我們的結婚禮物-情侶勞力士錶 Submariner

結婚之後,第一件送給自己的禮物就是Rolex的黑圈Submariner Date腕錶.

之前一隻係精工錶, 都係帶左5年有多了, 好多結左婚既男人話, 一定要有隻見得人既錶, 就好似女人擁有一隻鑽石戒指一樣.

呢一個理由某程度上係可以成立, 但係實際上都係佢自己因為結完婚,有錢就身痕, 想買隻Rolex 帶下. 還記得老豆每逢出外飲宴(20年前),身上一定帶有三件物品:
1) 勞力士金手錶(雷射面)
2) Dupont(雕Point)打火機(丁丁聲個隻) ,同埋
3) 一枝Dupont金筆,

這些應該便是老一輩俗稱的‘碼頭’吧.

年少時候青春期成日都話要買名牌:Timberland, Dr.Martin, Bold, MDuck, 仲記得N年之前 < YES > 雜誌  [青春期必讀參考書] , 成日走去打量人家全身既價錢係幾多幾多.不過老豆好細過都已經講過一句說話

<左手伸一伸,貴過你全身>

有隻撈,仲駛咩打量人家呢? 決定要買隻Rolex 新錶做我既'碼頭’之後, 搵左舅父,舅母, 文迪朋友May ,  5-6 年無搵既錶行朋友,老豆既舊朋友........因為歐羅升值,D 錶加晒價, 明明上年都有85折, 搵左好耐都係9折 . 最後伴娘Mandy Ma 識人係尖沙咀拎到87 折, 我同老豆當晚仲要搭的士一齊出去買呢隻錶:

 

Submariner -Date (右面個隻)

另外,加插一樣事,由於我帶得實在太好睇, 經伴娘/細佬同我同文迪商量過,買錶點都好過買LV 袋保值D既理論後. 老婆文迪亦都係我買錶之後一日,用自己既Bonus 錢買多左隻勞力士

Submariner [正常]  (右面個隻)  文迪帶得都好好睇架....

<--左永勝 : 右文迪

所以結婚之後一個月唔到,就有兩隻Rolex Submariner 同一時間係屋企, 呢一隻亦係我同老婆既第一對既情侶錶.

特別鳴謝:老豆

因為有一日佢行左成個下晝幫我搵隻錶,仲問番之前佢買佢d碼頭既地方有無得比多d 折.

黎緊之後就要比心機儲錢準備另外一個大Project ,建設我地既皇宮--國皇之家.