2016年3月20日 星期日

澳門美食--路環崔元記炭燒咖啡/安德魯葡撻/童年回憶+兒時玩意-砂炮

帶小朋友黎澳門...

除左係酒店玩...大部分自由行既行程就出發去食食食同玩玩玩喇!
上兩三篇blog 已經介紹過小朋友必去既Playhouse

今次(同上幾次)都係住乙米仔

金沙/四季/威利斯人個邊

由於唔想去太遠,過返新馬路/大三巴牌妨果邊

 第一站我地㨂去咗路環,黎咁多次澳門都係第一次呢間籃屋


點解黎路環食早餐/午餐?

因為有好幾位著名飲食博客(food blogger)同旅遊書 都推介呢度



地址:路環市區恩尼斯總統前地19號


第一站係食<<崔元記>>,呢度有咩特別?仲咩揀呢度?

有幾樣特別

好特別無餐牌,無services ,舊式冰室

得幾樣野選擇,

老闆同樣「有性格」,有D燥底Feel

我地食咗雞扒通粉

專程拜訪就係為左呢碗

老闆就係精心製作為左呢d 蕃笳
但佢個茄湯底真係落足紅蘿蔔及蕃茄去煲

Mancent都話好味

另外一樣, 呢度嘅咖啡亦係好出名永勝專程來試試

不過唔知名氣太大,永勝覺得通粉一般,雞扒同湯ok
反而杯炭燒咖啡好飲喎
好鍾意澳門呢啲懷舊嘅文化
一間藍色綠色既屋仔
建議大家要留肚唔好食咁飽

第二站就係對面嘅<<安德魯葡撻>>

其實就係崔元記前行三十步


地址: 路環市區市中心撻沙街 1 號地下


呢度好出名,唔駛多介紹
啲葡撻新鮮滾熱辣好好味啱啱出爐

超好味 !!
呢度被稱之為澳門地標之一
好多遊客到來試

我地買咗2個,兩個一人一個KO咗,攪到我同永勝要再買
真係好味
黎路環其中一個特色
就係睇下呢度好舒服嘅海景

十月初五馬路
食飽飽就週圍行下

Mancent大個仔可以幫爸爸媽咪影相,都影得好好架!
大家話係未?
好多結婚相都係度影架

十月初五馬路又黎自拍下先


我鍾意呢度慢慢行睇下海景
沿住"十月初五馬路"行都尾~~

今次係路環<<譚公廟>>有重大發現就係

童年回憶+兒時玩意 "沙炮"


相信好多香港成人細過都係D屋村玩過玩過砂炮...

大力擲係地上..之後"啪"一聲發出巨響

(由於香港禁止喺未經政府同意下買賣同使用沙炮

澳門係特定燃放區就可以)



不過我地梗係無買黎玩啦~

地址:澳門路環十月初五街尾  

開放時間 24小時營業
前往方法
路線
起點: 外港碼頭
28A 號巴士,並在殷皇子馬路/葡京轉搭 26 號巴士至路環市區
需時:40 分鐘

5蚊一盒

我地都係聽到人玩砂炮+燒炮仗先走左過黎
Mancent 同 Marcus都係第一次見咋

而永勝同文迪真係超過10年無見過砂炮啦

[圖片來源:http://i.imgur.com/b7TLNxk.jpg]

我地記得細細個既時候仲有一隻叫"拍拍紙" 是一個紅色圈, 放係槍彈夾個位,

玩既時候仲有陣火葯味!

:溫馨提示:
玩沙炮有可能犯法...有一定危險性
大家"睇人"玩之前一定要教小朋友正確既"睇"法


突然之間比我地"見"返


最緊要係大人都可以重拾童年回憶.. 大人都可以懷舊一下


最後
大家去開澳門可以過黎"路環十月初五馬路" 上面三個地方

唔駛用好多$...唔玩酒店設施

都可以慢慢行食下葡撻

飲下炭燒咖啡....睇下海景

慢慢"睇"下人地玩砂炮

都不失為一個親子自由行嘅好地方


下一篇仲有一個景點值得推介大家去架...





沒有留言:

張貼留言