2016年5月5日 星期四

【香港海陸空一天遊】東涌昂坪360加擁抱小漁村文化遊 (大澳文化酒店)

大家長假期除左出外旅遊之外,

其實係香港都可以搵D親子好去處...

好多黎到香港旅遊既目的都係美食同Shopping,

好多人都忽略左香港前身係一條寧靜既小漁村。

距離市區唔夠一小時既車程, 其實仲有一個好啱大人同小朋友去既美麗水鄉「大澳」。


我地今日一家四口先向東涌昂坪360出發喇!

我地終於搭到昂坪360水晶車箱啦~

其實我地上次 難忘結霜體驗 已經答應左Mancent Marcus 兩兄弟 

一定會再黎過昂坪360...! 今日我地趁住長假期就黎過一天遊
東涌昂坪360 + 擁抱小漁村

(下面既行程真係由朝早10:00 玩到 19:00 架)

兩個溫馨提示



提示1. 東涌昂坪360係外國遊客黎香港一個好熱門既景點!!
唔想排一個鐘頭隊,記得上網一早買定門票呀~

提示2. 同埋而家小朋友搭昂坪纜車只係$1!
由今日起至5月15日期間,小朋友可以優惠價港幣$1搭昂坪360來回纜車

或購買「360娛樂套票」


上車喇!水晶車箱呀!
今日天氣好好,無落雨,又有風唔太熱

可以好清楚睇到海邊有D咩

仲見到有人捉魚架~

永勝話扮大佛喎

仲叫埋個仔一齊扮 Big Buddha

兩兄弟個研究緊咩呢?
我想同大家講..其實揀答水晶車箱除左可以有多D風景睇之外
仲有一個好大既優點..就係回程既時候可以排條快隊架.
(可以慳成個鐘架)

到喇!見到昂坪市集喇!


到咗就梗係要係地標影返張相先啦!
係菩薩許願亭許個願先
自拍,大家見唔見到我地想影咩呢?
無錯,就係大佛 !! 

我地去到都係"遠"望下大佛
因為帶住小朋友,我地無選擇上去。
(上百幾級樓梯即係辛苦大人)

Po Lin Monastery 寶蓮禪寺
黎得昂坪360,梗係唔會坐完纜車就算 ~

見到大佛,,小朋友好多時都問...

呢個佛點黎架??
大家睇埋「與佛同行」,就知道釋迦牟尼點樣得道成佛


「與佛同行」引領觀眾進入釋迦牟尼一生的立體旅程,由富麗堂皇的宮殿至崎嶇險阻的森林,從尊貴的王子至得大智慧頓悟成佛的歷程,真實的與佛同行,和他一起經歷他一生的每個階段。

睇完仲可以攞塊葉許願

之後個願望仲有特別效果架~
除左「與佛同行」,我地要介紹既係小朋友會睇得好開心既
360 動感影院

趁未開場影張相先
佢2個仲睇到好驚,我就忍唔住笑 !!

呢個五維動感影院 ,真係好睇 !!
由於Package套票只係包一套5D movie,,,,,,大家會問,邊套好睇?

我地兩套都睇過
 小飛蟻大冒險 vs 動感大嶼遊
信我地...一定係 <<小飛蟻大冒險>>好睇D

原因係劇情緊張D...視覺、聽覺都係多D 新野(因為新design 架)
仲睇咗舞台Stage 360
呢度係一個劇場俾大家睇吓以前啲武俠劇點樣拍出黎
有啲好特別嘅聲音整出嚟
仲有點樣吊威也
煙霧、電光對決場景
未入過去睇既,可以睇下面既影片玩D咩 
真係好似架...360舞臺導演親身示範..Action...

睇完三個Show....差唔多由朝早玩到一點就食小小野先
係呢度仲可以搵到阿波羅既"孖條"呀!
不過細佬仔有小小咳我地無得食呀!😭😭
呢間山水豆腐花,我地每次黎都會食...豆腐花好滑 !!!


一食完豆腐花出嚟就見到有牛
兩兄弟一D都唔怕

食飽飽我哋就響大澳出發 !!

======東涌昂坪360-> 大澳小漁村======
交通

我哋係昂坪市集...其實係對出巴士總站坐21號巴士
就可以去到水鄉大澳 !!
車程~20分鐘

(時間表如下)

唔知永勝想影咩?總之就一家四口合照

一落車就見到
<<正宗隱姑茶果>>
 新鮮熱辣辣,好好食
(地址:大澳永安街11號A)
因為上面呢檔茶果/ 雞屎籐賣晒就冇,所以大家去到記得食咗先

行前多幾步就見到有條人龍仔排燒魷魚,重點係炭燒海鮮 !!!
我哋食咗燒魷魚、賴尿蝦乾、雞泡魚乾同燒黃花魚春
(平時怕食瀨尿蝦因為要Mook殼)

推介雞泡魚乾同賴尿蝦乾

Note : 桂花魚魚春好咸好乾<---唔推介
飲埋紫貝天葵茶就Perfect Match ~

買好嘢食就準備小朋友超級期待既節目
出海睇中華白海豚
船家話今日潮賬有機會睇到中華白海豚 !

一路聽船家解釋,仲可以帶小朋友認識一下咩叫大澳棚屋?
解釋一下點解D房屋唔係興建係陸地上
出左海啦~ 

兩兄弟仲睇左<<將軍石>>

似唔似有人個人企左係度?

船家呢面似著左好似 Superbowl 既左右兩邊盔甲
最後........

我地無咩運氣睇唔到中華白海豚..有少少失望而回 ~

搵左人地影到果D比大家/兩兄弟睇住先 ~
希望下一次再黎睇過啦~


出完海我哋帶大家一個 新景點就向大澳文物酒店出發

認識一下小漁村文化特色 !!

(係市集過左橋再向海邊步行~20分鐘就到啦)


兩兄弟同棚屋既合照
行緊既時候仲會見到石灘和紅樹林
郊遊嘅好處,就係周圍都見到昆蟲

<<大澳大會堂>>
Mancent 好合作...Marcus 去玩都要扮巴斯光年
其中一樣漁村文化就係
可以沿途見到大澳人本地人曬咸蛋~
$3 / 隻 (可以拎黎煮粥)
仲有好大隻既雞泡魚

(可以比小朋友點下/"吉"下)
做漁船既木頭
(係出面好少見啦)

漁村曬蝦膏.


不過可遠觀而不可褻玩焉  (好大陣味架) 

大概行20分鐘就到,沿途都係平地加上係海邊有海風

細佬仔Marcus好叻仔全程都係自己行
到左啦!



大澳文化博物館(舊大澳警署)

歷史建築級別:二級歷史建築*
落成年份:1902年
要真正感受香港的殖民情懷,在饒富歷史的文物酒店住上一晚,也是一種過癮的玩法。大澳文物酒店由舊大澳警署修復而成,立於大澳碼頭旁邊的一個小山之上,在這裡能夠遠眺一望無際的海天景色。酒店提供九間海景客房及採用玻璃屋頂的天台餐廳,並妥善保留大炮、探射燈、看守塔及地堡等原有的特色,整體展現著19世紀晚期的古典建築色彩。
 舊大澳警署的歷史。舊大澳警署是新界區內其中一所最早期的警署建築。
 以往,警署主要負責保障大澳的治安,並以舢舨在區內巡邏,確保所有進出大澳的貨物已向海關申報。
 1950年代初,駐守舊大澳警署的警察有14名;至1996年,由於小漁村治安良好,大澳警署改為巡邏警崗,大部分警員被調配到龍田報案中心,
 而舊大澳警署也最終在1996年12月關閉。

呢度有少少去左渡假村feel
之前上網做個research

睇完歷史建築呢度有下午茶食架

(地址: 大澳石仔埗街大澳文物酒店1樓)

Opening hours
今日大概等左15分鐘就有位
(平時不用等位)
下午茶唔大貴大概$80一個

賣點
全海景玻璃屋- 自然光入到黎不突止 仲可以望下山望下海 成個感覺真係好...
影埋Menu 比大家睇...仲有西式 cross over 大澳既特色小食

蝦醬雞翼/蝦醬豬扒包
環境都好舒服同好乾淨

下面呢杯係大澳嘅特飲,<<紫貝天葵蘋果汁>>

  紫貝天葵特飲酸酸甜甜好好味..加埋窗出面係一大海景.. 
真係超Relax 呀~
我哋叫咗兩個下午茶

食物質素好高,呢個炸魚薯條好好味
呢個係大澳蝦醬雞翼,佢除咗啲雞翼用蝦醬醃過先炸,

最特別係個沙律醬,係有蝦醬味架!
第一次食...好味👍🏻👍🏻👍🏻

因為食飽飽Tea..我地要趕住返去昂坪搭返纜車返東涌

若果大家唔趕時間~仲可以睇埋日落架

(其實仲有第二個選擇就可以直接喺大澳坐巴士返東涌)

回程兩兄弟每人揀左一個可以吹得響嘅貝殼 !!
(好過買玩具比小朋友)
真係由朝玩到晚.
一家大細都好滿足 !~~
好快已經返番昂坪360 
當見到下面呢個牌....大家就會覺得揀答水晶車箱係好值架
(可以慳80分鐘鐘架)
夜晚坐纜車真都有一番風味~ 
呢個赤蠟角機場附近既夜景又係好靚
一落車已經又係"市中心"
若果大家仲有精力既
仲可以行埋東薈城 Outlet mall


東涌昂坪360纜車 時間表,大家可以參考下
(記住尾班車係18:30)

後記

【香港海陸空一天遊行程】
東涌昂坪360纜車 ->「與佛同行」-> 「360 動感影院」->「舞台Stage 360」
->昂坪市集->山水豆腐花->
美麗水鄉「大澳」->出海睇中華白海豚->大澳文物酒店->棚屋->漁村文化(曬咸蛋/曬蝦膏)
->大澳全海景玻璃屋 High Tea-> 日落->機場夜景->東薈城 Outlet


其實除咗昂坪360纜車+昂坪市集+大澳棚屋/美食

其實大嶼山仲有好多其他不同種類既景點

譬如話自然生態,長沙泳灘,心經簡林

下面有晒相加地圖

[可以click 圖放大]
昂坪周邊景點/建議行程


===國皇之家仲其他親子好去處既blog又比大家參考一下===


假日親子好去處: 愉景灣沙灘獵蛋奇兵Egghunt 掘蛋實況(加新假期影片)

                                





想知道其他親子假日好去處??

沒有留言:

張貼留言