[假日親子好去處]暑假短Trip 之選 - 香港沙田凱悅酒店-夏日家庭度假營 (小小廚師班/高水準既Buffet/大學踩單車/科學園)

多謝沙田凱悅酒店邀請我地去左「夏日家庭度假營」

俾我地一家4口可以有一個開心又難忘又Relax 既星期六日

先講交通

沙田凱悅酒店交通好方便, 位於大學火車站，

我地上完普通話/英文興趣班興趣班,2點半就係旺角坐MTR出發, 

大概30mins就到左大學站, 落車後行5mins就到酒店

今次既酒店Package 

香港沙田凱悅酒店由即日至8月31日期間推出「夏日家庭度假營」

讓賓客不用離港，都可以享受都市綠洲假期，同時體驗親子樂趣。
<----自己覺得啱晒唔想出外..又想Relax 一下既家庭

「夏日家庭度假營」每房每晚由HK$1,280起，優惠包括悠閒的客房住宿、豐富自助早餐、冰涼透心

的夏日特飲及免費泊車等，每房更可選擇1項兒童活動，包括：

• 小小廚師：由酒店廚師執教，一同炮製簡易美食<---熱門之選

• 網球入門：由專業網球導師教授網球入門

• Melo Spa水療中心兒童手部美甲

由酒店甜品廚師親自教授的「小小廚師」活動讓小朋友製作簡單又美味的甜點，

並與家人分享其製成品。

其他有趣的活動包括「環保小園丁」及「布袋設計」。

參與「環保小園丁」活動的小朋友將學習利用已用的塑膠瓶製作成環保花盆，

並親自把小樹苗栽種到盆内。


此活動能讓小朋友明白環保

及保育的重要性，並能把小樹苗帶回家，繼續體驗種植樂趣。「布袋設計」讓小朋友利用創意以印

水紙設計獨一無二的布袋。

除左咖啡廳自助早餐 ,仲包埋

• 於池畔酒吧享用清涼夏日特飲2杯 
• 使用酒店單車2小時（每位登記入住賓客1輛） 
• 免費通宵泊車（只限1輛，最多24小時）  

於2016年6月30日或以前同時預訂2間客房，將可獲升級至1間行政雙套房，

提供更寬敞的住宿空間，適合大家庭或2個家庭入住。

今次我地住既係行政套房

係房望出去個view可以欣賞吐露港一帶嘅靚景

因為我地上興趣班妟咗, 而我地之前又BOOK好左小小廚師, 

所以我地第一站就去左小小廚師

未開始就梗係周圍玩下先啦！

呢度有個小型遊樂場

仲有Kid's Corner 兩兄弟畫畫

未開始就梗係一家4口影張合照先啦!

呢度除咗係小小廚師課室, 係其他時間仲有好多唔同纇型既班俾小朋友, 

家長可以放低小朋友等大朋友可以去輕鬆下

（我地見有家長帶小朋友報到左之後就去游水，游完再番黎剛剛好）

小小廚師準備開始

你地睇下Mancent幾咁興奮

未開始就梗係同酒店甜品廚師廚師哥哥姐姐影張相先啦!

「小小廚師」開始喇!

你地睇下細佬仔Marcus幾開心，整碎啲蛋糕都整得咁開心

製成品Cake Pops, 對於細佬仔Marcus黎講算係整得幾好, 因為有媽咪幫左小小手

整完Cake Pops又可以去睇下書, 細佬仔Marcus對有興趣既書真係可以好定咁睇架!

佢2個忙睇書, 我地2個就可以自拍下

整完Cake Pops係未就以為走得呢?

 大家就估錯喇! 因為仲要幫個袋畫畫, 等佢地可以拎住個靚靚paper bag放D Cake Pops

整完Cake Pops我地就上房抖下

今次沙田凱悅酒店就安排左一間套房俾我地,

 有一間睡房客廳同飯廳. 另外仲加左一張床俾我地

客飯廳全景

<---大人一邊/ 小朋友一邊

睡房客廳同飯廳全景

Mancent哥哥第一時間就梗係試下張床

露台好大，哥哥又望下個view靚唔靚, 個view係望住踩去科學園既單車徑

Settle down左之後, 2個細既就掛住睇電視

Set好個小天地俾佢2個, 等佢2個唔使爭, 呢2個小朋友真係識嘆

抖到咁上下, 夠時間就落樓下食Buffet

註:「夏日家庭度假營」Package 唔包晚餐Dinner Buffet.不過真係值得推介

沙田凱悅酒店咖啡廳(Cafe) 係成個新界區都好出名

OpenRice :http://www.openrice.com/zh/沙田凱悅酒店咖啡廳

hyatt 既品牌都有返咁上下出名..呢度環境舒服靚，

地方好大，因為係星期六晚....入座率約九成，

枱與枱之間有好多空位，酒店職員好細心，

因為知道我地有2個小朋友，就安排咗梳化位俾我地。

影返張相先

Buffet選擇有好多, 一黎梗係去海鮮區觀察，發現有波士頓龍蝦、青口、小龍虾

帶子

長腳蟹任拎

鮑魚<---呢係真係超級推介....

D鮑魚好稔好鮮甜，唔使任何調味都好好食，我同永勝加埋食咗十幾隻呀！

諗住2個影張相都有人要攝入鏡

當然有日式：有五款刺身同其他壽司都不錯

有小朋友既梗係要拎返幾舊啦~

但係我地食完鮑魚個肚要消化係，所以食左刺身,,,無試壽司

刺身/魚生好新鮮

去返中式區...蒸魚好滑

呢個缧頭煲雞真係好好飲, 我同永勝起碼飲左3丶4碗呀!

羊架

泰式既冬陰公都有，因為我唔食辣，永勝話好味，不過佢話辣啲仲好。

呢度既燒牛肉又係必食既 !!! 

除咗每人包一杯餐飲之外，仲有兩款特飲任飲

食完海鮮/日式/中式..再戰呢度好出名既<<甜品區>>

最犀利係有即做雞蛋仔、即做班㦸

雞蛋仔新鮮制..熱辣辣...脆卜卜

小朋友食飽飽就梗係嘆返杯雪糕啦!

另外..呢度仲有馬卡龍、新鮮水果、朱古力Cake

有個小朋友諗住慢慢嘆佢杯雪糕, 因為真係慢慢嘆, 杯雪糕溶, 

食到週圍都係, 所以喊,到咁慘  

有得食返又開心返

仲有香蕉班戟加雪糕

黎得呢度..都係對食有要求...咁啱見到曾主席坐正係我地隔離

永勝死都要我幫佢同曾鈺成影相

大家估下呢張相邊個幫我地影既??

食飽飽就週圍行下, 係酒店25樓有個Conference Room /Meeting Area，因為我哋住24樓，

喺房度望到想去，就八掛去睇下

係度開會涼涼地..望下沙田夜景..感覺一流

去到第二日星期日...瞓飽就梗係食早餐

「夏日家庭度假營」Package 包埋豐富自助早餐

又黎影張合照先

早餐好豐富, 麵包同飲品都有好多選擇

牛角包好脆好鬆軟

果汁都有成5-6款比大家揀

食飽飽就梗係去做運動啦!

註: 家庭度假營既朋友位記得要先到健身房預約(酒店單車2小時)

係沙田凱悅酒店有一個好特別既地方..就係好近單車徑

我地一早就破風踩單車去左科學園

酒店已經提供晒所有設備..包括安全頭盔/小朋友用既單車

Marcus 有姿勢

後面健身房（24小時開放架)

有實際

[連Marcus 咁細個都有佢適合既單車..有輔助碌]

细佬仔Marcus都係第一次踩單車踩咁遠

大家踩單車都踩都好累呀!

本來諗住踩完單車可以游埋水, 點知有D雨水

但係Mancent哥哥都去睇下個泳池

泳池有分兒童池同成人池

呢個暖水按摩池都唔錯架

最後, 大家有興趣計劃一個短trip，可以帶埋小朋友嚟參加

Check out 左之後.....

大家仲可以係酒店門口搭巴士用10分鐘時間去科學園

小朋友又可以放電加Relax 一下 !!

夏日家庭度假營 Family Summer Getaway
詳情：http://hongkongshatin.regency.hyatt.com/zh-Hant/hotel/offers

「夏日家庭度假營」適用於6月10日至7月10日期間之星期五、六、日，及7月11日至8月31日期間。

地址：香港新界沙田澤祥街18號
價錢：每房每晚由HK$1,280起
預訂：3723 7888 ｜reservations.shatin@hyatt.com

Facebook：https://www.facebook.com/HyattRegencyHongKongShaTin