上個月月尾我地一家去左澳門新濠天地既Kids' City玩呀 !!
我地當然又係親子裝出動啦~
我地當然又係親子裝出動啦~
澳門過往俾人感覺得賭場同埋食野
不過而家由於好多酒店都轉型
寫呢篇blog就係等其他爸爸媽媽知道澳門
唔係只係得大人玩嘅...大人玩之餘,小朋友都可以好多野玩~
唔係只係得大人玩嘅...大人玩之餘,小朋友都可以好多野玩~
Kids’ City 童夢天地係澳門新一代嘅玩樂大本營!!!
(佔地過萬呎)
地點位於新濠天地3/F係澳門氹仔客運碼頭搭免費shuttle bus 10分鐘左右就到
(佔地過萬呎)
地點位於新濠天地3/F係澳門氹仔客運碼頭搭免費shuttle bus 10分鐘左右就到
當我地去City of Dreams 新濠天地時經過下面嘅SOHO 區
Mancent仲同我講呢度好似街呀！
佢梗係覺得好奇怪，點解係商埸入面會有條街?
呢度係新濠天地入面嘅SOHO區，以聞名全球嘅SOHO專區為主題，設計獨特，好有氣氛！
上個月新濠天地做緊法國五月，商場入面仲有D game免費俾人玩
到我地今日嘅主菜啦，新濠天地Kids’ City
溫馨提示
首先門口有講入Kids’ City既DRESS CODE，係要長袖衫褲同著襪
如果諗住會去嘅爸爸媽媽，記得帶定長袖衫褲同襪仔喇！
(因為應該好少人會帶定多一套衫褲玩澳門)
不過無帶都唔緊要，可以係Kids’ City買嘅。
短褲短袖赤腳都係唔合格的，為了安全起見，
入場必須購買長袖運動衫褲同埋襪子才能入場。
去到新地方，佢地兩兄弟就梗係攪攪陣啦！
好野！入得，首先要拎番手帶先
大家知唔知下面呢個係咩黎呢？
呢個咁特別嘅蜂巢型design係鞋櫃黎架！
不過呢度光猛D
放自己兩個鐘假??
呢度都好大，真係玩一日都得，如果小朋友係比較大個，
爸爸媽媽可以係Kids’ City留低聯絡方法同電話，
就可以放低小朋友2個鐘!
親子旅行可以有兩個鐘嘅私人空間, 大人就可以去行下街/食下野/買下野~
咁可能家長會問?兩個鐘之後呢?
而呢度既職員發覺你小朋友有咩需要
[又或者] 2個鐘都無接返小朋友就會用你留低嘅聯絡資料
搵返爸爸媽媽接返小朋友。
而呢度既職員發覺你小朋友有咩需要
[又或者] 2個鐘都無接返小朋友就會用你留低嘅聯絡資料
搵返爸爸媽媽接返小朋友。
門口第一Part 呢度有個巨型氣墊彈床
仲可以望到小朋友係入面跳彈床
係出面有電視直播兩兄弟玩嘅情況
兩兄弟玩緊...兩公婆影下相先
之後仲有其他遊戲機~
呢2個小朋友一見到有電單車即刻話要玩，
細佬仔Marcus梗係唔識玩啦！
但唔知點解唔識玩個樣都可以咁認真
新濠天地Kids’ City 呢度有幾組sir滑梯
大膽仔Marcus自己一個衝咗上去，不過可以放心，
工作人員好嚴謹，會係上面睇住，未夠五歲嘅小朋友係唔可以sir
Mancent一去到就玩呢個sir滑梯，
可以比大家睇下佢挑戰60度嘅Sir滑梯影片
(Mancent Marcus 都玩左好多次架)
其實永勝本來阻止Mancent玩架！因為條sir滑梯都真係幾直
我就同永勝講由佢玩啦！我仲迫永勝落去拍片，其實佢未試過，
下次又點會學叻d吖，有 d野父母係需要放手俾小朋友自己試下嘅。
特別一提
呢個playground嘅職員同小朋友嘅比例好高..家長可以放心
基本上.每一條大Sir滑梯入口一定有一個人係度睇住小朋友架
同埋有咩需要幫手未出聲之前已經有人睇到...
好似小朋友唔小心跌親/倒瀉水
(Mancent 佢sir完條無咁刺激嘅懶叻樣)
Mancent佢一玩完就係咁同佢爸爸講好驚，
我話你下次要睇清楚諗清楚先好玩喇！
問番做咩咁勇敢想玩...?
佢竟然同我講因為呢個sir滑梯有頭盔戴所以玩喎！
真係俾佢笑死呀！
呢度仲可以俾人開生日會、party 咁，地方好大，可以容納好多人。
呢度有好多遊戲機，可以啱D大個D嘅小朋友玩
仲有波波池
[呢張相Marcus 係入面架！大家見唔見到佢]
跟住又去左"星夢"區
主題係舞台表演同及服飾裝扮
我地發女寒幫兩兄弟扮公主，
Mancent好興奮話要扮白雪公主
細佬仔Marcus開頭有d抗拒，但一話佢好靚又開心晒
見到人地扮Elsa,又望住人地
2個換好衫喇！
之後大人細佬又走咗去打機，其實係永勝想玩
係都拖埋2個仔打恐龍Game
呢到仲有一個專區設計比D好細個小朋友玩嘅
我地一家四口影返張合照先
係小朋友玩嘅area其實都好多野玩，
父母只要坐係度睇住佢地玩，真係幾好
如果玩到累可以畫下畫,訓練下創意
睇下Mancent幾認真，都畫得幾靚架！
自從佢學咗畫畫，畫d畫真係靚啲
呢幅係永勝畫
佢叫自己做梵高"勝"
呢度仲有免費水機供應冷暖水
如果小朋友玩到餓..家長唔駛擔心 !!
呢度真係All in one...仲有附設嘅小餐廳用餐。
(梗係平時係屋企少睇電視，出到街一見到個電視就好敏感
可以憑之前入場嘅手帶上面感應器"Do" 野食
都有好多選擇
可以係度買d小食、餅乾、蛋糕、飲品
(家長可以決定入幾多錢落條手帶度啦, $50差不多)
離開嘅時候透過感應器讀卡結帳就可以
呢度真係玩極都玩唔完咁，又俾佢地搵到個新地方
(積木檯)
(澳門獨有嘅波波噴泉)
又玩左射籃球
玩到累又可以去睇下電視
有個Area會播下小朋友都鍾意嘅卡通影片
今次播緊Baby TV！
每逢星期六日嘅下午3點都會有不同嘅表演架！
最後梗係帶大家參觀下個育嬰室啦！
Marcus都話好滿意
(當然有小朋友專用嘅廁所啦)
實用資料
對象:17歲或以下
開放時間:每日上午10時至晚上10分
地點:新濠天地3樓
入場穿著: 長袖衫褲同埋襪子才能入場
Who aged 17 or under
When 10 am to 10 pm
Where Level 3, City of Dreams, Macau
What to Wear : Long-sleeve shirts, long
pants and socks
e-mail : kidscity@cod-macau.com
玩左成兩個鐘....大人小朋友都好累
啱啱到lunch time, 我地去咗Hard Rock Cafe食lunch
[係樓下2/F...同層仲有其他餐廳]
Hard Rock Cafe對小朋友好細心，一入去就準備好顏色筆同紙俾佢地畫畫畫
有milk shake
啱小朋友食嘅兒童餐
Hamburger & Fries
食飽飽行出去都有好多野玩
會跟住大人細路動作而郁嘅 Giant ipad同Flip dot
每次黎到新濠天地呢度Mancent都要等條美人魚出黎架！
話明親子遊澳門
之後我地就去左澳門必去嘅景點大三巴
[香港facebook check in 位]
仲順便買少少手信
為左小朋友認識多D澳門..
之後見仲有時間就去埋澳門觀光塔
Caution Falling People ??
澳門觀光塔係全世界最高嘅Bungy Jump 嘅地方
(Running Man 都黎過架)
Mancent話好驚喎！
好多人玩sky walk呀！
Do something that remind you you're still alive
我地梗係無比兩個小朋友玩啦!
我地之後再去左官也街食埋呢餐葡國菜
今次推介左大家咁多澳門親子遊既地方
我地一定係旅遊達人-Macaness
我地梗係食埋甜品先啦！
2個細嘅唔識食就食啫喱，我同姐姐梗係食最出名嘅榴槤雪糕啦！
大家去開澳門亦可以睇下下面既澳門親子好去處blog
自由配搭自己既行程玩D咩...
好似Playhouse / 行玩具店買Lego糖/ 玩電動車/玩砂炮/有咩飲飲食食推介
全部都係澳門獨有同埋唔過夜既好選擇架
因為我地成日都會寫blog
若果大家想知道仲有咩親子好去處,有咩啱小朋友玩
沒有留言:
張貼留言