為左慶祝Mancent 生日
今日我哋一家四口去咗東華慈善嘉年華
其實我想去左好耐，
因為東華慈善嘉年華就係我公司對面，我每日返到公司都會見到，
為我見到有條三四層樓高嘅sir滑梯好想玩。
開頭睇D資料/新聞...以為只係得D大人/中童啱玩既野..好似出晒名刺激好玩
全球首度登場的「陀飛輪」
由3個大型四方框架組成，同時向不同方向環迴立體式旋轉，以對抗地心引力為賣點，
每次收費120元。
聽講呢個陀飛輪好多人玩完都話好好玩好刺激，但係我哋帶住小朋友當然係冇玩啦！
香港最高的「終極跳樓機」
全港最高嶄新終極挑戰，從27層樓（80米）頂峰瞬間垂直急速下墜，
無重飄浮感交織壓力與緊張，嚇你一個措手不
呢個咁高嘅跳樓機又梗係唔啱我哋一家四口玩啦！年紀大....玩唔到D咁刺激既野~
「超級搖滾」
「超級搖滾」是全新獨特的機動遊樂體驗。24名乘客擺動至30米高空，而座椅圍繞垂直軸360度轉動。乘客時向內時向外的被不斷旋轉，十分過癮！
不過作為親子blogger...我地梗係推介一D啱小朋友玩既
呢度適合小朋友既遊戲包括
Hot Wheels電動車跑道 (<----必玩推介)
Hot wheels玩車專區(<----$50平玩推介)
Mega Bloks積木池(<----消磨時間推介)
Hot wheels玩車專區(<----$50平玩推介)
Mega Bloks積木池(<----消磨時間推介)
超級紐約滑梯(<--大人小朋友都啱玩)
交通安全城
繽紛可可杯（Choco Cups）
迷你小鞦韆（Tree Swing）
極速滑梯（Helter Skelter）
亞馬遜
盜灣迷你高爾夫球樂園
充氣遊樂設施雙層旋轉木馬
Super Giant瀡滑梯
點解而家先推介?
大人只要購買1張入場門票($180)，就可以
免費帶多一位朋友同無限個12歲以下小朋友入場
適合一家大細家庭入場
(詳情blog 最底有講多D)
先講個人感覺..
早幾個星期其實我哋都去咗另外一個嘉年華
<AIA 歐陸嘉年華>
但嗰度就比較迫同好多人...好快玩晒D金幣
東華嘉年華因為地方大有多啲比小朋友嘅走動空間
不過交通唔算太方便
(交通又係blog 最底有講多D)
一入到去我哋去左
<<兒童創意動感區>>
梗係影返幅一家四口合照啦！
Mancent一入到Mega bloks ...佢就話要砌積木
一去已經玩左成20-30分鐘
要同佢講出邊仲有好多野玩先肯跟我走
今日嘅主角出場，就係揸電動車
之前好似聽過要排兩個鐘..不過我地排左15分鐘已經可以上車
早幾個月前我哋都有介紹過係澳門有呢啲電動車玩
自從澳門果次之後..佢地成日都話要玩....
我係香港真係第一次見，而呢度仲有一個好處就係如果小朋友太細過，
唔識得控制鈦盤方向，大人可以用遙控遙控架車。
細佬仔Marcus已經好心急想開車
兩兄弟研究下自己架車先
呢段片我真係睇一次笑一次，
如果大家有睇開我哋個blog都知道我哋幾個月前去澳門玩個電動車，
當時細佬仔Marcus都唔係好識得控制方向，但今次玩已經叻仔左好多，
起碼唔會成日都撞埋牆。證明細佬仔Marcus又大個仔左
(睇片仲有主持旁述)
要讚一讚呢度D Staff....超細既小朋友有工作人員跟住架..差不多一對一
若果再細D....仲有遙控架
嗱嗱嗱⋯就係咁樣喇！（下圖）
大人拎住個遙控跟住係小朋友後面到遙控住架車。
Marcus 無用遙控...梗係自己揸車好玩D
不過佢係八架車入邊行得最慢嗰個，真係安全至上。
呢度仲有樣好，就係當小朋友揸緊電動車嘅時候，
我有2-3個攝影師追住小朋友影相(上圖右)，玩完大家可以考慮買返張相
不過$120 一張..我地梗係無買啦~
嘩⋯Mancent哥哥第一呀！
咦⋯唔係喎係兩兄弟雙冠軍喎！
玩完電動車行過隔離就係呢期好hit既Hot Wheels喇！
係呢邊已經有好多賽道俾小朋友玩
只要家長用$50買一架Hot Wheels車仔，就可以入室內玩其他賽道
小朋友太多選擇有選擇困難症Tim
我地既推介呢個平玩之選..$50
最少可以玩半個鐘..由於當日無咩人..
可以"Cup" 個印仔...無限次進出呢個設旋...玩完可以再玩架
唔講真係唔知原來Hot Wheels出左咁多款車
仲有你其好Hit嘅Star Wars系列
入咗室內原來仲有好多架！
大家搵唔搵到我好專心咁佢兩兄弟玩緊
最好既係...呢$50 玩完...架車係比小朋友自己拎走架.....
好似感覺實在D....有D"硬"野帶返屋企
因為我地去東華慈善嘉年華嗰日天氣唔係咁好，落咗一D過雲雨，
我哋一落雨就走返入來呢度避雨，小朋友又有得玩真係一舉兩得。
有片為證真係好好玩架！
(原來而家唔駛自己推架啦)
睇吓我幾咁專心同細佬仔Marcus研究緊點樣玩
停咗雨我哋有出返去outdoor 玩其他，今次都係玩車車，始終都係男仔嘛
呢度有少少交通安全城feel
呢度好好有兩個姐姐會教導小朋友交通規則，
紅燈亮就要停低架車，
要綠燈先可以行
Mancent :細佬.....紅燈要停啦~
之後就去玩繽紛可可杯， 其實即係大家平時要玩嘅咖啡杯，
不過呢個「唔係」好似迪士尼果個....唔識得自轉架
(呢個可以唔玩)
細路仔Marcus唔知點解呢排影親相都做咗港女十式嘅第二式，
真係俾佢激死
Marcus : Yeah ~
今日另外一個重頭戲就係呢個sir滑梯，呢個<超級紐約滑梯>幾多歲都玩得，
100 cm樓下有大人陪同就可以玩，好似Mancent哥哥高過100 cm就可以自己玩
我準備同細佬仔Marcus sir落去喇！
哥哥就可以自己玩佢仲玩左兩次
爸爸同細佬仔Marcus sir個時拍左片添
呢個係爸爸玩既時候既加速版....差D撞到我同D仔呀~
Marcus : 爸爸小心D啦~
呢條就係我好想玩嘅<<Super Giant瀡滑梯>>
小朋友只要夠100cm高有大人陪同就可以玩，
但係當日因為太大風加小小雨，安全理由所以close咗。
差啲留咗唔記得介紹就係呢個小朋友「迷你海盗龍」
玩晒小朋友嘅遊戲....喺度擲下公仔啦
呢度有好多擲公仔嘅攤位，有啲公仔仲好靚添，當然靚公仔嘅攤檔係冇咁易中架啦
經過一輪苦戰...終於扔到2-3隻細公仔.
擲minnie 失敗左....不過好彩有winnie the pooh
兩兄弟一人一隻啱啱好~
仲有<<亞馬遜>>坐船仔，
不過細路仔Marcus唔夠高冇得玩，唯有同啲公仔一齊坐係岸邊等哥哥
我地差不由食完Lunch 玩到食dinner..唔係用左好多$就玩足一個下畫
最後..我差D唔得左..其實叫得慈善嘉年華
今次係為東華三院兒童、青少年及低收入家庭服務籌募經費架..
有得做善事..再加小朋友又玩得開心~
大家有時間就去玩下啦~
東華慈善嘉年華2015-2016詳情
日期：2015年12月21日至2016年3月28日
時間：
星期一至四： 3 pm-11 pm
星期五、六、日、公眾假期： 11 am-11 pm
地點：舊啟德機場跑道
票價：
入場費：$20 (3歲以下幼童、65歲或以上長者
持有由香港特區政府勞工及福利局簽發的「殘疾人士登記證」人士可免費入場)
套票：$180 (包機動遊戲$120、攤位遊戲$40及入場費$20)
Facebook :https://www.facebook.com/twcarnival/
去之前記得睇下佢地Facebook..而家有D設施係免費無限任玩
票價新玩法
嘉年華推出1月份全新「一人購票」無限FUN享優惠，只要購買1張入場門票($180)，即可免費帶多一位朋友同無限個12歲以下小朋友入場，仲送你爆谷兼購物禮券！
有得食有得玩，一於帶多啲人去玩盡佢啦！
備註：優惠只限1月份的星期一至星期五，必先在Facebook Share官方Facebook 的優惠post，並在場地票務處換mintcard入場時，向工作人員出示即可享受此優惠。
交通
方法一：
乘搭MTR到油塘站A2或B2出口，行去茶果嶺道巴士站（油塘巴士總站），免費轉搭路線205R KMB 九巴專頁雙層巴士直達啟德郵輪碼頭。首班往會場嘅巴士將會於每朝10:30am由油塘開出，約3-7分鐘一班車
方法二：
乘搭MTR到九龍灣港鐵站（德福花園） 轉搭綠色專線小巴86號到郵輪碼頭，每程 $5.5。每日早上6 時40分– 晚上11時 (第一班小巴將於早上6 時40分由德福花園開出) 。
方法三（只限周六日及假期）：
乘搭MTR到牛頭角鐵路站九巴5R循環線往返郵輪碼頭，途經apm創紀之城5期，但只於周六、日及假期，早上11時 – 晚上7時提供服務，每半小時一班！
揸車去都OK！
至於揸車嘅朋友都唔駛愁，郵輪碼頭會提供120個時租車位。
（星期一至四收費每小時 $8，星期五至日收費每小時 $12）但提提你，車位有限，
建議大家都係乘搭公共交通工具前往郵輪碼頭比較好！
假日親子好去處-荃灣川龍飲茶+城門水塘行山樂(另加5條熱門親子行山徑推介)
親子好去處-錦田鄉村俱樂部(士多啤梨園/餵羊仔/玩電動車/彈彈床)
親子好去處-昂坪360(水晶纜車/360舞臺/360動感影院) x 大澳水鄉 x Outlets
M & M 九龍公園郊遊樂(兒童遊樂場+鳥湖+百鳥苑)
大家快d黎Like 啦
港島區
1. Ocean Park
2. 山頂
3. 中央圖書館既玩具圖書館 (預約電話: 2921 0386 )
4. 石澳玩沙游水
5. 赤柱買BB衫
6. 淺水灣
7. 香港動植物公園 http://www.lcsd.gov.hk/parks/hkzbg/b5/map.php
8. 香港公園
9. 黃泥涌水塘
10. 港大
11. 數碼港
12. 海防博物館
九龍區
13. Elements
14. 西九海濱長廊
新界區 - 沙田
15. 沙田行公園, 城門河單車徑+新城市廣場
16. 白石俱樂部 - 有單車,風箏,bbq,攤位,手工藝/大人有麻雀,桌球, http://www.whiteheadclub.com/
17. 彭福公園踩草地
18. 馬鞍山公園,環境幽美,可以在大草地上玩 (怕熱可到旁邊的圖書館or體育館內的兒童遊戲 室)http://www.lcsd.gov.hk/parks/mosp/b5/index.php
19. 沙田文化博物館（好益智）
20. 中大
新界區 - 西貢
21. 獅子會自然教育中心 http://www.travelinsaikung.org.hk/chinese/land/lion_nature.shtml
22. 清水灣大拗門 (燒烤/野餐+放紙鷂)
23. 西貢海傍長廊睇狗狗
24. 將軍澳寶康公園(好多野玩)
25. 獅子會自然教育中心 http://www.travelinsaikung.org.hk/chinese/land/lion_nature.shtml
26. 科技大學 (LG7那層: 有冷氣canteen、噴水 池(小朋友玩水都得)、草地及沙池(無人打沙灘 排球時，可玩沙)(G/F那層有酒樓 China Garden)
27. 西貢海景假日酒店
28. 西沙茶坐對面個沙灘放風爭捉蟹仔可以 BBQ
新界區 - 東涌
29. 迪欣湖公園
30. 黃金海岸+沙灘
31. 珀麗灣 (荃灣西西鐵站搭船去)
32. 東涌東薈城商場記(有factory outlets, 兒童 室內遊樂場)
33. 城門郊野公園 http://www.afcd.gov.hk/tc_chi/country/cou_vis/cou_vis_cou/cou_vis_cou_sm/cou_vis_cou_sm.html
新界區 - 大埔
34. 嘉道理農場 http://www.kfbg.org.hk/
35. 大尾督, 睇海, 踏單車, 食野, 放風箏
36. 鹿頸
37. 大埔海岸公園 (可踏單車+放紙鷂) http://www.lcsd.gov.hk/parks/tpwp/b5/index.php
38. 大埔鐵路博物館
39. 大埔滘小白鷺餐廳 (有人類民俗館, 兒童跳 彈床, 手工藝, 餵山羊...)
離島區
40. 長洲遊吓船河,行吓沙灘
41. 南丫島 行山
42. 坪洲
43. 梅窩銀礦灣沙灘 (BBQ+踩單車)
44. 愉景灣沙灘
新界區 - 粉嶺
45. 粉領假日農場
46. 音樂農莊
47. 粉嶺龍山寺
48. 粉嶺黃帝祠
49. 粉嶺綠野仙終
50. 粉嶺香薰園 (燒烤+釣魚+餵羊+兒童游樂 場+香薰園+自制香薰蠟燭+stepping pond) http://www.lavendergarden.com.hk/TraditionalChinese/Introduction.asp
51. 耀中教育農場 ---- ~ 小朋友可以割菜同試下做農夫 ， 入場費 $25 ， 另可代訂盆菜或 bbq~~ 要早倆星期前預約 http://www.fedvmcs.org/farm_detail.php?fid=86
新界區 - 元朗-天水圍
52. 香港青年協會有機農莊 http://organicfarm.hkfyg.org.hk/index.php
53. 錦上路跳蚤市場 http://www.yl.hk/ksrsm/
54. 錦田鄉村俱樂部 http://www.yl.hk/ktcc/index.htm
55. 元朗偉記士多燒烤場($58閒日,$68假日任 食,款式多,食物GOOD,地點正)有撈金魚攤位,有 大電視,有遊戲機,夾公仔機.......
56. 龍鼓灘 海邊BBQ http://www.yl.hk/hb-bbq/index.htm
57. 南生圍-敬輝農場 http://www.yl.hk/kff/index.htm
58. 錦秀花園
59. 白泥釣魚+BBQ
60. 天水圍濕地公園 http://www.wetlandpark.com/
61. 元朗荔枝山莊 http://yl.com.hk/taitong/index.htm
62. 元朗天水圍綠田園
63. 士多啤梨園 http://www.yl.hk/lfsf/index.htm
64. 香港花花世界農莊 http://www.flowerworldhk.com/contact_us_c.php 地址：錦田大江埔村232號 查詢請電:3126-5155
65. 元朗八鄉 有機農莊 www.organichk.com
Others
66. 市政大廈既遊戲室 http://www.lcsd.gov.hk/b5/ls_fac_playroom.php
67. http://www.fedvmcs.org/farm_index.php
68. http://yl.com.hk/taitong/index.htm
沒有留言:
張貼留言