國皇的婚禮: 廣州融創樂園、雪世界及運動世界、波波池民宿介紹

2023年4月15日星期六

廣州融創樂園、雪世界及運動世界、波波池民宿介紹

其實今次假期去融創，除左玩左係【融創雪世界】熱雪奇跡玩滑雪🏂

另一推介就係玩埋新開既【融創體育世界】(同一個商場) 佔地1.86萬米

RMB $200 Package入面有齊晒比唔同年齡小朋友既活力體驗，好似有功夫學堂、

冒險島

運動嘉年華，

亦都有適合大年齡/大人既瘋狂卡丁車既F1賽道，

有速度感之餘同埋超好玩架

一個地方齊晒滑雪、賽車、PlayHouse、樂園，真係有排玩~

國皇之家既大約既行程，食左D咩? 伏D咩，可以詳情去呢度比大家參考

行程

Day 1 🏂滑雪- 融創雪世界「熱雪奇跡」

(第一次去包教練既Package 係下午先可以開始)

俾滑雪新手及未去過既父母十一點建議：
最重要既衣着
1）自備滑雪手套，滑雪場出面都可以買，大概（30-50人民幣），普通冬天用手套唔建議，真係好凍架
2）自備厚襪，冇咁易濕
3）不用帶額外冬天衫，著返啱天氣就可以，滑雪衫保暖可以。但建議帶滑雪保套圍巾or 冷帽，可以遮住耳仔就可以。
交通
4）由香港出發：可真接坐中港直通巴士去廣州花都，記得提前7日可以買定。如果好似我地買唔到就要係羅湖過關再坐「和諧號」上廣州，再轉的士去花都，我地親身試過，如果坐中港直通巴士要3個鐘，我地係羅湖過關，再轉火車到廣州東火車站，再轉的士，其實係差唔多時間。
5）公共交通：地鐵3號線（北延段）坐到機場北站，轉線廣州東環城際坐2站在花城街站D口下車，再行10分鐘。
入埸程序
6）雪世界喺融創茂一樓，景區門口取票，記得預留最少30分鐘換衫。預約教練可以提早用特別通道快啲入場。入閘口到櫃檯領取手環、滑雪服、同鞋，記得同工作人員講係ski定snowboard ，因為對鞋係有分別嘅。攞到手環之後會有寫住你個儲物櫃嘅No，不限次數開啟，最想提提大家，記得條褲要包住隻鞋，以防入水。換好晒衫着好晒鞋就可以用個手環攞頭盔，攞完之後就可以排隊入場。
滑雪注意及入埸門票
7）新手國皇之家建議玩ski，容易控制。我哋揀，因為上次係日本玩開snowboard ，而且型d ，小朋友易啲處理裝備
8）入場後左手邊係小熊滑道，ski同snowboard 都可以玩，超新手可以喺小熊滑道練習，高度可以揀「老虎」道，即係好似日本黑色嗰啲高階賽道。我地門票係klook買咗套要係有包埋1小時教練教授，建議大家可以係klook買定準備QR code ，唔係又要排多一條買飛隊
出場滑雪啦
9）滑雪場滑雪嘅時候，要記得睇時間，可以帶埋護手踭嘅裝備，總之咩都冇都可以喺度租。（商場有齊晒所有裝備俾你買）
10）出場嘅時候還衫同埋鞋，照返上面咁樣反蔣做就得喇！換衫嘅時候記得將locker入邊所有嘢清咗佢，因為換完衫要還返個手環，出埸再拍卡計時間