2011年9月20日 星期二

邊度訂造結婚男禮服好 ? (推介Gary and Joe 連原因)

屋企最迎近又有喜事,上個星期過大禮之後,而家又要準備結婚禮服.


邊度訂造結婚男禮服好? 我自己加埋屋企人推介百利Gary & Joe 

呢度D男禮同一般Package 跟果D 有咩分別? 比幅相大家比較下先


(左面)  一般Package                                                 (右面)Gary & Joe 度身訂造



好明顯度身訂造係好好多~~首先其實要睇下大家點睇男士禮服係結婚當日既角色.

係陪襯品 (陪襯新娘結婚晚裝 ) 定係屬於新郎既一個結婚Item ???



前者陪襯既, 呢篇blog 可以skip..可以慳番D錢比老婆換多套or 加多套靚D既晚裝.

屬於新郎既一個結婚Item既,就要此認真d搵下邊度好.


.以下呢套就係新娘結婚Package包既.

一般既運作其實都係去到...係相後面果排衫,揀色,揀款

羅浮宮話有D可能仲耍加500蚊先比揀D新款D .

之後再揀Size,大中細碼....睇下當日有無Book..無人book 果套衫就係新郎當日既戰衣

當然佢會同你再Fitting ....亦會盡量幫你改到岩為止.

[大家睇下有無咩問題??? 叫做fit 左架啦] 

(Package 跟既)



不過要改既話,只限制於不影響件衫既原則底下, 係大/中/細碼 既Size 入面改.


(Package 跟既)



若果大家無咩要求的話,係無大問題...不過若果認真d.
最少有四樣野可以執既 


好似褲長/博頭/大脾就可以啦改....不過package 公司(羅浮宮) 話大脾位同浪位唔改得.
燕尾太長...Sorry ..Package 又係改唔到..改會整爛件衫...最多幫你修兩針..收埋d布入去...
不過會塞到一舊舊.(咁我都明既, 唔係咁,唔通真係Cut 短佢,咁下次又係中碼 Size, 高d既新郎要求放番長咪唔得? )



由於永勝都係貪靚之人,就決定去由細佬介紹既Gary & Joe.

呢間鋪頭其實係尖沙咀東部百利商業中心.相信很多時候大家搵晚裝/化妝 都會行下百利商場,

這裡都有好幾間是訂造西裝男禮的.不過其實有一間經常都見人頭湧湧, 但次次去親實在太多人,


成日都要等成半個鐘既....又要等前面個客Fit 先..又要等果個客人度身.真係等到有時好耐


最初2008 年見Gary and joe 既時候,都係一間鋪位.

之後到細佬同D兄弟結婚...已經開左兩間鋪


去到 2011,係百利已經開夠三間

點解愈開愈多 ???? 好明顯就係多生意...多到接唔晒....要開多幾間接多D生意

至於大部分客人其實都係著過有好comment, 先介紹朋友 , 朋友or 兄弟介紹再介紹...

可想言知係呢度做衫,質數應該有d保證.

[妳可以數下百利,邊間鋪有三個鋪位就知邊D收歡迎D.

地下一間 Charming image/一樓一間Gary and joe ]




係呢度,2011年價錢大約 $1688 訂做一套男禮

(同中環果D E-wave 四千幾蚊一套,當然好難比較)

[2008 年我地就好似$1200]

不過由於識左Gary 好耐,今次自己同細佬親自去講價

所以呢個 $1688 都包左好多野.

試過有朋友去到,話係[郭氏兄弟] 介紹黎, 呢個名話比Gary 聽,佢一定知邊個,可能埋單會收順D 


Note : Gary 話我地係佢既VIP 黎架 (聲稱),實有Discount.


下面成套男禮盛惠$1200 (2008年) , 結婚當日係燕尾 / Slim Cut  +匙更'嶺'...

個燕尾長度啱啱好, 因為Package 個d 衫身太長,再加過燕尾就攪到好'溜部'. 去到最近final fitting, 個Cutting 都幾貼 , 條褲個大脾位又改左 中間既衫褸/ 袖口褸又改左做黑色Sarovski 水晶 (送既)



佢地亦都會等男士結完婚之後,拎番套衫番去,可以免費幫你改番做西裝,袖口褸當然改番d正常低調

可以著番工, 結婚
著完,番公司又著多幾次西裝....咩都回本!!


呢件就係當日國皇的婚禮既戰衣..真係Fit 晒身,啱啱好架





大家有時間可以去百利睇下,其實Gary 同埋佢D Partner 都好nice, 好smart, 有耐性 .
下次再有機會講多DD

可以睇埋國皇之家細佬同弟婦同Gary and joe 既完美配合之後,包妳話正.
我地比較保守, 可能有人大膽d, 仲可能唸到多D結婚新idea. 仲可以玩好多
==>一定要睇,包你鍾意咁design,可以自己帶埋設計圖去整架
百利Gary & Joe 禮服篇-對稱禮服


沒有留言:

張貼留言