Mancent上學了

早幾個月同Mancent B 報左 2011 幼兒潛能訓練課程, 上星期日終於上第一堂了

上到課室只係11點, 時間剛剛好!!!!

 

不過我地趕到甩頭甩計....早餐都未食

連埋Mancnt 有 8 個同學仔

其他既同學仔好似都係11~13月既BB...?!   實在太好喇, 又可以識多幾個同年齡既新朋友仔.....

不過少不免..一見到面...爸爸媽媽一定就有比教...

好似...

e...識行啦....

e..妳個B 識飲水la..

e..妳個B出左幾多隻呀..

e..妳個B識得Bye Bye..Say Hi ...etc..

 

好彩Mancent 都叫發展得比較快...樣樣野都幾好丫

特別係行路方面都算行得幾好..都算有D 成績架..

第一堂, 先係WARM-UP時間... 老師攞左一箱玩具出黎過小朋友熱下身... Mancent當然係老實不客氣.... 三扒兩撥就將O的玩具攞曬出黎....

 

[唔比影相架...爸爸係後面偷影上堂既情況]

個課室一般la..都係圍埋一齊聽Miss 講解左一陣

之後就介紹自己....唱左歡迎歌後, 再數10聲就開始今日既課程咯......

今日開始係度學緊吹羽毛   [-->口部運動]

之後又教左炒通心粉   [-->訓練手臂小運動]

最後再四圍爬+越野行行   [-->訓練大'機'肉..手,足,腳掌etc..]

 

 

上完第一堂 總括黎講比我既印象都唔錯...都可以教到小朋友野...最重要教埋爸爸媽媽

點樣番屋企同BB玩之外,仲可以係日常生活訓練到BB..

(下一堂再講多d先)