懷孕日記 - 細B 第18WEEK (17 Mar 2012 - 23 Mar 2012)

第18WEEK (17 Mar 2012 - 23 Mar 2012)

哈哈哈…又過一個月喇!就黎就踏入孕期既 一半喇!真係唔想過得咁快呀!

今個星期都係無做過產前檢查,所以都係唔係有無重到,不過呢個細B好好動呀!我成日都FEEL都佢胎動呀!有時仲

要好大力踢我呀!下個星期終於去政府做產前檢查喇!有左4個幾月先可以第一次政府做產前檢查,真係有D過份呀!

特首又叫我地生多D,最好就生3個,但係呢個政府又唔俾多D資源我地呢D大肚既,又點生呢?係政府產前檢查有份野要

我地返去睇,其中有一行係寫住如果產前檢查之前發覺有唔舒服,要我地自行去私家醫生度做檢查,你咁就唔好叫人生

多D啦!我真係想生都唔敢生啦!    

下個星期屋企就開始裝修,我同Mancent就要去嫲嫲度住幾日喇!我而家成日問住Mancent去嫲嫲到瞓好唔好, 
 
   

Mancent都答我唔好,要係度瞓,我諗佢真係明架!因為每次問完Mancent,Mancent都會即刻走返入房上床,

佢真係好唔想去嫲嫲到瞓.唉…都唔知點算好喇!

仲有唔夠2個星期就去旅行,真係有d緊張又擔心呀!又驚拎留Mancent要用既野去到台灣買唔到,又驚佢瞓唔慣生保床.

希望到時唔會有"哈look"野啦!大家都玩得開開心心.