家長小一面試準備: 起跑定人生- 如何贏在起跑線 !!

9月幼稚園開學...差不多定晒檔...

又要唸..幫小朋友報幾多樣興趣班? PTH/ Phonics/日文/小提琴/學鋼琴/

要係小一面試之前有番咁上下水平...

如何贏在起跑線 ???起跑定人生 !! 


想贏在起跑線......?

好明顯就要好似我地呢D怪獸家長咁...(唔係廣告攪 Gimmick..真係做晒出黎)Marcus 8個月未到..企都未識企...就同佢報定N班..

一出世/ 一早同佢排定隊報playgroup 上N..之後再上K, 小學,中學 !!

一早起跑..早過人地小小....[特別係龍B] 就會咩都好少少~快人地少少..

之後條路就好少少 !!!

我地活生生既例子

e.g.2014-2015幼稚園入學準備-Round 2 報有N班既Playgroup

大仔Mancent N班..兩歲多D..........帶佢去成10 round interview ...

一早同同佢揀定幼稚園K1 / 小學/中學 (一條龍幼稚園 )


Mancent 一到暑假就同佢報定D Cambridge starter /考盾試 ??

幼兒英語拼音課程

上面果D怪獸野...我地全部都有做.....

不過都伙怪獸C級(未成長)

有d升左小學既家長..已經係怪獸A級..有d去到中學.變左怪獸神級
大部分80%家長都會做~識得有朋友..真係讀兩間幼稚園，十樣興趣班/活動/補習等

亦知道好多名牌幼稚園

K3做定小一"下"學期既練習(小1B/)

註: K3 做定小一"上"學期既練習 (小1A) 已經係常態...[無學卷果d]


有媽媽爆左今年一間名小(小一) 的

疑似叩門試題內容


//中文

閱讀理解

看圖作句

量詞

重組句子



英文

閱讀理解

Pronoun 即her,his,it等

Preposition 即at,on,in等

Question word 即who,why



數學

連加法，如35+8+27

雙位減法，如49-38

看圖比較多少

？- 34 = 73，？等於多少

？+ 48 = 85，？等於多少

*+*+*=18，求*等於什麼

18由多少組二組成

四圖中請圈出沒曲線的圖

三個硬幣10，5，2=多少元

三個硬幣5，2，1=多少角

文字描述，解答日歷問題

K3 唔train 定上面d問題?? 妳帶去到叩門即係晒時間自覺得有問題...不過
怪獸家長既我地自己想迫小朋友.係屋企得閒得濟?? 呢d問題究竟是考K3生還是考小二生呢？???



不過怪獸家長既我地..都有精神分裂既時候~




有時會突然之間...好似有第二個人格走出黎...黎話比大家聽..

咁樣其實係唔岩架...唔可以咁樣架~


我地都唔想..不過成個香港既教育制度都係咁..我地都係人在江湖...身不由已...

成日都唸 :

我地都係隨波逐流...
想唔跟大隊...好似下面既家長咁...?????

=========================================

不過睇埋我地解釋先....... 起跑定人生- 如何贏在起跑線???

今日我地兩公婆一早睇左呢一篇新聞...覺得好感動~

芷君以唇代眼吻出彩虹:

靠嘴唇「吻破」萬卷書，毅力驚人，終勇奪三科5**佳績；[新聞詳情係blog 最底]


睇左之後....呢兩日食早餐既時候...又攪到我地國皇之家"反思"番...係咪比得太"多"我地既仔仔..

同時我地又想用自己既blog 既位...推介一個節目比大家..

[其實本身我地都係想推介 "歲月如歌 - 衝上雲霄2"架 ~  ]

不過寫左呢個先.....之前一路都想寫(6月中)..不過無時間
後加:
放心...我地既主人格"怪獸路線"係不變..黎緊一路都會update 龍B/ 幼稚園既野/升小一面試準備..我地都係做唔到video 入面既"清泉"架啦 嘿嘿 !!
最主要都係升小一派既扣門位，全部名校一定擇最學術/興建最 top/最犀利既 ..我地無智慧亦無勇氣打破呢d 遊戲玩法
我地又無Backup plan  喎...e.g.  小學谷唔到就讀國際學校,行IB條路... 小學/中學....香港讀唔到就送佢去外國讀大學啦~  

==============================================================

下面呢個節目..我地推介比大家睇呢一集"起跑定人生- 贏在起跑線??"..

呢篇係寫家係度....比自己又好...其他家長又好...小一面試準備

準備定個心態/心情同埋心理準備...



等大家精神分裂"清醒"時候

1. 幫小朋友搵幼稚園/Playgroup 搵到傻左...
2. 小朋友考唔到D好既幼稚園既時候
3. 當同小朋友做功課..做到三更半夜...兩個都喊晒既時候
4.  當考試上興趣上到咩o牛晒
5. 當自己無能力..又係要谷自己小朋友既時候
6. 考小學/報中學/小一派位好差既時候.......


就重溫下面既片段/小朋友口中既媽咪/心目中既想法/心目中既屋企...

就會好似覺得.....搵番咩先係最緊要~

若果大家無時間...我地連圖都Capture 埋大家....節錄左呢個節目點樣令到我地反思~下面係出自小朋友既口中...點睇我地D怪獸家長既..
[小朋友親身講野果part...好多都好o岩聽.....值得大家反思]
特別係問..."當妳咩時候先突然發現自己真係錯??? "

==================================================

童理講清楚

近年城中熱話: 「如何贏在起跑線」。為了不讓孩子輸，全城父母都進入了戒備狀態。如何做到，就是要及早裝備孩子。
教條一：自小訓練成文武全才，周身刀；先打好基礎為入名牌幼稚園鋪路。取得入場劵者，自然條條大路通羅馬　－　
這是一眾父母的信念。
Wendy
和　Virginia
分別為二女和二子之母，二人的共通點是曾迷失於這個兒童競賽潮流中，盲目的跟風，曾一度化身「虎媽」鞭策孩子踏上戰場。小小年紀便要應付一星期七、八樣的課外活動，實在疲於奔命。結果是孩子可能贏了一些奬項，但她們却輸掉與孩子的關係。
兩位母親對子女的期望越大，子女同樣對母親感到失望越大。此時，兩位母親因緣際會報讀了一個有關父母教育的碩士課程。第一課已被陳教授所論述的「骨肉情」理論所感動，二人重新思考與子女間的關係應建立在成績或親情？Wendy的兩位女兒和Virginia
的兒子齊聲說課程改變了媽媽，亦令他們找回「真正的母親」，從前感覺她們是家庭教練或馴獸師!小小年紀已感受到社會對名利的嚮往，一句「贏在起跑線」令父母著魔般盲從附和為子女報讀學不完的課外活動，而孩子們就承受了透不過氣的「壓力」。幾歲人仔距離人生終點還有蠻遠的路，是否一定要「贏在起跑線」？

我見到好家長...小朋友因為聽日要考試/默書..明明恰晒眼訓...
都要小朋友溫書溫到12點/1 點都唔比小朋友訓架..之後6點又起身~
[note: 可能我地遲D都係....都係寫定係度警惕自己先]

我想信很多家長都唔係想"贏在起跑線", 只是小朋友唔想被left behind "輸在起跑線"
好似而家咁既環境，真係好易迷失方向架
有時間睇下自己行緊條路啱唔啱呢?

[影片] 起跑定人生- 如何贏在起跑線 !!

RTHK :
http://podcast.rthk.hk/podcast/item_epi.php?pid=483&lang=zh-CN&id=31664 

Youtube : http://youtu.be/zDbKNSgm5FE









睇完之後..我地"突然"發覺...其實親情先係最緊要 !!!

仔仔女女最後比我地迫到唔開心......係屋企好似地獄咁......其實佢想..又走唔到..都好慘~


好似芷君咁 身體殘障也能在公開試勇創佳績！

佢既起跑線都係輸晒...不過最係都係贏係終點 ~成就仲好過好多人 [包括自己....]繼續加油..敬佩妳和衷心祝福妳！

願主耶穌祝福妳前程錦繡 !!!

視障聽障觸感弱 5**狀元靠嘴唇讀凸字 
曾芷君眼晴看不清、耳朵聽不見，難。可她連用手去閱讀凸字的機會都喪失，4、5歲時學凸字時發現手指的觸感都不好，只能學習用嘴唇讀凸字(圖)，將知識一點一滴吸收，難難。可她沒有放棄自己放棄生活，努力堅持學習，她是今年中學文憑試(DSE）考獲3科5**狀元，難難難。
芷君是全港唯一用嘴唇讀凸字繼續學業的視障生。每本教科書都交給小學母校心光盲人學校翻譯成凸字，她做好的凸字功課亦由心光變成文字版給英華女學校的老師批改。雙倍心血，造就她中、英文及通識三科5**的佳績，老師曾擔心過她的聽力，勸她申請豁免不考聆聽科目。結果她中、英文聆聽考到4及5*級。
芷君志願是入中大讀繙譯或社工學科，將來幫助其他弱能人士。

【太陽報專訊】關乎逾八萬名考生前途的第二屆中學文憑試成績揭盅，一紙薄薄成績單交織無數朝夕的苦功和淚水，亦揭出多個考生扭轉逆境向理想進發的奮鬥故事。有失明兼弱聽考生不甘向命運低頭，靠嘴唇「吻破」萬卷書，毅力驚人，終勇奪三科5**佳績；有曾患病及殘障考生衝破身心缺陷，大放異彩；有基層家庭考生昂首走過坎坷路途，以滿紙閃亮雙星成績單報答親恩。經過文憑試歷練的莘莘學子，就如行過成人禮，前路縱然變幻莫測，只要能秉持應試時堅毅不屈的精神，必可乘風破浪，邁向更光明的前程。

身體殘障也能在公開試勇創佳績！自幼失明及弱聽的曾芷君在文憑試奪三科5**兩科5*佳績，得來絕非輕易，因觸覺神經微弱未能以手指辨認盲人點字，上課抄筆記、考試閱卷均須以嘴唇逐一辨認點字，學習時間較一般失明人士多一倍。學習之路荊棘滿途，她卻遇強愈強，中一毅然衝破障礙入讀主流名校英華女校，高中選修要求大量閱讀的文學科目，更以僅有聽力挑戰聆聽試。

一分鐘「讀」100字

二十歲的曾芷君出生數月後因視覺神經萎縮導致失明，小一時又確診患中度至嚴重弱聽，須佩戴助聽器應付日常生活。她年幼時入讀心光學校，其後被老師發現因觸覺神經微弱未能以手指辨認點字，父母為此大受打擊。「呢個問題加上我本身嘅視力同聽力障礙，父母擔心我條路好難行。」經過多年苦練後，芷君摸點字的技巧仍無進步，反而已習慣以嘴「讀」字——用嘴唇辨認點字，現時一分鐘可閱讀一百個中文字或約八十個英文詞彙。

以勇氣報答身邊人

讀至中一時，芷君與家人商量，決定回到主流學校，期望及早融入健全人士的社會，獲名校英華女校收錄重讀中一。「起初轉校真係好唔習慣，因為老師要將所有科嘅教材譯做點字，上堂抄筆記要用點字機，學習進度大大落後於同學。」自小愛閱讀的她，高中選修中國文學及英語文學，並堅持每日下課後用嘴唇閱讀一段又一段範文，文憑試時分別以十小時及八小時作答兩科考卷，永不言累，因為閱讀能帶領她到看不見的世界，班主任鄺老師亦盛讚她好學不倦，下課後最愛每事問。

她在文憑試中亦曾遇到抉擇時刻，由於患有聽力障礙，只需提交醫生證明就可以避過語文聆聽考試，但她選擇接受挑戰，勇敢面對身體障礙：「我唔會逃避聽力比健全人士差嘅事實，因為將來出到社會一樣要面對。父母灌輸我自細獨立同為自己負責任，我要有勇氣接受挑戰，先可報答身邊人對我無微不至的幫助。」

芷君最終在中文及英文科聆聽試分別考獲4級及5*，總成績中、英文及通識科取得5**、中國文學及英語文學獲5*、數學科4級，計劃報讀中大翻譯系，希望有一技之長報答父母，亦希望投身社會，以自身經歷鼓勵和幫助失明人士及弱勢社群。

其他blog:

讓孩子追夢 !
釐清起跑線的迷思 讓孩子成為真正蠃家

怪獸父母 「望子成龍」七宗罪