2015年10月18日 星期日

假日親子好去處-九龍城單車公園(賈炳達道公園) 踩車學路標

呢日Mancent哥哥去九龍城interview, 點知去左九龍城單車公園玩 !



小一Interview完

我地去左九龍聯發茶餐廳食個早餐

(九龍城聯發茶餐廳是澳洲牛奶公司第二代開既店..食炒牛油多士、炒蛋好出名既)

之後諗住行下九龍城

 點知爸爸行過九龍城街市問我買唔買餸, 好啦!

見無咩野做就買餸煮飯, 順便買潮州野..大閘蟹

咁爸爸就就帶Mancent同Marcus去九龍寨公園

永勝明明係話帶Mancent同Marcus去玩公園, 點知我去到佢地已經踩緊單車喇!

點解想寫九龍城單車公園?

因為呢個地方係可以失驚無神咁你咩都唔使準備話去就去

同埋單車公園好大,好安全, 好啱一家大細黎玩

父母仲可以一眼睇晒...唔會一去無回頭...唔知小朋友踩左去邊 !!

當然大人要踩單車, 
當然去大尾篤個啲地方啦

不過因為我哋兩個小朋友仲細

基本上踩單車都係踩一陣就踩完啦

下面就係賈炳達道公園地圖

賈炳達道公園最大的特色是設有單車徑,集合了平路及斜路兩類路徑,

加上不同的斜坡設計,亦令初學者(小朋友)更容易上手。

仲可以一路踩單車一路學路標

 道路標誌好似有落斜,「慢駛、「只許向前駛」、「不淮踏單車」等,

可以比小朋學下路面安全知識。




另外,園內亦設有一個鑊形跑道及圓型單車練習場,讓單車愛好者以單車作高速繞圈,

也適合初學者學習單車技術。
仲有歷史野睇
不過重點當然係小朋友o岩玩!
係街市行過去單車公園入口只係指需要4-5分鐘,咩都唔駛準備。

唔踩單車都可以係草地跑下

呢度就係九龍城單車公園租單車既地方
有"平地"比小朋友試左部單車先出發

父母唔識踩,唔識教仲可以有導師敎授
(雖然文迪覺得踩單車係唔駛人教)


呢度租小朋友單車係$40/hour


Mancent同Marcus租到單車, 

Marcus係咁叫爸爸行開唔好阻佢去路


好啦,出發啦


其實細佬仔Marcus係唔識踩單車架!hehehe

爸爸,快d黎推我啦。
睇相好似好叻咁


唔識踩落車發脾氣
Marcus : 激死冴

Mancent哥哥就叻好多


Mancent 都可以自己handle 到全程既上落斜

爸爸媽咪唔識踩單車都唔緊要,只要跟住佢哋就可以喇!


踩到累就坐低抖下

似唔似破風~


比大家睇下D實況..對小朋友都好安全


呢度仲有其他單車款式俾大家揀

有家庭式,雙座位,小朋友當然有輔助碌單車

Mancent 同爸爸玩得好開心



特別一提好多家長擔心安全問題

呢度仲有啲頭盔護膝可以租/借俾你
兩兄弟大帶晒所有野都似模似樣架

一個可以做衝鋒手

一個做破風手
大家睇左<<破風>> 未?

細佬好攪笑呀

Marcus 細佬: 等埋呀,哥哥
Mancent : 細佬,快D上啦~我做你破風手...

快D去追大隊~
大隊離我地好遠啦~

黎啦..扮埋靚仔先啦~

九龍城單車公園
租單車服務:0900-2000 時間

Cycling Teaching : $150 /50 mins

小朋友車 $40/一小時


若果想去既Fans/朋友,可以打電話問清楚假期開唔開/租單車收費
 電話 :23820618


後感
聽朋友講,有D父母有渣車就會專登放自己架單車上私家車..之後再搬過黎玩
不過我地/有D朋友都建議都係度租算啦~

又唔駛拎黎拎去...租完車比返租車公司..都係$40

呢度既地方另一好處就係交通便利..唔同大尾篤單車公園

踩車學路標之後就走得..仲可以去九龍城食過tea /晚餐先返屋企.


呢排天氣好好..可以去多D郊外地方



====其他假日親子好去處blog===






沒有留言:

張貼留言