海洋公園哈佬喂攻略

原來去都有海洋公園哈佬喂攻略架..仲有Fast Pass 拎..

因為地果兩張夜場門票係普通版.

話就話五點先開始,其實試過四點半早d去...都可以入去開始玩
早d玩,有著數架.


要玩晒所有野..要留意下面既路線~


==========================

特快bonus證

如果你喺當晚頭 3000名入場嘅朋友，你就可以獲得1張「特快bonus證」，拎住張證嘅朋友上高峰樂園嘅「喪屍 絕地反擊戰」或「紙紮極樂園」鬼屋玩，
 就可以獲得印仔，之後「特快bonus證」就正式生效！你可以於當晚10點後，用呢張證喺山下海濱樂園嘅「清宮殘異錄」、
「腥級片場」或「亡魂棺廠」鬼屋 使用「至尊門票入口」1次！

 

鬼屋攻略

1.最緊要準時5點到達海洋公園! 入場之後立即坐「海洋列車」上山！

高峰樂園嘅四間鬼屋「喪屍絕地反擊戰」、「猛鬼尾班車」、「恐怖創作室」同「紙紮極樂園」已經提早開放等緊你嚟玩啦

 

2.晚上5:30至6:30大部份嘩鬼都會集中喺山上動感天地嘅「國慶幽靈大派對」哈囉喂專區 (只限持票人仕入場)，
記得同佢地影多啲相然後upload上海洋公園facebook 參加大抽獎!

3.玩完鬼屋之後，記得睇埋「鬼國魂祭夜」同「黑月瘋人祭」呢幾場show再落山

4.如果冇嚇親，就落返去山下海濱樂園，挑戰「清宮殘異錄」、「腥級片場」、「亡魂棺廠」同「3D惡夢潛行」，同場再加映「鬼火」紅紅的360度巨型水幕匯演「哈囉喂共和國國慶晚會」！