看牛仔Marcus-爬爬爬

Marcus今個月已經9個月

[呢相相影到細佬豬有個肚腩仔..好攪笑]



我係成長月誌都有提過Marcus突然係上個月識左爬呢個項目

不過有時會一扑一碌..有時一分心...e.g

 望住人.. 望住哥哥...失驚無神又會跌

Marcus : 哎呀....係女仔面前失威tim ....?


明明放佢坐好準備影相....有時"跦"聲又爬左去二度


暫時係最叻爬....

不過得意既時候都佔左大部分時間既

有時Marcus 加埋Mancent 哥哥..

我地就好似看牛仔咁..四圍走


尤其佢而家學緊企同行既時候, 成日會跌倒又怕撞倒喎, 真係睇少陣都唔得架

(所以未有小朋友既...真係有仔趁嫩生..少D體力都唔得)



好彩係哥哥暫時都係鍚細佬....暫時好開心既就係佢地無打交law...

(係媽媽會有D聽到好似已經兩個互打..專登"Click" 細果個 e.tc.)

個日去開睇Thomas  ~

Mancent 又唔知爬埋一份做咩???

每一日朝頭早我同永勝仲有工人姐姐都要看住牛仔!

一個就趕住番學.....搭校車番幼稚園


一個就趕住食Milk Milk 早餐.....之後跟埋哥哥一齊落街玩下行下~

有時因為佢既爬地技術非常高超, 我地呢頭係廁所抱左佢去廳,我跟住行返去廁所繼績梳洗

佢唔夠5sec就可以爬返黎廁所 !!!


有時佢就會坐係廁所門口好似好可憐咁忙住你, 想你抱佢, 咁都好呀!


有時衰到爬埋入黎廁所玩水, 有幾次仲爭d倒瀉姐姐盆抹地水呀!

真係睇小一陣都唔得呀!

有時哥哥都會幫下手既, 不過要哥哥心情好就會,哥哥有時都會越幫越忙架!


好似有一日細佬仔爬緊去攪條電線, 哥哥想阻止但唔成功,

就一手將細佬仔推左落地下,仲要係頭落地,我諗細佬仔都幾痛架!

細佬仔每日爬入黎廁所就係因為呢個洗衣籃喇!



好啦媽咪見係咁鐘意就放你入去玩下啦!你睇佢幾得戚

知道有人影佢既罪証仲碌大對眼望住

睇佢個不滿樣, 好喇媽咪唔影你喇!

Marcus : 媽咪我唔敢喇!你放我出去啦!

其他參考:


兩兄弟 - 成長月誌
兩兄弟 - 成長月誌 2
Marcus 的烈火戰車(影片)