Adsense Script

2016年9月24日 星期六

長洲親子遊 x 長洲美食一覽(甘永泰大粒魚蛋/冰滴咖啡/芒果糯米糍/冰鎮西瓜盅/新照記紅豆糕) 加海賊王張保仔洞探險

長洲一日遊~長洲有咩地方好玩/好食 ?? 


今次寫blog寫長洲親子遊 x 長洲美食一覽


國皇之家已經好幾年無去過長

對上一次去..已經係唔知邊年既太平清醮


長洲太平清醮..最出名係睇飄色巡遊同搶包山..不過呢D睇一次就夠
帶住小朋友..又迫又熱..搭船又多人~

今次趁住長假期..又聯同兩位親子 Blogger 媽媽
一齊cross over 長洲親子遊..

長洲美食真係街知巷聞

黎到咁遠.梗係食返夠本啦~

大家都可以趁秋天星期六日跟住下面既美食食一次,都係一個假日好去處!

一次食唔哂,下次再食過。
開始係碼頭落船之後..第一個美食推介就係一落船轉右10步再行上去..
大家就會見到第一美食點


<<長洲甘永泰大魚蛋 >>

http://www.openrice.com/甘永泰魚蛋

(<--click link 有埋地址)

地址:長洲新興街106號地下
賣點:超大粒魚蛋.大粒過乒乓波..每天新鮮製造純門鱔魚蛋及魚片

即叫即炸,熱度剛剛好
若果要留肚...我地反而不推介魚旦/豆腐卜

我地會推介<<墨魚丸>>- 質地結實, 好彈牙

六個小朋友食得幾豪邁~

食完魚蛋..梗係口渴...推介大家去飲

<<冰滴咖啡>>
地址:長洲新興街53號地舖
賣點:配一杯屬於你自己的冰滴咖啡,街坊價,品質優


黑白咖啡都有...個人覺得
$29 一杯真係好低
咖啡口感味濃
本身我地買一杯..飲過好飲之後再加碼..
三個family 一人買一杯
行長洲有到好..仲可以搵返D兒時回憶
好似呢D剪髮既鋪頭..已經係香港愈來愈少
比新式既髮型屋取代晒
長洲美食一覽當然包括食海鮮啦~
一般遊客上島之後午餐或者晚餐都會選擇海鮮

<<長洲興樂菜館>>
香港長洲島海鮮餐廳-長洲興樂菜館
地址:長洲北社海傍路11D號舖
賣點: 長洲海鮮以平同無敵海景著稱

不過我地梗係留肚食第二D啦~

係海傍路..大家都可以食到好大粒既

芒果王芒果糯米糍 / 仲有

<<長洲平記-芒果糯米糍>>
地址:長洲北社海傍路19A號地舖
Openrice :http://www.openrice.com/長洲平記

賣點:皮薄餡靚/ 芒果夠大份

除左芒果,仲有榴槤同埋其他生果,火龍果和奇異果


<<冰鎮西瓜盅>>
地址:長洲北社海傍路號地舖
賣點:原個西瓜成個係妳面前開..西爪汁夠甜



消暑一流 !!

龜波氣功

小朋友/大人一時間都食唔到咁多野可以去

<<北帝廟遊樂場>>
賣點;比小朋友放下電


<北帝廟>>
長洲北帝廟,又名長洲玉虛宮,位於香港離島區長洲北社街北端,
建於清朝乾隆四十八年(1783年)
有二百多年歷史,已獲古物諮詢委員會評定為一級歷史建築物,
是全香港最具規模的北帝廟



<<家庭式單車>>
地址: 其實出左碼頭左邊/右邊 沿海行有d店租車既
賣點: 可以租架家庭式踩勻全島遊

好似我地有小朋友,仲建議可以踏單車,
都係60日租..講下價仲可以平少少

(下圖)呢D前面一個人踏,後面兩個人坐都幾好玩~

北帝廟出面仲可以比大家慢慢踩..辛苦晒爸爸啦~
賣點: 一路向果個方向靠海邊踏,有好靚的長堤,好舒服的!


<<郭錦記餅店平安包>>

http://www.openrice.com/郭錦記餅店平安包

地址: 長洲北社街46號舖 

賣點:歷史悠久,傳統糕餅亦做得好
每年一到長洲搶包山的時候,郭錦記的包都特別好賣。


<<長洲張記-魚片河 魚蛋墨魚>>
地址 :長洲海傍街83A地下

賣點: 老字號/傳統正宗潮州粉麵
有閣樓..難得我地一行一幾人入去都有位
湯底好味,有微微大地魚香,握介魚片頭河
彈牙好有魚鮮味


除左以上美食..其實長洲真係仲有好多美食

好`似焗海鮮......Hello Kitty窩夫...鬆㢮熊格仔餅...




仲有時間..仲可以去埋長洲東灣果邊

又推介多一個[拍拖好去處]

<<情繫長洲-情侶鎖>>


 長洲都有愛情鎖,不過不是在橋,而係在東灣路邊架
當自己去左








<<長洲啤工房巨薯捧>>

地址:長洲東灣道16號

Openrice :http://www.openrice.com/巨薯捧

賣點: 超過一呎長既巨型螺旋薯片 (呃like 一流 ) 
超脆超香的烤焗薯片



<<新照記糕點>>
地址:長洲東灣道18號 

Openrice : http://www.openrice.com/新照記糕點

賣點:紅豆糕必食 !! 長洲懷舊糕點
有少少似紅豆沙既固體版

好足料..超多紅豆



  其實仲有紫米糕/南瓜糕同桂花糕..都可以試下
仲有雞屎藤/缽仔糕/茶粿..不過唔推介~

最後要重點推介係

<<長洲允升甜品-芒果糯米糍>>

地址:長洲新興街3號
http://www.openrice.com/長洲允升甜品

賣點:芒果糯米糍始祖 !!! 賣到出哂名!必食
好多人都同意長洲最出名最好食既定係允升出品

大大塊芒果肉夾係煙韌既糯米薄皮中
Mancent Marcus 都讚好!!

Marcus 都不知食得幾開心~

真係好足料!! 芒果香甜多汁

楊枝甘露都ok..不過其他一般水準 ~


另外.... 長洲除左搶包山....

鍾意帶小朋友行山探險,仲可以穿過香港海賊王張保仔洞!


來回仲可以搭D街渡比小朋友有D新體驗
街渡收費: $10 一位大人/ 45  一位小朋友

交通: 新渡輪碼頭左邊既一個碼頭仔來回張保仔洞



海賊王張保仔入口
入面環境可以參考我地既影片



張保仔

改「張保」的名字是因為希望他平平安安,而廣東人喜愛把「仔」放在姓名後面。所以叫「張保仔」。本是新會漁民的兒子,他15歲時跟隨父親出海捕魚,但遭海盜鄭一擄走,年輕時成為了其部屬。有傳因為鄭一是同性戀者,竟是喜歡英俊的張保,鄭一嫂(石氏)都喜歡張保,發展成三角家庭,亦令張保在海盜內的地位大大提升。有次鄭一遇上颱風溺死,亦有說是被殺死。死後,其妻石氏被屬下擁立,續領紅旗派為首領。當時女性地位低,為鞏固自己的勢力,鄭一嫂用張保仔為助手。後來張保因和鄭一嫂結為夫婦,從此紅旗派所有領導權遂交由張保所承繼。


海盜生涯

紅旗海盜團全盛時期時,張保擁領三、四萬多海盜及六百艘戰船,堪稱南中國海最大的武裝勢力之一,並以沿海島嶼為基地。他經常橫行廣東沿岸,主要劫掠沿海的運鹽官船或外國貨船。其他商船要經過他控制的地區,也要先交納「行水」(保護費)。相傳張保饒勇多計謀講義氣,雖然橫行南中國海域,但因張保本人出身貧苦,所以特別愛護平民,他們在向鄉民購買糧食時,往往加倍給錢。並保證不滋擾貧民和漁戶,嚴禁部下在駐紮地區掠奪。因而得窮人支持,百姓視他為劫富濟貧的俠盜。

相傳香港有許多與張保仔的遺蹟,在長洲塔門南丫島舂坎角都有張保仔藏金的傳說,最為人所知是長洲張保仔洞。不過有人認為[5]張保仔洞極之狹窄,無法埋藏寶物,所以張保仔洞其實只是躲避兵追捕或放火藥的地方。亦流傳赤柱舂坎角的一間天后廟神檯下,有一專供張保仔遁逃之地道,然現今已被封。



入面環境可以參考我地既影片


長洲航班時間表
普通渡輪約55 - 60分鐘 
高速船約35 - 40分鐘

中 環 - 長洲(普通船)
 星 期 一 至 六 : $13.2(普通位)/$20.7(豪華位)
 星期日及公眾假期:$19.4(普通位)/$30.2(豪華位)


  中 環 - 長洲(高速船)
 星期一至六:$25.8
 星期日及公眾假期:$37.2


==總結==

長洲美食一覽
<<長洲甘永泰大魚蛋 >>
地址:長洲新興街106號地下
賣點:超大粒魚蛋.大粒過乒乓波..每天新鮮製造純門鱔魚蛋及魚片

<<冰滴咖啡>>
地址:長洲新興街53號地舖
賣點:配一杯屬於你自己的冰滴咖啡,街坊價,品質優

<<長洲興樂菜館>>
香港長洲島海鮮餐廳
地址:長洲北社海傍路11D號舖
賣點: 長洲海鮮以平同無敵海景著稱

<<長洲平記-芒果糯米糍>>
地址:長洲北社海傍路19A號地舖
賣點:皮薄餡靚/ 芒果夠大份

<<冰鎮西瓜盅>>
地址:長洲北社海傍路號地舖
賣點:原個西瓜成個係妳面前開..西爪汁夠甜

<<郭錦記餅店平安包>>
http://www.openrice.com/郭錦記餅店平安包
地址: 長洲北社街46號舖 
賣點:歷史悠久,傳統糕餅亦做得好


<<長洲張記-魚片河 魚蛋墨魚>>
地址 :長洲海傍街83A地下
賣點: 老字號/傳統正宗潮州粉麵


<<長洲啤工房巨薯捧>>
地址:長洲東灣道16號
賣點: 超過一呎長既巨型螺旋薯片/超脆超香


<<新照記糕點>>
地址:長洲東灣道18號 
賣點:紅豆糕必食 !! 長洲懷舊糕點

<<長洲允升甜品-芒果糯米糍>>
地址:長洲新興街3號
賣點:芒果糯米糍始祖 !!! 賣到出哂名!必食


長洲親子遊 
<<家庭式單車>>
地址: 其實出左碼頭左邊/右邊 沿海行有d店租車既
賣點: 可以租架家庭式踩勻全島遊

<北帝廟>>
賣點: 已獲古物諮詢委員會評定為一級歷史建築物,
是全香港最具規模的北帝廟

<<北帝廟遊樂場>> 
賣點: 比小朋友放下電

<<情繫長洲-情侶鎖>>
賣點:多一個[拍拖好去處]

<<海賊王張保仔洞>>
賣點: 鍾意帶小朋友行山探險,仲可以穿過香港海賊王張保仔洞!
街渡比小朋友有D新體驗


==其他親子好去處===

除左呢度.....除左自駕遊....其實香港好多假日好去處可以同小朋友去架




假日親子好去處: 愉景灣沙灘獵蛋奇兵Egghunt 掘蛋實況(加新假期影片)


M & M 九龍公園郊遊樂(兒童遊樂場+鳥湖+百鳥苑)


          天際 100 (SKY100) 360 度教小朋友認識香港


想知道其他親子假日好去處??

沒有留言:

張貼留言