Adsense Script

2015年10月1日 星期四

升小大作戰- 得15分點博入名校? (搬屋/無雙小學/小一入學交流區)

識好多家長都係同Marcus 一樣..都係龍B媽媽

好多家長問 ""死啦...下年要準備小一啦""
點算好~

我地自己開左個小一入學交流區
https://www.facebook.com/groups/HongKongPrimaryOneAdmission/

比香港媽媽分享一下龍B/蛇B小一面試既資料/技巧

三人行必有我師，大家一齊入去分享下

呢篇blog 想講D小一"搶"(計)分法?

當然寫D政府/學校都唔會同妳既野

(呢篇blog 無置頂...由於題材敏感..只有國皇的家既Fans 同小一入學交流group 先知道)

我地唔係教育專家...
無basic concept ?想知道升小一派位點玩法? 又或者想知道自己區邊D小學熱門D.
可以先睇呢篇blog

各區熱門官津小學(加仲有幾多個統一派位學位配額?)

家長可以不限地區、校網，向一間心儀學校遞交申請。

去到呢D時候...大部分既家長都係得15分

基本上15分既都係陪跑多D??

想博出自己校網(網內)傳統名校有咩tips

好似下面呢D熱門小學
喇沙小學/瑪利諾小學/聖保祿/英皇/聖心/呂明才/鳳溪/荃灣官立/荔枝角天主教小學/瑪利諾神.

熱門學校叫得熱；睇上面既計分圖
無20分都唔好唸住博 !!! 最熱門果D...25分先係必收.
得15分..好多時都要111要代表有誠意.

但係如果要跨網報名，又怕冇咗「111」既叩門優勢，

即係放左放棄第一Round 揀自己心儀既小學~

到頭來又要大抽獎等派彩，

之後囉囉攣足大半年！

常見問題

15分咁點樣先令到自己有希望呢?入讀名校的加分方法?

(重申:下面有D咁樣做當然係唔岩啦!! 我地絕對唔建議大家咁做架..我地自己都無咁做)

其實最常見/有啲方法就係

第一招.................搬屋


自己校網無咩特別好既小學，又或者有D家長進取d
想出去博下d官津名校
但係又被迫要111
以防大抽獎失敗連叩門都無得叩
搬左地址之後就可以之後111/抽"網內"心儀小學啦~



註:亦有人會借地址報小學
我地只係話比大家聽有人咁做...風險自決..新聞都有講呢D..唔係我地講架
(https://hk.news.yahoo.com/絞腦汁借地址 )

幾時先要搬屋? 教育局先認可?
首先搬屋(借地址)最後限期係小朋友升K3 個年嘅九月前
最好K2升K3既暑假前搬啦~

因為9月自行派位...要用一啲政府機構嘅地址證明
所以若果例如租既地址
一定要租約打正式政府釐印或者九月前轉好晒啲水費單/電費單/煤氣單/

好多人都係地址呢part 轉唔一切,以為11月放榜果日先計



第二招宗教分（5分)

已經有宗教既家長梗係揀返D有宗教Backgound 既學校
唔好揀D無宗教既小學..可以減少對手

計分準則：與學校的辦學團體有相同的宗教信仰
e.g 德望小學-全女校-宗教:天主教

宗教分好多人都會好大爭議


因為譬如天主教嘅小朋友一出世就可以拎洗紙. 咁就一出世有5分

基督教小學好多都係計父母洗左禮就OK

可能妳會話..無宗教咪好唔公平??
係架 !!!...不過成個教育局既制度係咁玩...大家只能去適應 !!
不過可以參考下面既第三招..

特別一提有啲教會譬如"聖公會"係不接受其他基督教教會發出嘅洗禮證明

(拔小同協恩只計聖公會宗教分有5分, 
唔計天主教同其他基督教分)


Note:點解宗教要分你我他，又係唔好問我地..可以去問拔小同協恩校長）
同埋父母都要做功課..必須打電話問清楚心儀學校點先可以攞到宗教分，
每間學校有自己既規定



==>我地仲聽過有D怪獸家長...會專登去聖公會崇拜外，仲會揀埋聖公會既咩咩堂
揀埋Language....因為有D地方係用英語崇拜..當返埋興趣班train 英文
https://zh.wikipedia.org/wiki/香港聖公會教堂列表


(註:我地返開果間教會唔係聖公會..只不過係一間傳統基督教教會..
所以已經注定入唔到拔小同協恩..)

呢篇blog 建議就係自己父母做定 research...
攪清楚心儀既小學係基督教定天主教..or 一定要聖公會......
無宗教分而去亂咁去申請小學..基本上定第一Round 自行分配一定派唔到
到最後浪費晒D機會


不過打blog 打到呢度....我地心目中都要記住呢個大方向

[箴言22:6 教養孩童，使他走當行的道，就是到老他也不偏離。]


唔係大家就好易會迷失係呢場升小大作戰架~

大家有宗教分..又要避開下面既無雙小學
又係好多人爭架~


15分點算?其中第三招就係發掘無雙小學

可以積極搵下一D無宗教background 嘅小學.
首名子女(5分)加適齡(10分) 

大家都係15分.....咁就起碼公平D...

何謂「無雙小學」？即係一啲創校未夠17年（即1997年後）， 又冇宗教背景嘅小學。呢類學校有咩好？因為呢類學校幾乎全部申請者都係得15分，即係機會均等啦，話唔定有機會抽中入讀地方名小學tim！就算部份有宗教背景嘅新校，都未必所有申請人都攞到5分宗教分，而且前題係冇舊生，所以20分同15分博，都唔係完全冇勝算！


「真．2000年後學校」名單

以下列出的18間學校，是2000年後才首次開校的，相信沒有畢業生可以當上父母吧！不受「世襲制」影響下，如果報讀這些學校的是首名出生子女（5分），又有宗教分（5分），即合共有20分的話，應有非常不錯的獲派機會了。
 學校
創校年份
區域
 校網
培橋小學2000東區16
香港教育工作者聯會黃楚標學校2001離島98
靈糧堂秀德小學2000離島98
救世軍林拔中紀念學校2001離島98
東涌天主教學校2000離島98
基督教聖約教會堅樂小學2001觀塘48
中華基督教會青年會小學2000元朗72
宣道會葉紹蔭紀念小學2001元朗72
金巴崙長老會耀道小學2003元朗72
香港青年協會李兆基小學2000元朗72
香港學生輔助會小學2000元朗72
十八鄉鄉事委員會公益社小學2001元朗72
順德聯誼總會伍冕端小學2001元朗 72 
香港普通話研習社科技創意小學2001元朗72
基督教宣道會徐澤林紀念小學2002元朗74
基督教粉嶺神召會小學2001北區81
香港教育大學賽馬會小學2002大埔84
將軍澳循道衛理小學2004西貢95
Note: 由於資料都係網上搜集回來/未必update/100%正確架~

請"自己"再檢查資料
第四招:主辦社團的成員（5分）
計分準則：父/母為該小學主辦社團的成員
加分原因：根據2014年小學概覽，全港18間小學有辦學團體隸屬同鄉會背景，如東莞同鄉會、順德聯誼總會、上水惠州同鄉會等。以上水惠州公立學校為例，該校的辦學團體是上水惠州同鄉會，該校去年便取錄了4名上水惠州同鄉會會員的子女，其中一名家長，其丈夫是同鄉會會員，結果女兒成功獲學校取錄。

第五招-知已知彼 百戰百勝(小一入學交流區)

揀完第一志願...其實仲要揀埋第二第三志願

若果唔想揀中D"寶校"

就要申請入Group 知多D..問返多D其他區/同區既媽媽們啦~
https://www.facebook.com/groups/HongKongPrimaryOneAdmission/
(不允許任何廣告, 團購等等. 只供分享學校資)

做得"寶校"...政府既資料當然唔會同妳講..
梗係有D鮮為人知既秘密..要熟果區既校網既媽媽先知
e.g. 小朋友乖唔乖/ 多唔多大陸人/功課量 etc.


其實除左呢D..
你想點揀一間小學可以參考下面既嘅 

好似話

1.學校環境
2.宗教背景
3.學校設施
4.教育方針
5.係咪普教中

下一篇blog 再用過來人既經驗update 一下睇下仲有咩要留意~
想知道更多幼稚園/升小資料~


===其他小學相關參考blog===

各區熱門官津小學(加仲有幾多個統一派位學位配額?)

2015-2016 年最佳小學- 50 強 /2015 2016最佳幼稚園50強名單

小學制度計分詳情小一統一派位用明星舉例(簡單又易明)


唔想小朋友做功課奴隸? 可以點? (其他專家既建議)


[轉]名校這條起跑綫


直資私立小一入學攻略(何謂私立？何謂直資？直資官津利弊?)


Reference : 明報 - | By 梁永樂 |
自行階段只是「靠關係」，那就要問幾多分的「關係」才算穩陣呢？一般學生多有20 分，所以較多家長會問20 分入讀某校是否足夠？答案當然不能一概而論，只能提醒家長，傳統名校一般校友數目多、網絡強、團結，而且兄姊在校就讀情况普遍，20 分就未必足夠。

自行階段的遊戲規則，是與其他學生鬥關係，相同分數則以抽籤決定。家長可先參考心儀學校自行階段學額是否用盡，甚至用突，方法很簡單，一、打電話到學校查詢（若有幸有人識得答）；二、查看去年統一派位選校表，若果統一派位階段所剩的學額不足總學額的一半，即意味自行階段因為必收生太多而「蠶食」統一學額。家長需評估，若與名校關係稍弱，少於25 分則要三思。

「三條一」增叩門入讀機會前段所說，若自行階段選報他網的心儀學校，一擊即中固然值得恭賀，萬一落空參與統一派位，則不可能做到自行階段、統一派位階段（本網及不受校網限制）的三個選項，均是首志願報讀同一學校，即所謂的「三條一」，於叩門階段會較輸蝕，甚至有學校只安排有「三條一」報讀的學生面試，認為他們誠意十足。我建議家長若非與學校有「十拿九穩」的關係，應該優先考慮本網的學校，立定決心各階段均報同一學校，增加入讀的機會，可說是保守也是穩陣。

查閱班級結構了解收生往績坊間最老套而又實際的選校建議是「家長要選擇與子女合適的學校」，身為家長於眾多學校之中，間間「學校特色、辦學理念」都差不多，又怎可分辨是否合適，頂多只懂得問：「學校是否常操練、學校功課多不多？」這些問題也必須由家長親身到校了解才可回答。我在此僅可提供方法供家長了解學校收生的往績，查看學校的班級結構。方法：查看教育局小學概覽或網頁；查看所屬校網的學校；班級結構一欄，有顯示2014/15 學年及2015/16 學年的所批核的班數。

以屯門區70 校網某校為例，2014/15 年小一（3班）；小二（2 班）；小三至小六（各1 班），總共9 班。2015/16 年小一（3 班）；小二（3 班）；小三（2 班）；小四至小六（各1 班），總共11 班。按上述數據的解讀，一、是該校收生有回升趨勢，由9班有可能加至11 班（若有足夠人數報讀），顯示學校收生有進步，或因區內適齡學生人數上升或跨境學童等因素，與學校教學質素未必有關；二、該校之前曾出現嚴重收生不足，長期保持1 班「頂住」，或許每級每班僅得十多廿人，足球隊也未必湊夠人數組成；三、該校是區內數一數二班數少的學校，顯示過往家長用腳投票的選擇，相當具參考價值。
於
標籤： , , , , , , , , , , , , , , , , , ,

沒有留言:

張貼留言

訂閱： 張貼留言 (Atom)