新手家長如何報考幼稚園?
年年呢D時候都係新手家長忙碌既月份，點樣幫小朋友準備報讀幼稚園??
我地試過訓街...又試過見十幾round 幼稚園..都算有D經驗
當時我地都係從錯誤中學習, 就等我地同大家一齊分享一下啦~
我地係親子博客..唔係教育專家...
寫野鍾意寫咩都得..可以唔駛俾面寫D衰野...
1. 問:其實一般 N 班 (or 有D人叫Pre-N ), INTERVIEW 幼稚園會問甚麼問題? 我好緊張呀!
先睇左呢篇先? 拎個Basic Idea/ 大方向先
留意:唔好以為呢D係考K1既題目..有D真係問架
家長都要做準備架 e.g 你點解揀呢間學校.?你小朋友有咩優點/缺點???
[interview 小朋友有時無反應..都唔可以deadair..咪問家長囉..連問家長呢Part 都失分...咁只好怪父母自己..唔好怪小朋友]
e.g. 人地明明係活動教學/唔重學術...妳就走去答鍾意學校既語文環境...
出黎既小朋友好叻~..!!??
2.睇左幼稚園面試必考三十題 .大部分都做唔到喎?點算呀? 無書讀?
細仔Marcus 11個月仲係一舊飯.
"自己"Interview最重要既三個大方向
[1] 識得自己行
[2]識得講野/出聲/發聲
[3]識得坐定定
中B/細B有時年齡差半年..好多時都未識講野就上"戰場"...
點頭表示明白老師既指令都可以架
永勝爸爸話..
識得"行"/講野.. 衰D講既...即係要表示比老師睇唔係某方面有問題既小朋友
e.g. 唔係行唔到..唔係聾..唔係啞..唔係過度活躍 AD/HD ..唔係抑鬱..唔係專注力不足
AD/HD（Attention – Deficit / Hyperactivity Disorder）
心唸妳自己係教師負責interview..妳一班收左幾個AD ,校長會唔會放過妳??
幼稚園老師唔係應該有愛心咩??? 妳有愛心教都唔等如有"專業"知識去教架bor.
Note : 我地其實之前一出世就報左救世軍全日N班....出左名好..亦出左名"有教無類"..
由出世申請到正式收左見校長...其實小朋友係註冊果日先要露一露面..100%問家長
小朋友唔面試/唔出現應該都收..
校長好好..老師又有愛心 ...亦都收左..最後都係揀左迦南幼稚園
點解??個個都話好架wor...詳情救世軍幼兒園OpenDay (分析優點與缺點)
睇缺點
3.Interview個時既小貼士俾大家?
教好左Point 2 既Interview三個大方向..可以train 埋禮貌/禮儀.知識果Part
1：由一出世就叫佢中文全名，到interview個時唔識講都知道老師叫佢
2：interview個時盡量唔好抱，拖住等小朋友自己行
3：衣著打扮要適合( refer point 8 below)
4：要教小朋友執拾玩具 /Tidy up
5：interview完要小朋友推返好張櫈
6：好多時N班interview都會用不同方法去考型狀，大家可以係屋企train定先
7：會問水果名..行多D超級市場..介紹入面既日常生活野
8: 次次interview 完之後都有D獎勵..好似有糖/去公園玩..等佢有D原動力
9. 真係得唔得都好..唔好鬧 ..唔好恐嚇...e.g. 老師問妳問題仲咩唔答...信唔信下次唔同妳出街la...
[係我地太早迫D小朋友上"戰場"姐..以前個遊戲都唔係咁玩...而家咩都早一年...之前N係可讀可唔讀..而家變左一定要讀..唔讀就輸在起跑線..煩~]
4. Interview 用咩語言?
以我地所知左咁多間N班.......大部分用中文...大部分答都答番中文一般小朋友都唔駛點用到英文 [可能我地未in 過神級幼稚園]
有d又可以揀,,一係全英/一係全廣東話
連父母果Part 都係全英..
有D無資源/無時間既媽媽..就用多D廣東話用佢講多D
例子:你叫咩名呀小朋友(自我介紹 )？ 我叫郭大文 Marcus......識左就訓練
第二條 "(問年齡) Marcus, 你今年幾多歲呀?"
有D媽咪又專登轉language train "What is your name" ?
若果最後其實中文答左..OK....老師會問第二條問題.....點解仲要訓練埋英文.唔訓練埋其他問題? <---多左
e.g. 邊個同陪妳黎架?
[我地個人做法]同埋問中文就算小朋友識..有時佢地都好有性格唔答架~ 教埋英文佢地有時會混淆/混亂問中答英
Note : 神級幼稚園好似有D會突然播D英文歌..之後用英文問..
"Can u tell me which animal on the song, pls raise up your hand"
要識 "Animal " " Zoo" "Raise " 加聽指令/動作/唔怕羞..
大部分90%小朋友會無反應..有D有train 開又做到"Raise up your hand
答問題 e.g. Horse 既就收...呢D我地放棄啦~
5. 有咩而家可以做到架?買咩玩具訓練小朋友???
我地有時間..其實會買D相關玩具比Marcus 玩...好似下面既幼兒積木
[係mothercare 有得買]我唔係買廣告...其實成個香港咁多玩具
小朋友玩咩都得..不過我地覺得呢好係因為
1. 可以Train手眼協調...張D積木層層疊高...
2. 可以訓練埋顏色/英文/數目字..~
[分顏色疊高/跟數目字疊高]
我地唔係淘寶(Taobao)買..妳睇下面幅相就知咩事啦~
:::::最緊要係:::::
我真係記得有兩間幼稚園係用呢set 同款既積木考疊高
到時真係考就得心應手
呢排又買左呢d Wooden Box set....訓練創意/空間感之外
Universe of Imagination ??
仲有唔同形狀既"入入入" Pattern Matching 既
不同的形狀，放入木板上相對的凹位之中。 | ||
比Marcus train 定呢d幼稚園必考既"大路"問題~
而家Marcus 都有少少Concept 架啦~
仲有呢款Pattern Matching 又係成日都見......
之後再train 埋 Square / Circle / Rectangle/Triangle/Diamond...
不過玩具呢d好主觀....好個人...比d小方向大家.....
"目標為本" 買咩玩具比小朋友自己唸下
有d家長走去train 生字/玩Flash card..
長遠學英文當然好..不過好似無N班突然整張英文flash card 問小朋友(k1 就有)
有一間好既幼稚園N班收左先慢慢train 啦
6. 報n班..上N班半日好還是全日班好呀?
有屋人照顧 或者小朋友體質渣 就半日啦~
[因為番左學Mancent 真係病多左好多]
頭一兩個月番學...學校係病菌溫床
父母要番工,得工人姐姐湊...可以考慮番全日班的 ..
順便學下自理能力
[不過其實今年我地唔會..咩都報晒先...有offer 先有得揀]
無offer...下晝都要讀
e.g.我都想入名校..報邊間好?都要收左妳先揀啦~
7, 見妳已經報左三間..有邊D幼兒園已經開始報名？咩唔係滿一歲/ 2013 年9-10月先開始咩?
其實父母自己要係自己個區自己做下功課先..
[我只係熟自己報開果d 區同埋九龍塘..九龍果邊幼稚園..港島區真係唔多識].
有埋圖妳睇,我5月18日 Marcus 已經排到75..已經叫遲左
有人同妳講無得報果d係呃妳 or 佢自己都唔知道
睇妳有無做功課~
有d好似York幼稚園(York International Kindergarten)咁..而家都可以報啦,,
Greenfield 綠茵英文幼稚園又報得
- 學前預備班(PN) : 2012年1月1日至2012年3月31日之出生者，可於2012年11月1日開始遞交申請表。
- $59xx per month (x 11期) <--偏貴
york 出左名多什費/商業味重../不過英文勁~我地一般like 姐
好似有in 左...大部分收....我地滿一歲都報..當係比$ 買個位backup ....留位費無refund..亦都貴..
佢只係賺留位費
詳情:
8. 面試其他同貼士:著咩衫??
男仔Smart Causal....唔好太過花looklook...or 著西裝到去"飲"咁..
女仔著裙就最好啦
[父母都係smart causal]
Mancent 去in 培正幼稚園就係呢果look
要留意...比番個位貼"人名Label"
之前買果件T-shirt..好似"尼龍"質地...總知"人名Label"貼左上去就成日甩..
Mancent 跑多兩跑張Label 直頭唔見埋.
去到interview 連個名都比唔到老師睇? 佢地一個鐘見成200-300 個學生..
點比分妳???
9. 媽媽同陪in 定爸爸陪面考試?注意事項：工人去/嫲嫲就唔多好啦
1. 考生必須於上列會見時間前15分鐘，
2. 是項會見需時若45分鐘。由於場地所限，每位考生只可由一名親友陪同出席。
大部分都係媽媽陪/不過有時Mancent 會驚爸爸..
同埋有時真係請唔到咁多假/ Annual leave
爸爸又會識多d學校Backgroud..即係重家長提問果d
e.g.請問妳對我地學校有咩認識?? 呢d最驚
見過有d小朋友去到..一定要搵媽咪..未入去面試已經喊晒...爸爸係度都無符
(詳情可參考啟思面試模式 )
10.阿女今年(2013) X月出世幼兒園要幾時報？
N班應在出年2014年8至9開始報名..即係下年先報..唔係今年
而家最多報下playgroup 排隊上N
2013年出世既.... 下兩年9月1日報 (2015 年9月1 日) 前到兩歲就可以入讀
2015 - 2016 9月= N1 - PRE-NURSERY
2016 -2017 9月 = K1 - 幼兒班
..............
11.我都係一舊雲???唔知呀?連form 都未交...點in 呀?
我係外國番黎/唔知發生既咩事??????
去下D幼稚園學校簡介會/Open Day 啦~
2014-2015 年度幼稚園入學
2013年09月28日 救恩學校 香港西營盤高街９７號Ａ及Ｂ
http://www.kauyan.edu.hk 教局網址
學校簡介會日期： 2013年09月28日
網上截止報名日期： 2013年09月13日
網上報名日期： 2013年08月26日
其實關於2014-2015幼稚園N班入學準備..仲有好多野想寫..
不過打一篇blog要兩三日...
有時真係打唔晒咁多...
有咩係Facebook fanspage /group 度問啦
Like/讚好 左 呢個我地國皇之家生活事既Page要會收到我地既update 架 ~
沒有留言:
張貼留言