Adsense Script

2017年4月18日 星期二

傳統學校 VS 國際學校點揀好? IB vs DSE (學費比較數據加考慮原因分析)

呢排有好多學童自殺事件

係農曆復活節假期完結後，
2017年開始四個多月內香港已經發生左十幾宗學生自殺事件。

大家當然要正視一下~
2015-2017年香港學生連續自殺事件

開始有家長控訴香港既填鴨式教育制度~
(咁啱真道書院小學部(連中學一條龍)
今個月正式可以申請而佢地又有IB
成日都有家長/朋友/Fans問我地

常見問題一: HKDSE vs IB 課程, 邊個比較好呢??
好多人以為考IB難度又好似相對DSE低
IB 中文要既程度低D
不過其實DSE 英文是second language 水平; IB Eng A 就當係 first /mother language, 

大家一個 first language 一個second language .
程度大家都唔同,大家先唔好誤會呀!!

常見問題二: 唔想辛苦就入國際學校??

 好多家長唔想比小朋友讀傳統學校..想佢入國際學校??
見到而家讀小學既小朋友好辛苦呀..
問我地有咩意見?

(以下就係我地國皇之家生活事係我地自己blog既"個人意見"
覺得幫到妳既就Like and Share..
唔啱聽既唔認同我都歡迎理性討論
下面全部都有數據支持)


成日都聽到而下既對話

 香港D小朋友駛咩咁辛苦讀傳統小學?? 

[ABC 家長對話內容] : 而家考D咩TSA/BCA? D 小朋友睇見都辛苦
你地唔好做怪獸家長啦~想個仔自殺咩??

 我地以前"舊時"不嬲都唔主張死谷D學生..

 外國不嬲亦唔興考試....求學不是求分數嘛...
我自己係外國返黎...比較接受西方教學既方式囉..

You know ...人地外國真係好好架...Well.. 
香港咁填鴨式又谷..小朋友都係學唔到野架... 不如去試下去 國際學校啦~
國際學校好丫.......開心教學/快樂學習....小朋友開心先係最緊要...
(下刪幾百字...)

[永勝文迪家長回覆] :...Well...I totally agree with you but...
當睇埋下面既分析之後，

我地呢D普通中產家庭....我只可以講,

這些機會不是屬於我的

原因
首先未比較之前..睇下大家有無得揀先???
我都唔想見到有任何小朋友自殺,呢D咁不幸既事..
一單都嫌多~ 而家仲要有十幾單~

妳估我唔想比小朋友開開心心走去讀IB 課程
唔想佢開心讀書 ?!
佢地可能唔熟香港"奇怪"既教育制度..先會講出咁既說話
若果有人問我地點解係傳統學校而唔揀國際學校..原因最少有五點 !!
比呢篇blog 佢地睇o岩晒~

傳統學校 VS 國際學校
1. <<學費>>
第一樣當然係要考慮家庭負擔同學費啦~
傳統學校$1000 學費/直資都係~$4000...
國際學校~ 一至兩萬一個月
$1000學校0 vs $20000
有錢我都會揀國際學校 (有兩文三語)，可惜國皇之家那有錢...
好似有D平既IB 課程..好似真道...又成萬爭百幾個位..
成功率~ 1.5%
貴果D又比唔起~

無數據無真相 !! 讀國際學校學費要幾$ ?
又搵左D資料比大家睇~

國際學校學費比較數據
Reference :http://eduplus.hk/edukids/primary_International_expenses.jsp
地區全港國際學校一欖 (小學部)全年學費(年份)
九龍塘畢架山小學$74,100(2014/15)
跑馬地白普理小學$74,100(2014/15)
清水灣清水灣小學$74,100(2014/15)
半山己連拿小學$74,100(2014/15)
薄扶林堅尼地小學$74,100(2014/15)
何文田九龍小學$74,100(2014/15)
山頂山頂小學$74,100(2014/15)
寶馬山鰂魚涌小學$74,100(2014/15)
沙田沙田小學$74,100(2014/15)
地區全港國際學校一欖 (中學部)全年學費(年份)
半山港島中學$105,700-$111,100(2014/15)
何文田英皇佐治五世學校$105,700-$111,100(2014/15)
沙田沙田學院$105,700-$111,100(2014/15)
香港仔南島中學$105,700-$111,100(2014/15)
薄扶林西島中學$105,700-$111,100(2014/15)
九龍塘協同國際學校$109,500-$117,200(2015/16)
地區一條龍式國際學校 (附設中、小學或幼稚園部)全年學費(年份)
九龍塘美國國際學校$101,100-$125,000(2014/15)
九龍塘香港澳洲國際學校$85,300-$183,600(2015/16)
香港仔香港加拿大國際學校$87,150-$162,650(2014/15)
中環、半山、筲箕灣香港猶太教國際學校$81,000-$153,000(2014/15)
寶馬山漢基國際學校$122,300-$194,200(2014/15)
九龍城宣道會劉平齋紀念國際學校$84,200-$133,800(2014/15)
太古城地利亞(加拿大)學校$95,000-$110,000(2014/15)
愉景灣愉景灣國際學校$101,700-$137,500(2015/16)
愉景灣智新書院$101,700-$137,500(2015/16)
山頂、薄扶林、灣仔德瑞國際學校$92,000-$165,850(2014/15)
屯門哈羅香港國際學校$130,681-$177,700(2014/15)
西貢香港學堂$109,000-$178,000(2014/15)
淺水灣、大潭香港國際學校$84,600-$195,800(2015/16)
跑馬地、北角、大埔香港日本人學校$88,350(國際部)(2014/15)
沙田基督教國際學校$57,600-$142,500(2014/15)
大埔、沙頭角沙頭角國際學校$110,500-$156,000(2014/15)
薄扶林、九龍灣啟歷學校$130,300-$145,100(2014/15)
北角蘇浙小學、幼稚園暨國際班$51,000-94,000(2014/15)
九龍塘京斯敦國際學校$86,680-$120,000(2014/15)
西灣河韓國國際學校$66,000-$94,000 (2014/15)
大嶼山大嶼山國際學校$76,000(2015/16)
跑馬地法國國際學校$97,943-$157,782(2014/15)
藍田Nord Anglia 國際學校香港分校$131,800-147,000 (2015/16)
大埔挪威國際學校$53,700-$86,500(2015/16)
馬鞍山啟新書院$89,000-$133,900(2015/16)
九龍城弘爵國際學校$79,200-$98,500(2014/15)
香港仔新加坡國際學校(香港)$75,000-$158,000(2015/16)
上環、鴨脷洲、天后、半山蒙特梭利國際學校$130,000(2012/13)
九龍塘、馬鞍山、美孚、藍田朗思國際學校$47,250-$94,180 (2014/15)
元朗穆民國際學校$5,800(2012/13)
九龍塘香港耀中國際學校$56,177-$169,680(2014/15)
備註：
1) 最後更新於2015年06月
2) 以上資料只供參考，學校於新學年的學費將有所調整。雜費、購買債券等額外開支，應以個別學校公布為準
3) 資料來源：各學校及教育局網頁

除左學費..仲有什費..一年最基本大約用20萬

仲未計債券/提名權入學門檻果D費用~

Reference :http://topick.hket.com/article/1459674/
位於屯門、被稱為「貴族學校」的哈羅香港國際學校，該校發行500萬元資本證券費用（Capital Certificates）及60萬元債券，讓家長認購作優先入學條件，亦屬貴價之選。
國際學校學費(每年) (2016/2017)

就當妳比到2-3萬一個月既學費..但提名權/債券果D基本都要200-600 萬 !! (下圖)


仲要有D係不設退款架, 另外仲有D又要建校費/擴展費
Reference :  The ISF Academy書院招生資訊 
好啦...寫完學費數據....有D人會講...e...咩妳咁市儈架 ??

 為左小朋友..最多自己辛苦D ! 我想佢變成填鴨呀~

 真實case : 家庭收入大家都唔同? 要應付突出黎既一兩萬支出( 仲未計興趣班喎)
見到有D家長為左D學費..按埋層樓囉...個個月死慳死低
連遠D旅行既都唔去....去就去澳門..食飯又要慳....真係為左佢好?

2. <<學位短缺>>  
我又假設妳有幾百萬既"閒錢"放係學校,不過有時有錢都唔得架.
都要有人事同依靠關係先比到果D錢 !! 無既唔該識D人介紹妳入去先

 點解? 唔係咩黑幕...呢個"立法會"都討論過呢個問題
因為而家就係愈來愈多香港家長用腳去投票
去反對現時呢個教育制度
反對以考試為本既教學模式
<---利申:我地都係架..亦唔想做怪獸家長，不過可以點..推翻成個教育制度?!
  
個個都有龐大既升學壓力..不過個個都係咁做...
就算外國既家庭(本身英語Native)替子女找學位，都唔容易
呢個問題亦係立法會發表過
 
連外國人既CEO 都搵唔到國際學校學位喎
學位就係得咁多..僧多粥少

真係妳"識"人就有位?? 當時教育局既副局長都上立法會嘈過
幾年之後問題無解決過..問題仲愈來愈大
 
而且國際學校個學位亦競爭越來越大
就算識人有關係都未必有機會搵到個學位俾妳架~
  你可能會話我我識人喎老細個朋友/親戚個仔係入邊讀介紹
佢可以介紹我喎
不過其實依家啲學校都係睇錢做人
最大問題係....妳以為有$ 加識人就得??
強國人比妳更加有錢...更加人面廣.
又一例子: 以為讀國際學校可以少左D大陸人, 其實已經成為居港有米強國人既搶佔目標

不過仲有一批高官子弟已經一早搶佔左入左去~
入到去咪又係外國人一group/大陸人一黨//香港人一班
不過妳專登入就係要識呢D人又另計啦~

3. <<睇成績/語文能力/自發性>>
另外..有$有面有時都仲未夠架...
妳話妳係傳統/真資.政府學校讀得辛苦,唔想操卷..讀得辛苦
成績跟唔上...原來轉入去都要睇校內成績..特別係英數
原因：英文要同同學溝通到....數學要推理能力要強..,,,舉一反三能力，自發性好緊要
有聽過case 係..我地有位呀，不過我仲咩要比個位妳..大把人排隊啦~
人地國際學校"唔係" Band 3 小學..係私校/自負盈虧
唔係有教無類
小朋友唔叻..仲咩要收?
收返黎以便拖「低」整體考試成績??
4. <<不同制度低下的不歸路>>
以我地既理解...讀國際學校係一條"不歸路"
一讀左國際學校係番唔到轉頭, 包括至中學. 
國際小學同中學既課程函接唔到傳統學校架. 
唔好唸住試下...要有心理準備. 
一開始左就要小學部加中學部 12 年
加加埋埋大約都3-4百萬架~

最常見既case 就係讀傳統學校學覺得辛苦..
讀唔上..父母有能力..咪可以叫"跳船"
順便覺得去左國際學校學英文進步得快好多wor...
終於比咗佢讀國際學校!!

 不過大家可以比較下D課本. 係完全函接唔到番傳統學校.
唔好唸住可以中學再轉返其他傳統名牌中學
父母都要預咗要比佢係國際學校讀埋中學.當然甚至大學啦
<<詳細制度分析如下>> 國際學校一般會銜接外國教育制度，如英制學校會提供英國課程體系，並參加英國中學的GCSE/IGCSE考試，高考時參加A-LEVEL考試。而美製學校則考大學先修課程（Advanced Placement, 簡稱AP），加拿大製學校會完成安大略省高中畢業文憑（Ontario Secondary School Diploma,簡稱OSSD），也有許多學校提供國際文憑大學預科課程（International Baccalaureate,簡稱IB）。國際學校的學費高昂（每年10萬到20萬不等），且大部分國際學校都會額外收取債券（數十萬到數百萬不等）、提名權、或Capital Levy等作為經費來源。現在越來越多的本地直資和私立學校也提供IB課程，也是計劃出國的學生另一個選擇。

5. <<入大學既比率同成績>>
讀完12年..準備入大學

非聯招入大學　門檻更高
「繞道」報考國際性的考試，如IB（國際預科文憑課程）或GCEAL（英國高級程度教育文憑試）等，循非聯招（Non-JUPAS）形式入讀本港大學，被。過往以非聯招形式入讀本港大學一直被視為可行的方法之一，然而根據8大院校首次公布的外國考試錄取平均分數據，「非聯招」要求隨時比聯招更嚴格。
　本地學生透過聯招（JUPAS）升讀大學競爭激烈是不爭事實，部分學生更會「繞道」報考其他國際考試，循「非聯招」（Non-JUPAS）途徑升學。不過，根據8大院校首次公布的外國考試錄取平均分數據，「非聯招」要求隨時比聯招更嚴格。以港大、中大及科大為例，英國高考錄取平均分為1科「A*」加1科「A」；文憑試平均分則只是核心科約「5444」至「5555」。
~ 傳統JUPAS 大約佔80% ,  non- JUPAS 比例為不多於20% 

即係去到讀大學..行非聯招入大學去唔到最Top 果20%..
基本上都係要出去外國讀大學!  最後結果都係出國讀書

傳統學校 VS 國際學校入大學成績比較
[圖片來源]
仲有其他傳統學校同國際學校既比較..可以睇blog 底..

 睇到呢度好灰??? 先問自己一個問題
常見問題: 國際學校真係適合妳家庭同小朋友??
父母本身都接受西方思想?

唔知大家平時多唔多同唔係香港人溝通..
身邊有幾多朋友係外籍人士..? 當阿仔阿女有半班同學都係非香港人..
唔好講小朋友,妳是否願意參加人地D父母「聯合國」Gathering...
西方人比較開明..東方人"普遍"都好保守

妳想小朋友又想唔想先??
有D小學去到高年班都要去遊學交流文化，國際學校嘅就更加啦
當然學校一定會同妳講..呢D係家長既個人意願
可以唔參加架.....妳唔去都當然ok
我地睇熊貓只會唸去海洋公園
D貴族學校亦有聽過四川睇熊貓，澳洲睇樹熊，呢d先係學校旅行
先係"真"體驗
亦有聽過好似要學音樂
"音樂是生命中的一股清泉陶冶性情"
維也納音樂之都..梗係要去下維也納感受音樂嘅氣氛同歷史
妳當然可以又唔去啦~ 
若果其他"海外學習" "文化交流"樣樣野都無錢/唔參加，
咁又要問下自己..呢間學校是否適合妳???
仲有小朋友係紀律性同鍾意自學...獨立思考..etc.


最後
若果睇左國際學校學費比較數據
又睇左傳統學校 VS 國際學校
1. <<學費>>
2. <<學位短缺>>
3. <<睇成績/語文能力/自發性>>
4. <<不同制度的不歸路>>
5.  <<入大學既比率同成績>>

係咪覺得已經輸在起跑線 !! 這些機會不是屬於我的?
有少少無能為力既感覺?

 國皇之家最後既建議係

 無論讀咩都好傳統小學國際小學，其實預到嘅情況都係一樣。
甚至有啲人話去到國際小學品行會差左,同埋易D學壞? 
因為無人管制住 !! 
輸在起跑線呢樣野..雖然真係有..不過
我覺得呢D好取決於父母本身係點樣教個小朋友 !!
同我地果代一樣,小朋友佢係讀到書嘅話, 去邊到讀都係一樣 
(永勝文迪兩父婦都認為)。

 部份家長選擇"逃避"去左國際學校嘅, 都可能係受唔住而家傳統小學壓力。 有壓力問題好睇家長點樣處理...
家長嘅要求同配合都好緊要。
因為一讀國際學校...大部分係番唔到轉頭 !!

 明知小朋友"谷"唔起...咪唔好谷..由名小轉去其他二線學校囉 !!
揀傳統學校, 雖然又要考TSA/BCA..又要不斷咁操練...又填鴨..
不過呢啲係制度問題,暫時辦法改變！


<<真實CASE>>
我朋友既兒子讀國際學校K1，除了外，佢地擔心的是中文問題。
唔好以為有$讀國際學校下下好型，中國係世界既角色愈來愈重要
遲啲大個時唔識睇唔識寫都幾唔方便㗎。
好似國際學校只會有限度教下國語和簡體字。


另一個最大個原因就係都唔想辛辛苦苦養大個仔12年之後，
咁辛苦為咗賺錢...最後送佢去外國讀書
(因為未必去最top 20%.) 跟住可能以後係外國都唔返嚟。

  同埋若果最後結果都係出國....
咁又點解唔早段小學/中學係傳統小學入面Hea 讀
先贏左親子關係...遲D先出國呢?

我地之前係呢篇blog都討論分享過

如何贏在起跑線 - 香港去外國讀書- 十個國家學費+ 生活費比較

 (台灣/新加坡/日本/英國/美國/加拿大/澳洲/新西蘭)

不如早D準備"離"場費


最後既結論當然我地都係揀傳統學校..
亦都相信適合大部分既家庭
大家記得係在做選擇時請考慮上面同下既既因素~
唔好人地一句話國際學校好好好..
就唸住放棄唔考傳統學校
唔係人人都啱架


下面呢個文章寫埋
升學道路/學校分類/課程特點比大家










在做選擇時請考慮以下的因素


家庭經濟狀況。國際學校的學費大致在每年15到20萬左右，加上雜費和各種培養興趣視野的費用，這個費用應預設在35萬左右。以及在當前學位緊張的情況下，是否能支付幾十萬至幾百萬的債券費用，和預留未來出國讀書的費用。

孩子的性格。每個孩子有不同的性格，尊重孩子的差異性，尋找到合適的環境至為重要。國際學校對學生的差異性包容度更高，而活潑好動，喜歡獨立思考，喜愛表現自我，能夠自我驅動的人更能如魚得水；而有些孩子更安靜，喜歡遵循指引，過於自由的環境下容易迷失，這樣的孩子更適合傳統學校。當然，傳統中也不乏前者那樣的學生，presentation的能力不管在哪裡都非常重要。

家庭語言環境。對於國際學校的孩子來說，足夠的英文環境是孩子邁入國際學校的基本要求，但另一方面如何保持孩子的中文程度，也是家長需要權衡的地方

家長的教育理念。家長個人對教育的期望和理念對選擇學校至為重要。你是否相信良好的基礎和成績是人生的敲門磚，你是否相信孩子可以依循興趣和自由探索尋找到合適的道路；你是否能接受傳統學校中強調紀律和成績的環境，你是否能接受國際學校中過於自由鬆散的氛圍；你是否能安然看待兩個幼稚園的孩子站在一起，一個已經會寫字算數背誦唐詩，而自己的孩子還只專注於玩水玩沙？

升學計劃。若家長計劃將來送孩子出國讀書，讓孩子提前適應教學方法和語言環境，選擇國際學校不失為一個較輕鬆的道路，但同時可能要權衡的是較弱的中文、數理基礎。

文化差異。選擇國際學校的家長亦需考慮，在多年的西式文化沉浸中，孩子的思維難免也和土生土長的我們有些差異。他們會更有自己的主見，不隨便聽從家長的教導，更喜愛講英文和看英文書，在許多觀念上和父母有所不同。轉換道路。從傳統學校轉向國際學校是可行的，但從國際學校轉向傳統學校非常困難。




小一統一派位填表策略?(三劍合璧不是真/實際叩門情況+校網增學額數據分析)



小朋友讀幾多興趣班好?為子女港爸港媽可以去到幾盡？

想小朋友做功課奴隸? 可以點? (其他專家既建議)

2015-2016全港幼稚園排名(Top 50) + 2014 全港升小派位概況


釐清起跑線的迷思 讓孩子成為真正蠃家

迷思一 : 愈早上playgroup愈好？
迷思二 : 語言學習關鍵期？
迷思三 : 潛能開發刻不容緩？
迷思四 : 「玩」是浪費時間？
迷思五 : 名校畢業有光環？

太看重起點 必將失去終點 -中國歐美教育對比

《中國歐美教育對比》﹕「中國﹕小學累、中學苦、高中拼、大學混。玩耍的年齡被迫學習，學習的年齡只想玩耍。歐美﹕小學玩、中學混、高中學、大學拼。玩耍的年齡就玩耍，學習的年齡才學習................太看重起點，必將失去終點！」

<網路謠言>德國憲法禁止太早開發孩子智力 (原文加反駁論點)


番兩間幼稚園? 學語文?學習壓力太大? (新聞透視-不快樂童年)

咩係普通話水平考試(GAPSK vs KPCC) 點解要考?考D咩?

Marcus 上緊趣味認字Playgroup(準備面試)
....要贏在起跑線..都係不外係呢條equation
Playgroup->N班->K1->小學->中學

誰是面試催谷的源頭？

生兩個孩子的18個理由

2016-2017全港小學排名(Top 50) + 2015 全港升中派位概況

幼稚園大作戰-咩Offer都冇點算好? 

求位信範本(唔係Badykingdom Sample)
家長小一面試準備: 起跑定人生- 如何贏在起跑線 !!

小學制度計分詳情

各區熱門官津小學(加仲有幾多個統一派位學位配額?)

宣道小學面試內容

「快樂」這種技能，孩子終身受用 ( 四大名校面試秘技)


傳統學校 VS 國際學校點揀好? 

IB vs DSE (學費比較數據加考慮原因分析)


覺得呢篇blog 幫到妳既,就快D Like and Share .
仲要Like 埋我地Fanspage 啦~
只有呢度睇到我地既Blog 同搵返黎既資料~

 遲下會寫下龍B點樣面對升小大作戰~

於
標籤： , , , , , , , , , , , ,

1 則留言:

  1. Tiger MUM2019年10月30日 凌晨12:51

    一講起搵上門補習老師就頭㾗，試過好多都唔岩，搵私補真喺好似睇中醫甘，人夾人緣。我個女好好彩，佢同學介紹左佢搵一間上門補習agent，叫MyTutors，導師質素不錯。我個女搵左一個港大醫科叫Kevin嘅補英文，雖然貴少少，但好有心機補。MyTutors嘅官網好似喺：

    https://MyTutors.com.hk


    我個女今年中6啦，希望佢可以比心機考試，老師繼續幫佢。

    回覆刪除

訂閱： 張貼留言 (Atom)