就快開學了....唔知大家有無睇鏗鏘集<<功課奴隸>>
呢一集絕對絕對值得家長睇睇!
若果未睇可以click 下面條link 睇
鏗鏘集<<功課奴隸>>
教育局、教育界、家長以至學生,都希望小學階段能夠愉快學習,但現實卻相反。全日制小 學下,部分學生放學後還有繁重的功課,數量多兼內容艱深,還要參加不同補習班、興趣班 等等。此外,學生還要應付小三、小六全港系統性評估(TSA)、呈分試、中一入學前學 科測試(PRE-S1)。很多小朋友由早上六點幾起床,「勤力學習」,一直忙到晚上九 點或更夜才可上床,無間斷又缺乏遊戲的環境下,對初小學生來說,是否理想的學習模式? 二零零零年,教改取消小學學能測驗,目的要為學生學習壓力鬆綁,減少功課及操練,但教 育界人士認為,當年推行的部分措施實施至今變質,令小學生操練及功課壓力持續加深。
呢一集絕對絕對值得家長睇睇!
若果未睇可以click 下面條link 睇
鏗鏘集<<功課奴隸>>
睇完真係好多感想...
又要打下blog 平衡一下..分享一下做父母既睇法
[亦都希望有經驗既家長分享一下點樣過渡]

[亦都希望有經驗既家長分享一下點樣過渡]
係RTHK capture 左一D screen..
比自己/比大家迷茫既時候可以好快重溫番晒成個節目
引以為鑑
[圖片來源:]

可能大家小朋友都仲係幼稚園..以為可以唔駛咁快唸住
不過上幾篇都同大家講..
若果真係一個Super 級怪獸家長
想準備入咩中學..就要決定入咩小學
(小學時要上到精英班/英普班/拔尖班)
2016-2017全港小學排名(Top 50) + 2015 全港升中派位概況

想準備入最Top50小學..就要決定入咩幼稚園
(幼稚園一定要谷/無學劵,
K3要學定小一既野,K2 要開始做英文句子)
註:揀左有學卷既幼稚園,課程受政府規限,出去叩門考小學
一定要出去補底
除學術要好之外..仲要有兩體兩藝旁身..音樂/語文
e.g. K3 要識奧數/雙位加減/識得20分鐘內畫畫/四格漫畫1,2,3,?
小一叩門試題目「奧數」化係大勢
幫小朋友做好開學既準備
想入咩幼稚園,就要決定入咩N班
(N班要訓練英普/唱歌/自理能力)
想入咩N班,就要決定入咩Playgroup
[Playgroup 同某D學校有關連/鍾意收D咩]
基本上..一出世就要計劃~
呢期又hit 要贏在起跑線 !
中國人有一個觀念..就係執輸行頭 慘過敗家 !!
咁就做就左下面既功課奴隸!!!
詳見下面既分析:
傳統學校 VS 國際學校點揀好? IB vs DSE
(學費比較數據加考慮原因分析)
唔通就要好似下面既小朋友咁?? 大家都唔想,可以點?
小朋友心聲
做功課"從來"都無開心過
我覺得可憐.....寫字寫到好累
我印像比較深既其中一句
(下面仲有精警句子)
小朋友問媽媽,完成左呢一份功課可唔可以休息呀??
小朋友:咁我就可以用休息時間去"柯 Po Po"啦
小朋友去便便都要咁??? 要拎Approval ?? 真係好慘呀 !!!!!
小朋友由朝做到既.....
15 分鐘做一份功課....
計時..計時....一聽到Do Do 聲又夠鐘....
之後又做另一份...15 分鐘做好一份...一聽到Do Do 聲又夠鐘.
又做... 一日復一百
小朋友自己都累,可以休息一下嗎???媽咪?
[其實相信父母都愛鍚小朋友,都好想比佢休息]
不過面對海量既功課同龐大既考試壓力...而家休息左....D功課就做唔晒..
聽日就無功課交..
可能又未溫書/默書...
叫父母點比小朋友休息..??
兩年之後既Mancent 升小就要咁??
可能好多家長都話...不如叫學校/老師做少D啦~
功課多定少好???
不過校長又推番果波比家長
校長直言講:
咁多功課既壓力原因來自家長 !!!
(真實case : 有d家長揀小學..就係要睇小學谷唔谷..
Happy School..我駛咩揀妳? 派唔到band one 中學..咪搵D谷既讀囉)
永勝文迪覺得
做校係教育既專家..呢方面梗係校長決定
若果家長比壓力就加功課
不如好好地將d時候傾下將成個制度變一變
起碼嘗試減下小學生D功課量
試下唔好比咁大壓力D老師
見到d小朋友星期一至日..已經比D興趣班/補習班填滿晒
真係見到就驚 !!!
大人番工都可以自己選擇轉工/得閒蛇王一下/玩手機
小朋友返學就自己無得選擇。
而家係講緊幾年都係咁既模式學習喎
叫妳番一份好辛苦既長工番6年..日日都要OT...超長"工作"時間
妳制唔制丫?? ?
星期一繪畫/星期二英文
星期三補課/繪畫
星期四英文加普通話
星期五學游水加繪畫
星期六又英文加中文
另一個例子...自己睇..打到費時打
[下圖]
總知又要興趣班....又要補習課加再做十(九)幾樣功課
都仲未計d勞作Project
(即係叫學生整銀河系模型/時裝設計/火箭親子勞作比賽...etc)
果D咪又係要定長做 !!
最慘係小朋友都係無得揀
個個都癲晒..(Being Crazy).
不過係"名校"個個都咁做...妳唔做??
又想要係污濁既河流裡面做清泉???
得...結果只有一個..
學期尾咪比老師叫妳建議不同Free 番D位出黎比D更有需要既同學啦
(即係叫妳退學)
入名校唔係真係咁易架
不過咁樣日谷夜谷..總會有小朋友頂唔住 !!
要接受心理輔導
頂唔住讀書/考試/做功課既壓力
[似一隻籠中鳥]
困擾左小朋友整個小學生涯
最後攪到小朋友想自殺 !!
咁又為咩呢 !!
若果而家唔檢討下而家呢d咁混亂既教育制度
學生要應付小三、小六全港系統性評估(TSA)、
呈分試、中一入學前學 科測試(PRE-S1)
就會變成而家小一/小二一齊癲埋一份
老師都知有問題..不過可以點??
老師都唔想小朋友做功課奴隸
老師已經話左功課減無可減 !!!
不過...要贊下有d學校校長..
真係有Heart...
不過佢果間係私校...代價係$4000 一個月學費..
校長佢有D建議
人地外國都唔係咁樣教小朋友
根本研究既結果都唔係咁 !!!
係宏觀D睇.....外國咪又係大把人拎諾貝爾獎..香港咁樣谷法又真係無wor..
要好似德國咁, 不可以過 早開發孩子的智力,
避免將孩子大腦變成硬盤(Hard Disk),留給孩子更多的想像空間。
孩子在小學前「唯 一任務」就是快樂成長。教育重點在:
1、基本社會常識。
2、動手能力。
3:保護孩子情感胚胎,澆灌情商,不該過度開發孩子智力 。
按小朋友既本性發展
而家係拔苗助長 !!!
最後受苦一定係家長同埋小朋友 !!
我地同其他專家既建議
1. 家長唔好一句為左小朋友好
就選擇配合埋一齊"谷"埋一份
明明"贏"在起跑線上=>變左"死"在起跑線上 !!
「莫忘初衷」
不要忘記你一開始為孩子的時候想要的是什麼。
2. 一樣米養百樣人,小朋友個個性格都唔同,谷唔谷,
大家既能力都唔同~
若果夾硬谷,真係會谷死佢架 !!
為左小朋友好搞到佢自殺就本末倒置晒
[有時聽到有D家長都想自殺埋一份.(笑)..殺左我啦]
3. 去到最後,大學都係"沙紙"一張..都係一份好工既入場劵..
學左D知識大部都無用架.
(永勝自己係碩士畢業,根本上大部分書本上都唔會用得番)
4. .身為家長/老師同校長,都希望大家可以係小朋友方面唸一唸,幫下手點樣解決"功課奴隸"既呢個問題,比番D快樂童年佢地!!
[其實有好多好處架..可以睇下下面成功既文章/blog]
5. 讀書都係訓練小朋友點樣將D書本知識透過學習同考試轉變
成自己既思想,要思想/要過濾,未來好多書本既野,
好多將會或者"已經"被AI 電腦取代.
日日填鴨式,被迫學習,未得黎思考已經又要做其他功課..
最後只會係一個功課機器人~
5. 六歲前小朋友要做D咩?就係玩 !!
[圖片來源:隨遇而安-高慧然]
仲有其他專家係學習上既建議
[育兒] 虎媽太嚴厲行不通 望子成龍需做海豚媽
迷思一 : 愈早上playgroup愈好?
迷思二 : 語言學習關鍵期?
迷思三 : 潛能開發刻不容緩?
迷思四 : 「玩」是浪費時間?
迷思五 : 名校畢業有光環?
太看重起點 必將失去終點 -中國歐美教育對比
《中國歐美教育對比》﹕「中國﹕小學累、中學苦、高中拼、大學混。玩耍的年齡被迫學習,學習的年齡只想玩耍。歐美﹕小學玩、中學混、高中學、大學拼。玩耍的年齡就玩耍,學習的年齡才學習................太看重起點,必將失去終點!」
沒有留言:
張貼留言