Adsense Script

2013年5月24日 星期五

文迪的母親節禮物-德國寶養生機

文迪的母親節禮物母親節都過左2,3個星期,而家先得閒過下我既母親節禮物.
今年係我做母親嘅第四年母親節, 仲要第一年有母親節禮物,仲要打孖一齊黎。
第一份係我最鐘意既就係Mancent係學校做既勞作~手袋。收到個刻真係好感動架!

(大家唔好以後永勝又送手袋比我)


Mancent仲拎住個勞作解釋俾我知有兩個心,

一個係媽媽一個係Mancent,聽到我真係超開心呀!


雖然係一個係人地眼中只係一件好普通既勞作,

但係呢份我既第一份母親節勞作我一定會好好keep住,等Mancent大個拎返出黎俾佢睇。



Mancent仲有解釋張咭架, 佢話大個心係我, 細個心係佢, 件衫就係送俾我既.你都未話唔開心.



另外一份母親節禮物就係我想要咗好耐既德國寶養生機,
不過係到都要多謝Emily表妹俾咗個大"電視框"我,呢部機其實係一個做護士朋友介紹俾我同永勝認識,

佢同我地講原來食生果籽好有益,同埋講開Mancent好楝飲擇食,

仲教我可以攪d果汁加小小菜係入面等佢飮,聽完又好似好好,根住到睇肥媽個套"食平d"都有整過湯,

糖水咁,好似好方便好好咁,就上網search下,又的確係好好,所以就叫永勝買,

永勝心諗買呢部養生機好過買過手袋俾我。




你睇連Mancent都肯飲呀!媽咪見到真係好開心架!做人呀媽就係咁簡單







第一次試呢個養生機就將成個蘋果放落去攪,真係攪到變蓉,真係好勁呀!


第二日我整咗士多啤梨火龍果,

d火龍果籽竟然可以攪到蓉晒,完全無一粒粒,我會試多d係度同大家share架!

遲下整左甜品, 遲d係度介紹下啦!


呢幾日抄左人地D果汁鋪既鮮榨果汁配搭...仲有埋功用.....

比大家參考下









其他參考

---------上年既生日blog ----


老婆生日快樂http://blog.yahoo.com/mandyvincent/articles/831524/category/%E9%97%9C%E6%96%BCMandy



=======================================================

相關報導﹕
最近醫學研究指出,蔬果皮含豐富的營養,多吃能減低患癌風險,並能殺死金黃葡萄球菌及大腸桿菌等多種常見引致食物中毒的細菌,比單吃果肉更為有益。
"英國皇家藥學院前主席 Glenville醫生指出,蔬果的皮含豐富營養,例如奇異果皮的抗氧化物含量是果肉的三倍,多吃能減低患癌風險,並能殺死金黃葡萄球菌及大腸桿菌等常見引致食物中毒的細菌;香蕉皮所含的化學成份,則可以減低患上抑鬱症的風險,並有助增強眼部健康。
怕果皮難吃, Glenville醫生建議,可將整個生果連皮榨汁飲用,就可吸收所含的全部營養,或者可考慮參考西式食法,將含豐富抗氧化物的橙皮加入蛋糕或鬆餅,同樣健康美味。 "
Apple health: 蔬果連皮吃助防癌 (《蘋果日報》 2010-11-04)

專家又發現,蔬果內蘊含植物生化素 (Phytonutrients)均有抗氧化及防病功效,而植物生化素則存於蔬果的皮、根、莖、核和果肉之內,故蔬果連皮吃的話便可達預防癌症及其他疾病的功能。如怕果皮難吃,可將整個生果連皮榨汁飲用,以吸收全部營養。
德國寶首創以權威自然療法及營養學專家研究所得之蔬果汁養生理念,度身訂造「自然養生機」,此機特設自然養生「蔬果鍵」,只需按一下即可炮製出真正有效的生機蔬果汁。其高速摩打達3萬轉以上,能將蔬果連皮及籽打至極級幼細,全面釋放出有益防病的植物生化素,讓你吸收整件食物的營養,達到保健、防癌及纖體功效。如此細磨效果絕非一般低轉速攪拌器所能做到。
Apple health: 蔬果連皮吃助防癌 (《蘋果日報》 2010-11-04) 

沒有留言:

張貼留言