2014年12月6日 星期六

推薦百靈牌BRAUN 蒸汽熨斗(可以直接熨紡織品/唔駛中間布)


唔知大家有無熨燶衫既經驗??

最近國好出名既百靈牌推出左全新家用蒸汽熨斗

(之前推介百靈牌既耳溫計 一路都用到而家)

我地有國皇之家有機會試用下全新既

TexStyle 7 (TS 785STP) 蒸汽熨斗 


咪又係熨斗...?今次有咩特別? 

Marcus : 有咩新野玩?






Marcus 你真係唔好亂咁係度攪攪陣~

熨斗好危險架 !!

原來今次有呢兩塊既專用防鏡面衣物保護底板

右面紅色個塊幼細衣物保護底板(Soft Textile Protector)

防鏡面之餘仲會可保護脆弱的衣服纖維,

即係可以直接熨紡織品/絲綢...唔駛中間攝條濕布架 ~


平時熨永勝呢係套戰衣同埋呢條西褲

我一定中間攝塊濕布,驚熨燶又或者起鏡面



用左呢個特別設計的SoftTouch氣墊

就算最精緻既布料都免受熱損傷架~


之前有D裙係絲紡..洗完超皺

不過隔住塊布又好難熨

整下整下果條裙已經無著放左係文迪衣櫃底

有時D衫熨一熨..出街都型D/靚D啦~


除此之外,佢地個熨斗面仲係特製既 !

[Marucs 當劍玩緊]



有時要熨D金屬褸/牛仔褲位

唔駛煩..直接壓落去就可以


 因為熨斗面備有堅固的SAPHIR底板

用左六層既物料製造,比一般不銹鋼底板堅固四倍!!
蒸汽 - 鐵 - 底板

即係就算有d咩硬既野都唔會整"花"個熨斗面

好似熨落D拉鍊度都唔驚整"花"



無咁易整"花"亦都代表壽命長D,,唔駛過多兩年又換丫嘛 !! (慳$)


永勝既番工恤衫/戰衣,基本上一兩下都已經可能熨得直同平復~

(因為Walt 數好大..2400W一熨就貼..十分好用)




佢仲有一個功能就係"自動關閉系統 "

它自己8分鐘在垂直位置或horizo​​ntol位置在30秒後切斷


就算真係一個唔覺意..走左去跟下功課


做家務又或者要照顧小朋友

[M&M 兩兄弟而家成日都爭寵/爭玩具]

好多時都係細佬Marcus 唔o岩.
唔分享.....又係度發脾氣

都唔怕發生意外/火燭啦~

家居安全好緊要架

其實呢次百靈牌仲搵左四哥(謝賢)做嘉賓

分享下點熨同保護佢D登台禮服


永勝:不同搵埋我地取代言人啦~我同四哥都差不多型啦~


就算用左"Textile protector" 
成套西裝加男恤衫已經好快熨好..起晒骨架
[15 分鐘內]

老公著得型。。。老婆都覺得開心啦~


百靈牌BRAUN 蒸汽熨斗現於下列零售商發售︰
豐澤電器(香港獨家連鎖電器零售商)、AEON、千色店、先施百貨、祟光百貨、
永安百貨及永安Plus

註: 以上蒸汽熨斗產品由BRAUN 提供 / 國皇之家試用只供參考





其他國皇之家既家庭電器blog..





冬天沖涼必備-浴室寶(點樣安裝同埋要留意d咩)

點揀 Web cam / IP Cam 教學 (附各牌子比較)







沒有留言:

張貼留言