國皇之家祝大家喜氣洋洋,身體健康 (新年去左邊?)

今年新年因為M & M婆婆同公公返咗鄉下，

所以每年年初二返公公婆婆到既節目都無，只有年初一同M & M嫲嫲，叔叔嬸嬸，姑姑飲茶。

年初一就梗係要著鮮色d既衫，臨過年之前係izzue見到減價，

入面件粉紅色的衛衣只係$99，真係好抵，我特登買大小小出年都可以著，

呢件初本來有女裝，不過買俾M & M個時件女裝要$199

我又唔係特別like 粉紅色所以無買到俾自己，過多2日係第二間izzue竟然見到減到$139，

梗係唔理即刻買啦！不過就已經見唔到有童裝。



而爸爸個件其實係上年係Uniqlo到買，上年只係年初一著過一次就無再著過，

我諗呢件衫每年著一次應該可以著足十年呀！

大年初一，一食完早餐返屋企去到平台就見到財神，梗係要同財神影返張相啦！

哥哥學校年廿九個日學校華服日，因為今年無特別買華服俾M & M，

所以搵返前2年買既華服出黎試下，細佬仔Marcus個件就已經唔啱，

哥哥個件哥哥竟然仲啱著，而細佬仔Marcus就可以著埋哥哥個件華服，

不過就大小小，好彩M & M唔係同一日華服日，如果唔係就要買過，

因為今年已經準備好著咩衫，所以都係留返出年先買過啦！

細佬仔Marcus係都要著金色，唔肯著藍色個面，著完仲要去照鏡，人仔細細真係好貪靚架！

戀子狂又上身，細佬仔你真你好可愛架！

到哥哥著華服日返學，其實哥哥著真係有小小細咗，但無辦法，

因為都係著一曰，媽咪今年想慳返件華服錢呀！

哥哥就死都要著藍色個面。

相信大家都睇左Mancent 呢段賀年片

聽下Mancent 同Marcus 新年祝大家D咩??

重點係Marcus 既"喔噢"....

<<我向大家恭祝一句 恭喜發大財

我要為你恭祝一句 事業永向前

你看大眾多歡暢　爆笑樂綿綿....>>

爸爸今年新年後放咗3日假，M & M又未返學，所以就可帶M & M去會所寫揮春，

本來年初四去寫，但係著咗去街衫，我唔想整到dirty,

梗係叫爸爸第二日著件瞓覺衫先落去會所寫揮春啦！

一如所料，兩兄弟都書法家上身，大家睇下件衫幾dirty

不過爸爸話由佢地啦，最緊要佢2個寫得好開心呀！

年初四約咗永勝同事去灣仔某酒店食tea buffet因為早，

所以帶M & M去坐船，M & M勁興奮，細佬仔好似係懂事以黎第一次坐船，


之前坐個時細佬仔Marcus都唔係好知發生咩事，今次坐鐘於知道喇！

細佬俾船外面既境物吸引住，叫極影相都無理我地。

哥哥因為假期工課要做新年期間坐過既交通工具，所以肯企定定俾我地影相。

捉細佬仔Marcus影張相先

[Tea Buffet D 相再寫啦]

食完tea buffet,我地就出發去姑婆婆屋企拜年喇！

不過Marcus 你會唔會hea 左少少????

M & M係咁爭住要同Merry表妺影相，又爭住抱Merry表妹

一抱到Merry就開心晒

我又發女寒...我都抱下先

2個又爭喇！

細佬仔Marcus仲要面貼面

哥哥都好鍾意同BB 玩架~

最後梗係要影返張大合照啦！





其他Home Gathering blog

成長月誌- 新偶像剪頭髮過年 (Marcus 兩歲半/Mancent 五歲 )



Mancent and Marcus 換季編 - 親子裝



聖誕+2015 新年Party


(2014)國皇之家祝大家新春快樂/心想事成/身體健康

(2013) 國皇之家祝大家新年快樂身體健康




Mancent 幼稚園同學Party +聚會+爬行比賽

Marcus 兩歲熊貓生日會

細佬仔Marcus4日3夜法國之旅 Part 3 -出院+埋單

大家快d黎Like 啦