Adsense Script

2015年11月6日 星期五

假日親子好去處-荃灣川龍飲茶+城門水塘行山樂(另加5條熱門親子行山徑推介)

秋天黎啦....天氣開始涼~
又有好多平時夏天去唔到既假日親子好去處推介比大家
上一篇講左單車公園踩單車..
今次話題轉去行山 !! 

一方面可以比小朋友認識大自然既事物,吸收下大自然的新鮮空氣

另一方面都可以鍛煉小朋友既意志力。

不過要帶小朋友友搵地方行山,一啲都唔容易。


特別係帶住Marcus 2-3歲D咁細個小朋友

有啲小朋友好活潑(好似Marcus 咁),父母又驚佢會周圍跑周圍跳,碌左落山 !!

中間亦唔可以有山澗(小朋友隻腳短D)


要揀D上落斜小既行程..仲要有趣味性~
我地今次呢篇blog...會寫城門水塘城門水塘行山樂

溫馨提示
因為我地今次係Marcus 第一次去行山, 所以都有d擔心, 
首先......出發前


要帶備用品有蚊怕水、蚊貼、退熱毛巾、水、少少乾備(後備食糧)等等。

我地又驚細佬仔Marcus唔肯行, 又驚洗手間唔乾靜,  總之咩都驚一餐啦!

不過最後梗係開心完成全程啦~

好喇!廢話小講, 出發

我地本來係約咗

不過之前一晚80後魚仔發燒所以join唔到我地,希望下次可以一齊行啦!

我地一早9點就約咗傻夫婦(大頭妹&小丸子)一家係荃灣地鐵站等。


由於小朋友都係預左3-4個鐘,所以我地決定都係川龍飲茶..食個早餐先
(一路都想食好耐)

係地鐵行去小巴站都係5分鐘....

想坐小巴去川龍飲茶,預左等小巴到好多人,大概等十五分鐘先上到車


交通 : 可係坐80號小巴到達川龍


大概15分鐘就到
(80號小巴路線圖)

到達川龍, 我地選擇左彩龍茶樓

賣點
1.係呢度係好有"懷舊既味道"
2. 用山水整既山水豆腐花超滑
3. 有係啱啱係農場"擇"既西洋菜...好味/新鮮...d菜仲好甜


好彩好快就搵到一張大枱

有好多舊式點心



呢度要自己洗茶壺沖茶


點心有鵪鶉蛋燒賣、馬拉糕、咸水角


重點係菜田新鮮擇既西洋菜


懷舊大包

沙翁


N年無見過既紙包雞


連細既都食得好好呀!

仲有芝麻卷,我細個經鐘意食,不過呢度既芝麻卷係熱既

食家推介:
蝦餃 / 西洋菜 / 芝麻卷 / 豆腐花 / 燒腩肉 / 山水豆腐花/ 大包

食飽飽就開始我地今日既戲肉⋯行山


其實對於大部人行山黎...去完川龍飲茶..

之後就會直踩去圓玄學院+新界荃灣三疊潭老圍路果邊(下圖)

不過重點係......我地帶住小朋友..係唔建議咁樣行 !!!

(我地當然係企係親子blogger 既立場...一黎小朋友真係得過行字無野睇...

二黎最後都係辛苦家長)

當然...亦有好多人會再犀利D...直踩城門水塘
5公里..嘩~


地圖如下
好多行山網頁都會話係寫都係行兩三個鐘

不過記住...佢地係用成人既行動率計.

用小朋友既行動率..相信行到中途已經捱唔住.

不過最麻煩係無撤退點 !!

我地"自己"建議...唔好辛苦自己大人同小朋友

係川龍坐返原車80號小巴返荃灣

再行去坐另一架去城門水塘既小巴,大概十15分鐘就到達城門水塘

終於到左城門郊野公園(自然教育徑)


點解係都要黎呢度???有咩景觀?




有好出名拍戲成日都有既白千層林

大城石澗
草山


我地行山個日天氣好好,唔太熱同有好多樹蔭
多埋㨂呢度係因為平路多/上落斜少

有一大段路BB 車都行得~

又有引水道

比小朋友認識雨水由山㸃去水塘

行下、玩下、食下


黎到呢個白千層林梗係影返張相



終於行到城門水塘既底位
(仲咩無端端多左隻腳??)
Marcus 係水塘邊玩下

兩兄弟一齊望傾心事??
Marcus 你唸緊D咩呢??


呢張影得Marcus 好正經呀~

永勝話呢個係個心喎⋯



特發事件

去完上面既位休息..食完茶點..好多食剩既食物~

因為我拎住袋垃圾,諗住見到垃圾桶先掉,

點知行行吓有隻馬騮出黎搶左袋垃圾?

最驚既係..由我手拎住袋垃圾.到隻馬騮係唔知邊度飛出黎

再搶走入面D野食...前前後後10 秒都唔知有無 !!!

除左大叫(下圖我仲叫緊)...我都唔知有咩可以做到 !!!

我仲驚緊既時候比Athena 媽媽影到既~

騮先生:下次帶D好D既野食黎啦~
好彩永勝有先見之明  <--呢句佢自己加上去架

帶咗兩支Star Wars劍俾Mancent同Marcus驅趕馬


(大家係Fans 都知道呢兩支Star Wars劍曾經打低過蝙蝠俠架)
詳情: 國皇之家居然有...蝙蝠 !!! (SARS驚魂)

建議大家都可以執家一兩支樹支係身....必要時先拎黎驅趕馬

之後去到中後段..已經有好多動物可以見到~

沿途仲見到有水牛係度食草
(又係講解大自然既時間啦)




呢度有導賞團

亦都可以比小朋友知道咩叫 "楓葉"



呢度菠蘿壩自然教育徑...沿途都有好多蝴蝶 ~

有個<<賞碟園>>,不過我地無上到去(無力啦)




行返去起點仲有小遊戲玩



行完有間士多(補給)


梗係要奬勵下佢哋,食雪糕雪條啦!



最後

一個地方,有齊晒飲飲食食(早茶)/認識大自然,有馬騮,牛,蝴蝶,又有新鮮空氣/靚既風景

秋天唔黎真係對唔住自己~

不過...其實除左川龍/城門水塘..仲有幾其他親子行山徑架..

下面搵埋資料比大家參考

=======================================================

香港嘅郊遊徑,總有一條喺左近。各個地區都有一啲規模唔大嘅行山徑。屯門有屯門徑,青衣就有青衣自然徑,觀塘藍田就可以行上魔鬼山,港島就更加方便,差唔多區區都有座山。所以我覺得,如果只係帶小朋友感受下行山樂趣,就不妨近近地喺屋企附近行下先。
至於今次介紹呢5條親子行山徑,就各有特點,滿足唔同家庭需要:
1. 城門水塘
路線:主壩至菠蘿壩圍繞一圈,路程8.5公里,大人不停步大概要行3小時
特點:全程行城門水塘林道嘅石屎路,完全適合一家大細,就算推住BB車都完全無問題
注意:城門水塘馬騮為患,驚馬騮嘅大人小朋友千祈咪搞佢(其實所有人都唔應該理佢)
交通:荃灣兆和街搭小巴82號,總站落車。
城門水塘全程石屎路,有多樹蔭,推住BB車行都得。
城門水塘全程石屎路,又多樹蔭,推住BB車行都得。
2. 新娘潭
路線:新娘潭自然教育徑,上落坡幅甚小。全程0.7公里,需要1小時
特點:集合自然景觀(瀑布)、郊野環境,以至都市傳聞(新娘潭傳說)於一身。
注意:新娘潭瀑布旱季就無乜水,雨季就好大水,要小心小朋友百厭。
交通:大埔墟火車站搭小巴20C(總站在烏蛟騰),或九巴275R(只在假日行走)

因為有靈異傳說,有人農曆七月唔敢去新娘潭。唉,21世紀,太空船可以飛到去冥王星,唔係仲信呢啲嘢呀?
因為有靈異傳說,有人農曆七月唔敢去新娘潭。唉,21世紀,太空船可以飛到去冥王星,唔係仲信呢啲嘢呀?
3. 太平山頂
路線:山頂纜車站出發,沿盧吉道及夏力道,圍繞山頂一圈。全程3.5公里,需要1.5小時
特點:著名旅遊書《Lonely Planet》選為全球10大最佳步行徑之一,360度維港景色。全程石屎平坦道路,景靚易行,配套充足。
注意:無乜需要注意
交通:坐纜車,或坐巴士15號

山頂被選為全球最正10大步行徑
山頂被選為全球最正10大步行徑
4. 南丫島
路線:榕樹灣→風力發電站→洪聖爺灣→索罟灣。全程7公里,需要3小時
特點:坐渡輪對唔少小朋友嚟講已經係新鮮事,加上仲有南丫島特有嘅中西合璧嘅民風,大人小朋友都一定鍾意。
注意:部份路段未必有樹蔭,要注意防曬。
交通:中環港外線碼頭坐船到達

南丫島地標三支香雞。當然,行山見到呢三支嘢有啲格格不入,不過最後大家咪搵佢做背景Selfie。
南丫島地標三支香雞。當然,行山見到呢三支嘢有啲格格不入,不過最後大家咪搵佢做背景Selfie。
5. 海下灣
路線:大灘→攔路坳→海下。全程6.5公里,需要3.5小時
特點:香港首個海岸公園
注意:黃石至海下灣係經典行山路線之一,假日可能比較多人
交通:巴士 94 號、巴士 96R (假日), 大灘落車

更多有關海下灣嘅資料,可見另文《冰爽夏日好去處 — 海下灣
海下灣海洋生物中心
冰爽夏日好去處-海下灣_f

=======================================================
(註: 要留意有D係無退出點/補給點..自己帶多少少食物/食水去)
1.九龍望夫石徑
路徑~慈雲山慈雲閣 > 沙田坳 > 望夫石 > 紅梅谷
在慈雲山北的巴士站後方沿水泥級上走,經修建妥善的石級達沙田坳。在士多旁的衛奕信徑前進,不久開始轉入山徑下降。沿引水道一直走,留意左方的望夫石圖案的標示杆,循對面的紅梅谷自然教育徑輕降至紅梅谷畢。
資料:需時1.5小時(親子行約2.5至3小時)、全長5.5公里
補給:沙田坳士多
退出點:獅子亭可沿沙田坳道返回巴士總站
交通:起點~黃大仙地鐵站乘小巴37M;巴士~2F、3C、3M、15A。終點紅梅谷上車~巴士 80、81C、81M、81P、85、85B、86A、86C、87A、87B、88M、89B、170、182、305

2.九龍慈沙古道
路徑~慈雲山慈雲閣 > 沙田坳 > 博康邨
路線起點於慈雲山北的巴士站後方。沿水泥路走經修建妥善的石級抵達沙田坳。在士多的後方豎立著一個郊遊地圖牌,沿地圖牌右方的山路下降,經燒烤場後可走抵馬路,再沿路下走至水泉坳街或沙田博康村。
資料:需時1.5小時(親子行約2.5至3小時)、全長3公里
補給:沙田坳士多
退出點:在沙田坳可沿著沙田坳道下走至沙田坳邨
交通:起點~黃大仙地鐵站乘小巴37M;巴士~2F、3C、3M、15A。終點水泉坳街~小巴 809K

3.大埔三門仔
路徑~三門仔新村 > 鹽田仔 > 水茫田 > 鹽田仔山頂 > 三門仔新村
在三門仔總站下車後,便會看見迴旋處旁「馬屎洲特別地區」的牌坊。在這處進入三門仔新村,到了第二個公廁後,在公廁左方的小路上走,再經小公園後便見潮汐資料牌。由牌旁的小路上走,先經過不少墓地,隨後景觀豁然開朗,可盡覽八仙嶺景致。再往前走,未幾便見與鹽田仔相連的馬屎洲。沿徑下走,走過沙堤便可抵達馬屎洲。及後沿路折返至鹽田仔。踏上西面的小山徑先往鹽田仔山頂的標誌杆,再下落返回主徑走至三門仔新村完結旅程。
資料:需時1.5小時(親子行約2.5至3小時)、全長4公里
補給:並無補給
退出點:可略過鹽田仔山頂不走(總行程減20分鐘)
交通:起點~大埔墟鐵路站小巴20K、巴士74K。終點三門仔74K~小巴20K、巴士74K

4.元朗石崗
路徑~川龍 > 荃錦坳 > 雷公田 > 石崗
由川龍出發,循扶輪公園自然教育徑上走至大帽山停車場。沿大帽山道下走便可抵達荃錦坳。橫過馬路,走過漁農自己護理署的管理站後,靠右(左方為麥理浩徑往田夫仔)行走自然教育徑,遇分岔路棄教育徑往甲龍古道方向前進。不久便可沿古道一直下走至雷公田的車道。及後右轉至荃錦公路,再左走下降,前往左前方的石崗軍營。
資料:需時1.5小時(親子行約2.5至3小時)、全長5公里
補給:並無補給
退出點:在荃錦坳或在雷公田都可乘車離去
交通:起點~荃灣川龍街乘小巴80號。終點錦上路鐵路站乘巴士51號

5.元朗下白泥
路徑~白泥 > 泥灘 > 白泥
下車後往泥灘方向走,隨後沿路返回車站。
資料:需時0.5小時(親子行約1小時)、全長0.5公里
補給:並無補給
退出點:無退出點
交通:起點~元朗泰豐街乘小巴33號。終點下白泥乘小巴33號回程

6.清水灣徑
路徑~清水灣 > 蝦山篤 > 大廟坳
在清水灣巴士站沿大坳門道往清水灣俱樂部方向走,約15分鐘後在右方石級接上釣魚翁郊遊徑。及後左轉山徑往上走,輕登田下山山坳。沿徑下降大廟便可返回大坳門道畢。
資料:需時1.5小時(親子行約2.5至3小時)、全長3公里
補給:並無補給
退出點:無退出點
交通:起點~小巴16、103、103M;巴士91。終點布袋澳乘小巴16

7.西貢赤徑
路徑~潭凹 > 赤徑 > 赤徑碼頭
北潭凹下車後,橫過馬路前走少許的涼亭便是起點。沿水泥徑(即逆走麥理浩徑第2段)下降至分支,右轉往青年旅舍方向(左路往土瓜坪),經過村屋在岸邊走,過了橋後續沿左方路徑(直走往大浪坳)走至碼頭。
資料:需時1小時(親子行約2至2.5小時)、全長3.5公里
補給:並無補給
退出點:無退出點
交通:起點~西貢市乘小巴7或巴士94。終點乘街渡回黃石碼頭,再乘巴士94或96R

8.大帽山觀音山徑
路徑~林錦公路> 觀音山 >林錦公路
從入口走至生態池旁,循主車路上走至蝴蝶徑起點,再沿此徑上走至車路。由此左轉續上走,繼而右走至觀音山。隨後循主車路下降返回入口。
資料:需時1.5小時(親子行約2.5至3小時)、全長4.5公里
補給:並無補給
退出點:無退出點
交通:起點~大埔墟鐵路站乘巴士64K至嘉道理農場。終點於嘉道理農場乘64K回程

9.青衣自然徑
路徑~長巨集邨 > 青衣自然徑 >青衣西
在長宏邨巴士總站沿寮肚路上走至車道盡頭,便是青衣自然徑入口。依徑走至回歸紀念亭,右走青瞰徑,在分支路續右轉踏上石級到小山崗。先往右首3號觀景亭,欣賞汲水門大橋。及後返回小山崗,下走右踏青雲徑經野餐區到2號觀景亭。再沿路走至1號觀景亭,觀賞青馬大橋景色,最後隨「葵青慶回歸健康徑」下走至青衣西路畢。
資料:需時1.5小時(親子行約2.5至3小時)、全長3.5公里
補給:並無補給
退出點:自然徑的第一個分支可左走葵青慶回歸教育徑返回寮肚路;•自然徑的第二個分支可左走直接往野餐區以減省行程
交通:起點~巴士248M、小巴405、409、409K、407。終點于青衣西路乘小巴308M或機場巴士E21、E31、E32、E42


10.荃錦公路
路徑~川龍村 > 緩跑徑 > 扶輪亭 > 荃錦公路
在小巴站下車後,往川龍的農地走,之後轉入林中小徑。走過了山邊小屋,便到達引水道。在引水道左轉,走至扶輪亭,在右方豎立著指示牌的水泥梯級下走至荃錦公路畢,可在此乘車或走約10分鐘經至愉景新城。
資料:需時1.5小時(親子行約2.5至3小時)、全長3公里
補給:梧桐寨村屋
退出點:無退出點
交通:起點~荃灣川龍街乘小巴80或荃灣西鐵路站乘巴士51號。終點乘回程車小巴80或荃灣西鐵路站乘巴士51號。

11.香港仔水塘
路徑~香港仔水塘道 > 香港仔下水塘 > 香港仔上水塘 > 下水塘 > 香港仔水塘道
路線的起點在香港仔市中心的香港仔水塘道 。往香港仔水塘的方向走上又長又斜的香港仔水塘道。在分支處,行走右方的馬路,到達香港仔下水塘後,再右轉走過水壩。隨後接上石塊與水泥混合的路段,在林中行走,上走數步梯級至寬闊的水泥道後,往左走香港仔上水塘的水壩。在水壩末左側的梯級下降,再沿林蔭下的山徑走,便可輕鬆地返回香港仔下水塘,最後沿路折返至香港仔水塘道。
資料:需時1小時(親子行約2至2.5小時)、全長4公里
補給:無補給點
退出點:無退出點
交通:起點~巴士7、71、73、76、77、78、91、94A、95、95C、98、170、970X、971、973 號或小巴小巴 27、38、4A、4B、4C、5 號。終點乘起點回程路線。

12.港島龍虎山郊野公園
路徑~爐峰峽 > 松林炮臺 > 龍虎山 > 香港大學
在爐峰峽起步,經夏力道至公園,再走克頓道前往松林炮臺。及後輕登龍虎亭,返回炮臺,在西面的小徑下降接引水道。再右轉便可直往香港大學。
資料:需時1.5小時(親子行約2.5至3小時)、全長5公里
補給:無補給點
退出點:在龍虎亭附近可退出至旭龢路或蒲飛路
交通:起點~巴士15、15B號或小巴1號。終點于香港大學乘任何交通工具。

13.港島太平山
路徑~淩霄閣 > 山頂公園 > 同樂徑 > 夏力道 > 淩霄閣
在淩霄閣側的柯士甸山道斜路上走,經前總督山頂別墅守衛室,走至山頂公園。由此下走公園的草坪小徑,再上走梯級至剛才的守衛室,接上同樂徑。在分支左方下走梯級往夏力道及盧吉道交匯點,再左轉沿夏力道行走便可返回淩霄閣。
資料:需時1.5小時(親子行約2.5至3小時)、全長5公里
補給:無補給點
退出點:下降公園草坪的小徑,再上走梯級至守衛室後,可沿柯士甸山道返回淩霄閣
交通:起點~巴士15、15B號或小巴1號或纜車。終點巴士15、15B號或小巴1號或纜車。

14大嶼山昂坪
路徑~昂坪 > 彌勒山郊遊徑 >昂坪
從巴士站往青年旅舍,在郊遊徑指示牌而入(直走經東山法門往石門甲)。分岔右走 (左可返回昂坪)繞著彌勒山而走便可抵昂坪市集。
資料:需時2小時(親子行約3至3.5小時)、全長6公里
補給:無補給點
退出點:無退出點
交通:起點大嶼山巴士2、23或纜車。終點大嶼山巴士2、23或纜車

15.赤鱲角觀景山
路徑~赤鱲角南路 > 觀景山 > 赤鱲角南路
在大嶼山巴士總站橫過西方的天橋,在赤鱲角南路近赤躹角迴旋處右方水泥徑上山頂涼亭。後返回赤鱲角南路畢。
資料:需時半小時(親子行約1小時)、全長1公里
補給:無補給點
退出點:無退出點
交通:起點乘機場巴士或機鐵至赤鱲角南路。終點赤鱲角南路乘回程交通工具

16.大嶼山欣澳
路徑~鹿頸 > 陰澳篤 > 陰仔灣 > 鹿頸
東湧線於欣澳站下車步行前往,走到剛才穿過的村屋前左方的小路,不一會便到達陰仔灣沙灘。再沿來路返回碼頭乘船回青龍頭。或請船家于大青洲小碼頭停下,上岸後走過隧道,沿馬路走回青嶼收費廣場乘機場巴士離開。
資料:需時1小時(親子行約1小時)、全長3公里
補給:無補給點
退出點:無退出點
交通:起點乘機鐵至欣澳再步行約20分鐘。終點步行回欣澳站。
=======================================================



沒有留言:

張貼留言