有機會見到明星既華星冰室

上一篇blog 寫左 香港人漢堡飽-時新..寫開飲飲食食野,

今天順便寫埋成日都好多人既  "華星冰室" 喇! 

叫得做冰室, 應該都係玩懷舊feel架喇!

其實佢開果時, 開頭唔明點解一間茶餐廳開幕會有咁多明星花牌

原來係華星既舊大粒野開既~

(記住,唔係華星D明星開架...)

不過好多明星都會黎呢度食野..比面下呢度既老闆

第一個印象就係好似佐敦餐廳像澳洲牛奶公司一樣

賣點唔係sell 飯, 係sell 特餐/ 常餐為主 ! 

原本後面既煮野既人,係由澳洲牛奶公司的伙計為底班架

呢度的食物款式唔多, 但做好每一款就夠了.而華星就同牛奶公司一樣, 就sell 炒蛋~ 

 $29 有一個午餐, 食物又有質素, 真係值得一試.  

佢地都寫住

"用心做好炒蛋,奶茶"

用既食材材/料都幾好..好似還標榜自己的牛肉是清真牛肉/ 日本 3.6 牛乳

 

裝潢方面係舊式冰室既格局，格仔磚木檯椅。最特別既係周圍貼滿80年代巨星既黑膠碟套，

仲要有親筆簽名，而都有好多人鍾意既哥哥亦有不少大碟在內。

 我地一大班朋友叫了常餐跟奶茶
 
雖然餐牌上只寫了叉燒意粉, 同火腿煎蛋, 但原來可以換牛肉, 又可以叫呢度最出名的炒蛋.

(常餐的炒蛋很香滑)

佢d 多士係一整塊的厚多士, 好正! 所以做lunch都一定夠飽.

雖然整個表面都鬆脆，不過多烘十幾二十秒應該就perfect了。

 

另外, 呢度都搵到華星年代的歌手海報及簽名～如Eason, Edmond等 仲有好明星留名。 

(果然是業內人士開的)

仲有一個叫校長多士,年年廿五,永不加價

華星  Vs 
澳洲牛奶公司 

講 Service ,呢度佢無澳牛咁趕盡殺絕 (澳牛要食得好好好快架,,,,最憎)
 

講 Quality都係澳牛好好多, 但service就華星好小小.

華星與澳牛兩者的確互有勝敗，不過對於主菜的炒蛋而言，我覺得都係澳洲牛奶公司好D.

要比較的話這𥚃服務態度絕對比澳牛優勝！當現在街頭巷尾求求其其的茶餐廳也是收取三十多元一個常餐的時候,

呢度大家都可以黎下


地址 :         灣仔克街6號廣生行大廈地下B1號舖 

Openrice :http://www.openrice.com/restaurant/sr2.htm?shopid=41467