一提議就係"彩鳳"~
地址 :流浮山正大街58號
"聽人講"唔貴同埋都整得OK好食

有時仲有團購餐

OpenRice :http://www.openrice.com/彩鳳酒家-流浮山-粵菜-廣東-海鮮

=======================================

睇完呢篇blog...若果想知道更多嘅資訊

嚟緊置地公司與 Ocean Park Conservation Foundation, Hong Kong (OPCFHK) | 香港海洋公園保育基金

會全力支持

「地球的『鱟』裔」

日期: 由6月30日至7月14日


為期兩星期的社區參與創意活動,向全港學生及家庭宣揚馬蹄蟹保育訊息

鼓勵家庭及學生透過一系列遊戲、DIY工作坊及保育講座,

進一步了解馬蹄蟹,增添保育知識之餘並激發創造力。


參與活動前需預先報名
https://goo.gl/nwMJWk

名額有限,先到先得架。



【馬蹄蟹保育推廣活動】
交易廣場中央大廳於六月三十日至七月十四日,內將設有吹風遊戲:清潔為「鱟」、電子遊戲 :反「鱟」為正以及「我愛海洋」彩繪等有趣活動及遊戲,週末DIY工作坊包括:型「鱟」紙藝頭盔、海洋印寄明信片及舊Tee變身環保袋。


馬蹄蟹早在四億七千五百萬年前已存在,比早期恐龍還要早二億三千萬年在地球上出現。全世界現存四種馬蹄蟹,而香港可發現其中兩種的蹤跡:圓尾鱟及中國鱟(下圖)。


透過二零一五至二零一六年度「馬蹄蟹校園保母計劃」,學生擔任保母角色,負責飼養人工繁殖的馬蹄蟹,為期六至八個月。飼養期結束後,學生將馬蹄蟹野放至香港其中一個馬蹄蟹自然棲息及繁殖地-下白泥。
為配合今年新增的短片創作比賽,大會特意邀請拍攝及數碼專業人士為學生講解有關創意思維及短片製作技巧,同學們都聽得津津有味。


置地公司
置地公司為具領導地位的物業投資、管理及發展的上市集團。置地公司於一八八九年創立,以卓越表現、誠信及夥伴合作為業務發展的基礎。


香港海洋公園保育基金
香港海洋公園保育基金承諾透過協作籌款與科研教育,致力提倡促進及參與亞洲區內務實有效的野生生態保育工作,並重點保育中華白海豚與大熊貓以及其棲息地。保育基金展望各界無私合作 ,攜手保護亞洲野生生態長久繁盛豐饒。

保育基金自二零零五年擴展以來,已撥款資助逾四百項研究,研究物種包括鯨豚、大熊貓以及其他物種,資助總額逾港幣五千八百萬。在二零一五至二零一六年度,保育基金將會資助三項新的中華白海豚保育研究,以監察種群數量及棲息地健康,並透過「鯨豚擱淺行動組」向本地大學及在中國的白海豚基因數據庫提供生物樣本,務求增加對區內白海豚的了解,訂立更長遠有效的保育計劃。大熊貓保育工作亦由地震後重建基本設施,擴展至資助四川、陝西及甘肅省進行生態保育研究、人員培訓及生境修復工作。保育基金亦透過「野外生態保育大學生贊助計劃」,啟迪大學生參與野外研究工作,而「馬蹄蟹保母計劃」則為中學生及企業員工提供參與本地馬蹄蟹保育工作的機會。





=========================================================
除左呢度.....其實香港好多假日好去處可以同小朋友去架



假日親子好去處: 愉景灣沙灘獵蛋奇兵Egghunt 掘蛋實況(加新假期影片)


M & M 九龍公園郊遊樂(兒童遊樂場+鳥湖+百鳥苑)


                                





想知道其他親子假日好去處??

沒有留言:

張貼留言