2007年8月5日 星期日

雙方家長見面@逸東酒店



今年生日正日8月1日約左我同文迪雙方家長見面,
我同文迪再加埋大家父母六個人,有什麼好地方食飯?


最佳既地方梗係係我地結婚既地點--逸東酒店
原先安排好左可以比佢地見下準備擺酒既彌敦廳,睇下d主家席位置,
點知原來個日有人結婚擺酒,所以只是去左四樓既自助晚餐,
揀自助餐係我地鍾意佢Open,無o甘焗促,
可以講完野又可以走出去拎野食,之後拎完野食又可以再講下其他野.



逸東既自助晚餐,唔係全自助,係半自助,即是無熱盤,
無飯無面無蒸魚個D ,但係有冷盤,三文魚刺身,甜品
就仲有四五個Main Course比妳揀,
大家可是睇下d相..都好好食架.








其實個自助晚餐唔算貴,價錢係原價$248 ,折左$198..再加一
大約$220 一位, 相對起其他酒店既自助餐要成$300位,
若果六個人, 算係平左好多架 !


最緊要有個好好既環境得大家傾下計,當日可以說是無什麼悶場,
雖然頭十分鐘我爸爸有d慢熱,但係我阿媽同文迪媽媽
已經好岩傾,開始既話題係講下我d'優點' ,
由於我實在太好..d優點講左成個鐘都講唔完.


之後再由文迪爸爸開始傾佢d旅行,o甘就好'菜難'帶你遊'菜難'o甘,
講飲講食.


開頭仲以為會好唐心風暴o甘,要傾d咩禮金,幾多圍酒席.
雖然我已經準備左一間茶餐廳連裝修比文迪,
但係佢地都無講過. 其實有9成時間都係傾其他野,只有一成時間傾左d婚禮媽咪衫同埋遲d租樓住既地點等等
...傾下傾下....
o甘樣..就好順利食完雙方家長見面既自助餐



 


3 則留言:

  1. 恭喜哂呀!!! 咁大家要比心機攪好呢個盛大感人o既婚禮, 有咩要幫手, 記得第一時間通知我地核心成員啊~~!!

    回覆刪除
  2. 幾好丫 , 唔錯唔錯...   , 如果間茶餐廳無用 , 不妨考慮比左我丫...

    回覆刪除
  3. KKK 無問題啦!送間茶餐廳俾你,我女家仲會送埋裝修俾你tim呀!

    回覆刪除