我既懷孕又過左一個星期喇!今個星期唔知點解又嘔返喎
,呢幾朝起身都要嘔一次黃胆水,都幾辛苦架!但係幾辛苦都值得既,因為可以生多個小朋友同Mancent玩都幾好呀!有時蒂Mancent去會所Playroom玩見到佢追住d小朋友玩,見到佢真係好開心架!有時Mancent見到d細個BB佢又會好溫柔咁去呵D BB,我睇到都真係好開心架!我而家已經開始話俾Mancent知佢要做哥哥喇!要錫妹妹細佬,有時叫佢錫下呵可拍下我個肚,佢有時都會架!我諗Mancent都係一個好哥哥黎架!有時我問Mancent要唔要妹妹細佬,佢每次都答我要妹妹唔要細佬,雖然Mama都好想有個妹妹,但係今次既懷孕我諗係細佬多喇!因為同有Mancent個時係一樣架!都係嘔,生粒粒.雖然係咁我都係會好錫細佬架!不過下個星期就去私家產檢,希望到時可以知道係妹妹定細佬啦!咁媽媽就可以出動去買衫衫仔喇!因為Mancent係冬天出世今次細B係夏天出世,所以D衫仔要買過,真係大出血呀!細B,Papa,Mama同哥哥都會好愛錫你架!我地一家都好冀待你既出世,4月我地一家4口就會第一次一齊去台灣,你到時要聽聽話話唔好要Mama辛苦呀!我地要同哥哥玩得開心d.
沒有留言:
張貼留言