唔知大家完旅行...會唔會好掛住去旅行食住既地方?
特別係當地既美食..??
早幾曰寫大板遊記，已經一路寫blog一路好想再去再食再玩
hkexpress 又做緊$22 特價機票 !!!
因為我地去日本大阪旅行既時候
已經好鍾意係日本食好味既燒肉放題
所以生日正曰兩夫婦都決定再去食燒肉,
同埋平時帶住小朋友Mancent & Marcus真係好難enjoy到食燒肉,
[小朋友成日郁來郁去..好易熱親/又或者比其他人整親]
今次就揀咗盛八日式燒肉店
係Openrice 都算多好評既日式燒肉店
榮獲多個獎項, 包括十大好評開飯熱店,最優秀開飯日本料理及最優秀旺角開飯熱店.
盛八日式燒肉店, 以日本產和牛做招徠, 店主除主張品嘗肉類原味外, 餐廳更有自家引入的多種醬汁口味, 如自家製燒汁, 法式芥茉芓, 抽子糊椒, 生葵,黑七….食材新鮮選擇不乏如芝士依達赤豚, 北海道海鮮, 日本地雞手羽先, 都有供應有機野菜雜菌拼盤。
盛八日式燒肉店
食材新鮮選擇不乏如依達赤豚，北海道海鮮，日本地雞手羽先，亦有供應有機野菜雜菌拼盤。 新推出鐵板系列為題的食材，,如花竹蝦芝士燒，香草牛油海鱈魚,和風日本海鰻...更有秘制壺漬牛肋骨肉和羊，豚腩肉等。
我地book咗7點係尖沙咀既盛八日式燒肉店,
無咩人其實唔訂位都無問題
Weekday 感覺有D冷清
佢地做緊有2人餐同4人餐, 不過無燒肉餐.......
我地無食套餐, 散叫 ! 今次係自費..
(因為又聽人講..跟套餐D似野好似無咁好食..)
我地又唔係會員....又無買團購
因為我地淨係想食燒肉, 同埋仲要淨係想食牛...豬都唔駛食
難得2個拍拖食飯就梗係自拍下先啦!
周圍環境都唔錯, 可能我地早去到, 真係一個人都無架~
有3款醬料比我地點肉
(果日覺得咩都唔點...食原味最好味)
盛八日式燒肉店Menu
最後我地揀左個燒肉盛合 !!
同埋係Menu 排行榜第一位
我地叫左燒汁牛肋骨
厚切鹽燒牛舌,
唔知大家食唔食牛舌??
永勝就唔多食...
不過呢個反而勁好味
下圖呢個燒肉盛合, 全部都係牛, 咩款都有d
聽過朋友講話盛八D和牛燒烤都OK，肉質級數高..好多係日本直運過黎香港
推介燒肉拼盤
今次都覺得值得寫下
燒肉既調味料...我地推介咩都唔好點 ..反而加少少海盬
永勝話始終都日本都係有分別..
總係覺得日本D肉係好味D既 ~
呢度特別在仲有舊海盬俾你自己調味
永勝:老婆...生日快樂
我地仲叫左日本特產和牛粒....
呢餐晚餐就係文迪既生日晚飯啦
食後感
不過食完呢餐曰式燒肉，難免有比較
我地唔係food blogger ,今次亦唔係試食，可以寫d唔好既野
雖然好滿足。不過總係食唔出日本東京六歌仙/大板國產牛個種一咬即溶.
好滿足既果種味道。
(下圖:六歌仙.一試難忘)
無左個種入口即化既感覺
第二，而家唔知係咪無咩生意，真係好似無咩人
愈做愈多網購，聽落下面$198 任食好低
【$198 尖沙咀盛八日式燒肉店 2 小時燒肉放題】
不過魔鬼係細節....連埋加一差不多成$300 一位
又多細則
優惠券由2015年10月13日至2016年1月15日有效
適用於星期六、日及公眾假期 12pm-6pm 堂食 (入座起計2小時；
最後落單時間為5pm)<--Dinner 唔好唸
適用於盛八日式燒肉店：
尖沙咀亞士厘道23-25號雅士利中心3樓
另收取加一服務費 ($29 / $39 / $77)；以現金付款
第三.. 可能真係食得唔夠貴。
今餐都係叫中價.
埋單大約$1000
認真食落又比起伊呂波好似差d.
有好多人覺得盛八好過伊呂波，我地覺得伊呂波好食D
(伊呂波下圖:起碼D牛肉好似大舊D/靚仔D)
最後食飽飽仲兩個人仲走左扮拍拖
去左Haagen Dazs.食埋個雪糕先返屋企,
真係超滿足 !!!
不過對於好想食日本燒肉既我地..食盛八已經夠滿足~
遲下一定要飛過日本再食~
唔知大家係香港又有D咩日式燒肉店推介比我地??
不妨Facebook PM 我地丫
====旅行仲有呢幾篇飲飲食食blog,總有一D啱大家====
沒有留言:
張貼留言