親子旅遊 : ClubMed 馬來西亞食物篇

我地今次去馬來西亞..係食物方面.....由於Macnent 已經大過左仔...

同埋今次係去ClubMed 咩都包

其本上..食物可以算是零準備  完全唔駛煩~

仲記得上年復活節去台灣自遊行...  

Lunch / 夜晚都要四圍搵白飯 or 滷肉飯比Mancent 食


今次行李只係準備左一大Pack 子母奶同埋少少餅乾,零食,珍寶珠搭飛機


我地去到吉隆坡機場.由於有45 分鐘轉機去關丹..


o岩o岩好夠時間慢慢食個早餐....


經過一大輪既Research 加個當地華僑+幾個朋友推介...

一定要去機場入面既 Old Town White Coffee 

[好多明星都係食呢間]



因為白咖啡是馬來西亞著名既特產，尤其是Old Town White coffee 品牌

呢度有提供飲品外..早午晚三餐都可以係度食飽.


我地叫左個奧米加蛋燒牛油面包

永勝仲一早流流整左個"馬來西亞"咖哩麵加央燒牛油多士

仲可以近距離睇下飛機


呢D都係朋友推介.食過真係好味過香港果D...

特別係D加央....牛油包~

==========================================

至於去到 珍拉汀灣 Club Med....聽之前去過club med 既朋友講...飲品唔係任飲.

係要拎住D珠鏈...一粒珠一粒珠咁換野飲

不過而家已經改晒.....

當妳坐旅遊巴剛剛到步 club med 就會

開始呢個任飲任食之旅...

Staff 會放晒D野飲係度任妳飲

而呢度既酒吧..開始時間係0900-0200


可以任妳免費飲 (酒精飲品都係免費)

大人就飲咩無所謂.....我地當然要照顧埋我地既大帝 Boss -Mancent

呢度都有專係比小朋友既飲品Menu - Kids Mocktail

黎左呢度一兩日...連Mancent 自己都識叫Bartender 沖野飲

Mancent : May I have "Orange  Boat " please   ??  
Bartender : (讚) Ok...
Mancent : Thank you .....[完..]

[嘿嘿..只限最基本既對答]

至於每一日既早午晚既三餐.......最主要就係有呢個係泳池旁既"主"餐廳


日日都係Buffet 自助餐. (唔駃特別準備比小朋友)

有咖啡/酒/橙汁/蘋果汁/汽水....


餐廳仲準備左呢個碟碟比小朋友[Kid's tray for Balance meal]

有齊香港人Style 既 中國四大發明「粥粉麵飯」

又有外國Style 既意大利粉..長通粉



仲有日本Style 既壽司/ 刺身

仲有各式水果

甜品/蛋糕


最特別呢度有心型 Pancake + 雪糕 (我日日都食一件)

永勝至愛既火鍋 Hotpot 



仲有車仔麵

呢度既食物/Buffet 自助餐.....當然唔夠香港既5星級酒店..

不過都有三星頭既水準

仲要日日個主題都會有少少唔同....唔怕食悶....

有時有中華料理--有中國雞湯...又有韓國人參湯..etc

[不過最緊要阿仔Mancent 肯食飯..日日有得"柯"]

大家唔好忘記關丹只係一個島仔....揸車出去一個鐘都係四圍都係樹.

有咁既配套加水準..已經好好..仲要唔駛$.

妳唸下...係其他resort Hea...三餐自費

假設一個人$100/自助餐...一日食三餐....住5 日 三個人

食飯呢Part 已經慳番  3人 * $100 * 3餐 * 5日 = $4500

 

有好幾個Tips 比黎緊會去既香港人/怪獸家長 


1. 坐既位置

都係分兩大類..Inside or outside 

第一日第一餐黎.....梗係咩都試下..坐係泳池旁啦

點知??? 熱到爆......30度..係無冷氣既情況下....

又要等Mancent 食飯...出晒汗....

之後日日都食Inside 嘆冷氣

2. 坐既人數

ClubMed 有一個好特別既地方...就係妳餐餐食飯既時候

都係會有佢地D Staff 陪妳食飯既.....同妳傾下計..講多D呢度既人同埋有趣事比妳聽

(直頭坐妳隔離)

我地頭一兩日由於想知道度假村有咩玩.....

"好彩"有一個識得講廣東話既姐姐同我地食飯加講下幾時去邊度.

[Mancent 對呢個姐姐終於唔怕羞...見到D外國白人/黑人都怕羞].

之前提過...呢度基本語言係英文...大部分(>80%) 既Staff 都係英文行先

若果要我地全英文食晒成餐飯...~ 45 分鐘加傾計

e.g.
      Staff : Oh,.....you come Form hong kong..can u tell me more about Hong Kong?
       國皇之家:Am.....
      Staff : Yes..Agree..What is your feeling about ClubMed, Compare with HK Ocean Park and Disney Land ?
       國皇之家:Am.....

全英文reply please.....都幾高難度架


又係廣東話姐姐(馬來西亞當地人)

[Mancent 都當左呢度既Staff 做姐姐..食飯一齊玩..之後走都由佢送我地走]

不過有時好老實..我地唔係好慣餐餐飯都有(唔識既)外國人同妳食飯

可能文化唔同....(香港人咩都趕...趕...趕..)

外國人又唔Mind ..又好好客....可以不斷同D G.O 吹水+飲野...餐飯可以食成個半鐘

G.O Staff 都轉左幾個..傾晒計....都未食完 !

永勝文迪有D Tips

好似當妳好想D G.O 同妳一齊食飯

明明坐既人數係3位...妳可以揀張5-6人枱

即係有兩三個"吉"位...D G.O 見到"吉"位..

有位自己主動問妳...."我今日可唔可以同妳地食飯??"

總知比多D空間佢地坐落黎...有D情侶(無小朋友) 

甚至專坐係D無人既長枱中間..之後就有幾個G.O 坐埋去

有時小朋友"樓"計..自己想休息既時候..

三個人坐四人枱..個吉位放埋野..

佢地都好醒都唔會打攪妳.....

除左泳池旁既主餐廳外..

有一個地方都係食晚飯既...就係必食既"海景餐廳"

呢個地方要每一日一早8點去Reception Book 架

遲左(e.g. 十點去)就會Full booking....因為D位好少

呢個食飯既地方要搭一個小火車先去到架

[入面既shuttle train...30分鐘一班]

就係呢度...

搭左個火車過黎島既另一邊...

呢邊D環境超靚呀.....infinite pool 加海景加海浪聲加cock tail

好relax 架

仲有好特別既復活蛋燈

呢邊係半Buffet..前菜...自己揀

仲好味過主餐廳果邊又多野食D

燭光晚餐 (Candle Light dinner) with my Honey

好浪漫呢...呢度食呢個海景都夠飽啦~

我地揀左係呢度既最後一晚係呢邊食..



Main Course 主菜都係 牛/羊/魚

[小朋友都有兒童餐-當日係肉醬意粉]



D 甜品係特別另上....好好味....

[不過好後悔唔早D黎..早知晚晚都黎呢度食啦]

建議大家黎到..記得一早去reception book "海景餐廳" 位呀

[香港人特色]幾大都book 左先....唔好蝕呀...

食完呢個Room Services 旱餐之後 

我地明天就去會去番吉隆坡市區..

===============================================================
食新峰肉骨茶..

阿羅街食燒雞翼

難得的一家三口合照@「夜市」Night Market

想知道兩日一夜既吉隆坡濃縮遊去左邊
請留意Fanspage 既update...



待續..........

其他參考:



BB / 小朋友旅行用品清單
(Excel 更新)

馬來西亞 Club Med 珍拉汀灣吉隆坡親子旅行 -Part 1

親子旅遊 Part 2: 我地出發啦!! (加Club Med行前資料袋)

親子旅遊 Part 3: 我地係ClubMed 渡假村番黎啦~

親子旅遊 Part 4: ClubMed 渡假村適合我嗎 ?(從香港人出發)

親子旅遊 Part 5 Club Med 酒店房看日出 (最高級既海景套房)

親子旅遊 Part 6 : ClubMed 馬來西亞食物篇

馬來西亞吉隆坡酒店超方便酒店- Park Royal Hotel

親子旅遊 Part 7: ClubMed 與大自然篇

[仲寫緊]
親子旅遊 Part 8: ClubMed 18+與G.O Show