Mancent 哥哥攪掂升小一問題...
終於放下呢一年黎既心頭大石
為左慶祝我地上星期去左遊車河一日遊 !!
今次多謝 Ford 邀請左我地試左全新Ford Ranger 農夫車 !
等我地國皇之家可以坐住去自駕遊
而今次既全日既行程..有好多都係Mancent 哥哥自己設計架
我地平時無揸開車.....今次梗係左平時去唔到既地方,
先比Ford Ranger 車既資料大家睇下先～
Ford Ranger - 農夫車: http://ranger.hkford.com/car_ranger/experience.html
再多人D....亦都坐Ford Grand C MAX - 7 人車 都好啱香港一家大細既家庭
Ford Ranger 農夫車其中一個賣點就係
-1900KG 嘅衝擊力都頂得順
-Ranger 浪子仲可以4L 模式，將470Nm扭力全數悉出
-拉50噸嘅石頭上山都得
而且有好既爬高爬低
-1900KG 嘅衝擊力都頂得順
-Ranger 浪子仲可以4L 模式，將470Nm扭力全數悉出
-拉50噸嘅石頭上山都得
而且有好既爬高爬低
加處理崎嶇不平道路既能力..等陣去唔少地方都係山路
而且用柴油夠力之餘仲好慳油, 不過因為佢個牌唔係私家車, 係貨車,
所以入Car Park就要留意下.
真係唔好講笑, 今次呢個旅程真係好奇妙架!
因為一早起身已經係落好大雨..0400 仲好似係黃雨..., 我同永勝仲不斷諗改行程,
但諗黎諗去都諗唔到有咩行程落雨都可以玩, 所以最後都係用返之前plan好左既行程.
第一站我地去左荃灣川龍食早餐
我地一早出門口都仲係落雨, 仲要唔係細個隻
Google Map : https://www.google.com/maps/place/荃灣川龍食早餐
荃灣川龍既茶樓有好多係出面市區茶樓食唔到既舊式點心架!
荃灣川龍飲茶有個特別之處就係咩都要自己, 連沖茶都係自己架!
呢度仲有永勝最LIKE既西洋菜
飲完茶我地3個要著晒雨褸就知好大雨啦!
[懷舊茶樓]
飲完茶一上返車2個就好興奮, 準備出發去第2站喇!
我地今日仲帶左滑板車, 但因為落雨, 都未有機會玩
第2站青衣青嶼幹線訪客中心及觀景台
Google Map : https://www.google.com/maps/place/青衣青嶼幹線訪客中心及觀景台
呢度好靚, 可以望到成條青馬大橋
唔去過真係唔知有咁靚既地方
夜晚黎睇夜景一定超靚
呢個位就係司機哥哥話俾我地知第1個秘密景點,
佢話好多龍友都會揸架車黎呢度影下架車
地點係: 汀九橋附近既汀逸路/麗都灣
3個大細路坐左農夫車係後面勁開心
咁樣影架車又真係好靚既
夜晚係度影就係咁架啦~
圖片參考
離開第2站, 經過青馬大橋, 天開始出太陽喇！
Google Map : https://www.google.com/maps/place/流浮山 食海鮮
第3站就去到流浮山,
呢度認識一下小漁村文化特色 !!
開始好天，佢2個都開始踩滑板車
可以沿途見到本地人曬咸蛋/咸魚~
真係好開心呀!到11點幾已經好好天, 好天到佢2個都睜唔開雙眼
我地仲遇到個好好既姨姨, 我地行行下見到有隻蟹仔係地下, 就停企低係度睇, 根住個姨姨好好人拎個袋出黎幫我地捉左, 送左俾我地.
而家已經带左蟹仔返屋企幾日都仲好生猛架!
仲係流浮山買左我同永勝既兒時點回億---大菜糕蛋,
真係好耐無見過呀!
不過我之前係華星冰室好似見過架!
第4站係Mancent哥哥諗既，
一早我地就問定Mancent想好邊, 佢就答我好想去下白泥,
因為佢之前去過見到馬蹄蟹, 好想再去見下, 但我同永勝做research 既時候
check 到呢架農夫車可以直接駛落去
本身想一試Ford Ranger 佢嘅深度澗水能力！
因為 Ranger 可以抵禦幾多800mm米嘅水深都面不改容呢 !!
又可以拉勁重既野上山
不過去到先發覺原來未退潮..同埋驚整傷D馬蹄蟹
Google Map : https://www.google.com.hk/maps/place/下白泥泥灘摸蜆(日落)
不過唔梗要, 黎過都好開心，永勝最近真係好like親子裝，
所以最近係日本都入咗幾套，遲d再寫blog介紹。
天空之鏡
下白泥灘摸蜆(日落),
之後我地再左第2個秘密景點, 就係下白泥烽火台, 上去個時條路好斜架!
Mancent同Marcus係咁同我講好驚，真係好好笑
有咩特別....?? 唔駛同人迫...上到去仲可以望到成條深圳大橋同深圳沿岸
我發覺今日d相好多都係影橋呀！
睇下日落時既景色..真係超靚架
第5站係東涌欣澳石灘
今次特別在係連架車都上埋去 !!
我地再帶大家去一個秘密景點-小蠔灣 石灘
要經過一條引水道，對於Mancent同Marcus真係好新鮮，
因為真係未去過，不過唔好話佢2個，因為連我都未去過呀！
經過咗引水道再過5分鐘，原來就係去咗sunny bay站對出欣奧石灘行人路上面
呢個景又係睇人落/吹海風/拍拖一流
Google Map : https://www.google.com.hk/maps/place/東涌欣澳石灘
就係呢個位，唔知大家記唔記得呢？
睇返上面星期日早上都仲係橫風橫雨. 仲唸住成日都唔好天.
但係過左11點已經放晴..之後仲勁好天 !!
所以成日都話........"希望在明天嘛"
我地國皇之家係呢度享受雨後陽光
2隻小魔怪最like就係係車後面玩，同埋我覺得ford ranger農夫車最啱係用黎野餐呀！
係未有型先？
仲可以用黎曬太陽
永勝話要做車模喎⋯
黎到今日最後一站-赤鱲角飛機維修區巴士總站
Google Map : https://www.google.com/maps/ 赤鱲角飛機維修區巴士總站
南環路盡頭附近的空地，呢到可以方便揸車人士泊架車係度
有一大片草地，可以俾小朋友跑下，仲可以野餐呀！
小朋友仲可以近距離望飛機
靚景再一大片海..又係一家人/男女朋友Relax 好地方
呢度可以超近距離睇飛機/踩車加睇日落~
大家有時間都帶小朋友黎relax 一下~
2個小朋友等咗成日，終於可以踩滑板車喇！
不過Marcus唔小心跌親要休息
休息之後...我地仲去左呢個位係飛機升降燈既位置，好多人鐘意係度影相架！
呢度仲有個個大草地....永勝自拍
一家4口又自拍下
總括黎講今日既旅程好新鮮，
好特別，令到小朋友一日之內可以去到咁多地方好滿足。
我地仲搵左下面既資料比大家
遊車河好去處-香港67個自駕遊好去處推介
Reference : Goldwing19
|
67.香港區紅山半島 - 睇會下有錢人既生活 66.上白泥操炮區- 一般車輛只能上到山腰...高處遠眺深刻灣大橋，多條只供越野車行駛路線 65.九龍坑山- 深圳、上山、粉嶺、大埔、吐露港，整個北區盡入眼簾 64.大澳禁區- 沿岸小徑直通大澳，日間有不少行山人和村民不宜前往，由於禁區關係要冒一定程度的風險 63.九龍水塘、金山郊野公園 - 數十至過百條馬騮包圍你，夏天可看到馬騮跳水 62.畢架山 - 雖行5-10分鐘難度高的山路，近觀整個九龍半島 61.基圍爾營地 - 好多村狗 60.上水華山 - 有香港萬里長城之稱 - 斜度高、難度高的山徑，沿山脊行駛5公野，無遮無掩景觀一流，有強風，風季勿去... 59.菠蘿斜 - 有個廢村夜晚去幾可怕 58.流浮山 - 由屯門良景出發，上到山頂有段路要爬雞先行到 57.雷公田、甲龍 - 小心多沙石、近觀錦田一帶景色 56.大攬涌水塘 - 注名的千島湖景色，霸頂可看到大攬女子懲教所 55...... 大攬涌蝙蝠洞 - 好長的一條山洞, 水長流, 行車時水可淺到上心口高, 約2-3公里, 洞的出口有一個小水塘, 十分壯觀 , 真係有蝙蝠ga 54...... 東涌,欣澳石灘 - 海景一流 53...... 南生圍 -感受大自然氣色 52...... 汀九觀景台 - 近觀汀九穚，日夜都好靚 51...... 山頂公園 - 偷情地，全港景色 50...... 舂坎角 - 釣魚地，聽浪聲，有燒烤場 49...... 聖士提反灣 - 寧靜觀看赤柱及舂坎角 48...... 小白鷺餐廳 - 高級餐廳，環境優雅 47...... 道峰山 - 靈修地方 46..... 九龍坑山+流水響 - 行山路線 45...... 下白泥 - 睇日落首選，可遠觀蛇口 44...... 南灣 - 小小沙灘 43...... 魔星嶺炮台 - 富有神秘感既地方 42...... 數碼巷 - 聚腳地 41...... 尖鼻咀 - 避靜既邊界 40...... 黃金海岸 - 沙灘，睇日落 39...... 大帽山頂 - 偷情地，不同天氣有不同感覺 38...... 大帽扶輪公園觀望台- 可以睇維港境色 37...... 維景灣畔 - 私家路，180度彎令人響住 36...... 魔鬼山炮台/廢堡 - 睇炮台及廢堡，270度夜景 35...... 舊機場 - 兩岸夜景 34...... 林村許願樹 - 許願地 33...... 石澳 - 遊車河必去聖地，有士多 32...... 赤柱 - 遊客區，日夜不宜駛入 31...... 大潭霸底 - 高高的大霸 30...... 淺水灣 - 大沙灘，夏日最佳去處 29...... 深水灣 - 沙灘 28...... 機場維修區 - 釣魚地，睇飛機 27.......白沙灣 - 公眾碼頭，影相一流榕樹澳 - 禁車，釣魚地方 26...... 小蠔灣 - 釣魚地，睇日落 25...... 白芒 -釣魚地，睇日落 24...... 機場維修區 - 釣魚地，睇飛機 23...... 雷公田 - 滿地樹葉，有燒烤場 22...... 大帽山英雄亭- 觀望深圳蛇口 21...... 龍翔道觀景台 - 睇舊機場，九龍半島 20...... 飛鵝山 - 偷情地，比觀音山近高處側視全九龍 19...... 觀音山 - 食豆腐花，側視全九龍，有燒烤場 18...... 龍蝦灣 - 放風爭，放飛機 27-7-2006 夜到 17...... 將軍澳工業區 - 大大條路，小心垃圾水 16...... 大尾篤 - 遊車河必去聖地，有餐廳 15...... 鹿頸直升機亭 - 高處觀望鹿頸海灣 14...... 鹿頸 - 有小食檔 13...... 三門仔漁港 - 觀望吐露港 12...... 科學園 - 試車好地方 11...... 大欖涌水塘霸 - 高高看到整個監獄 10...... 龍鼓灘 - 沙灘，睇日落，水上活動，有自助燒烤場 9...... 大坳門 - 郊野公園，有燒烤場，放風箏,夜晚睇星超正 8...... 布袋澳 - 大清再入，有海鮮食 7...... 大清 - 遊車河必去聖地，沙灘 6...... 獅子亭 - 盡覽沙田景色 5...... 下城門 - 大草坡 4...... 大網仔 - 巴士站一個，有士多 3...... 北潭涌 - 好多樹，好陰暗，有士多 2...... 大棠山道 - 北區夜景一流，有燒烤場 1...... 落馬洲觀景台 - 睇下關口 |
=========================================================
除左呢度.....除左自駕遊....其實香港好多假日好去處可以同小朋友去架
沒有留言:
張貼留言