(童年回憶) 人整我又整之自制雪糕蛋糕卷製作篇(材料加做法)

唔知大家仲記唔記得,大家細細個既時間有食過"雪糕蛋糕卷"??

我就好記得啦~

 呢期興懷舊~

連迪士尼今期既主題都係懷舊兒時遊戲 !

詳情: 迪士尼暑假玩呢D (懷舊兒時遊戲加玩法)

尋日放咗張自製雪糕蛋糕既相，

大家都好多人LIKE 仲有朋友問我點整

 

 好啦!等我今日再做多次整個<<自制雪糕蛋糕卷製作篇>>俾大家，

大家都可以試下。 

未食過既大人同小朋友都可以試下 !! 

由於呢個 雪糕蛋糕卷做法超級簡單,可以好快咁做好整比小朋友食..

係夏天可以整定放係雪櫃

比小朋友當茶點又得

當宵夜又架!!

材料：嘉頓瑞士迷你卷一至二條，

其實咩味都ok既，你地接受到就得，

不過俾個意見，花生味好似有d怪怪

牛奶公司雪糕杯一至兩杯，一條蛋糕就可以包一杯雪糕

[以上所有野都可以買家係屋企,仲要係Supermarket 就有]

註:我試過其他雪糕牌子...都係牛奶公司先似當時兒時既味道

我今次整左朱古力同芒果味~

芒果味係好食D

Fresh D ~

用具
刀一把

     匙羹一隻

    保鮮紙

        較剪一把

   做法其實好簡單

1 - 舖一張保鮮紙係枱面

2 - 開條瑞士卷放上保鮮紙

3 - 打開條瑞士卷

4 - 打開雪糕杯

Marcus: 媽咪,食得未呀??

5 - 用刀整個雪糕出黎

[呢個先係重點]

6 - 將雪糕放上蛋糕面

7 - 因為條蛋卷係包唔晒一杯雪糕，所以要切一d放係最開

8 - 最後將蛋卷包返起

10 - 用返張保鮮紙包住，雪落雪櫃一至兩個鐘

等d雪糕咗就可以食喇！

個賣相拍得住出面架~

連Mancent哥哥都話好味呀！

 

註:其實文迪媽媽煮野食都ok架...

不過其實識得用d工具幫妳手就快好多

不過當然唔似得其他飲食blogger(何帥奶/大少奶/笨b媽媽)佢地咁犀利啦

佢地會由用麵粉整蛋糕卷做起,

我就買番黎.

不過大家最尾既目的都係為搏屋企既小朋友(大少同二少)

食得開心又健康 !!

其他之前既飲食blog

無油煎炸鍋煮食物比小朋友(無油方便健康又易洗)

風婦之零食自家制 (風乾機)..

健康甜品製造機 (健康加易整)

德國寶養生機

想知道我地失驚無神整d咩?快d黎Like 啦~