離開咗熊貓村之後我哋就繼續和歌山白濱玩四日三夜親子之旅
黎左呢個日本關西最漂亮的沙灘白良浜 !!
呢度超雪白既沙同碧綠色既海水，水清沙幼清澈見底 !!
加埋溫泉及同小朋友玩煙花🎆，當日果種「幸福」的感覺直到而家都仲係好記得。
小朋友已經好想玩再嚟多次！
[爸爸都想再黎多幾次]😻
原因可以睇下下面既相片
由於一早係熊貓酒店Check out 左又未夠鐘Check in，
先同大家介紹一下和歌山白濱三大必到景點:
(千疊敷,白濱崎之湯 三段壁)既三段壁
三段壁資料
住所 : 〒649-2211 和歌山県西牟婁郡白浜町２９２７−５２
TEL : 0739-42-4495
時間 : 08:00-17:00, 年中無休, 最終入場PM4：50
三段壁洞窟入場費 : 大人1,300円, 小童650円
免費停車場 : http://sandanbeki.com/access
三段壁洞窟資料
二百米長乘三四層高既洞穴，有許多水軍小屋/水軍小村落
之前個呢個位置就是戰時熊野水軍嘅匿藏之處，
當選被譽為濃霧之中出現「幽靈鬼船」🐲！
亦都可睇十像岩 (JuzoRocks)
不過都要小朋友好有想像力先得
若果大家仲有時間建議大家可以去埋浸埋下面溫泉
<白濱崎之湯>
呢篇blog 會分三個大部份
第一部份好快講下推介呢兩間溫泉酒店六個原因;
第二部份講下實地拍攝洒店設施房間/房間介紹/慳錢溫馨提示;
第三部份就係買煙花嘅地點同埋放煙花嘅情況
【和歌山白濱溫泉旅館推介】
1.三樂莊酒店
三樂莊酒店位於白濱沙灘附近，白良濱的絶美海景一覽無遺！樓高九層的酒店於頂層設有 10 間附有露天溫泉風呂的房間「ましらの」，分別有復古、現代、亞洲三種房間設計風格。
三樂莊酒店(ホテル三楽荘) [Sanrakuso Ryokan Wakayama]
入住時間: 15:00～18:00
地址: 和歌山縣西牟婁郡白濱町3008
白良莊大飯店(白良荘グランドホテル)
我地睇左好多間白濱溫泉旅館，
只有呢兩間有一條專用通道落沙灘嘅，
最後係二選一入面都係揀左三樂莊酒店!
雖然白良莊酒店新D，無三樂莊酒店咁舊，
最終選不揀白良莊或其他溫泉旅館的
最大原因係因為呢度嘅酒店方便程度+夢幻海景房間+溫泉 !!🌟
<推介原因>
1. 🌟交通便利
三樂莊酒店或白良莊酒店正門就有明光巴士站
三樂莊酒店或白良莊酒店正門就有明光巴士站
交通方面圖中所圈嘅就係明光巴士站!!
直頭有個站(S16) 喺酒店門口呢個位落
[圖片來源]
一上斜坡步行就到咗酒店check-in !!
2. 🌟酒店外行1分鐘就到世界級沙灘 :白良浜
呢度係酒店望出去既無敵海景
🌟3.酒店Package 45000Yen
比起其他最出名既溫泉旅館推介算平架啦~
果D要成7-10萬Yen 一晚 !
可以遊水之後仲可以浸溫泉(一泊二食)
(酒店內溫泉照片)
🌟4. 酒店房間入面已經睇到夢幻海景
獨家航拍照片
其實一路都好想係日本靜靜地玩返一日
生日正日爸爸揀咗喺呢個沙灘
(同其他日本比堅尼少女👀)慢慢地渡過....🤩
古語有云「讀萬卷書不如行萬里路」
爸爸話睇現場梗係好過睇電視📺啦
（指旅遊節目）
就當係爸爸生日福利吧 !!
🌟5. 最大最重要嘅推介當然唔係上面既原因
其實呢度日間可以游水外，晚上還可以同小朋友一齊放煙花，體驗個人花火會 !!🎉🎆
※活動根據情況會有變化，請事前確認。
其實呢度日間可以游水外，晚上還可以同小朋友一齊放煙花，體驗個人花火會 !!🎉🎆
係日本唔係好多地方可以有齊呢個配套，
而且大家就啱時間亦都有「煙火大會」、「沙灘節」同埋其他燈飾節等等。
而且大家就啱時間亦都有「煙火大會」、「沙灘節」同埋其他燈飾節等等。
白濱溫泉 年內活動
| 3月下旬～4月上旬 | 平草原公園櫻花節 |
| 4月1日 | 阪田祭祀遺跡儀式 |
| 5月3日 | 海水浴場開放 |
| 5月下旬 | 沙雕節大會 |
| 6月1日 | 獻湯節 |
| 7月下旬～8月末 | 南紀白濱留言焰火 |
| 7・8・10月中的星期六 | 蠟燭燈飾 |
| 7月30日 | 白濱焰火節 |
| 8月1日 | 白濱舞蹈 |
| 8月10日 | 白濱焰火大會 |
| 8月25日～29日 | 白良濱篝火祭 |
| 8月26日～30日 | 熊野水師寶藏探寶 |
| 10月16日・17日 | 熊野三所神社例行大祭 |
| 11月1日・2日 | 御書節 |
| 12月1日～次年1月31日 | 白良濱燈飾比賽“白砂散步道” |
| 12月31日 | 倒計時焰火 |
※活動根據情況會有變化，請事前確認。
6.🌟 酒店設備/配套好齊全
🌟酒店附近就有廿四小時便利永店，有少量食肆，真係肚餓係上黎方便補給，
有D係住客先有既福利 如暖水沖身設備！👍
我地有小朋友既會其中一樣比較關心既係沙灘玩到成身沙點離開白濱呢 ?
一是在係沙灘排隊沖身/ 一係返酒店!
不過夏天既白良浜只係排隊沖身都超多人，
而且只有凍水提供 !!
三樂莊酒店就係沙灘上水位提供比住客既暖水沖身設備
冲身設備位置如下
最緊要唔使同人排隊迫加乾淨，超方便出入沙灘 !!
🔥獨家溫馨提示/慳錢小Tips🔥
去到白良濱沙灘，大家要玩得開心，當然要有堆沙玩具，浮床水泡等等。去到沙灘位置先租，租借水泡大約一個1000-3000円租一日。浮床好似2000円。
太陽遮3000円，其實獨市，任佢定價😎
由於好多酒店旅客都有自己游水裝備，包括水泡/浮床，玩沙玩具！好多玩完都就咁放底/check out左。日積月累，洒店都儲埋儲好多全新及用左一次既水泡浮床（在下圖）
三樂莊職員叔叔見我地兩位小朋友都冇帶水泡，佢指左我地去後面呢個位「借用」游水用品連堆沙玩具，咁就呢度慳返最少5000 円！
不過借用完放返原位留返比下一手住客用就可以👍
（以下游水用具任君選擇）
咁就節省左好多錢，夠食返餐好啦😏
白濱溫泉旅館推介
房間實地相片
我哋今次嘅房間類型有埋廁所同埋小露台嘅
（當然價格貴少少）
費用大約45,000円！
佢有另一隻平啲房間嘅係側翼，
最麻煩冇沖涼房，要沖就要去主館溫泉嗰邊
不過無廁所又唔使擔心
不過生日之旅就要揀好啲嘅房間同埋靚D既海灘景色啦~
亦都有埋小露台，要方便大家睇日落+曬衫+曬太陽
亦有呢個浴缸呢就可以比小朋友沖涼/沖沙
=============最後呢篇Blog 第三部分===========
最緊要最緊要係提大家要準備定
同小朋友玩煙花既花火活動啦
開頭做Research寫下話沙灘嘅小賣部係有得買煙花 !!!
沙灘小賣店好似收六點！但係經過我哋實地考察，
三四間沙灘小賣部係冇嘅😆
(或者早幾日已經比人買晒)
居然行左成個沙灘都無 !!
由於好想玩，而且亦都好期待，最後終於比我地搵左成10分鐘搵到。
為咗大家唔好嘥時間，
溫馨提示大家一定要去下面地圖嘅便利店！
驚大家搵唔到搵埋google map地圖連相片話買俾大家㗎啦
大家記得去呢個位啦
千奇唔好錯過呀~
有圖有真相
去到呢間便利店就有幾種不同嘅大煙花買。
大家可以自由決定買平買貴，
買我哋揀咗右邊大合嗰啲
有多啲特色嘅煙花🎆🧨
雖然今晚酒店會提供埋打火槍
但係都要睇大家記得買埋打火機 !!
呢個就係我哋航拍拍到嘅景象
真係飛300米一舊垃圾都見唔到
呢個喺香港/台灣真係見唔到
相信大家都明白男士點解鍾意喺沙灘游水
就係水清沙幼囉
呢幅相冇執過真係啲相靚到變藍色㗎
玩完三四個鐘我哋就返酒店準備今晚嘅大餐
喺房間欣賞夕陽
無敵大海景加美麗夕陽再加浸溫泉湯/個人花火會，
簡直是人生一大享受！
一泊二食
總之大家一定食唔晒
俾大家睇吓少少實際相片
由於呢間係傳統溫泉酒店，
呢一餐係好味過昨晚喺Panda Village嗰海鮮自助餐。
經典日式晚餐感覺好食啲
與小朋友放煙花（個人花火大會）
食完飯大家大家休息過後就可以出發去放煙花啦，
我哋其實到而家都仲記得個感覺好溫馨，好似啲日劇咁 !!
酒店已經提供埋嗰個裝煙花嗰個煙花筒，
喺酒店counter用基本英文/甚至動作就可以啦，
佢會提供埋打火槍(不過打火槍)係神神地嘅
就係呢個煙花筒啦
可以出發玩啦！
日落美景加海浪聲，
再加後邊有溫泉前邊有煙花同小朋友一齊玩，
呢個日本親子旅遊安排冇得輸啦!!!
喺度睇兩兄弟玩佢哋玩得都好開心，
而且都好多日本本地家庭玩 !!
當然大家亦可以專登去搵邊度可以買煙花，
好似話日本上網可以訂到，亦都可以直接送去酒店 !
我哋永遠唔會忘記喺呢度同啲小朋友放煙花嗰種開心幸福嘅情況👨👩👦👦，
大家有機會一定都去試吓💥
大家有機會一定都去試吓💥
我哋仲喺度搞埋生日Party添
Happy Birthday to 爸爸！！
爸爸嘅生日之旅圓滿結束啦
Check-in/ Check out 嘅時候大家記得買<冒險世界> Adventure World嘅門票
因為係會平好似一張500円
想知道和歌山冒險世界嘅攻略留意我哋下一篇blog 啦。
想同海豚企鵝活動玩同合照，就要諗住我哋下一篇blog 啦😊
<其他關西旅遊blog>
【免費遊樂場】日本和歌山親子景點 -巨型海盜船遊戲組+ 四樓高滾輪滑梯 新庄綜合公園(Wakayama Shinjo Comprehensive Park)
*******************************************
沒有留言:
張貼留言