《盛女愛作戰》五位盛女既近況

不嬲唔係好睇電視既我地..因為十點半仔仔未訓,無開電視


不約而同都今日係 iPhone 用 myTv+ 追睇番《盛女愛作戰》

睇左頭幾集...好好睇下 (幾好睇唔駛講啦) ~~

自己用myTV 睇完之後,再用881903 節目重溫.."聽"埋盛女齊集光明頂

搵番黎五位盛女既近況既Keypoint 如:

1. Suki.  永勝最鍾意既Suki 原來而家已經有男朋友, Suki係節目既誓師大會識左Mandy 既朋友  ( 懷疑爆曾穿櫃桶底<--絕對未經證實 )
     不過無謂再提啦,而家好就OK..而家同個幾有型既保險經紀男友好sweet

2. Gobby : 最慘既失婚婦,加有個9歲女女既 Gobby條件欠佳，有指已被擯出局。..連之後既宣傳都無晒佢份..佢先最令人擔心
    不過我地一家都好支持佢..請加油 ~  有左9歲小朋友既媽咪,好少有港男有興趣既,後生就話多人追姐
    佢已經澄清18歲時絕對無打算落左個女,做個勇敢既媽咪,呢點已經比10個讚,希望往後日子都同女女好好生活落去

3. Mandy 同Winnie 人生教練原來識既,有D似做媒,最後去到第十集得番3個女仔,佢都走左,媒黎既,本身都已經夠Level 識有$佬,費時上鏡

4. Bonnie 而家做緊民間電台,上左881903幾次, 大把人support 佢,係昨晚光明頂已經有好多男仔比晒聯絡資料佢,想有進一步交往
  不過佢自己證實 之前由於想雜開屋村既生活圈子,做個人情婦.詳情可去蘋果都搵

5. Florenece 都成日潛晒水,拍攝既時候已經好唔合作, Keep 住係佢既白馬王子堡壘入面過生活 <--佢有幾天真,唔駛講啦,仲有好多金句tim

不過Florence 大變身之後靚左好多~

==============================================================


男士方面 :

• Florence 睇唔起既大學講師 CK 原來而家好多仔搵佢做對象..正..好彩florence 無揀到佢
  
• 個條什麼Santino’s教D盛女識男仔,唔該叫佢慳D 啦,著到咁誇張, 見到佢真係想打獲佢,
  
• 孫柏文效應真係勁,TED今日竟然成為FREE APP TOP ,直至肥仔一講起係有吸引力女士經常睇既嘢，咁就個個都Download 嚟睇下先啦．．．．
  
• 呢個節目好多植入式廣告

“TVB 由 2010年《中女告白》，到 2011年《偷聽男人心》，到現在 2012年全力推出一系列《盛女愛作戰》，尤其今年，明顯在設假 議題，說來說去，就是同一班專事女性消費的推銷員，不斷挑起男女 衝突，從中設假議題，達到「以時事手法推銷商品及服務」，包括什 麼「人生教練」、「形象指導」、「妳總是有問題必須要幫襯的醫學 美容」等等等等，把女人描繪得人人有問題，很悲慘，而把所有商業 推銷，都預設為「因為男人想要女人乜乜乜，所以妳們就要乜乜乜」 ，不斷作不必要的消費，妳永遠不連標、妳要不斷改善這樣哪樣、妳 要不斷幫襯、不斷求助，大前提就用男人做磨心。
現在正重組多方證據，今時不同往日，不會再善意地苦心婆心去談論 港女問題，因為背後就是一連串的古惑推銷勾當，港女往往不自覺淪 為受害者(男士們更禍不單行)，目的是引女士們陷入消費毒癮，這 涉及「不正當行銷手法」，及有欠「公平銷售原則」，法律上，可以 視為「誤導消費者」甚至「商業詐騙」之嫌，是嚴肅的事。

大家在報章上見到一些醫學文章，如是廣告，會註明是廣告，因為有 法律制約，但 TVB 及參與制作該節目的一眾推銷員，並無註明有廣告成份，但事實確是 賣廣告和硬推銷，這是犯法的。

面對這類不法手段做假議題硬銷，必以「鐵腕」看待，絕不能留手， 維持公正消費責無旁貸。(from 陳大文)”

• 個牢宅男阿昌係假既...TVB臨時演員(有Supporting)

“大家諗諗，什麼是一個「局」。全部都是同一班推銷員製造 假市場、設假議題，就是想越多人正反辯論，過程中就會墮 入呢個假議題，令大家不自覺中伏。認真看以下圖片，謎團 已解： (from 陳大文)”

 

同一班人翻炒幾年，來來去去都係一班人做媒，一時係「被訪者」，但可能又同時係「制作人員」，身份千變萬化

 

參加者智破工作人員扮毒男

 

Bonnie 爆料跟劇本造戲

陳大文又找到其中一位參加者 Bonnie ，在其他傳媒中走漏口風爆整個節目有 Story line 被設定好

“真相大白：原來這位 Bonnie 姐姐在《盛女愛作戰》節目中表現很清醒，原來真是很清醒的，因為 她是整個節目的「演員」，有「事頭婆 – 節目監制」，「半公開招募」，並稱「安排做港女角色參與節目」， 還有個乜乜所謂「人生教練」，說話典型古惑 Sales、吹水王，強調「男人一定花心，無外遇只因無本事」， 營造女性被欺壓局面，同時妖魔化男性，巧立名目扮專家，更恐怖是 民間電台變相協助 TVB 這個荼毒節目。大家細心收聽，包你歎為觀止！( 所以Bonnie真係叻女來的，一點沒錯，全部跟「Story Line」做事，嘿嘿嘿嘿嘿…) (from 陳大文)”

 

 

 

獨家專訪：

《盛女》Bonnie 大反擊！平反網上謠言

http://unwire.hk/2012/04/14/reflect-real-image-of-shing-nui-program-by-participant-bonnie/headline/

 

• 
  
•  男女配對年齡表好有提醒盛女既功用

更多既資料,可以去人生教練 Winnie Leung 既blog 度 update 

http://vipblog.orientalsunday.hk/winnieleung/ 

<<盛女愛作戰》Suki專訪

人家原來神咁早, 晌拍攝中途就已經有男友啦! 死心啦!

《盛女愛作戰》 Suki擔心 Florence嫁唔出
2012年04月13日

【盛女大追捕】無綫節目《盛女愛作戰》邀請剩女尋找真愛，花了半年時間為五名參加者 Suki、 Florence、 Bonnie、 Mandy和
Gobby找伴侶，結果 28歲報稱文員的 Suki跑出，剩女搖身變盛女，結識了男友 Zion，感情穩定。該節目本周一才首播，最高收視直達 27點，吸引
173萬觀眾追看，相對過往該時段的 19點收視（約 122萬觀眾），增加了 51萬觀眾，無綫官網有得翻看，首集吸引逾 23萬次點擊。盛女王
Suki昨日出巡銅鑼灣，人氣爆燈，途人指點上前打氣，她照單全收。被網友和觀眾惡評的 39歲奄尖女 Florence，
Suki也擔心她嫁唔出，勸她放下執着。
盛女 Suki專訪：最驚 Florence嫁唔出

無綫節目《盛女愛作戰》唯一覓得男友的盛女王 Suki，成功覓得愛郎
Zion，有愛情滋潤自然表現風騷，她昨日一身便服到銅鑼灣鬧巿接受本報記者專訪，雖然節目剛播出，但不少途人已認出她，大讚
Suki真人靚過上鏡，甚有觀眾緣，其間還有不同年齡的女途人上前要求握手和合照，甚至舉高拇指大讚她 No.1，令 Suki甜笑不停。
S：
Suki　記：記者
記：好多人支持你。
S：冇諗過家反應咁大，節目出街好正面，我哋好需要支持，好大壓力。
記：可有看網上的討論？
S：八卦有睇啲，激進高登派就冇睇。
記：網民對你批評較少，話你係最好一個？
S：可能我未講嘢啦，都驚驚哋。
記：怕講嘢暴露缺點？
S：永遠都係講多錯多，同一句說話都有人鍾意有人唔鍾意，我聽到啲朋友話呢個女仔冇飯食呀？咁瘦咁醜樣就唔好上電視啦，咁我係瘦，冇得駁。

陳志雲與
Suki及男友 Zion、 Florence飯敍， Florence熱情搭着工作人員。

巿民紛紛支持盛女王
Suki，更力邀合照，人氣爆燈。

失戀暴瘦至 83磅

盛女
Florence嫌大學講師 CK樣子平凡，與她不合襯。電視圖片
記：因失戀而瘦？
S：一向都瘦，一般有
90幾磅，但拍攝時剛失戀，食唔到瞓唔到再瘦啲，真係恐怖，自己都覺得，得
83磅。
記：有傳五個女仔都係做媒？
S：係媒就收咗錢好耐，媒唔會做咁多，個騷係自願參加，大家付出時間俾人去指點，我哋五個女仔私下都有交流。我朋友同家人一定知我唔係媒，佢哋話你唔好咁樣衰去獻醜，做媒梗唔係啦，但係咪完全冇人追又未至於，咁啱剛失戀跌落谷底，冇晒方向，想搵啲嘢抓住，遇到呢個騷，監製話點就拍囉。
記：節目中只得你搵到男友，係大贏家，付出終有回報？
S：冇話係贏，好似其他參賽者都有得着，只不過我好運地搵到男友，從中識到好多朋友，擴闊咗圈子，純粹咁啱遇到。
記：除咗你，邊個應該都搵到男友？
S：
Bonnie同 Mandy囉， Mandy本身條件好，私下好多人追。只要佢肯放低少少，擺多少少時間喺愛情方面就 OK。
Bonnie都有叫我介紹男友，我都話有，因為我身邊有朋友話佢好夠義氣想識佢，我都會介紹，撮合佢哋。
Bonnie應係下個嫁得出，佢好開朗，我係女仔都鍾意佢。

勸 Florence放開自己
記： Florence、 Gobby搵男友或老公機會大唔大？
S：個人睇
Gobby機會大啲，雖然有個女，性格最緊要，肯唔肯放開自己，雖然
Gobby冇咁高學歷，條件差啲，但佢冇話要求多多，要有錢要靚仔要白馬王子，好簡單嘅女人仔，只要有個人錫佢，只要佢遇到就 OK。反而 Florence比
Gobby多要求，執着啲唔肯放開自己，私底下對 Gobby多啲信心。
記：大家都話
Florence好奄尖？
S：佢對自己有要求，對人又有要求，寧缺莫濫，一時三刻好難改變。
記：人生教練
Winnie教嘅嘢有冇用？
S：我接觸其他導師多啲，電視睇到佢教嘅嘢，都有佢道理，唔係個個人受用，我自己就啱聽咪聽囉。
記：節目中安排過 Speed
Dating嘅男仔質素有冇嚇親你？
S：我未參加過，有少少驚，原來巿況激烈到咁， 20歲學生妹都出嚟 Speed
Dating。當中三個男仔，有個外形比較注目（指頭髮稀疏的
Mickey），呢啲我都怕。
記：你係咪喺中銀同東亞銀行打過工？
S：（避談）私下話你知，我做過好多間，唔需要
mention邊間，唔想影響到人。

被爆曾穿櫃桶底
記：有人爆料你做中銀時偷過同事錢，
09年喺荃灣東亞返工又穿櫃桶底，有冇咁嘅事？
S：（有問必答的
Suki忽然收起開朗笑臉，眼神也變得閃縮，但仍強裝鎮定回答）冇，有都唔會喺呢行繼續做落去，好多嘢唔需要解釋。
記：怕唔怕人紅是非多，陸續被起底？
S：冇預料反應咁大，我會驚，自己去參加呢件事，對自己負責任，唔係要影響到身邊自己工作及同事，我唔係明星、名人，唔使呢啲知名度，我只想過簡單生活。
記：同男友拍拖半年，見過家長未？會唔會搶閘做龍年新娘？
S：大家見過，我畀男友
100分，希望佢都係畀我 100分，我哋未咁快結婚。
另外，一班《盛女》工作人員、編導岑應及構思節目的陳志雲、參賽者 Suki與男友，以及
Florence日前一起飯敍， Florence更熱情地搭着工作人員，非常進取。
採訪：汪芷寧、比華利
攝影：陳志嵐

街訪：「 Bonnie勢利港女」
盛女王 Suki昨日出巡銅鑼灣，不少 fans大讚她可愛但太瘦，也有觀眾彈 Bonnie勢利，
Florence也很惡頂。
http://hk.apple.nextmedia.com/template/apple/art_main.php?iss_id=2012041...

• 如果想要發表回應，請先登入 或 註冊。
  
• 瀏覽次數： 461

自由分類:

• 娛樂頭條